1 थिस्सलुनीकियों 4
4
जीवन जू पंण्मिश्वर खुशी करह्
1ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्। 2किन्देंखे के तुँऐं जाँणो ऐ, के आँमें प्रभू यीशू के अधीन शी तुँओं खे कुण्जी-कुण्जी अज्ञाँ देऐ थई। 3किन्देंखे के पंण्मिश्वर की हिछ़या ऐजी असो, के तुँऐं पबित्र बंणो: मतल्व बिचका-काँम शे बंचियों रंह्, 4अरह् तुँओं मुझ्षा हर ऐक पबित्रता अरह् आदर आरी आप्णी तिरंई की गईलो रंह्, 5अरह् ऐजे काँम लाल़्च शे ने, अरह् ना तिनू गऐर यहूदी जेष्णें जू पंण्मिश्वर ने जाँण्दी, 6के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो। 7किन्देंखे के पंण्मिश्वर आँमों बिचकै हणों खे ने, परह् पबित्र हंणों खे बय्दी थुऐ। 8ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों। 9परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो; 10अरह् मकीदुनिया के बादे भाऐ आरी ऐष्णों ही प्यार करह्। परह् हे भाईयों, आँमें तुँओं सम्झाँव के हजो भे बिश्वाष दे बढ़्दे रंह्, 11अरह् जैष्णी अज्ञाँ आँमें तुँओं खे दिती, तेष्णें ही चुप-चाँण रंहणों अरह् आप्णें-आप्णें काँम-काज़ दे लागे अंदे रंह्, अरह् आप्णे-आप्णे हाथे कमाणों की कोशिष करह्; 12जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।
प्रभू की हजो आँवणीं
13हे भाऐ-बंईणों, आँमें ने चहाँदें के तुँऐं तिनके बारे दे जुण्जे मँरी रूऐ, तिन्दे के बारे दे अजाँण्दे रंह्; जू कद्दी ऐशो ने हईयों के तुँऐं तिनू ओकी जेष्णाँ शोग पाल़ो जिनके प्रभू दा भोर्षा ने आथी। 14किन्देंखे के जे आँमें बिश्वाष करह्, के प्रभू यीशू मंरे अरह् ऊबे जीऐ, तअ तेष्णे ही पंण्मिश्वर तिनू भी ऊबे जीयाल़्दे जू प्रभू यीशू गाशी बिश्वाष करियों मंरी रूऐ। 15किन्देंखे के आँमें प्रभू के बचन के जाँणें तुँओं खे ऐजो बुलो, के आँमें जू जीऊँदे असो, अरह् प्रभू के आँणों तोड़ी बचे अंदे रऊँबे, आँमें तिनू मंरे अंदे शे आगे ने बड़्दी। 16किन्देंखे के प्रभू आपु ही स्वर्गो शे ऊदे आँदे; तेसी बख्ते लेल्लापूर, अरह् मुँख्या दूत का शब्द शुँणाई पड़दा, अरह् पंण्मिश्वर की तूरी फूकरी ज़ाँदी; अरह् जू मसीया दे मँरी रूऐ, सेजे ही आगे ऊबे जीऊँदे। 17तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे। 18ऐशा ही दाँई ईनू बातो लंई ओका ओकी खे होंस्ला देऐया करह्।
Currently Selected:
1 थिस्सलुनीकियों 4: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 थिस्सलुनीकियों 4
4
जीवन जू पंण्मिश्वर खुशी करह्
1ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्। 2किन्देंखे के तुँऐं जाँणो ऐ, के आँमें प्रभू यीशू के अधीन शी तुँओं खे कुण्जी-कुण्जी अज्ञाँ देऐ थई। 3किन्देंखे के पंण्मिश्वर की हिछ़या ऐजी असो, के तुँऐं पबित्र बंणो: मतल्व बिचका-काँम शे बंचियों रंह्, 4अरह् तुँओं मुझ्षा हर ऐक पबित्रता अरह् आदर आरी आप्णी तिरंई की गईलो रंह्, 5अरह् ऐजे काँम लाल़्च शे ने, अरह् ना तिनू गऐर यहूदी जेष्णें जू पंण्मिश्वर ने जाँण्दी, 6के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो। 7किन्देंखे के पंण्मिश्वर आँमों बिचकै हणों खे ने, परह् पबित्र हंणों खे बय्दी थुऐ। 8ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों। 9परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो; 10अरह् मकीदुनिया के बादे भाऐ आरी ऐष्णों ही प्यार करह्। परह् हे भाईयों, आँमें तुँओं सम्झाँव के हजो भे बिश्वाष दे बढ़्दे रंह्, 11अरह् जैष्णी अज्ञाँ आँमें तुँओं खे दिती, तेष्णें ही चुप-चाँण रंहणों अरह् आप्णें-आप्णें काँम-काज़ दे लागे अंदे रंह्, अरह् आप्णे-आप्णे हाथे कमाणों की कोशिष करह्; 12जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।
प्रभू की हजो आँवणीं
13हे भाऐ-बंईणों, आँमें ने चहाँदें के तुँऐं तिनके बारे दे जुण्जे मँरी रूऐ, तिन्दे के बारे दे अजाँण्दे रंह्; जू कद्दी ऐशो ने हईयों के तुँऐं तिनू ओकी जेष्णाँ शोग पाल़ो जिनके प्रभू दा भोर्षा ने आथी। 14किन्देंखे के जे आँमें बिश्वाष करह्, के प्रभू यीशू मंरे अरह् ऊबे जीऐ, तअ तेष्णे ही पंण्मिश्वर तिनू भी ऊबे जीयाल़्दे जू प्रभू यीशू गाशी बिश्वाष करियों मंरी रूऐ। 15किन्देंखे के आँमें प्रभू के बचन के जाँणें तुँओं खे ऐजो बुलो, के आँमें जू जीऊँदे असो, अरह् प्रभू के आँणों तोड़ी बचे अंदे रऊँबे, आँमें तिनू मंरे अंदे शे आगे ने बड़्दी। 16किन्देंखे के प्रभू आपु ही स्वर्गो शे ऊदे आँदे; तेसी बख्ते लेल्लापूर, अरह् मुँख्या दूत का शब्द शुँणाई पड़दा, अरह् पंण्मिश्वर की तूरी फूकरी ज़ाँदी; अरह् जू मसीया दे मँरी रूऐ, सेजे ही आगे ऊबे जीऊँदे। 17तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे। 18ऐशा ही दाँई ईनू बातो लंई ओका ओकी खे होंस्ला देऐया करह्।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.