Santiago 3
3
Yáá‑ó
1Ránoꞌó ñaniꞌ ni̱ꞌ jín ku̱ꞌva ni̱ꞌ, koto kénta koo kue̱ꞌe̱ꞌ rán kúvi mestrúꞌ xínéꞌénꞌ Tu̱ꞌun Ndiosíꞌ. Chi jíníꞌ‑ó ya̱ xe̱e̱nꞌ ka̱ꞌ nakuniꞌi si̱kɨ̱ꞌ ráníꞌ saꞌá Ndiosíꞌ jie̱ꞌe̱ꞌ na̱sa xínéꞌénꞌ ránꞌ tu̱ꞌun re̱ꞌ. 2Chi kue̱ꞌe̱ꞌ nu̱u̱nꞌ jiáꞌa víꞌí sáꞌá nta̱ká‑ó. Jee retú néni ɨɨn ñɨvɨ ntu jiáꞌa sáꞌá jín tu̱ꞌun ya̱ káchíꞌ‑i, saájee suvi‑i kúvi ɨɨn ñɨvɨ jíjia iniꞌ sáꞌá na̱a̱ꞌ‑a, ya̱ kúvi nákeꞌen‑e maáa. 3Saájee retú chuꞌun‑ó yoꞌo yuꞌú rá kitɨ sáva kaníjiá rátíꞌ jee suꞌva chúꞌun‑ó ichi nɨꞌɨ ñunéꞌyúꞌ rátíꞌ. 4Jee suni kune̱ꞌyá rán ranika̱ꞌ rá barkúꞌ. Súnika̱ꞌ káꞌnú ráa jee rá ta̱chi̱ꞌ víjin xéénꞌ chínaꞌá‑a ráa, soo jín ɨɨn timón #3:4 Timón ví ɨɨn remóꞌ lúlí ya̱ nééꞌ ya̱ta̱ꞌ barkúꞌ, jee súkuíkó tíyu te̱e barkúꞌ. lúlí te̱e síkáka barkúꞌ chúꞌun ichi barkúꞌ kua̱ꞌa̱nꞌ nɨ́ɨ́n kuitɨꞌ nu̱u̱nꞌ kuíni re̱ꞌ. 5Jee suni sukuán máá lúlí ví yáá nu̱u̱nꞌ yɨkɨkúñu‑ó, soo káꞌánꞌ téyɨ́ɨ́‑ó jín yáá jie̱ꞌe̱ꞌ tiñu ñáꞌnú. Kune̱ꞌyá, ¡na̱ ka̱ꞌ máá lúlí ka̱ꞌ ví ɨɨn ñuꞌunꞌ ya̱ teñuꞌunꞌ‑u ɨɨn yuku máá káꞌnú! 6Jee ɨɨn ñuꞌunꞌ ví yáá‑ó. Jee yɨ́ꞌɨ́ chitú‑u jín ya̱ niváꞌa kuéntáꞌ yɨ́ꞌɨ́ chitú ɨɨn ñɨ̱vɨ́ jín ya̱ niváꞌa. Jee íyó‑o nu̱u̱nꞌ yɨkɨkúñu‑ó ya̱ stívɨ́‑ɨ nu̱u̱nꞌ nɨꞌɨ yɨkɨkúñu‑ó. Jee téñuꞌunꞌ yáá‑ó maáó nɨꞌɨ ichi jiáꞌnu‑ó, chi ñuꞌunꞌ xéénꞌ tée yáá‑ó. 7Jee nna̱kaꞌnu ñɨvɨ iniꞌ nta̱ká nu̱u̱nꞌ rá kitɨ yúkú, jín saaꞌ jín rá kitɨ xtákaa maáa, jín rá kitɨ íyó nu̱u̱nꞌ nteñúꞌún. Jee ya̱ nna̱kaꞌnu ñɨvɨ iniꞌ rátíꞌ. 8Soo ni ɨɨn ñɨvɨ ntu kúvi ka̱ꞌnu̱ꞌ ráa yáá ráa. Chi kúvi ɨɨn ya̱ niváꞌa ya̱ ntu kúvi kuneí ñɨvɨ jín‑i. Jee yɨ́ꞌɨ́ chitú ñuxéénꞌ yáá‑ó ya̱ sáꞌá ya̱ jiáꞌníꞌ.
9Jee jín yáá‑ó nákuetúꞌún‑ó I̱toꞌoꞌ‑ó ya̱ kúvi Tátáꞌ‑ó Ndiosíꞌ. Jee jín yáá‑ó chísónínu kini‑ó ñɨvɨ, ya̱ nsa̱ꞌá Ndiosíꞌ ráa sáva náku ánímaꞌ ráa sáá íyó re̱ꞌ. 10Jee ɨɨn ni yuꞌú maáó kéne ya̱ nákuetúꞌún‑ó jín ya̱ chísónínu kini‑ó. Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ntu̱ví íyó koo suꞌva. 11¿Á kene nute ninuꞌun jín suni nute u̱va̱ꞌ ɨɨn ni yaviꞌ nu̱u̱nꞌ káku nute, résa? 12Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.
