Hechos 12
12
Ñaꞌniꞌ ráa Jacobo jee ñasɨꞌ ráa Pedro veka̱a
1Ne̱ tiempúꞌ yukuán, Herodes, #12:1 Rey ví Herodes ya̱ nta̱túníꞌ re̱ꞌ ñuunꞌ Israel tiempúꞌ yukuán. te̱e tátúníꞌ, nta̱jí re̱ꞌ tɨɨn ráa sava rá ñɨvɨ kúneí iniꞌ rává Jesús sáva saꞌá kini ráa rává. 2Jee nta̱jí re̱ꞌ kaꞌniꞌ rá ñɨvɨ Jacobo, ñaniꞌ Juan, jín yuchiꞌ espada. 3Jee sáá nku̱káꞌnú iniꞌ re̱ꞌ ya̱ nnu̱vatu iniꞌ rá ñɨvɨ Israel ya̱ ñaꞌniꞌ re̱ꞌ maa, jee suni sukuán nta̱jí re̱ꞌ tɨɨn ráa Pedro. Kúvi rá ki̱vɨ̱ꞌ ya̱ sáꞌá ráa viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura. 4Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua. 5Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.
Ntavaꞌ Ndiosíꞌ Pedro veka̱a
6Jee ki̱vɨ̱ꞌ steñu̱ꞌún naku̱ꞌva Herodes Pedro nu̱u̱nꞌ rá ñɨvɨ, nékúvi. Soo maá yakuááꞌ yukuán nkixiꞌ Pedro ma̱ꞌñú u̱vi̱ꞌ soldado. Jee núꞌníꞌ re̱ꞌ jín u̱vi̱ꞌ cadena ka̱a. Jee rá inka soldado kúmí ne̱ yuvékáa. 7Jee sa̱naanꞌ nkitu̱vi ɨɨn najiáꞌáꞌ ííꞌ I̱toꞌoꞌ‑ó, jee ñanu̱te̱ꞌ nɨꞌɨ iniꞌ veka̱a. Nsi̱káchiꞌi re̱ꞌ i̱ka̱ꞌ Pedro, jee nxi̱nóto‑o re̱ꞌ jee nkachiꞌ‑i:
―Ñamaꞌ nako̱o nú.
Jee nna̱najiꞌ rá cadena ka̱a núꞌníꞌ naꞌá re̱ꞌ, jee ñe̱te̱ꞌ‑e. 8Jee nkachiꞌ najiáꞌáꞌ ííꞌ vá:
―Nakɨchi̱ji manchíjí nú jee nakɨ̱ꞌɨ ni̱jia̱nꞌ nú.
Jee sáá nsa̱ꞌá re̱ꞌ suꞌva, jee nkachiꞌ‑i:
―Nakuniji so̱kotóꞌ nú jee kunikɨnꞌ nú nuꞌuꞌ.
9Nnikɨnꞌ re̱ꞌ najiáꞌáꞌ ííꞌ jee nkene re̱ꞌ. Jee ntu nkúkáꞌnú iniꞌ re̱ꞌ ya̱ kúvi nijia ví ya̱ sáꞌá najiáꞌáꞌ ííꞌ vá. Soo nkaꞌvi iniꞌ re̱ꞌ ya̱ kájíkuitɨꞌ niniꞌ re̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ re̱ꞌ. 10Jee njia̱ꞌa ráa nu̱u̱nꞌ íñɨ́ rá soldado xíꞌnañúꞌún ya̱ kúmí ráa re̱ꞌ, jee suni njia̱ꞌa ráa ya̱ uvíꞌ nu̱u̱nꞌ íñɨ́ rá inka ka̱ꞌ. Jee nkenta ráa yuvékáa ne̱ yuíchí. Jee nine maáa, jee nkene ráa. Jee kua̱jia̱ꞌa ráa ɨɨn ichi. Yukuán va̱ꞌanire nkuiyo najiáꞌáꞌ nu̱u̱nꞌ re̱ꞌ.
