Hechos 25
25
Pablo nnama maáa nu̱u̱nꞌ Festo
1Sáá nkenta Festo nación vá, jee njia̱ꞌa u̱ni̱ꞌ ki̱vɨ̱ꞌ, jee nkene‑e Cesarea jee kua̱ꞌa̱nꞌ‑a Jerusalén. 2Jee rá su̱tu̱ꞌ kúñáꞌnú jín rá te̱e kúñáꞌnú Israel nkenta ráa nu̱u̱nꞌ re̱ꞌ jee nxi̱kóñáꞌán ráa Pablo nu̱u̱nꞌ re̱ꞌ. 3Ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ saꞌá re̱ꞌ tumani iniꞌ ya̱ tají re̱ꞌ maa Jerusalén. Chi nna̱túꞌún yuꞌuꞌ ráa ya̱ kaꞌniꞌ ráa maa ichi.
4I̱ña̱jée nna̱xiníkó Festo ya̱ Pablo yɨ́ꞌɨ́ veka̱a Cesarea. Jee nsáꞌ kue̱ꞌe̱ꞌ ka̱ꞌ tiempúꞌ jee kɨ̱ꞌɨ̱nꞌ re̱ꞌ yukuán. 5Jee nkachiꞌ re̱ꞌ:
―Saáva kɨ̱ꞌɨ̱nꞌ sava rá te̱e kúñáꞌnú rán jín nuꞌuꞌ, jee yukuán xi̱kóñáꞌán ráa Pablo, retú íyó kua̱chi‑i.
6Sáá nkino̱o Festo yukuán u̱na̱ꞌ áxí u̱ji̱ꞌ ki̱vɨ̱ꞌ ka̱ꞌ, jee kua̱ꞌa̱nꞌ re̱ꞌ ñuunꞌ Cesarea. Jee ki̱vɨ̱ꞌ steñu̱ꞌún, nna̱kuneeꞌ re̱ꞌ nu̱u̱nꞌ sánáaꞌ re̱ꞌ kua̱chi. Jee nta̱jí re̱ꞌ ya̱ kinaka rá soldado Pablo.
7Sáá nkenta Pablo, jee rá ñɨvɨ Israel va̱ji Jerusalén jee nku̱tútú ti̱yu̱ꞌ ráa nu̱u̱nꞌ re̱ꞌ, jee kue̱ꞌe̱ꞌ víꞌí chíkuáchi ráa re̱ꞌ rá kua̱chi káꞌnú. Soo ntu̱náꞌ nkúvi stúvi kájí ráa ya̱ naáꞌ jie̱ꞌe̱ꞌ tu̱ꞌun túꞌún vá.
8Jee Pablo nnama re̱ꞌ maáréꞌ jee nkachiꞌ‑i:
―Ni ntu̱ví na̱ kua̱chi vá nsa̱ꞌá ni̱ꞌ, ni si̱kɨ̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, ni si̱kɨ̱ꞌ veñu̱ꞌun káꞌnú, ni si̱kɨ̱ꞌ te̱e tátúníꞌ nɨꞌɨ rá ñuunꞌ tɨ́ɨn Roma.
9Soo Festo kuíni kino̱o va̱ꞌa jín rá ñɨvɨ Israel, jee ni̱ka̱tu̱ꞌún re̱ꞌ Pablo:
―¿Á kuíni nú kɨ̱ꞌɨ̱nꞌ‑ó Jerusalén, sáva sanáaꞌ ni̱ꞌ tiñu nú yukuán?
