Gálatas 3
3
Kaníjiá‑ó tu̱ꞌun ley nta̱túníꞌ Ndiosíꞌ áxí kuneí iniꞌ‑ó Jesús
1¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó. 2Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa. 3¿Na̱ja kúvi ya̱ naanꞌ víꞌí ránoꞌó sukuán? Chi xíꞌna ka̱ꞌ nni̱ꞌi̱nꞌ rán Ta̱chi̱ꞌ Ííꞌ ya̱ nsa̱ꞌá re̱ꞌ ya̱ nka̱jiéꞌé jiáꞌnu rán ichi Ndiosíꞌ, jee ntañúꞌún, ¿á nánukú rán i̱nu rán kueꞌnu rán jín ya̱ núkú rán saꞌá rán rá costumbre vá jín fesáꞌ ñunéꞌyúꞌ maárán, rúsa? 4Nxi̱nóꞌo ñɨvɨ ránoꞌó kue̱ꞌe̱ꞌ tu̱nóꞌó jie̱ꞌe̱ꞌ tu̱ꞌun váꞌa Jesús. ¿Á nnoꞌo ka̱ꞌá rán, rúsa? ¡Va̱ꞌa ka̱ꞌ retú ntu nnóꞌo ka̱ꞌá rán! 5¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.
6Abraham nku̱neí iniꞌ re̱ꞌ Ndiosíꞌ, saáva njia̱ꞌayuꞌú‑u ya̱ kínóo na̱a̱ꞌ re̱ꞌ nu̱u̱nꞌ‑u. 7Suꞌva íyó kuniꞌ rán ya̱ rá ñɨvɨ kúneí iniꞌ ráa Jesús, suviráa kúvi rá se̱ꞌya Abraham ichinúúnꞌ Ndiosíꞌ. 8Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.” 9Saáva rá ñɨvɨ kúneí iniꞌ ráa Ndiosíꞌ, sáꞌá re̱ꞌ ya̱ netuꞌ kuvi ráa jín Abraham, ya̱ nku̱neí iniꞌ re̱ꞌ Ndiosíꞌ.
10Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.” 11Jee kájíkuitɨꞌ ya̱ ni ɨɨn ñɨvɨ nki̱nóo na̱a̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ núkú ñɨvɨ vá saꞌá‑a ya̱ káchíꞌ tu̱ꞌun ley nta̱túníꞌ Ndiosíꞌ. Chi káchíꞌ Tu̱ꞌun Ndiosíꞌ nééꞌ nu̱u̱nꞌ tutuꞌ ya̱: “Ñɨvɨ ya̱ sáꞌá Ndiosíꞌ ya̱ kínóo na̱a̱ꞌ ráa nu̱u̱nꞌ re̱ꞌ, jie̱ꞌe̱ꞌ ya̱ kúneí iniꞌ ráa re̱ꞌ, kutekuꞌ ráa nɨ́ɨ́nkání jín re̱ꞌ.” 12Soo ntu káchíꞌ tu̱ꞌun ley ya̱ kúneí iniꞌ ñɨvɨ jee kutekuꞌ ñɨvɨ jín Ndiosíꞌ. Chi káchíꞌ tu̱ꞌun ley ya̱: “Ñɨvɨ, ya̱ sáꞌá rá tiñu yaꞌá, jee kutekuꞌ‑u jie̱ꞌe̱ꞌ vá.”
13Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.” 14Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.