11Sáá nna̱taꞌvi iniꞌ Pedro, nkachiꞌ re̱ꞌ:
―Ntañúꞌún jíníꞌ nijia ni̱ꞌ ya̱ nchu̱ichí I̱toꞌoꞌ ni̱ꞌ najiáꞌáꞌ ííꞌ re̱ꞌ, jee nsi̱káku re̱ꞌ nuꞌuꞌ xi̱ntíín Herodes, jín jie̱ꞌe̱ꞌ nɨꞌɨ ya̱ ñúꞌún iniꞌ rá ñɨvɨ Israel saꞌá ráa jín ni̱ꞌ, nékúvi.
12Sáá nna̱kuniꞌ re̱ꞌ ya̱ nkuvi suꞌva, ña̱ꞌa̱nꞌ re̱ꞌ veꞌi María náánꞌ Juan, ya̱ suni naní re̱ꞌ Marcos. Yukuán kue̱ꞌe̱ꞌ ñɨvɨ ni̱yo tútú jee káꞌánꞌ ráa jín Ndiosíꞌ. 13Jee sáá síkájián re̱ꞌ yuvéꞌí ne̱ yuíchí, ña̱ne̱ꞌyá ɨɨn ñasúchí, ya̱ kúvi musúꞌ ráa. Naní ña Rode. 14Sáá nna̱kuniꞌ ña ta̱chi̱ꞌ káꞌánꞌ Pedro, jee máá kúsɨ́ɨꞌ iniꞌ ña saáva ntu nsíne ña yuvéꞌí, chisaꞌ ninu ña iniꞌ veꞌi, jee nste̱kútu̱ꞌún ña ya̱ íñɨ́ Pedro yuvéꞌí. 15Soo nna̱xiníkó ráa nu̱u̱nꞌ ña:
―Sáꞌá xi̱ni̱ꞌ nú.
Soo íchí sánáaꞌ ña maa. Soo nkachiꞌ ráa:
―Najiáꞌáꞌ ííꞌ Ndiosíꞌ kútáꞌán jín re̱ꞌ ví‑i.
16Soo síkájián i̱i̱ꞌ Pedro. Jee sáá nsine ráa yuvéꞌí jee niniꞌ ráa re̱ꞌ, jee nti̱vɨ́ xá xíniꞌ ráa. 17Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ:
―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús.
Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.
18Sáá nku̱nijinꞌ, jee nániꞌvɨꞌ víꞌí iniꞌ rá soldado jie̱ꞌe̱ꞌ ya̱ ná nkuvi jín Pedro. 19Jee nta̱jí Herodes nanukú ráa maa. Sáá ntu nnániꞌinꞌ ráa maa, jee nxi̱náꞌmáꞌ re̱ꞌ rá soldado nku̱mí. Jee nta̱jí re̱ꞌ kaꞌniꞌ ráa rá soldado vá. Jee nkene re̱ꞌ Judea jee kua̱ꞌa̱nꞌ re̱ꞌ kuneeꞌ re̱ꞌ ne̱ ñuunꞌ Cesarea.
Ni̱ꞌi̱ꞌ Herodes
20Nki̱tɨ̱ꞌ xá iniꞌ Herodes nne̱ꞌyá re̱ꞌ rá ñɨvɨ rá ñuunꞌ Tiro jín Sidón. Jee nna̱túꞌún nuún rá ñɨvɨ rá ñuunꞌ vá ya̱ kɨ̱ꞌɨ̱nꞌ ráa nu̱u̱nꞌ re̱ꞌ. Jee Blasto, ya̱ kúvi re̱ꞌ musúꞌ kúñáꞌnú te̱e nísotíñú Herodes, jee sáá nku̱neí ráa nsi̱ínúꞌ ráa iniꞌ Blasto koo ma̱ni̱ꞌ táꞌán re̱ꞌ jín ráa, jee ni̱ka̱nꞌ ráa ya̱ numa̱ni̱ꞌ ráa jín Herodes. Nkachiꞌ ráa suꞌva chi níꞌínꞌ ráa ya̱ yájíꞌ ráa ne̱ nu̱u̱nꞌ ñuꞌun nu̱u̱nꞌ tátúníꞌ Herodes. 21Ñani Herodes ɨɨn ki̱vɨ̱ꞌ ya̱ kiji ráa. Jee nna̱ku̱ꞌun re̱ꞌ saꞌma íyótúníꞌ ñúꞌún re̱ꞌ sáá tátúníꞌ re̱ꞌ. Jee ña̱kuneeꞌ re̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ. Jee nkaꞌanꞌ re̱ꞌ ichinúúnꞌ ráa. 22Saájee nka̱najíín ráa:
―¡Ta̱chi̱ꞌ káꞌánꞌ ɨɨn ndiosíꞌ ví‑i sáá káꞌánꞌ Herodes, nsú káꞌ ɨɨn te̱e!