10Jee nna̱xiníkó Pablo:
―Íñɨ́ ni̱ꞌ iniꞌ palacio nu̱u̱nꞌ káá ley te̱e tátúníꞌ Roma. Yaꞌá íyó sanáaꞌ nú jie̱ꞌe̱ꞌ tiñu nuꞌuꞌ. Chi ntu̱náꞌ nsáꞌá kini ni̱ꞌ si̱kɨ̱ꞌ rá ñɨvɨ Israel. Jee jíníꞌ va̱ꞌa nú yaꞌá. 11Retú íyó kua̱chi ni̱ꞌ ya̱ íyó níꞌinꞌ ni̱ꞌ ya̱ kaꞌniꞌ ráa nuꞌuꞌ, jee ntu kúꞌúꞌvi iniꞌ ni̱ꞌ kuviꞌ ni̱ꞌ. Soo retú ntu̱ví ya̱ naáꞌ ví ni ɨɨn kua̱chi ya̱ xíkóñáꞌán rá te̱e yaꞌá nuꞌuꞌ, jee ni ɨɨn ñɨvɨ nkúvi naku̱ꞌva nuꞌuꞌ nu̱u̱nꞌ ráa. Jee jíkánꞌ ni̱ꞌ ya̱ te̱e tátúníꞌ nu̱u̱nꞌ Roma sanáaꞌ re̱ꞌ jie̱ꞌe̱ꞌ tiñu ni̱ꞌ.
12Saájee Festo nna̱túꞌún re̱ꞌ jín rá te̱e nákutíñú nu̱u̱nꞌ re̱ꞌ, jee nkachiꞌ re̱ꞌ:
―Ni̱ka̱nꞌ nú ya̱ sanáaꞌ te̱e tátúníꞌ Roma jie̱ꞌe̱ꞌ nú, jee yukuán kɨ̱ꞌɨ̱nꞌ nú nu̱u̱nꞌ re̱ꞌ.
Pablo íñɨ́ ichinúúnꞌ Agripa, te̱e tátúníꞌ
13Sáá njia̱ꞌa yakuꞌ ki̱vɨ̱ꞌ, Agripa, ya̱ níso re̱ꞌ tiñu ya̱ kúvi re̱ꞌ rey [ya̱ tátúníꞌ re̱ꞌ nu̱u̱nꞌ ñuꞌun ñuunꞌ yukuán], jín Berenice nkenta ráa ñuunꞌ Cesarea nne̱ꞌyá ráa Festo. 14Sáá nkino̱o ráa kéꞌín ki̱vɨ̱ꞌ yukuán, Festo nna̱kani jie̱ꞌe̱ꞌ tiñu Pablo nu̱u̱nꞌ te̱e tátúníꞌ vá, jee nkachiꞌ‑i:
―Yaꞌá íyó ɨɨn te̱e ya̱ nxi̱nóo Félix iniꞌ veka̱a. 15Sáá nneeꞌ ni̱ꞌ Jerusalén, jee rá su̱tu̱ꞌ kúñáꞌnú jín rá te̱e kúñáꞌnú nu̱u̱nꞌ Israel, nchikua̱chi ráa maa. Jee ni̱ka̱nꞌ ráa ya̱ sanáaꞌ ni̱ꞌ ya̱ kaꞌniꞌ maa. 16Jee nna̱xiníkó ni̱ꞌ nu̱u̱nꞌ ráa, ya̱ ntu íyó ñujiínꞌ rá te̱e Roma, ya̱ naku̱ꞌva ráa ni ɨɨn te̱e xíkóñáꞌán rá ñɨvɨ, ya̱ ntiáꞌan kuiñɨ‑ɨ kune̱ꞌyá‑a nu̱u̱nꞌ rá ñɨvɨ xíkóñáꞌán maa, jee nama‑a maáa jie̱ꞌe̱ꞌ kua̱chi ya̱ xíkóñáꞌán ráa maa. 17Saáva sáá nkenta ráa yaꞌá, jee ki̱vɨ̱ꞌ xtéñu̱ꞌún, ntu nkúkuéé ni̱ꞌ, jee nna̱kuneeꞌ ni̱ꞌ nu̱u̱nꞌ sánáaꞌ ni̱ꞌ kua̱chi. Jee nta̱jí ni̱ꞌ ya̱ kɨ̱keꞌen maa. 18Sáá íñɨ́ rá te̱e xíkóñáꞌán maa, nkaꞌvi iniꞌ ni̱ꞌ ya̱ chikua̱chi ráa maa jie̱ꞌe̱ꞌ kua̱chi ñáꞌnú. Soo ntu̱ví ná íyó jie̱ꞌe̱ꞌ‑e. 19Chisaꞌ kénta ráa si̱kɨ̱ꞌ re̱ꞌ, chi ntu nuún iniꞌ ráa jín re̱ꞌ jie̱ꞌe̱ꞌ ñujiínꞌ níkɨ́nꞌ ráa néñu̱ꞌun ráa Ndiosíꞌ ráa, jín jie̱ꞌe̱ꞌ ɨɨn te̱e naní Jesús ya̱ ya ni̱ꞌi̱ꞌ. Soo káchíꞌ re̱ꞌ ya̱ tékúꞌ‑u. 20Jee ntu nkúkáꞌnú iniꞌ ni̱ꞌ na̱sa saꞌá ni̱ꞌ jie̱ꞌe̱ꞌ tiñu yaꞌá, jee ni̱ka̱tu̱ꞌún ni̱ꞌ maa retú kuíni re̱ꞌ kɨ̱ꞌɨ̱nꞌ re̱ꞌ Jerusalén, sáva sanáaꞌ ni̱ꞌ jie̱ꞌe̱ꞌ tiñu yaꞌá yukuán. 21Soo sáá jíkánꞌ Pablo ya̱ kumí ránꞌ maa ne̱ sanáaꞌ Augusto jie̱ꞌe̱ꞌ‑e, jee nta̱jí ni̱ꞌ ya̱ kɨꞌɨ i̱i̱ꞌ‑i veka̱a, ne̱ tají ni̱ꞌ maa nu̱u̱nꞌ Augusto te̱e tátúníꞌ Roma ―nkachiꞌ Festo.
22Nkachiꞌ Agripa nu̱u̱nꞌ Festo:
―Suni kuíni ni̱ꞌ teso̱ꞌo ni̱ꞌ ya̱ káchíꞌ te̱e vá.
Jee nna̱xiníkó Festo:
―Teenꞌ teso̱ꞌo nú ya̱ kachiꞌ‑i.
23I̱ña̱jée ki̱vɨ̱ꞌ steñu̱ꞌún, nkenta Agripa jín Berenice. Jee nneñu̱ꞌun ráa Agripa jín Berenice. Jee nki̱vɨ ráa iniꞌ palacio, jín rá general, jín rá te̱e kúñáꞌnú nu̱u̱nꞌ ñuunꞌ. Jee nta̱jí Festo ya̱ kɨ̱keꞌen rá soldado Pablo, jee nki̱naka ráa maa. 24Jee nkachiꞌ Festo:
―Rey Agripa, jín nɨꞌɨ rá te̱e nku̱tútú jín‑ó. Kune̱ꞌyá rán. Yaꞌá ví te̱e, ya̱ xíkóñáꞌán nɨꞌɨ rá te̱e Israel nu̱u̱nꞌ ni̱ꞌ sáá nééꞌ ni̱ꞌ ñuunꞌ Jerusalén. Jee suni xíkóñáꞌán ráa maa yaꞌá. Kánajíín ráa ya̱ ntu íyó kutekuꞌ‑u ka̱ꞌ. 25Soo nku̱káꞌnú iniꞌ ni̱ꞌ ya̱ ntu̱ví na̱ nsa̱ꞌá‑a ya̱ kaꞌniꞌ ránꞌ maa. Soo maáréꞌ ni̱ka̱nꞌ re̱ꞌ ya̱ sanáaꞌ Augusto jie̱ꞌe̱ꞌ kua̱chi re̱ꞌ, saáva ñani iniꞌ ni̱ꞌ tají ni̱ꞌ maa nu̱u̱nꞌ Augusto. 26Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e. 27Chi jíníꞌ ni̱ꞌ ya̱ nsáꞌ sáꞌá va̱ꞌa‑ó, ya̱ tají ni̱ꞌ ɨɨn te̱e yɨ́ꞌɨ́ veka̱a nu̱u̱nꞌ te̱e tátúníꞌ Roma, soo ntu tájí ni̱ꞌ na̱ jie̱ꞌe̱ꞌ chíkuáchi ráa maa.
