Rôma 3
3
1Sambô ezom̃a nde zi pyagaṉa n’Iju, ge isolo nde nyi re n’ikèra? 2Si re n’isolo ivôlô nkôṽy’edu, pôsô konde mongi wi re kèrô pa w’ayeginyô agamba m’Anyambyè. 3Ndô ande, gô re nè awèwo wi pa bekelya, gambèṉè itwaṽekelyi saô si be jiliz’ôrèti w’Anyambyè? 4Alwaṉe yeṉo! Anyambyè e ga myô g’ôrèti, n’ôrèti, n’ôm’edu ôṉôki, ga nt’are tèndô pa, inè: Ko wè dwaṉ’ôgôre gw’agambi mo, ko wè keṽa gô be jèkèlyô wè.
5Ndô j’ibe sazô s’adwaṉiz’ôgôre w’Anyambyè, azwè be bulya sè? Anyambyè, e zel’ôgôre gô be sônyè ôgôm̃a? Mi kamba g’ôma. 6Alwaṉe yeṉo! Gambèṉè Anyambyè ko jèkèlye ntye sè?
7Ndô j’ôrèti w’Anyambyè w’awuṉi gw’ivendi nyè n’inôki sam̃, gambèṉè mi p’are pô p’ôgara g’ôm’ombe sè? 8Sambô ntiṉa nde azwè pa dende mbe ko mbya yô bya, ga nte bèrinyô zwè, na ga nte buly’awèwo inè, azwè kamba yeṉo? Ôgara wa mongi mèsoṉo wi re gôre.
9Ndô sè? Azw’are vyagaṉô na waô? Nyawè. Konde azw’are bulya pa inè, Iju ni Grèk waôdu ta, wi re gw’ibe; 10ga nt’are tèndô pa, inè: E zel’ôma w’ôgôre, vangaṉ’ôm̃ori; 11e zel’ôma w’ikôtiza, zel’ôma wi but’Anyambyè; 12waôdu wi re jèrwa pa, waôdu wi re fweva pa; e zel’ôma wi dende mbya, vangaṉ’ôm̃ori; 13pôngô yaô n’ôrôngiṉô wa zange; wi temiza n’iṉèm̃è yaô; nduma y’impeṉe yi re gw’iṉumbu yaô; 14agwaṉi maô mi re n’isava ni nôṉe ralye; 15agôlô maô mi nèga gô pôvize ntyiṉa; 16ijiliza n’azingô mi re gw’impoṉo saô; 17mpoṉo y’am̃ènjè w’amye yô; 18itya s’Anyambyè si zele gw’antyo maô.
19Ndô azw’avôrô inè, isam̃u yi bulyô n’ivanga, nyi kamba na waô wi re gw’ivanga, ko ôgwany’edu nunjô, ni ntye yôdu dwaṉ’ôgara g’ôzô w’Anyambyè. 20Konde e zel’ôzôṉe wi be dwaṉ’ôgôre g’ôzô wè v’ijanj’ivanga, konde imya s’ibe si pila gw’ivanga.
21Ndô vèṉo ôgôre w’Anyambyè wi re wi pa pila gw’ivanga w’atum̃inyô, mbukuṉôgô n’ivanga n’ivogisi, 22ôgôre w’Anyambyè wi pila gw’ibekelye Yesu‐Krist gôre waôdu wi bekelya, konde e zel’ibangwaṉa. 23Konde waôdu wi re fwem̃a pa, avèṉ’isum̃inya s’Anyambyè; 24wi dwaṉizô agôre mpagaga v’imèpiṉô sè na v’ôlanduṉô wi re gôre Yesu‐Krist. 25Ayè alôṽyô n’Anyambyè gô dwaṉ’ôraṽô v’ibekelye ntyiṉi yè, gô tum̃iny’ôgôre wè, konde avôzi gô tevuṉ’ibe s’alônge dendyô, 26g’ômwanja w’isindiṉi sè, gô tum̃iny’ôgôre wè egômbe ziṉo, ko yè dwaṉ’ôgôre, alwaṉiza kè ôma wi bekelye Yesu ôgôre.