23Jee máá hora yukuán, nsi̱kúꞌvíꞌ ɨɨn najiáꞌáꞌ ííꞌ I̱toꞌoꞌ‑ó Herodes. Nsa̱ꞌá Ndiosíꞌ suꞌva chi ntu nnákuetúꞌún re̱ꞌ Ndiosíꞌ jee njia̱ꞌa re̱ꞌ nna̱kuetúꞌún ráa re̱ꞌ nsú káꞌ Ndiosíꞌ. Jee nyajiꞌ rá ti̱na̱kú re̱ꞌ, jee ni̱ꞌi̱ꞌ re̱ꞌ.
24Soo tu̱ꞌun I̱toꞌoꞌ‑ó saꞌ víꞌí káꞌ ñe̱te̱nuun, jee saꞌ víꞌí káꞌ nku̱kueꞌeꞌ ñɨvɨ ntɨɨn tu̱ꞌun vá.
25Sáá nnɨꞌɨ Bernabé jín Saulo tiñu ña̱ꞌa̱nꞌ ráa, jee nkene ráa ñuunꞌ Jerusalén, jee nni̱kó ráa ñuunꞌ Antioquía. Jee kua̱ꞌa̱nꞌ ráa jín Juan, ya̱ suni naní Marcos.
Currently Selected:
Hechos 12: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Hechos 12
12
Ñaꞌniꞌ ráa Jacobo jee ñasɨꞌ ráa Pedro veka̱a
1Ne̱ tiempúꞌ yukuán, Herodes, #12:1 Rey ví Herodes ya̱ nta̱túníꞌ re̱ꞌ ñuunꞌ Israel tiempúꞌ yukuán. te̱e tátúníꞌ, nta̱jí re̱ꞌ tɨɨn ráa sava rá ñɨvɨ kúneí iniꞌ rává Jesús sáva saꞌá kini ráa rává. 2Jee nta̱jí re̱ꞌ kaꞌniꞌ rá ñɨvɨ Jacobo, ñaniꞌ Juan, jín yuchiꞌ espada. 3Jee sáá nku̱káꞌnú iniꞌ re̱ꞌ ya̱ nnu̱vatu iniꞌ rá ñɨvɨ Israel ya̱ ñaꞌniꞌ re̱ꞌ maa, jee suni sukuán nta̱jí re̱ꞌ tɨɨn ráa Pedro. Kúvi rá ki̱vɨ̱ꞌ ya̱ sáꞌá ráa viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura. 4Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua. 5Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.
Ntavaꞌ Ndiosíꞌ Pedro veka̱a
6Jee ki̱vɨ̱ꞌ steñu̱ꞌún naku̱ꞌva Herodes Pedro nu̱u̱nꞌ rá ñɨvɨ, nékúvi. Soo maá yakuááꞌ yukuán nkixiꞌ Pedro ma̱ꞌñú u̱vi̱ꞌ soldado. Jee núꞌníꞌ re̱ꞌ jín u̱vi̱ꞌ cadena ka̱a. Jee rá inka soldado kúmí ne̱ yuvékáa. 7Jee sa̱naanꞌ nkitu̱vi ɨɨn najiáꞌáꞌ ííꞌ I̱toꞌoꞌ‑ó, jee ñanu̱te̱ꞌ nɨꞌɨ iniꞌ veka̱a. Nsi̱káchiꞌi re̱ꞌ i̱ka̱ꞌ Pedro, jee nxi̱nóto‑o re̱ꞌ jee nkachiꞌ‑i:
―Ñamaꞌ nako̱o nú.