Sɨ́ɨ́n ví ley nta̱túníꞌ Ndiosíꞌ jee sɨ́ɨ́n ví ya̱ nchi̱sóyuꞌú Ndiosíꞌ
15Ránoꞌó ñaniꞌ, káꞌánꞌ ni̱ꞌ jín rán ɨɨn tu̱ꞌun na̱sa sáꞌá rá ñɨvɨ. Retú nsa̱ꞌá ɨɨn te̱e tratúꞌ, ni ɨɨn ñɨvɨ ntu kúvi sikɨ́kui̱ñɨ̱ꞌ tratúꞌ vá, ni ntu kúvi nachisó‑o ka̱ꞌ tu̱ꞌun ya̱ ya nna̱túꞌún ráa. 16Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo. 17Yaꞌá ví ya̱ káchíꞌ ni̱ꞌ: Xíꞌna ka̱ꞌ nsa̱náaꞌ Ndiosíꞌ tratúꞌ nsa̱ꞌá re̱ꞌ jín Abraham. Ña̱re njia̱ꞌa Ndiosíꞌ tu̱ꞌun ley nu̱u̱nꞌ Moisés ku̱mi̱ꞌ sientúꞌ o̱ko̱ꞌ u̱ji̱ꞌ (430) kui̱ya̱ꞌ kuéé ka̱ꞌ. Saájee ntu síkɨ́kui̱ñɨ̱ꞌ ley tratúꞌ ya̱ nsa̱ꞌá Ndiosíꞌ xíꞌnañúꞌún ka̱ꞌ. Ni ntu síjíta‑a ya̱ nchi̱sóyuꞌú Ndiosíꞌ. 18Chi retú táji Ndiosíꞌ ta̱ꞌvi̱ꞌ nu̱u̱nꞌ‑ó jie̱ꞌe̱ꞌ ya̱ nánukú‑ó saꞌá‑ó ya̱ káchíꞌ ley nta̱túníꞌ Ndiosíꞌ, nékúvi, ña̱re táji re̱ꞌ maa nsú jie̱ꞌe̱ꞌ nchi̱sóyuꞌú re̱ꞌ maa, nékúvi. Chisaꞌ njia̱ꞌa Ndiosíꞌ maa nu̱u̱nꞌ Abraham jie̱ꞌe̱ꞌ ya̱ nchi̱sóyuꞌú re̱ꞌ maa.
19Saájee, ¿na̱ jie̱ꞌe̱ꞌ njia̱ꞌa Ndiosíꞌ ley nu̱u̱nꞌ Moisés? Íyótiñu‑u chi nna̱chisó re̱ꞌ vá sáva nastúvi‑i kua̱chi sáꞌá rá ñɨvɨ, saáchi jiáꞌa ráa nu̱u̱nꞌ ya̱ káchíꞌ ley vá ya̱ nta̱túníꞌ Ndiosíꞌ. Jee suꞌva nna̱stúvi ley maa ne̱ nkenta Jesús, ya̱ kúvi se̱ꞌya ichiyúkúnꞌ, ya̱ nchi̱sóyuꞌú Ndiosíꞌ ya̱ kene ne̱ nu̱u̱nꞌ Abraham. Jee Ndiosíꞌ njia̱ꞌa ley nu̱u̱nꞌ rá najiáꞌáꞌ re̱ꞌ, sáva ku̱ꞌva ráa maa nu̱u̱nꞌ Moisés, sáva nakani re̱ꞌ maa nu̱u̱nꞌ rá ñɨvɨ Israel, chi íñɨ́ re̱ꞌ ma̱ꞌñú Ndiosíꞌ jín ráa sáva kaꞌanꞌ re̱ꞌ jín Ndiosíꞌ jín ráa. 20Ɨɨn te̱e, ya̱ íñɨ́ re̱ꞌ ma̱ꞌñú ñɨvɨ sáva kaꞌanꞌ re̱ꞌ jín ɨɨn inka ráa sáva natúꞌún ráa, jee ntu íñɨ́ re̱ꞌ ma̱ꞌñú ɨɨn ñɨvɨ ni. Soo ɨɨn ni ví Ndiosíꞌ. #3:20 Saáva ntu ña̱tíñú re̱ꞌ inka te̱e sáva nchi̱sóyuꞌú re̱ꞌ maa nu̱u̱nꞌ Abraham.
