2 Timoteo 4
4
1Tétíñú ni̱ꞌin ni̱ꞌ nu̱u̱nꞌ noꞌó ichinúúnꞌ Ndiosíꞌ jín Cristo Jesús, ya̱ keꞌneꞌ re̱ꞌ kua̱chi rá ñɨvɨ tékúꞌ jín rá níꞌiꞌ, jín ya̱ nenta re̱ꞌ ñɨ̱vɨ́ yaꞌá, sáva tatúníꞌ re̱ꞌ nu̱u̱nꞌ nɨꞌɨ. 2Saáva tétíñú ni̱ꞌin ni̱ꞌ nu̱u̱nꞌ noꞌó ya̱:
Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ.
Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne.
Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa,
jee kuxeenꞌ nú nu̱u̱nꞌ ráa,
jee nasáneí nú iniꞌ ráa,
jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.
3Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa. 4Jee nateeyátá ráa so̱ꞌo ráa nu̱u̱nꞌ tu̱ꞌun káꞌánꞌ na̱a̱ꞌ Ndiosíꞌ, jee nusɨ́ɨ́n ráa nu̱u̱nꞌ‑u sáva tɨɨn ráa kuentúꞌ yanaꞌán ya̱ kúvi kuentúꞌ ni. 5Soo noꞌó,
kuꞌun kájí iniꞌ nú nu̱u̱nꞌ nta̱ká tiñu,
keꞌneꞌ iniꞌ nú tu̱nóꞌó,
saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo,
jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.
6Jee nuꞌuꞌ, nasokoꞌ ni̱ꞌ maáníꞌ nu̱u̱nꞌ Ndiosíꞌ, chi va̱ji kenta ki̱vɨ̱ꞌ kaꞌniꞌ ráa nuꞌuꞌ jie̱ꞌe̱ꞌ re̱ꞌ, jee kɨ̱ꞌɨ̱nꞌ ni̱ꞌ. 7Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó. 8Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, #4:8 Naní: corona de justicia ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.
Tu̱ꞌun ya̱ káꞌánꞌ maá Pablo jín Timoteo
9Kuniꞌvɨꞌ iniꞌ nú kiji ñamaꞌ nú kine̱ꞌyá nú nuꞌuꞌ. 10Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia. 11Jee kua̱chi métúꞌún ni Lucas íyó jín ni̱ꞌ. Jee nanukú nú Marcos, jee kiji nú jín re̱ꞌ yaꞌá, chi íyótiñu re̱ꞌ chineí re̱ꞌ nuꞌuꞌ saꞌá ni̱ꞌ tiñu yaꞌá nu̱u̱nꞌ Ndiosíꞌ. 12Jee Tíquico, nta̱jí ni̱ꞌ re̱ꞌ kua̱ꞌa̱nꞌ re̱ꞌ ñuunꞌ Éfeso. 13Sáá kiji nú jee kunaꞌá nú so̱kotóꞌ, ya̱ nxi̱nóo ni̱ꞌ ñuunꞌ Troas iniꞌ veꞌi Carpo. Jee suni kunaꞌá nú rá tutuꞌ kiji jín nú. Jee ya̱ ñáꞌnú ka̱ꞌ kunaꞌá nú kiji ví rá tutuꞌ níso tu̱ꞌun ya̱ ñáꞌnú ka̱ꞌ, ya̱ kúvi ñɨɨn sa̱na̱ꞌ.
14Alejandro, ya̱ téñuꞌunꞌ ka̱a jee násaꞌá re̱ꞌ nantíñú maa, niva̱ꞌa víꞌí nsa̱ꞌá re̱ꞌ jín ni̱ꞌ, soo I̱toꞌoꞌ‑ó nachunáán nu̱u̱nꞌ re̱ꞌ sánikua̱ꞌ nsa̱ꞌá niva̱ꞌa re̱ꞌ. 15Jee suni kumí nú maánú nu̱u̱nꞌ re̱ꞌ, chi nnuni̱ꞌin víꞌí re̱ꞌ nu̱u̱nꞌ tu̱ꞌun xínéꞌénꞌ‑ó.
