Rôma 5
5
1Yeṉo dwaṉizô p’agôre v’ibekelya, azw’are n’am̃ènjè n’Anyambyè, vo Reri yazô Yesu‐Krist, 2vo yè azw’are dènga p’iyingiṉô v’ibekelya gw’imèpiṉô siṉo si dwaṉô zwè, ko zwè sôgwa gw’igum̃u ny’ivenda ny’Anyambyè. 3N’aranga yeṉo dadyè, azwè sôgwa kè gw’injuke, myagaga inè, injuke si bag’isindiṉa, 4n’isindiṉa si bag’ikeṽa gw’injuke, n’ikeṽa siṉo si bag’igum̃u. 5Ndô igum̃u ny’azaye, konde itonda s’Anyambyè si re jirô pa gw’irèm̃i yazô ne Iṉiṉ’Iṽya nyi re pô pa zwè.
6Konde gw’avegagi zwè ngulu fo, gw’aluk’egômbe, ayuwi Krist g’ômwanja w’aṉag’aṽe. 7Konde ôma e be sile juwa g’ômwanja w’ôma w’ôgôre; ndô vendetwa ôma ko jolye juwa g’ômwanja w’ôm’ombya. 8Ndô Anyambyè e tum̃iny’itondi sè gôre zwè, konde gw’avegagi zwè aṽe, ayuwi Krist g’ômwanji wazô. 9Ko pôrô azwè dwaṉizô p’agôre ni ntyiṉi yè, azwè be sungiṉô ne yè avila gw’eguṉu. 10Konde gambô gw’avegagi zwè ilôvalôvi, azw’amèpinyô n’Anyambyè v’ijuwa s’Ômwaṉi wè, ko pôrô azwè mèpiṉô pa, azwè be sungiṉô n’em̃èṉo zè. 11N’aranga yeṉo dadyè, ndô azwè sôgwa kè gôr’Anyambyè vo Reri yazô Yesu‐Krist, vo yè azw’are dènga p’imèpyaṉa.
12Yeṉo, ga nt’ayingiṉ’ibe gô ntye yiṉo v’ôm’ôm̃ori, n’ijuwa v’ibe, na yeṉo are bya p’ijuwa gôr’aṉaga waôdu, konde waôdu wi re janja p’ibe, 13konde ibe s’avegagi gô ntye yiṉo kwanga gw’egômbe z’ivanga. Ndô ibe si pa tangiṉô ôma j’ivanga nyi zele. 14Ndô ijuwa s’avangiṉi avila gôr’Adam kwanga gôre Môsès, vangaṉe gôre waô wi re wi pa janj’ibe egolaṉi g’ipava s’Adam, avegagi n’egolaṉi z’ôma wi re gô bya. 15Ndô ezom̃a zi pô mpagaga zi zele egolaṉi g’ipava; konde j’awenge w’ayuwi n’ipava s’ôm’ôm̃ori, ko pôrô imèpiṉô s’Anyambyè ni mpagaga y’imèpiṉô si pila gôr’ôm’ôm̃ori dadyè, Yesu‐Krist, si re buṉa pa gôr’awenge. 16Ni mpagaga yi zele ga yom̃a y’aṽyeṉi v’ôm’ôm̃ori w’ayanj’ibe; konde ipô s’ôgara s’avili gw’ipav’im̃ori, ndô ezom̃a zi mpagaga zi p’aṉaga ôgôre zi pila gw’ipav’ijenge. 17J’ijuwa s’avangiṉi n’ipava s’ôm’ôm̃ori dadyè, ko pôrô waô wi dèng’ibuṉa s’imèpiṉô ni mpagaga y’ôgôre, wi be pangiṉa gw’em̃èṉo vo Yesu‐Krist dadyè.
18Ga nt’arweṉi v’ipav’im̃ori dadyè ôgara w’alati gôr’aṉaga waôdu, yeṉo kè v’ôgôr’ôm̃ori dadyè, ôgôre mè wi p’em̃èṉo gôr’aṉaga waôdu. 19Konde ga nt’avangyô awenge aṽe v’itwayogiṉô s’ôm’ôm̃ori dadyè, yeṉo kè awenge wi be pangô agôre v’ijogiṉô s’ôm’ôm̃ori dadyè. 20N’ivanga ny’aṽyeṉi ko ipava buṉa; ndô mbôra y’awuṉ’ibe, imèpiṉô s’awuṉi vyagaṉô, 21inè, ga nt’avangiṉ’ibe v’ijuwa, yeṉo kè imèpiṉô si ga vangiṉe v’ôgôre gw’em̃èṉo za koṉako vo Yesu‐Krist ya Reri yazô.