Na̱ jie̱ꞌe̱ꞌ íyótiñu ley nta̱túníꞌ Ndiosíꞌ
21Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi. 22Chisaꞌ Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, sánáaꞌ‑a ya̱ nɨꞌɨ ñɨvɨ ñɨ̱vɨ́ yɨ́ꞌɨ́ chi̱ji xi̱ntíín kua̱chi, kuéntáꞌ yɨ́niꞌyuꞌ ráa iniꞌ veka̱a. Sánáaꞌ‑a suꞌva sáva ku̱ꞌva Ndiosíꞌ ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ínúꞌ iniꞌ ráa Jesucristo. Ku̱ꞌva re̱ꞌ maa jie̱ꞌe̱ꞌ kúneí iniꞌ ráa re̱ꞌ.
23Soo ne̱ ntiáꞌan nkenta kuvi kuneí iniꞌ ñɨvɨ Jesús, ránuꞌuꞌ, ya̱ kúvi ñɨvɨ Israel, yɨ́ꞌɨ́ ránꞌ chi̱ji xi̱ntíín tu̱ꞌun ley, kuéntáꞌ yɨ́niꞌyuꞌ ránꞌ iniꞌ veka̱a, ne̱ nkenta ki̱vɨ̱ꞌ nstúvi Ndiosíꞌ tu̱ꞌun Jesús ya̱ kuneí iniꞌ‑ó. 24Saájee tu̱ꞌun ley ni̱yo kuéntáꞌ ɨɨn musúꞌ ya̱ náka rá kuáchí, jee náka‑a ránuꞌuꞌ ne̱ nu̱u̱nꞌ Cristo. Náka‑a ránuꞌuꞌ sáva siíyo Ndiosíꞌ kua̱chi ránꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ránꞌ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ránꞌ Jesús. 25Soo vitan re ya̱ nkenta ki̱vɨ̱ꞌ ya̱ kúneí iniꞌ‑ó Jesús, jee ntu yɨ́ꞌɨ́‑ó ka̱ꞌ chi̱ji xi̱ntíín musúꞌ vá, ya̱ kúvi ley nta̱túníꞌ Ndiosíꞌ.
26Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ. 27Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo. 28Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ,
sú kúvi rán ñɨvɨ Israel áxí ñɨvɨ ntu kúvi Israel,
ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne,
ni te̱e jín ni ñaꞌan,
chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús. 29Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.
Currently Selected:
Gálatas 3: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Gálatas 3
3
Kaníjiá‑ó tu̱ꞌun ley nta̱túníꞌ Ndiosíꞌ áxí kuneí iniꞌ‑ó Jesús
1¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó. 2Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa. 3¿Na̱ja kúvi ya̱ naanꞌ víꞌí ránoꞌó sukuán? Chi xíꞌna ka̱ꞌ nni̱ꞌi̱nꞌ rán Ta̱chi̱ꞌ Ííꞌ ya̱ nsa̱ꞌá re̱ꞌ ya̱ nka̱jiéꞌé jiáꞌnu rán ichi Ndiosíꞌ, jee ntañúꞌún, ¿á nánukú rán i̱nu rán kueꞌnu rán jín ya̱ núkú rán saꞌá rán rá costumbre vá jín fesáꞌ ñunéꞌyúꞌ maárán, rúsa? 4Nxi̱nóꞌo ñɨvɨ ránoꞌó kue̱ꞌe̱ꞌ tu̱nóꞌó jie̱ꞌe̱ꞌ tu̱ꞌun váꞌa Jesús. ¿Á nnoꞌo ka̱ꞌá rán, rúsa? ¡Va̱ꞌa ka̱ꞌ retú ntu nnóꞌo ka̱ꞌá rán! 5¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.
6Abraham nku̱neí iniꞌ re̱ꞌ Ndiosíꞌ, saáva njia̱ꞌayuꞌú‑u ya̱ kínóo na̱a̱ꞌ re̱ꞌ nu̱u̱nꞌ‑u. 7Suꞌva íyó kuniꞌ rán ya̱ rá ñɨvɨ kúneí iniꞌ ráa Jesús, suviráa kúvi rá se̱ꞌya Abraham ichinúúnꞌ Ndiosíꞌ. 8Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.” 9Saáva rá ñɨvɨ kúneí iniꞌ ráa Ndiosíꞌ, sáꞌá re̱ꞌ ya̱ netuꞌ kuvi ráa jín Abraham, ya̱ nku̱neí iniꞌ re̱ꞌ Ndiosíꞌ.
10Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.” 11Jee kájíkuitɨꞌ ya̱ ni ɨɨn ñɨvɨ nki̱nóo na̱a̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ núkú ñɨvɨ vá saꞌá‑a ya̱ káchíꞌ tu̱ꞌun ley nta̱túníꞌ Ndiosíꞌ. Chi káchíꞌ Tu̱ꞌun Ndiosíꞌ nééꞌ nu̱u̱nꞌ tutuꞌ ya̱: “Ñɨvɨ ya̱ sáꞌá Ndiosíꞌ ya̱ kínóo na̱a̱ꞌ ráa nu̱u̱nꞌ re̱ꞌ, jie̱ꞌe̱ꞌ ya̱ kúneí iniꞌ ráa re̱ꞌ, kutekuꞌ ráa nɨ́ɨ́nkání jín re̱ꞌ.” 12Soo ntu káchíꞌ tu̱ꞌun ley ya̱ kúneí iniꞌ ñɨvɨ jee kutekuꞌ ñɨvɨ jín Ndiosíꞌ. Chi káchíꞌ tu̱ꞌun ley ya̱: “Ñɨvɨ, ya̱ sáꞌá rá tiñu yaꞌá, jee kutekuꞌ‑u jie̱ꞌe̱ꞌ vá.”
13Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.” 14Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.
Sɨ́ɨ́n ví ley nta̱túníꞌ Ndiosíꞌ jee sɨ́ɨ́n ví ya̱ nchi̱sóyuꞌú Ndiosíꞌ
15Ránoꞌó ñaniꞌ, káꞌánꞌ ni̱ꞌ jín rán ɨɨn tu̱ꞌun na̱sa sáꞌá rá ñɨvɨ. Retú nsa̱ꞌá ɨɨn te̱e tratúꞌ, ni ɨɨn ñɨvɨ ntu kúvi sikɨ́kui̱ñɨ̱ꞌ tratúꞌ vá, ni ntu kúvi nachisó‑o ka̱ꞌ tu̱ꞌun ya̱ ya nna̱túꞌún ráa. 16Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo. 17Yaꞌá ví ya̱ káchíꞌ ni̱ꞌ: Xíꞌna ka̱ꞌ nsa̱náaꞌ Ndiosíꞌ tratúꞌ nsa̱ꞌá re̱ꞌ jín Abraham. Ña̱re njia̱ꞌa Ndiosíꞌ tu̱ꞌun ley nu̱u̱nꞌ Moisés ku̱mi̱ꞌ sientúꞌ o̱ko̱ꞌ u̱ji̱ꞌ (430) kui̱ya̱ꞌ kuéé ka̱ꞌ. Saájee ntu síkɨ́kui̱ñɨ̱ꞌ ley tratúꞌ ya̱ nsa̱ꞌá Ndiosíꞌ xíꞌnañúꞌún ka̱ꞌ. Ni ntu síjíta‑a ya̱ nchi̱sóyuꞌú Ndiosíꞌ. 18Chi retú táji Ndiosíꞌ ta̱ꞌvi̱ꞌ nu̱u̱nꞌ‑ó jie̱ꞌe̱ꞌ ya̱ nánukú‑ó saꞌá‑ó ya̱ káchíꞌ ley nta̱túníꞌ Ndiosíꞌ, nékúvi, ña̱re táji re̱ꞌ maa nsú jie̱ꞌe̱ꞌ nchi̱sóyuꞌú re̱ꞌ maa, nékúvi. Chisaꞌ njia̱ꞌa Ndiosíꞌ maa nu̱u̱nꞌ Abraham jie̱ꞌe̱ꞌ ya̱ nchi̱sóyuꞌú re̱ꞌ maa.