Tu̱ꞌun níchí ya̱ va̱ji nu̱u̱nꞌ Ndiosíꞌ
13¿Né ɨɨn ñɨvɨ vá níchí nteñu rán, jín ya̱ jiáku̱ꞌun víꞌí iniꞌ‑i? Íyó stúvi ñɨvɨ vá maa jie̱ꞌe̱ꞌ ya̱ jíka va̱ꞌa‑a jín rá tiñu váꞌa sáꞌá‑a ya̱ va̱ji ne̱ nu̱u̱nꞌ másúꞌ iniꞌ‑i jie̱ꞌe̱ꞌ ya̱ níchí‑i nu̱u̱nꞌ Ndiosíꞌ. 14Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva. 15Chi nsáꞌ níchí va̱ji ne̱ nu̱u̱nꞌ Ndiosíꞌ ví yaꞌá. Va̱ji ya̱ níchí yaꞌá ne̱ nu̱u̱nꞌ ñɨ̱vɨ́ yaꞌá, jín ne̱ nu̱u̱nꞌ antúníꞌ ñɨvɨ ya̱ ntu kúneí Ta̱chi̱ꞌ Ííꞌ Ndiosíꞌ jín ráa, jín ne̱ nu̱u̱nꞌ kui̱ꞌna̱ꞌ. 16Chi nu̱u̱nꞌ íyó ya̱ ñúkuíñɨ́ iniꞌ ñɨvɨ jín ya̱ uꞌvi iniꞌ ráa jee suni sákánuun ráa xi̱ni̱ꞌ ɨɨn inka ráa jee nta̱ká nu̱u̱nꞌ ya̱ niváꞌa sáꞌá ráa. 17Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱:
xíꞌna ka̱ꞌ jiáꞌnu ninuꞌun ñɨvɨ,
jee kuíre nééꞌ ñunkúún ráa,
jee másúꞌ iniꞌ ráa,
jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ,
jee kúkánáa ráa ya̱ náꞌví iniꞌ ráa,
jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun,
jee saɨn íyó iniꞌ ráa,
jee nsú sansuꞌva íyó ráa.
18Jee rá ñɨvɨ núkú ya̱ nakama̱ni̱ꞌ ráa rá ñanitáꞌán‑ó, jee nikɨn táji ráa ví ya̱ nánukú ráa ya̱ kuneeꞌ ñunkúún rá ñanitáꞌán‑ó, jee tataꞌ sáꞌá ráa ví ya̱ kueꞌnu na̱a̱ꞌ ráa.
Currently Selected:
Santiago 3: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Santiago 3
3
Yáá‑ó
1Ránoꞌó ñaniꞌ ni̱ꞌ jín ku̱ꞌva ni̱ꞌ, koto kénta koo kue̱ꞌe̱ꞌ rán kúvi mestrúꞌ xínéꞌénꞌ Tu̱ꞌun Ndiosíꞌ. Chi jíníꞌ‑ó ya̱ xe̱e̱nꞌ ka̱ꞌ nakuniꞌi si̱kɨ̱ꞌ ráníꞌ saꞌá Ndiosíꞌ jie̱ꞌe̱ꞌ na̱sa xínéꞌénꞌ ránꞌ tu̱ꞌun re̱ꞌ. 2Chi kue̱ꞌe̱ꞌ nu̱u̱nꞌ jiáꞌa víꞌí sáꞌá nta̱ká‑ó. Jee retú néni ɨɨn ñɨvɨ ntu jiáꞌa sáꞌá jín tu̱ꞌun ya̱ káchíꞌ‑i, saájee suvi‑i kúvi ɨɨn ñɨvɨ jíjia iniꞌ sáꞌá na̱a̱ꞌ‑a, ya̱ kúvi nákeꞌen‑e maáa. 3Saájee retú chuꞌun‑ó yoꞌo yuꞌú rá kitɨ sáva kaníjiá rátíꞌ jee suꞌva chúꞌun‑ó ichi nɨꞌɨ ñunéꞌyúꞌ rátíꞌ. 4Jee suni kune̱ꞌyá rán ranika̱ꞌ rá barkúꞌ. Súnika̱ꞌ káꞌnú ráa jee rá ta̱chi̱ꞌ víjin xéénꞌ chínaꞌá‑a ráa, soo jín ɨɨn timón #3:4 Timón ví ɨɨn remóꞌ lúlí ya̱ nééꞌ ya̱ta̱ꞌ barkúꞌ, jee súkuíkó tíyu te̱e barkúꞌ. lúlí te̱e síkáka barkúꞌ chúꞌun ichi barkúꞌ kua̱ꞌa̱nꞌ nɨ́ɨ́n kuitɨꞌ nu̱u̱nꞌ kuíni re̱ꞌ. 5Jee suni sukuán máá lúlí ví yáá nu̱u̱nꞌ yɨkɨkúñu‑ó, soo káꞌánꞌ téyɨ́ɨ́‑ó jín yáá jie̱ꞌe̱ꞌ tiñu ñáꞌnú. Kune̱ꞌyá, ¡na̱ ka̱ꞌ máá lúlí ka̱ꞌ ví ɨɨn ñuꞌunꞌ ya̱ teñuꞌunꞌ‑u ɨɨn yuku máá káꞌnú! 