Hebreos 2
2
Kunenu̱u̱nꞌ‑ó ka̱ꞌ jie̱ꞌe̱ꞌ tu̱ꞌun Se̱ꞌya Ndiosíꞌ
1Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá. 2Chi ña̱tíñú Ndiosíꞌ rá najiáꞌáꞌ ííꞌ re̱ꞌ sáva kachitu̱ꞌún ráa tu̱ꞌun re̱ꞌ, jee tu̱ꞌun na̱a̱ꞌ nkuvi‑i ya̱ ni̱ꞌi̱nꞌ rá ñɨvɨ nnoꞌo ráa tu̱nóꞌó sáni íyó na̱a̱ꞌ ya̱ ni̱ꞌi̱nꞌ ráa suꞌva, jie̱ꞌe̱ꞌ ntáká tiñu nsa̱ꞌá ráa ya̱ njiáꞌa ráa nu̱u̱nꞌ tu̱ꞌun vá, jín ya̱ ntu̱ví nkáníjiá ráa tu̱ꞌun vá. 3Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán 4Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.
Nkenta Cristo ɨɨn nuún kúvi re̱ꞌ jín ñɨvɨ sáva kenta kúvi sava rá ñɨvɨ ñaniꞌ re̱ꞌ
5Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.] 6Chisaꞌ stúvi David ya̱ naáꞌ jie̱ꞌe̱ꞌ vá, chi níso nu̱u̱nꞌ Tutuꞌ Ííꞌ ɨɨn nu̱u̱nꞌ ya̱ káchíꞌ David nu̱u̱nꞌ Ndiosíꞌ:
¿Na̱ ñɨvɨ ñáꞌnú kúvi rá ñɨvɨ ñɨ̱vɨ́ yaꞌá ya̱ ñúꞌún iniꞌ nú ráa?
Jee, ¿na̱ ñɨvɨ ñáꞌnú kúvi tataꞌ ñɨvɨ ya̱ nániꞌvɨꞌ iniꞌ nú jie̱ꞌe̱ꞌ ráa?
7Chi nxi̱núun nú yakuꞌ ntíꞌ ka̱ꞌ kúñáꞌnú ráa nsú káꞌ kúñáꞌnú rá najiáꞌáꞌ ííꞌ nú.
Soo nxi̱náa nú ráa nuñáꞌnú ráa jee nakuatáꞌví nú ráa.
[Jee ñani nú ráa sáva kunisotíñú ráa nu̱u̱nꞌ ntáká rá nantíñú ya̱ nsa̱ꞌá nú.]
8Chi ntáká ya̱ íyó nna̱chiꞌi nú maa xi̱ntíín ráa.
Jee saáva, jie̱ꞌe̱ꞌ ya̱ kua̱íyó nna̱chiꞌi Ndiosíꞌ xi̱ntíín ráa, jee ni ntu̱náꞌ nxínóo re̱ꞌ ka̱ꞌ ya̱ ntu̱ví yɨ́ꞌɨ́ xi̱ntíín ráa. Sú íyó sukuán soo vitan ntiáꞌan kune̱ꞌyá‑ó ya̱ ntáká ya̱ íyó kɨꞌɨ xi̱ntíín ráa. 9Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.
10Chi ntáká ya̱ íyó kúvi‑i nantíñú Ndiosíꞌ, jee suni maáréꞌ nsa̱ꞌá maa. Chi kuíni re̱ꞌ kunaka re̱ꞌ kue̱ꞌe̱ꞌ víꞌí ñɨvɨ kuvi ráa se̱ꞌya re̱ꞌ ki̱vɨ ráa naꞌá re̱ꞌ kuñáꞌnú ráa jín re̱ꞌ. Jee saáva, íyó váꞌa ya̱ nsa̱ꞌá Ndiosíꞌ kunoꞌo Jesús sáva saꞌá túꞌva re̱ꞌ maa sáva sikúnkuvi‑i tiñu ñáꞌnú ya̱ kuvi natavaꞌ‑a ñɨvɨ nu̱u̱nꞌ kua̱chi ráa sikáku‑u ráa. 11Chi Jesús ya̱ násaꞌá sɨ́ɨ́n re̱ꞌ rá ñɨvɨ sáva kɨꞌɨ ráa nu̱u̱nꞌ Tátáꞌ re̱ꞌ, jee rá ñɨvɨ vá ya̱ násaꞌá sɨ́ɨ́n re̱ꞌ, jee núvíꞌ ráa ɨɨn ni nu̱u̱nꞌ Tátáꞌ va̱ji ráa jín re̱ꞌ. Jee saáva ntu kúkanuun re̱ꞌ káꞌánꞌ re̱ꞌ ñaniꞌ re̱ꞌ jín ku̱ꞌva re̱ꞌ ráa. 12Chi nu̱u̱nꞌ Tutuꞌ Ííꞌ níso tu̱ꞌun nkachiꞌ re̱ꞌ nu̱u̱nꞌ Tátáꞌ re̱ꞌ:
Kachitu̱ꞌún ni̱ꞌ jie̱ꞌe̱ꞌ nú nu̱u̱nꞌ rá ñaniꞌ ni̱ꞌ jín ku̱ꞌva ni̱ꞌ [ya̱ yɨ́ꞌɨ́ ráa nu̱u̱nꞌ nú],
jee nteñu nu̱u̱nꞌ nútútú ráa kata ni̱ꞌ yaaꞌ ya̱ nákuetúꞌún ni̱ꞌ ya̱ kúñáꞌnú nú.