19Saájee, ¿na̱ jie̱ꞌe̱ꞌ njia̱ꞌa Ndiosíꞌ ley nu̱u̱nꞌ Moisés? Íyótiñu‑u chi nna̱chisó re̱ꞌ vá sáva nastúvi‑i kua̱chi sáꞌá rá ñɨvɨ, saáchi jiáꞌa ráa nu̱u̱nꞌ ya̱ káchíꞌ ley vá ya̱ nta̱túníꞌ Ndiosíꞌ. Jee suꞌva nna̱stúvi ley maa ne̱ nkenta Jesús, ya̱ kúvi se̱ꞌya ichiyúkúnꞌ, ya̱ nchi̱sóyuꞌú Ndiosíꞌ ya̱ kene ne̱ nu̱u̱nꞌ Abraham. Jee Ndiosíꞌ njia̱ꞌa ley nu̱u̱nꞌ rá najiáꞌáꞌ re̱ꞌ, sáva ku̱ꞌva ráa maa nu̱u̱nꞌ Moisés, sáva nakani re̱ꞌ maa nu̱u̱nꞌ rá ñɨvɨ Israel, chi íñɨ́ re̱ꞌ ma̱ꞌñú Ndiosíꞌ jín ráa sáva kaꞌanꞌ re̱ꞌ jín Ndiosíꞌ jín ráa. 20Ɨɨn te̱e, ya̱ íñɨ́ re̱ꞌ ma̱ꞌñú ñɨvɨ sáva kaꞌanꞌ re̱ꞌ jín ɨɨn inka ráa sáva natúꞌún ráa, jee ntu íñɨ́ re̱ꞌ ma̱ꞌñú ɨɨn ñɨvɨ ni. Soo ɨɨn ni ví Ndiosíꞌ. #3:20 Saáva ntu ña̱tíñú re̱ꞌ inka te̱e sáva nchi̱sóyuꞌú re̱ꞌ maa nu̱u̱nꞌ Abraham.
Na̱ jie̱ꞌe̱ꞌ íyótiñu ley nta̱túníꞌ Ndiosíꞌ
21Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi. 22Chisaꞌ Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, sánáaꞌ‑a ya̱ nɨꞌɨ ñɨvɨ ñɨ̱vɨ́ yɨ́ꞌɨ́ chi̱ji xi̱ntíín kua̱chi, kuéntáꞌ yɨ́niꞌyuꞌ ráa iniꞌ veka̱a. Sánáaꞌ‑a suꞌva sáva ku̱ꞌva Ndiosíꞌ ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ínúꞌ iniꞌ ráa Jesucristo. Ku̱ꞌva re̱ꞌ maa jie̱ꞌe̱ꞌ kúneí iniꞌ ráa re̱ꞌ.
23Soo ne̱ ntiáꞌan nkenta kuvi kuneí iniꞌ ñɨvɨ Jesús, ránuꞌuꞌ, ya̱ kúvi ñɨvɨ Israel, yɨ́ꞌɨ́ ránꞌ chi̱ji xi̱ntíín tu̱ꞌun ley, kuéntáꞌ yɨ́niꞌyuꞌ ránꞌ iniꞌ veka̱a, ne̱ nkenta ki̱vɨ̱ꞌ nstúvi Ndiosíꞌ tu̱ꞌun Jesús ya̱ kuneí iniꞌ‑ó. 24Saájee tu̱ꞌun ley ni̱yo kuéntáꞌ ɨɨn musúꞌ ya̱ náka rá kuáchí, jee náka‑a ránuꞌuꞌ ne̱ nu̱u̱nꞌ Cristo. Náka‑a ránuꞌuꞌ sáva siíyo Ndiosíꞌ kua̱chi ránꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ránꞌ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ránꞌ Jesús. 25Soo vitan re ya̱ nkenta ki̱vɨ̱ꞌ ya̱ kúneí iniꞌ‑ó Jesús, jee ntu yɨ́ꞌɨ́‑ó ka̱ꞌ chi̱ji xi̱ntíín musúꞌ vá, ya̱ kúvi ley nta̱túníꞌ Ndiosíꞌ.
26Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ. 27Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo. 28Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ,
sú kúvi rán ñɨvɨ Israel áxí ñɨvɨ ntu kúvi Israel,
ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne,
ni te̱e jín ni ñaꞌan,
chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús. 29Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.