Jee nna̱najiꞌ rá cadena ka̱a núꞌníꞌ naꞌá re̱ꞌ, jee ñe̱te̱ꞌ‑e. 8Jee nkachiꞌ najiáꞌáꞌ ííꞌ vá:
―Nakɨchi̱ji manchíjí nú jee nakɨ̱ꞌɨ ni̱jia̱nꞌ nú.
Jee sáá nsa̱ꞌá re̱ꞌ suꞌva, jee nkachiꞌ‑i:
―Nakuniji so̱kotóꞌ nú jee kunikɨnꞌ nú nuꞌuꞌ.
9Nnikɨnꞌ re̱ꞌ najiáꞌáꞌ ííꞌ jee nkene re̱ꞌ. Jee ntu nkúkáꞌnú iniꞌ re̱ꞌ ya̱ kúvi nijia ví ya̱ sáꞌá najiáꞌáꞌ ííꞌ vá. Soo nkaꞌvi iniꞌ re̱ꞌ ya̱ kájíkuitɨꞌ niniꞌ re̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ re̱ꞌ. 10Jee njia̱ꞌa ráa nu̱u̱nꞌ íñɨ́ rá soldado xíꞌnañúꞌún ya̱ kúmí ráa re̱ꞌ, jee suni njia̱ꞌa ráa ya̱ uvíꞌ nu̱u̱nꞌ íñɨ́ rá inka ka̱ꞌ. Jee nkenta ráa yuvékáa ne̱ yuíchí. Jee nine maáa, jee nkene ráa. Jee kua̱jia̱ꞌa ráa ɨɨn ichi. Yukuán va̱ꞌanire nkuiyo najiáꞌáꞌ nu̱u̱nꞌ re̱ꞌ.
11Sáá nna̱taꞌvi iniꞌ Pedro, nkachiꞌ re̱ꞌ:
―Ntañúꞌún jíníꞌ nijia ni̱ꞌ ya̱ nchu̱ichí I̱toꞌoꞌ ni̱ꞌ najiáꞌáꞌ ííꞌ re̱ꞌ, jee nsi̱káku re̱ꞌ nuꞌuꞌ xi̱ntíín Herodes, jín jie̱ꞌe̱ꞌ nɨꞌɨ ya̱ ñúꞌún iniꞌ rá ñɨvɨ Israel saꞌá ráa jín ni̱ꞌ, nékúvi.
12Sáá nna̱kuniꞌ re̱ꞌ ya̱ nkuvi suꞌva, ña̱ꞌa̱nꞌ re̱ꞌ veꞌi María náánꞌ Juan, ya̱ suni naní re̱ꞌ Marcos. Yukuán kue̱ꞌe̱ꞌ ñɨvɨ ni̱yo tútú jee káꞌánꞌ ráa jín Ndiosíꞌ. 13Jee sáá síkájián re̱ꞌ yuvéꞌí ne̱ yuíchí, ña̱ne̱ꞌyá ɨɨn ñasúchí, ya̱ kúvi musúꞌ ráa. Naní ña Rode. 14Sáá nna̱kuniꞌ ña ta̱chi̱ꞌ káꞌánꞌ Pedro, jee máá kúsɨ́ɨꞌ iniꞌ ña saáva ntu nsíne ña yuvéꞌí, chisaꞌ ninu ña iniꞌ veꞌi, jee nste̱kútu̱ꞌún ña ya̱ íñɨ́ Pedro yuvéꞌí. 15Soo nna̱xiníkó ráa nu̱u̱nꞌ ña:
―Sáꞌá xi̱ni̱ꞌ nú.
Soo íchí sánáaꞌ ña maa. Soo nkachiꞌ ráa:
―Najiáꞌáꞌ ííꞌ Ndiosíꞌ kútáꞌán jín re̱ꞌ ví‑i.