13Jee káchíꞌ tuku re̱ꞌ:
Nuꞌuꞌ kuneí iniꞌ ni̱ꞌ Ndiosíꞌ.
Jee tukuni káchíꞌ re̱ꞌ:
Yaꞌá íyó ni̱ꞌ jín rá se̱ꞌya Ndiosíꞌ ya̱ ntaji re̱ꞌ nu̱u̱nꞌ ni̱ꞌ,
nkachiꞌ Jesús.
14Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa. 15Jee nsa̱ꞌá Jesús sukuán, sáva nakani núne re̱ꞌ rá ñɨvɨ vá ya̱ nɨ́ɨ́nkání tiempúꞌ tékúꞌ ráa jee nyɨ̱ꞌɨ ráa xi̱ntíín ya̱ yúꞌví ráa kuviꞌ ráa. 16Chi maá nááꞌ nijia ya̱ ntu chíneí re̱ꞌ rá najiáꞌáꞌ ííꞌ re̱ꞌ, chisaꞌ chíneí re̱ꞌ rá ichiyúkúnꞌ Abraham. 17Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ. 18Chi suni nnoꞌo re̱ꞌ jín tu̱ꞌun xíníyo iniꞌ, jee saáva kuvi chineí re̱ꞌ rá ñɨvɨ ya̱ íyó tu̱ꞌun xíníyo iniꞌ jín ráa.
Currently Selected:
Hebreos 2: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Hebreos 2
2
Kunenu̱u̱nꞌ‑ó ka̱ꞌ jie̱ꞌe̱ꞌ tu̱ꞌun Se̱ꞌya Ndiosíꞌ
1Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá. 2Chi ña̱tíñú Ndiosíꞌ rá najiáꞌáꞌ ííꞌ re̱ꞌ sáva kachitu̱ꞌún ráa tu̱ꞌun re̱ꞌ, jee tu̱ꞌun na̱a̱ꞌ nkuvi‑i ya̱ ni̱ꞌi̱nꞌ rá ñɨvɨ nnoꞌo ráa tu̱nóꞌó sáni íyó na̱a̱ꞌ ya̱ ni̱ꞌi̱nꞌ ráa suꞌva, jie̱ꞌe̱ꞌ ntáká tiñu nsa̱ꞌá ráa ya̱ njiáꞌa ráa nu̱u̱nꞌ tu̱ꞌun vá, jín ya̱ ntu̱ví nkáníjiá ráa tu̱ꞌun vá. 3Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán 4Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.
Nkenta Cristo ɨɨn nuún kúvi re̱ꞌ jín ñɨvɨ sáva kenta kúvi sava rá ñɨvɨ ñaniꞌ re̱ꞌ
5Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.] 6Chisaꞌ stúvi David ya̱ naáꞌ jie̱ꞌe̱ꞌ vá, chi níso nu̱u̱nꞌ Tutuꞌ Ííꞌ ɨɨn nu̱u̱nꞌ ya̱ káchíꞌ David nu̱u̱nꞌ Ndiosíꞌ:
¿Na̱ ñɨvɨ ñáꞌnú kúvi rá ñɨvɨ ñɨ̱vɨ́ yaꞌá ya̱ ñúꞌún iniꞌ nú ráa?
Jee, ¿na̱ ñɨvɨ ñáꞌnú kúvi tataꞌ ñɨvɨ ya̱ nániꞌvɨꞌ iniꞌ nú jie̱ꞌe̱ꞌ ráa?
7Chi nxi̱núun nú yakuꞌ ntíꞌ ka̱ꞌ kúñáꞌnú ráa nsú káꞌ kúñáꞌnú rá najiáꞌáꞌ ííꞌ nú.
