2 कुरिन्थियों 1
1
नंमष्कार
1संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:
2अमाँरे परंम-पिता पंण्मिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।
पंण्मिश्वर का धन्यबाद करणा
3अमाँरे प्रभू यीशू मसीया के पंण्मिश्वर अरह् बाबा का धन्यबाद हुआ चेंई, जू दया-रंय्म का पिता अरह् हर प्रकार की शाँण्त्ति का पंण्मिश्वर असो। 4से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो। 5किन्देंखे के जैष्णें मसीया के दु:खो के आँमें हिस्सेदार असो, तैष्णें ही आँमें तियों शाँण्त्ति दे भे मसीया के जाँणें हिस्सेदार असो।
6जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो। 7अमाँरा भूर्षा तुवाँरे बारे दा पाक्का असो, किन्देंखे के आँमें जाँणोंऐं, के तुँऐं जैष्णें अमाँरे दु:ख-कल़ैष दे, तैष्णें ही अमाँरी शाँण्त्ति दे भे बराबर के हिस्सेदार असो।
8हे भाऐ बंईणों, आँमें ने चहाँदें के तुँऐं अमाँरे तेसी दु:ख-कल़ैष शे अजाँण्दें रंह्, जू आसिया ईलाके दा आँमों गाशी पड़ा; आँमें ऐशे बड़े भारी बोझ़ थाँई दबी गुऐ थिऐ, जू अमाँरे बष का ने थी, ऐतै ज़ुगा के आँमें आप्णों तारी पाओ थियों, अरह् आँमें तबै जीऊँणों के आश भे छ़ुड़ी पाऐ थी। 9अरह् आँमें ऐजो जाँणी पाव के ऐतलो अमाँरी मंऊँत्त नंजीक असो, तबे अमाँरे आप्णा भूर्षा च़ूटी गुआ थिया, परह् पंण्मिश्वर जू मरे अंदे मुँझ्शे भे ऊबे जीयाल़ो, 10तिन्ऐ ही आँमों मऊँत्ती के मुँहों शे बचाऐं; अरह् तिन गाशी अमाँरा ऐजा भूर्षा असो, के से हजों भे आँमों बचाँदें रंह्दे।
11तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।
संत्त-पौलुस की यात्रा दा बद्ल़ाव
12किन्देंखे के आँमें आप्णे बिचारो#1:12 मतल्व मंन का बद्ल़ाव; के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया। 13आँमें तुँओं खे ऊको किऐ ने लिख्दे, सिर्फ सेजो जू तुँऐं पढ़ो, अरह् माँनों ऐ, अरह् मुँह ऐजा भुर्षा असो, के आखरी तोड़ी भी तुँऐं माँन्दें रंह्दे।
14जैष्णों तुँओं मुझ्शो कंई ऐ#1:14 थुड़ो भोत; मानी पाव, के आँमें तुवाँरे तारीफ का कार्ण असो, तैष्णें ही तुँऐं भे प्रभू यीशू के देसे अमाँरे बारे दा तारीफ का कारण बणले।
15तैसी ही भूर्षे शो हाँव चहाऊँ थिया, के आगे तुँओं कैई आँऊ, के तुँओं आँमों दे:ख्णों का ऐक ओका मोंका भेंटो, 16अरह् तुँओं कैई शा जाँदी बई मकिदुनिया खे जाऊँ, अरह् तबे मकिदुनिया शा पाछु तुँओं कैई आँऊ; अरह् तुँऐं मुँह यहूदिया की ढबे किऐ आगुड़े तोड़ी डियाल़ो। 17ईन्देंखे मुँऐ जे ऐजी हिछ़या करी, तअ कियो मुँऐ किऐ याँणीं मंत्त-शीख दे:खाऐ? के जुण्जो किऐ कर्णो चहाऊँ, कियों देह्-शरीर के मुँताबिक कर्णो चहाऊँ, के हाँव बातो दी “हाँ के हाँ” भे करू, अरह् “नहाँ के नहाँ” भे करू? 18पंण्मिश्वर साच्चा गुवाह्-शाज़्त असो, के अमाँरे तेसी बचन दा जू तुँओं कैई बुला गुआ, के “हाँ” अरह् “नहाँ” दुईनें ने हई चेंई। 19किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी। 20किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों। 21अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो, 22जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।
23हाँव पंण्मिश्वर खे गुवाह्-शाज़्त जाँणियों बुलू, के हाँव हेभी तोड़ी कुरिन्थुस दा ईन्देखे ने आई, के मुँह तुँवारी घीणों लागो थी। 24ऐजो ने के आँमें बिश्वाष के बारे दा तुँओं गाशी हंक-अधिकार जमाँणा चहाँव; परह् तुवाँरे आँनन्द-खुशी के साथी असो, किन्देंखे के तुँऐं बिश्वाष दे ही पाक्कै रंह।
Currently Selected:
2 कुरिन्थियों 1: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