16Jee sáá nnama ni̱ꞌ maáníꞌ ichinúúnꞌ rá te̱e jiéꞌnéꞌ kua̱chi ya̱ xíꞌnañúꞌún, jee ni ɨɨn ñɨvɨ ntu nnákuíñɨꞌ ráa jín ni̱ꞌ, chi nta̱ká ráa nxi̱nóo métúꞌún nuꞌuꞌ. Varéáꞌ ntɨ́ɨn kuéntáꞌ Ndiosíꞌ maa si̱kɨ̱ꞌ ráa. 17Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa. 18Jee sikáku I̱toꞌoꞌ‑ó nakeꞌen re̱ꞌ nuꞌuꞌ nu̱u̱nꞌ nɨꞌɨ tiñu níváꞌa ya̱ nóꞌo ni̱ꞌ. Jee kumí kutú re̱ꞌ nuꞌuꞌ ne̱kua̱ꞌ ki̱vɨ ni̱ꞌ ñuunꞌ ya̱ íyó súkún nu̱u̱nꞌ tátúníꞌ re̱ꞌ. Nakuetúꞌún‑ó ya̱ viiꞌ nasɨ́kuitɨꞌ kúñáꞌnú re̱ꞌ nɨ́ɨ́nkání. Suꞌva koo.
Nu̱u̱nꞌ nɨ́ꞌɨ, jiáꞌa Pablo ɨɨn tu̱ꞌun jíkátu̱ꞌún re̱ꞌ jie̱ꞌe̱ꞌ ñɨvɨ jee jíkánꞌ re̱ꞌ ya̱ váꞌa kuvi jín Timoteo
19Jiáꞌa ni̱ꞌ ɨɨn tu̱ꞌun káva̱ꞌa nu̱u̱nꞌ Prisca jín Aquila, jín nu̱u̱nꞌ rá ñɨvɨ táꞌán veꞌi Onesíforo. 20Jee Erasto nkino̱o ñuunꞌ Corinto. Jee nxi̱nóo ni̱ꞌ Trófimo ñuunꞌ Mileto, chi kúꞌvíꞌ re̱ꞌ. 21Kuniꞌvɨꞌ iniꞌ nú kiji nú ne̱ ntiáꞌan kenta rá yo̱o̱ꞌ kúvíjin. Jee Eubulo, jín Pudente, jín Lino, jín Claudia, jín nɨꞌɨ rá ñanitáꞌán‑ó táji ráa ɨɨn tu̱ꞌun káva̱ꞌa nu̱u̱nꞌ nú.
22Jee na̱ ka̱ꞌ I̱toꞌoꞌ‑ó kunaka ñaꞌán re̱ꞌ ka̱ꞌ noꞌó. Na̱ ka̱ꞌ koo ma̱ni̱ꞌ iniꞌ Ndiosíꞌ ka̱ꞌ jín ránoꞌó. Sukuán koo. Amén.
Currently Selected:
2 Timoteo 4: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
2 Timoteo 4
4
1Tétíñú ni̱ꞌin ni̱ꞌ nu̱u̱nꞌ noꞌó ichinúúnꞌ Ndiosíꞌ jín Cristo Jesús, ya̱ keꞌneꞌ re̱ꞌ kua̱chi rá ñɨvɨ tékúꞌ jín rá níꞌiꞌ, jín ya̱ nenta re̱ꞌ ñɨ̱vɨ́ yaꞌá, sáva tatúníꞌ re̱ꞌ nu̱u̱nꞌ nɨꞌɨ. 2Saáva tétíñú ni̱ꞌin ni̱ꞌ nu̱u̱nꞌ noꞌó ya̱:
Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ.
Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne.
Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa,
jee kuxeenꞌ nú nu̱u̱nꞌ ráa,
jee nasáneí nú iniꞌ ráa,
jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.
3Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa. 4Jee nateeyátá ráa so̱ꞌo ráa nu̱u̱nꞌ tu̱ꞌun káꞌánꞌ na̱a̱ꞌ Ndiosíꞌ, jee nusɨ́ɨ́n ráa nu̱u̱nꞌ‑u sáva tɨɨn ráa kuentúꞌ yanaꞌán ya̱ kúvi kuentúꞌ ni. 5Soo noꞌó,
kuꞌun kájí iniꞌ nú nu̱u̱nꞌ nta̱ká tiñu,
keꞌneꞌ iniꞌ nú tu̱nóꞌó,
saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo,
jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.
6Jee nuꞌuꞌ, nasokoꞌ ni̱ꞌ maáníꞌ nu̱u̱nꞌ Ndiosíꞌ, chi va̱ji kenta ki̱vɨ̱ꞌ kaꞌniꞌ ráa nuꞌuꞌ jie̱ꞌe̱ꞌ re̱ꞌ, jee kɨ̱ꞌɨ̱nꞌ ni̱ꞌ. 7Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó. 8Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, #4:8 Naní: corona de justicia ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.
Tu̱ꞌun ya̱ káꞌánꞌ maá Pablo jín Timoteo
9Kuniꞌvɨꞌ iniꞌ nú kiji ñamaꞌ nú kine̱ꞌyá nú nuꞌuꞌ. 10Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia. 11Jee kua̱chi métúꞌún ni Lucas íyó jín ni̱ꞌ. Jee nanukú nú Marcos, jee kiji nú jín re̱ꞌ yaꞌá, chi íyótiñu re̱ꞌ chineí re̱ꞌ nuꞌuꞌ saꞌá ni̱ꞌ tiñu yaꞌá nu̱u̱nꞌ Ndiosíꞌ. 12Jee Tíquico, nta̱jí ni̱ꞌ re̱ꞌ kua̱ꞌa̱nꞌ re̱ꞌ ñuunꞌ Éfeso. 13Sáá kiji nú jee kunaꞌá nú so̱kotóꞌ, ya̱ nxi̱nóo ni̱ꞌ ñuunꞌ Troas iniꞌ veꞌi Carpo. Jee suni kunaꞌá nú rá tutuꞌ kiji jín nú. Jee ya̱ ñáꞌnú ka̱ꞌ kunaꞌá nú kiji ví rá tutuꞌ níso tu̱ꞌun ya̱ ñáꞌnú ka̱ꞌ, ya̱ kúvi ñɨɨn sa̱na̱ꞌ.
14Alejandro, ya̱ téñuꞌunꞌ ka̱a jee násaꞌá re̱ꞌ nantíñú maa, niva̱ꞌa víꞌí nsa̱ꞌá re̱ꞌ jín ni̱ꞌ, soo I̱toꞌoꞌ‑ó nachunáán nu̱u̱nꞌ re̱ꞌ sánikua̱ꞌ nsa̱ꞌá niva̱ꞌa re̱ꞌ. 15Jee suni kumí nú maánú nu̱u̱nꞌ re̱ꞌ, chi nnuni̱ꞌin víꞌí re̱ꞌ nu̱u̱nꞌ tu̱ꞌun xínéꞌénꞌ‑ó.
16Jee sáá nnama ni̱ꞌ maáníꞌ ichinúúnꞌ rá te̱e jiéꞌnéꞌ kua̱chi ya̱ xíꞌnañúꞌún, jee ni ɨɨn ñɨvɨ ntu nnákuíñɨꞌ ráa jín ni̱ꞌ, chi nta̱ká ráa nxi̱nóo métúꞌún nuꞌuꞌ. Varéáꞌ ntɨ́ɨn kuéntáꞌ Ndiosíꞌ maa si̱kɨ̱ꞌ ráa. 17Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa. 18Jee sikáku I̱toꞌoꞌ‑ó nakeꞌen re̱ꞌ nuꞌuꞌ nu̱u̱nꞌ nɨꞌɨ tiñu níváꞌa ya̱ nóꞌo ni̱ꞌ. Jee kumí kutú re̱ꞌ nuꞌuꞌ ne̱kua̱ꞌ ki̱vɨ ni̱ꞌ ñuunꞌ ya̱ íyó súkún nu̱u̱nꞌ tátúníꞌ re̱ꞌ. Nakuetúꞌún‑ó ya̱ viiꞌ nasɨ́kuitɨꞌ kúñáꞌnú re̱ꞌ nɨ́ɨ́nkání. Suꞌva koo.
Nu̱u̱nꞌ nɨ́ꞌɨ, jiáꞌa Pablo ɨɨn tu̱ꞌun jíkátu̱ꞌún re̱ꞌ jie̱ꞌe̱ꞌ ñɨvɨ jee jíkánꞌ re̱ꞌ ya̱ váꞌa kuvi jín Timoteo
19Jiáꞌa ni̱ꞌ ɨɨn tu̱ꞌun káva̱ꞌa nu̱u̱nꞌ Prisca jín Aquila, jín nu̱u̱nꞌ rá ñɨvɨ táꞌán veꞌi Onesíforo. 20Jee Erasto nkino̱o ñuunꞌ Corinto. Jee nxi̱nóo ni̱ꞌ Trófimo ñuunꞌ Mileto, chi kúꞌvíꞌ re̱ꞌ. 21Kuniꞌvɨꞌ iniꞌ nú kiji nú ne̱ ntiáꞌan kenta rá yo̱o̱ꞌ kúvíjin. Jee Eubulo, jín Pudente, jín Lino, jín Claudia, jín nɨꞌɨ rá ñanitáꞌán‑ó táji ráa ɨɨn tu̱ꞌun káva̱ꞌa nu̱u̱nꞌ nú.
22Jee na̱ ka̱ꞌ I̱toꞌoꞌ‑ó kunaka ñaꞌán re̱ꞌ ka̱ꞌ noꞌó. Na̱ ka̱ꞌ koo ma̱ni̱ꞌ iniꞌ Ndiosíꞌ ka̱ꞌ jín ránoꞌó. Sukuán koo. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.