Currently Selected:
Hechos 25: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Hechos 25
25
Pablo nnama maáa nu̱u̱nꞌ Festo
1Sáá nkenta Festo nación vá, jee njia̱ꞌa u̱ni̱ꞌ ki̱vɨ̱ꞌ, jee nkene‑e Cesarea jee kua̱ꞌa̱nꞌ‑a Jerusalén. 2Jee rá su̱tu̱ꞌ kúñáꞌnú jín rá te̱e kúñáꞌnú Israel nkenta ráa nu̱u̱nꞌ re̱ꞌ jee nxi̱kóñáꞌán ráa Pablo nu̱u̱nꞌ re̱ꞌ. 3Ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ saꞌá re̱ꞌ tumani iniꞌ ya̱ tají re̱ꞌ maa Jerusalén. Chi nna̱túꞌún yuꞌuꞌ ráa ya̱ kaꞌniꞌ ráa maa ichi.
4I̱ña̱jée nna̱xiníkó Festo ya̱ Pablo yɨ́ꞌɨ́ veka̱a Cesarea. Jee nsáꞌ kue̱ꞌe̱ꞌ ka̱ꞌ tiempúꞌ jee kɨ̱ꞌɨ̱nꞌ re̱ꞌ yukuán. 5Jee nkachiꞌ re̱ꞌ:
―Saáva kɨ̱ꞌɨ̱nꞌ sava rá te̱e kúñáꞌnú rán jín nuꞌuꞌ, jee yukuán xi̱kóñáꞌán ráa Pablo, retú íyó kua̱chi‑i.
6Sáá nkino̱o Festo yukuán u̱na̱ꞌ áxí u̱ji̱ꞌ ki̱vɨ̱ꞌ ka̱ꞌ, jee kua̱ꞌa̱nꞌ re̱ꞌ ñuunꞌ Cesarea. Jee ki̱vɨ̱ꞌ steñu̱ꞌún, nna̱kuneeꞌ re̱ꞌ nu̱u̱nꞌ sánáaꞌ re̱ꞌ kua̱chi. Jee nta̱jí re̱ꞌ ya̱ kinaka rá soldado Pablo.
7Sáá nkenta Pablo, jee rá ñɨvɨ Israel va̱ji Jerusalén jee nku̱tútú ti̱yu̱ꞌ ráa nu̱u̱nꞌ re̱ꞌ, jee kue̱ꞌe̱ꞌ víꞌí chíkuáchi ráa re̱ꞌ rá kua̱chi káꞌnú. Soo ntu̱náꞌ nkúvi stúvi kájí ráa ya̱ naáꞌ jie̱ꞌe̱ꞌ tu̱ꞌun túꞌún vá.
8Jee Pablo nnama re̱ꞌ maáréꞌ jee nkachiꞌ‑i:
―Ni ntu̱ví na̱ kua̱chi vá nsa̱ꞌá ni̱ꞌ, ni si̱kɨ̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, ni si̱kɨ̱ꞌ veñu̱ꞌun káꞌnú, ni si̱kɨ̱ꞌ te̱e tátúníꞌ nɨꞌɨ rá ñuunꞌ tɨ́ɨn Roma.
9Soo Festo kuíni kino̱o va̱ꞌa jín rá ñɨvɨ Israel, jee ni̱ka̱tu̱ꞌún re̱ꞌ Pablo:
―¿Á kuíni nú kɨ̱ꞌɨ̱nꞌ‑ó Jerusalén, sáva sanáaꞌ ni̱ꞌ tiñu nú yukuán?