2 कुरिन्थियों 1
1
नंमष्कार
1संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:
2अमाँरे परंम-पिता पंण्मिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।
पंण्मिश्वर का धन्यबाद करणा
3अमाँरे प्रभू यीशू मसीया के पंण्मिश्वर अरह् बाबा का धन्यबाद हुआ चेंई, जू दया-रंय्म का पिता अरह् हर प्रकार की शाँण्त्ति का पंण्मिश्वर असो। 4से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो। 5किन्देंखे के जैष्णें मसीया के दु:खो के आँमें हिस्सेदार असो, तैष्णें ही आँमें तियों शाँण्त्ति दे भे मसीया के जाँणें हिस्सेदार असो।
6जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो। 7अमाँरा भूर्षा तुवाँरे बारे दा पाक्का असो, किन्देंखे के आँमें जाँणोंऐं, के तुँऐं जैष्णें अमाँरे दु:ख-कल़ैष दे, तैष्णें ही अमाँरी शाँण्त्ति दे भे बराबर के हिस्सेदार असो।
8हे भाऐ बंईणों, आँमें ने चहाँदें के तुँऐं अमाँरे तेसी दु:ख-कल़ैष शे अजाँण्दें रंह्, जू आसिया ईलाके दा आँमों गाशी पड़ा; आँमें ऐशे बड़े भारी बोझ़ थाँई दबी गुऐ थिऐ, जू अमाँरे बष का ने थी, ऐतै ज़ुगा के आँमें आप्णों तारी पाओ थियों, अरह् आँमें तबै जीऊँणों के आश भे छ़ुड़ी पाऐ थी। 9अरह् आँमें ऐजो जाँणी पाव के ऐतलो अमाँरी मंऊँत्त नंजीक असो, तबे अमाँरे आप्णा भूर्षा च़ूटी गुआ थिया, परह् पंण्मिश्वर जू मरे अंदे मुँझ्शे भे ऊबे जीयाल़ो, 10तिन्ऐ ही आँमों मऊँत्ती के मुँहों शे बचाऐं; अरह् तिन गाशी अमाँरा ऐजा भूर्षा असो, के से हजों भे आँमों बचाँदें रंह्दे।
11तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।
संत्त-पौलुस की यात्रा दा बद्ल़ाव
12किन्देंखे के आँमें आप्णे बिचारो#1:12 मतल्व मंन का बद्ल़ाव; के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया। 13आँमें तुँओं खे ऊको किऐ ने लिख्दे, सिर्फ सेजो जू तुँऐं पढ़ो, अरह् माँनों ऐ, अरह् मुँह ऐजा भुर्षा असो, के आखरी तोड़ी भी तुँऐं माँन्दें रंह्दे।
14जैष्णों तुँओं मुझ्शो कंई ऐ#1:14 थुड़ो भोत; मानी पाव, के आँमें तुवाँरे तारीफ का कार्ण असो, तैष्णें ही तुँऐं भे प्रभू यीशू के देसे अमाँरे बारे दा तारीफ का कारण बणले।
15तैसी ही भूर्षे शो हाँव चहाऊँ थिया, के आगे तुँओं कैई आँऊ, के तुँओं आँमों दे:ख्णों का ऐक ओका मोंका भेंटो, 16अरह् तुँओं कैई शा जाँदी बई मकिदुनिया खे जाऊँ, अरह् तबे मकिदुनिया शा पाछु तुँओं कैई आँऊ; अरह् तुँऐं मुँह यहूदिया की ढबे किऐ आगुड़े तोड़ी डियाल़ो। 17ईन्देंखे मुँऐ जे ऐजी हिछ़या करी, तअ कियो मुँऐ किऐ याँणीं मंत्त-शीख दे:खाऐ? के जुण्जो किऐ कर्णो चहाऊँ, कियों देह्-शरीर के मुँताबिक कर्णो चहाऊँ, के हाँव बातो दी “हाँ के हाँ” भे करू, अरह् “नहाँ के नहाँ” भे करू? 18पंण्मिश्वर साच्चा गुवाह्-शाज़्त असो, के अमाँरे तेसी बचन दा जू तुँओं कैई बुला गुआ, के “हाँ” अरह् “नहाँ” दुईनें ने हई चेंई। 19किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी। 20किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों। 21अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो, 22जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।
23हाँव पंण्मिश्वर खे गुवाह्-शाज़्त जाँणियों बुलू, के हाँव हेभी तोड़ी कुरिन्थुस दा ईन्देखे ने आई, के मुँह तुँवारी घीणों लागो थी। 24ऐजो ने के आँमें बिश्वाष के बारे दा तुँओं गाशी हंक-अधिकार जमाँणा चहाँव; परह् तुवाँरे आँनन्द-खुशी के साथी असो, किन्देंखे के तुँऐं बिश्वाष दे ही पाक्कै रंह।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.