16Soo síkájián i̱i̱ꞌ Pedro. Jee sáá nsine ráa yuvéꞌí jee niniꞌ ráa re̱ꞌ, jee nti̱vɨ́ xá xíniꞌ ráa. 17Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ:
―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús.
Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.
18Sáá nku̱nijinꞌ, jee nániꞌvɨꞌ víꞌí iniꞌ rá soldado jie̱ꞌe̱ꞌ ya̱ ná nkuvi jín Pedro. 19Jee nta̱jí Herodes nanukú ráa maa. Sáá ntu nnániꞌinꞌ ráa maa, jee nxi̱náꞌmáꞌ re̱ꞌ rá soldado nku̱mí. Jee nta̱jí re̱ꞌ kaꞌniꞌ ráa rá soldado vá. Jee nkene re̱ꞌ Judea jee kua̱ꞌa̱nꞌ re̱ꞌ kuneeꞌ re̱ꞌ ne̱ ñuunꞌ Cesarea.
Ni̱ꞌi̱ꞌ Herodes
20Nki̱tɨ̱ꞌ xá iniꞌ Herodes nne̱ꞌyá re̱ꞌ rá ñɨvɨ rá ñuunꞌ Tiro jín Sidón. Jee nna̱túꞌún nuún rá ñɨvɨ rá ñuunꞌ vá ya̱ kɨ̱ꞌɨ̱nꞌ ráa nu̱u̱nꞌ re̱ꞌ. Jee Blasto, ya̱ kúvi re̱ꞌ musúꞌ kúñáꞌnú te̱e nísotíñú Herodes, jee sáá nku̱neí ráa nsi̱ínúꞌ ráa iniꞌ Blasto koo ma̱ni̱ꞌ táꞌán re̱ꞌ jín ráa, jee ni̱ka̱nꞌ ráa ya̱ numa̱ni̱ꞌ ráa jín Herodes. Nkachiꞌ ráa suꞌva chi níꞌínꞌ ráa ya̱ yájíꞌ ráa ne̱ nu̱u̱nꞌ ñuꞌun nu̱u̱nꞌ tátúníꞌ Herodes. 21Ñani Herodes ɨɨn ki̱vɨ̱ꞌ ya̱ kiji ráa. Jee nna̱ku̱ꞌun re̱ꞌ saꞌma íyótúníꞌ ñúꞌún re̱ꞌ sáá tátúníꞌ re̱ꞌ. Jee ña̱kuneeꞌ re̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ. Jee nkaꞌanꞌ re̱ꞌ ichinúúnꞌ ráa. 22Saájee nka̱najíín ráa:
―¡Ta̱chi̱ꞌ káꞌánꞌ ɨɨn ndiosíꞌ ví‑i sáá káꞌánꞌ Herodes, nsú káꞌ ɨɨn te̱e!
23Jee máá hora yukuán, nsi̱kúꞌvíꞌ ɨɨn najiáꞌáꞌ ííꞌ I̱toꞌoꞌ‑ó Herodes. Nsa̱ꞌá Ndiosíꞌ suꞌva chi ntu nnákuetúꞌún re̱ꞌ Ndiosíꞌ jee njia̱ꞌa re̱ꞌ nna̱kuetúꞌún ráa re̱ꞌ nsú káꞌ Ndiosíꞌ. Jee nyajiꞌ rá ti̱na̱kú re̱ꞌ, jee ni̱ꞌi̱ꞌ re̱ꞌ.
24Soo tu̱ꞌun I̱toꞌoꞌ‑ó saꞌ víꞌí káꞌ ñe̱te̱nuun, jee saꞌ víꞌí káꞌ nku̱kueꞌeꞌ ñɨvɨ ntɨɨn tu̱ꞌun vá.
25Sáá nnɨꞌɨ Bernabé jín Saulo tiñu ña̱ꞌa̱nꞌ ráa, jee nkene ráa ñuunꞌ Jerusalén, jee nni̱kó ráa ñuunꞌ Antioquía. Jee kua̱ꞌa̱nꞌ ráa jín Juan, ya̱ suni naní Marcos.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.