10Jee nna̱xiníkó Pablo:
―Íñɨ́ ni̱ꞌ iniꞌ palacio nu̱u̱nꞌ káá ley te̱e tátúníꞌ Roma. Yaꞌá íyó sanáaꞌ nú jie̱ꞌe̱ꞌ tiñu nuꞌuꞌ. Chi ntu̱náꞌ nsáꞌá kini ni̱ꞌ si̱kɨ̱ꞌ rá ñɨvɨ Israel. Jee jíníꞌ va̱ꞌa nú yaꞌá. 11Retú íyó kua̱chi ni̱ꞌ ya̱ íyó níꞌinꞌ ni̱ꞌ ya̱ kaꞌniꞌ ráa nuꞌuꞌ, jee ntu kúꞌúꞌvi iniꞌ ni̱ꞌ kuviꞌ ni̱ꞌ. Soo retú ntu̱ví ya̱ naáꞌ ví ni ɨɨn kua̱chi ya̱ xíkóñáꞌán rá te̱e yaꞌá nuꞌuꞌ, jee ni ɨɨn ñɨvɨ nkúvi naku̱ꞌva nuꞌuꞌ nu̱u̱nꞌ ráa. Jee jíkánꞌ ni̱ꞌ ya̱ te̱e tátúníꞌ nu̱u̱nꞌ Roma sanáaꞌ re̱ꞌ jie̱ꞌe̱ꞌ tiñu ni̱ꞌ.
12Saájee Festo nna̱túꞌún re̱ꞌ jín rá te̱e nákutíñú nu̱u̱nꞌ re̱ꞌ, jee nkachiꞌ re̱ꞌ:
―Ni̱ka̱nꞌ nú ya̱ sanáaꞌ te̱e tátúníꞌ Roma jie̱ꞌe̱ꞌ nú, jee yukuán kɨ̱ꞌɨ̱nꞌ nú nu̱u̱nꞌ re̱ꞌ.
Pablo íñɨ́ ichinúúnꞌ Agripa, te̱e tátúníꞌ
13Sáá njia̱ꞌa yakuꞌ ki̱vɨ̱ꞌ, Agripa, ya̱ níso re̱ꞌ tiñu ya̱ kúvi re̱ꞌ rey [ya̱ tátúníꞌ re̱ꞌ nu̱u̱nꞌ ñuꞌun ñuunꞌ yukuán], jín Berenice nkenta ráa ñuunꞌ Cesarea nne̱ꞌyá ráa Festo. 14Sáá nkino̱o ráa kéꞌín ki̱vɨ̱ꞌ yukuán, Festo nna̱kani jie̱ꞌe̱ꞌ tiñu Pablo nu̱u̱nꞌ te̱e tátúníꞌ vá, jee nkachiꞌ‑i:
―Yaꞌá íyó ɨɨn te̱e ya̱ nxi̱nóo Félix iniꞌ veka̱a. 15Sáá nneeꞌ ni̱ꞌ Jerusalén, jee rá su̱tu̱ꞌ kúñáꞌnú jín rá te̱e kúñáꞌnú nu̱u̱nꞌ Israel, nchikua̱chi ráa maa. Jee ni̱ka̱nꞌ ráa ya̱ sanáaꞌ ni̱ꞌ ya̱ kaꞌniꞌ maa. 16Jee nna̱xiníkó ni̱ꞌ nu̱u̱nꞌ ráa, ya̱ ntu íyó ñujiínꞌ rá te̱e Roma, ya̱ naku̱ꞌva ráa ni ɨɨn te̱e xíkóñáꞌán rá ñɨvɨ, ya̱ ntiáꞌan kuiñɨ‑ɨ kune̱ꞌyá‑a nu̱u̱nꞌ rá ñɨvɨ xíkóñáꞌán maa, jee nama‑a maáa jie̱ꞌe̱ꞌ kua̱chi ya̱ xíkóñáꞌán ráa maa. 17Saáva sáá nkenta ráa yaꞌá, jee ki̱vɨ̱ꞌ xtéñu̱ꞌún, ntu nkúkuéé ni̱ꞌ, jee nna̱kuneeꞌ ni̱ꞌ nu̱u̱nꞌ sánáaꞌ ni̱ꞌ kua̱chi. Jee nta̱jí ni̱ꞌ ya̱ kɨ̱keꞌen maa. 18Sáá íñɨ́ rá te̱e xíkóñáꞌán maa, nkaꞌvi iniꞌ ni̱ꞌ ya̱ chikua̱chi ráa maa