6Jee ɨɨn ñuꞌunꞌ ví yáá‑ó. Jee yɨ́ꞌɨ́ chitú‑u jín ya̱ niváꞌa kuéntáꞌ yɨ́ꞌɨ́ chitú ɨɨn ñɨ̱vɨ́ jín ya̱ niváꞌa. Jee íyó‑o nu̱u̱nꞌ yɨkɨkúñu‑ó ya̱ stívɨ́‑ɨ nu̱u̱nꞌ nɨꞌɨ yɨkɨkúñu‑ó. Jee téñuꞌunꞌ yáá‑ó maáó nɨꞌɨ ichi jiáꞌnu‑ó, chi ñuꞌunꞌ xéénꞌ tée yáá‑ó. 7Jee nna̱kaꞌnu ñɨvɨ iniꞌ nta̱ká nu̱u̱nꞌ rá kitɨ yúkú, jín saaꞌ jín rá kitɨ xtákaa maáa, jín rá kitɨ íyó nu̱u̱nꞌ nteñúꞌún. Jee ya̱ nna̱kaꞌnu ñɨvɨ iniꞌ rátíꞌ. 8Soo ni ɨɨn ñɨvɨ ntu kúvi ka̱ꞌnu̱ꞌ ráa yáá ráa. Chi kúvi ɨɨn ya̱ niváꞌa ya̱ ntu kúvi kuneí ñɨvɨ jín‑i. Jee yɨ́ꞌɨ́ chitú ñuxéénꞌ yáá‑ó ya̱ sáꞌá ya̱ jiáꞌníꞌ.
9Jee jín yáá‑ó nákuetúꞌún‑ó I̱toꞌoꞌ‑ó ya̱ kúvi Tátáꞌ‑ó Ndiosíꞌ. Jee jín yáá‑ó chísónínu kini‑ó ñɨvɨ, ya̱ nsa̱ꞌá Ndiosíꞌ ráa sáva náku ánímaꞌ ráa sáá íyó re̱ꞌ. 10Jee ɨɨn ni yuꞌú maáó kéne ya̱ nákuetúꞌún‑ó jín ya̱ chísónínu kini‑ó. Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ntu̱ví íyó koo suꞌva. 11¿Á kene nute ninuꞌun jín suni nute u̱va̱ꞌ ɨɨn ni yaviꞌ nu̱u̱nꞌ káku nute, résa? 12Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.
Tu̱ꞌun níchí ya̱ va̱ji nu̱u̱nꞌ Ndiosíꞌ
13¿Né ɨɨn ñɨvɨ vá níchí nteñu rán, jín ya̱ jiáku̱ꞌun víꞌí iniꞌ‑i? Íyó stúvi ñɨvɨ vá maa jie̱ꞌe̱ꞌ ya̱ jíka va̱ꞌa‑a jín rá tiñu váꞌa sáꞌá‑a ya̱ va̱ji ne̱ nu̱u̱nꞌ másúꞌ iniꞌ‑i jie̱ꞌe̱ꞌ ya̱ níchí‑i nu̱u̱nꞌ Ndiosíꞌ. 14Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva. 15Chi nsáꞌ níchí va̱ji ne̱ nu̱u̱nꞌ Ndiosíꞌ ví yaꞌá. Va̱ji ya̱ níchí yaꞌá ne̱ nu̱u̱nꞌ ñɨ̱vɨ́ yaꞌá, jín ne̱ nu̱u̱nꞌ antúníꞌ ñɨvɨ ya̱ ntu kúneí Ta̱chi̱ꞌ Ííꞌ Ndiosíꞌ jín ráa, jín ne̱ nu̱u̱nꞌ kui̱ꞌna̱ꞌ. 16Chi nu̱u̱nꞌ íyó ya̱ ñúkuíñɨ́ iniꞌ ñɨvɨ jín ya̱ uꞌvi iniꞌ ráa jee suni sákánuun ráa xi̱ni̱ꞌ ɨɨn inka ráa jee nta̱ká nu̱u̱nꞌ ya̱ niváꞌa sáꞌá ráa. 17Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱:
xíꞌna ka̱ꞌ jiáꞌnu ninuꞌun ñɨvɨ,
jee kuíre nééꞌ ñunkúún ráa,
jee másúꞌ iniꞌ ráa,
jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ,
jee kúkánáa ráa ya̱ náꞌví iniꞌ ráa,
jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun,
jee saɨn íyó iniꞌ ráa,
jee nsú sansuꞌva íyó ráa.
18Jee rá ñɨvɨ núkú ya̱ nakama̱ni̱ꞌ ráa rá ñanitáꞌán‑ó, jee nikɨn táji ráa ví ya̱ nánukú ráa ya̱ kuneeꞌ ñunkúún rá ñanitáꞌán‑ó, jee tataꞌ sáꞌá ráa ví ya̱ kueꞌnu na̱a̱ꞌ ráa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.