Soo nxi̱náa nú ráa nuñáꞌnú ráa jee nakuatáꞌví nú ráa.
[Jee ñani nú ráa sáva kunisotíñú ráa nu̱u̱nꞌ ntáká rá nantíñú ya̱ nsa̱ꞌá nú.]
8Chi ntáká ya̱ íyó nna̱chiꞌi nú maa xi̱ntíín ráa.
Jee saáva, jie̱ꞌe̱ꞌ ya̱ kua̱íyó nna̱chiꞌi Ndiosíꞌ xi̱ntíín ráa, jee ni ntu̱náꞌ nxínóo re̱ꞌ ka̱ꞌ ya̱ ntu̱ví yɨ́ꞌɨ́ xi̱ntíín ráa. Sú íyó sukuán soo vitan ntiáꞌan kune̱ꞌyá‑ó ya̱ ntáká ya̱ íyó kɨꞌɨ xi̱ntíín ráa. 9Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.
10Chi ntáká ya̱ íyó kúvi‑i nantíñú Ndiosíꞌ, jee suni maáréꞌ nsa̱ꞌá maa. Chi kuíni re̱ꞌ kunaka re̱ꞌ kue̱ꞌe̱ꞌ víꞌí ñɨvɨ kuvi ráa se̱ꞌya re̱ꞌ ki̱vɨ ráa naꞌá re̱ꞌ kuñáꞌnú ráa jín re̱ꞌ. Jee saáva, íyó váꞌa ya̱ nsa̱ꞌá Ndiosíꞌ kunoꞌo Jesús sáva saꞌá túꞌva re̱ꞌ maa sáva sikúnkuvi‑i tiñu ñáꞌnú ya̱ kuvi natavaꞌ‑a ñɨvɨ nu̱u̱nꞌ kua̱chi ráa sikáku‑u ráa. 11Chi Jesús ya̱ násaꞌá sɨ́ɨ́n re̱ꞌ rá ñɨvɨ sáva kɨꞌɨ ráa nu̱u̱nꞌ Tátáꞌ re̱ꞌ, jee rá ñɨvɨ vá ya̱ násaꞌá sɨ́ɨ́n re̱ꞌ, jee núvíꞌ ráa ɨɨn ni nu̱u̱nꞌ Tátáꞌ va̱ji ráa jín re̱ꞌ. Jee saáva ntu kúkanuun re̱ꞌ káꞌánꞌ re̱ꞌ ñaniꞌ re̱ꞌ jín ku̱ꞌva re̱ꞌ ráa. 12Chi nu̱u̱nꞌ Tutuꞌ Ííꞌ níso tu̱ꞌun nkachiꞌ re̱ꞌ nu̱u̱nꞌ Tátáꞌ re̱ꞌ:
Kachitu̱ꞌún ni̱ꞌ jie̱ꞌe̱ꞌ nú nu̱u̱nꞌ rá ñaniꞌ ni̱ꞌ jín ku̱ꞌva ni̱ꞌ [ya̱ yɨ́ꞌɨ́ ráa nu̱u̱nꞌ nú],
jee nteñu nu̱u̱nꞌ nútútú ráa kata ni̱ꞌ yaaꞌ ya̱ nákuetúꞌún ni̱ꞌ ya̱ kúñáꞌnú nú.
13Jee káchíꞌ tuku re̱ꞌ:
Nuꞌuꞌ kuneí iniꞌ ni̱ꞌ Ndiosíꞌ.
Jee tukuni káchíꞌ re̱ꞌ:
Yaꞌá íyó ni̱ꞌ jín rá se̱ꞌya Ndiosíꞌ ya̱ ntaji re̱ꞌ nu̱u̱nꞌ ni̱ꞌ,
nkachiꞌ Jesús.
14Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa. 15Jee nsa̱ꞌá Jesús sukuán, sáva nakani núne re̱ꞌ rá ñɨvɨ vá ya̱ nɨ́ɨ́nkání tiempúꞌ tékúꞌ ráa jee nyɨ̱ꞌɨ ráa xi̱ntíín ya̱ yúꞌví ráa kuviꞌ ráa. 16Chi maá nááꞌ nijia ya̱ ntu chíneí re̱ꞌ rá najiáꞌáꞌ ííꞌ re̱ꞌ, chisaꞌ chíneí re̱ꞌ rá ichiyúkúnꞌ Abraham. 17Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ. 18Chi suni nnoꞌo re̱ꞌ jín tu̱ꞌun xíníyo iniꞌ, jee saáva kuvi chineí re̱ꞌ rá ñɨvɨ ya̱ íyó tu̱ꞌun xíníyo iniꞌ jín ráa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.