jie̱ꞌe̱ꞌ kua̱chi ñáꞌnú. Soo ntu̱ví ná íyó jie̱ꞌe̱ꞌ‑e. 19Chisaꞌ kénta ráa si̱kɨ̱ꞌ re̱ꞌ, chi ntu nuún iniꞌ ráa jín re̱ꞌ jie̱ꞌe̱ꞌ ñujiínꞌ níkɨ́nꞌ ráa néñu̱ꞌun ráa Ndiosíꞌ ráa, jín jie̱ꞌe̱ꞌ ɨɨn te̱e naní Jesús ya̱ ya ni̱ꞌi̱ꞌ. Soo káchíꞌ re̱ꞌ ya̱ tékúꞌ‑u. 20Jee ntu nkúkáꞌnú iniꞌ ni̱ꞌ na̱sa saꞌá ni̱ꞌ jie̱ꞌe̱ꞌ tiñu yaꞌá, jee ni̱ka̱tu̱ꞌún ni̱ꞌ maa retú kuíni re̱ꞌ kɨ̱ꞌɨ̱nꞌ re̱ꞌ Jerusalén, sáva sanáaꞌ ni̱ꞌ jie̱ꞌe̱ꞌ tiñu yaꞌá yukuán. 21Soo sáá jíkánꞌ Pablo ya̱ kumí ránꞌ maa ne̱ sanáaꞌ Augusto jie̱ꞌe̱ꞌ‑e, jee nta̱jí ni̱ꞌ ya̱ kɨꞌɨ i̱i̱ꞌ‑i veka̱a, ne̱ tají ni̱ꞌ maa nu̱u̱nꞌ Augusto te̱e tátúníꞌ Roma ―nkachiꞌ Festo.
22Nkachiꞌ Agripa nu̱u̱nꞌ Festo:
―Suni kuíni ni̱ꞌ teso̱ꞌo ni̱ꞌ ya̱ káchíꞌ te̱e vá.
Jee nna̱xiníkó Festo:
―Teenꞌ teso̱ꞌo nú ya̱ kachiꞌ‑i.
23I̱ña̱jée ki̱vɨ̱ꞌ steñu̱ꞌún, nkenta Agripa jín Berenice. Jee nneñu̱ꞌun ráa Agripa jín Berenice. Jee nki̱vɨ ráa iniꞌ palacio, jín rá general, jín rá te̱e kúñáꞌnú nu̱u̱nꞌ ñuunꞌ. Jee nta̱jí Festo ya̱ kɨ̱keꞌen rá soldado Pablo, jee nki̱naka ráa maa. 24Jee nkachiꞌ Festo:
―Rey Agripa, jín nɨꞌɨ rá te̱e nku̱tútú jín‑ó. Kune̱ꞌyá rán. Yaꞌá ví te̱e, ya̱ xíkóñáꞌán nɨꞌɨ rá te̱e Israel nu̱u̱nꞌ ni̱ꞌ sáá nééꞌ ni̱ꞌ ñuunꞌ Jerusalén. Jee suni xíkóñáꞌán ráa maa yaꞌá. Kánajíín ráa ya̱ ntu íyó kutekuꞌ‑u ka̱ꞌ. 25Soo nku̱káꞌnú iniꞌ ni̱ꞌ ya̱ ntu̱ví na̱ nsa̱ꞌá‑a ya̱ kaꞌniꞌ ránꞌ maa. Soo maáréꞌ ni̱ka̱nꞌ re̱ꞌ ya̱ sanáaꞌ Augusto jie̱ꞌe̱ꞌ kua̱chi re̱ꞌ, saáva ñani iniꞌ ni̱ꞌ tají ni̱ꞌ maa nu̱u̱nꞌ Augusto. 26Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e. 27Chi jíníꞌ ni̱ꞌ ya̱ nsáꞌ sáꞌá va̱ꞌa‑ó, ya̱ tají ni̱ꞌ ɨɨn te̱e yɨ́ꞌɨ́ veka̱a nu̱u̱nꞌ te̱e tátúníꞌ Roma, soo ntu tájí ni̱ꞌ na̱ jie̱ꞌe̱ꞌ chíkuáchi ráa maa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.