Currently Selected:
Rôma 5: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
Rôma 5
5
1Yeṉo dwaṉizô p’agôre v’ibekelya, azw’are n’am̃ènjè n’Anyambyè, vo Reri yazô Yesu‐Krist, 2vo yè azw’are dènga p’iyingiṉô v’ibekelya gw’imèpiṉô siṉo si dwaṉô zwè, ko zwè sôgwa gw’igum̃u ny’ivenda ny’Anyambyè. 3N’aranga yeṉo dadyè, azwè sôgwa kè gw’injuke, myagaga inè, injuke si bag’isindiṉa, 4n’isindiṉa si bag’ikeṽa gw’injuke, n’ikeṽa siṉo si bag’igum̃u. 5Ndô igum̃u ny’azaye, konde itonda s’Anyambyè si re jirô pa gw’irèm̃i yazô ne Iṉiṉ’Iṽya nyi re pô pa zwè.
6Konde gw’avegagi zwè ngulu fo, gw’aluk’egômbe, ayuwi Krist g’ômwanja w’aṉag’aṽe. 7Konde ôma e be sile juwa g’ômwanja w’ôma w’ôgôre; ndô vendetwa ôma ko jolye juwa g’ômwanja w’ôm’ombya. 8Ndô Anyambyè e tum̃iny’itondi sè gôre zwè, konde gw’avegagi zwè aṽe, ayuwi Krist g’ômwanji wazô. 9Ko pôrô azwè dwaṉizô p’agôre ni ntyiṉi yè, azwè be sungiṉô ne yè avila gw’eguṉu. 10Konde gambô gw’avegagi zwè ilôvalôvi, azw’amèpinyô n’Anyambyè v’ijuwa s’Ômwaṉi wè, ko pôrô azwè mèpiṉô pa, azwè be sungiṉô n’em̃èṉo zè. 11N’aranga yeṉo dadyè, ndô azwè sôgwa kè gôr’Anyambyè vo Reri yazô Yesu‐Krist, vo yè azw’are dènga p’imèpyaṉa.
12Yeṉo, ga nt’ayingiṉ’ibe gô ntye yiṉo v’ôm’ôm̃ori, n’ijuwa v’ibe, na yeṉo are bya p’ijuwa gôr’aṉaga waôdu, konde waôdu wi re janja p’ibe, 13konde ibe s’avegagi gô ntye yiṉo kwanga gw’egômbe z’ivanga. Ndô ibe si pa tangiṉô ôma j’ivanga nyi zele. 14Ndô ijuwa s’avangiṉi avila gôr’Adam kwanga gôre Môsès, vangaṉe gôre waô wi re wi pa janj’ibe egolaṉi g’ipava s’Adam, avegagi n’egolaṉi z’ôma wi re gô bya. 15Ndô ezom̃a zi pô mpagaga zi zele egolaṉi g’ipava; konde j’awenge w’ayuwi n’ipava s’ôm’ôm̃ori, ko pôrô imèpiṉô s’Anyambyè ni mpagaga y’imèpiṉô si pila gôr’ôm’ôm̃ori dadyè, Yesu‐Krist, si re buṉa pa gôr’awenge. 16Ni mpagaga yi zele ga yom̃a y’aṽyeṉi v’ôm’ôm̃ori w’ayanj’ibe; konde ipô s’ôgara s’avili gw’ipav’im̃ori, ndô ezom̃a zi mpagaga zi p’aṉaga ôgôre zi pila gw’ipav’ijenge. 17J’ijuwa s’avangiṉi n’ipava s’ôm’ôm̃ori dadyè, ko pôrô waô wi dèng’ibuṉa s’imèpiṉô ni mpagaga y’ôgôre, wi be pangiṉa gw’em̃èṉo vo Yesu‐Krist dadyè.
18Ga nt’arweṉi v’ipav’im̃ori dadyè ôgara w’alati gôr’aṉaga waôdu, yeṉo kè v’ôgôr’ôm̃ori dadyè, ôgôre mè wi p’em̃èṉo gôr’aṉaga waôdu. 19Konde ga nt’avangyô awenge aṽe v’itwayogiṉô s’ôm’ôm̃ori dadyè, yeṉo kè awenge wi be pangô agôre v’ijogiṉô s’ôm’ôm̃ori dadyè. 20N’ivanga ny’aṽyeṉi ko ipava buṉa; ndô mbôra y’awuṉ’ibe, imèpiṉô s’awuṉi vyagaṉô, 21inè, ga nt’avangiṉ’ibe v’ijuwa, yeṉo kè imèpiṉô si ga vangiṉe v’ôgôre gw’em̃èṉo za koṉako vo Yesu‐Krist ya Reri yazô.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.