27Sambô ntiṉa yi sôgwa yi re gweṉi? Y’aṉunjô. N’ivanga nyeṉi? N’ivanga ny’ijanja? Nyawè, ndô n’ivanga ny’ibekelya. 28Sambô azwè teṉiza nè, ôma e dwaṉizô ôgôre n’ibekelya, aranga n’ijanja s’ivanga. 29Ge Anyambyè are dadyè Anyambyè y’Iju? Ayè aranga kè Anyambyè y’aṉongo? 30Eñ, ayè kè Anyambyè y’aṉongo, konde ar’Anyambyè mori dadyè, e be dwaṉiza mongi wi re kèrô pa agôre v’ibekelya, na mongi wi re kè izombè agôre v’ibekelya.
31Sambô azwè be jiliz’ivanga vo ibekelya? Alwaṉe yeṉo! Ndô azwè joliza nyô njolizaga.
Currently Selected:
Rôma 3: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
Rôma 3
3
1Sambô ezom̃a nde zi pyagaṉa n’Iju, ge isolo nde nyi re n’ikèra? 2Si re n’isolo ivôlô nkôṽy’edu, pôsô konde mongi wi re kèrô pa w’ayeginyô agamba m’Anyambyè. 3Ndô ande, gô re nè awèwo wi pa bekelya, gambèṉè itwaṽekelyi saô si be jiliz’ôrèti w’Anyambyè? 4Alwaṉe yeṉo! Anyambyè e ga myô g’ôrèti, n’ôrèti, n’ôm’edu ôṉôki, ga nt’are tèndô pa, inè: Ko wè dwaṉ’ôgôre gw’agambi mo, ko wè keṽa gô be jèkèlyô wè.
5Ndô j’ibe sazô s’adwaṉiz’ôgôre w’Anyambyè, azwè be bulya sè? Anyambyè, e zel’ôgôre gô be sônyè ôgôm̃a? Mi kamba g’ôma. 6Alwaṉe yeṉo! Gambèṉè Anyambyè ko jèkèlye ntye sè?
7Ndô j’ôrèti w’Anyambyè w’awuṉi gw’ivendi nyè n’inôki sam̃, gambèṉè mi p’are pô p’ôgara g’ôm’ombe sè? 8Sambô ntiṉa nde azwè pa dende mbe ko mbya yô bya, ga nte bèrinyô zwè, na ga nte buly’awèwo inè, azwè kamba yeṉo? Ôgara wa mongi mèsoṉo wi re gôre.
9Ndô sè? Azw’are vyagaṉô na waô? Nyawè. Konde azw’are bulya pa inè, Iju ni Grèk waôdu ta, wi re gw’ibe; 10ga nt’are tèndô pa, inè: E zel’ôma w’ôgôre, vangaṉ’ôm̃ori; 11e zel’ôma w’ikôtiza, zel’ôma wi but’Anyambyè; 12waôdu wi re jèrwa pa, waôdu wi re fweva pa; e zel’ôma wi dende mbya, vangaṉ’ôm̃ori; 13pôngô yaô n’ôrôngiṉô wa zange; wi temiza n’iṉèm̃è yaô; nduma y’impeṉe yi re gw’iṉumbu yaô; 14agwaṉi maô mi re n’isava ni nôṉe ralye; 15agôlô maô mi nèga gô pôvize ntyiṉa; 16ijiliza n’azingô mi re gw’impoṉo saô; 17mpoṉo y’am̃ènjè w’amye yô; 18itya s’Anyambyè si zele gw’antyo maô.
19Ndô azw’avôrô inè, isam̃u yi bulyô n’ivanga, nyi kamba na waô wi re gw’ivanga, ko ôgwany’edu nunjô, ni ntye yôdu dwaṉ’ôgara g’ôzô w’Anyambyè. 20Konde e zel’ôzôṉe wi be dwaṉ’ôgôre g’ôzô wè v’ijanj’ivanga, konde imya s’ibe si pila gw’ivanga.
21Ndô vèṉo ôgôre w’Anyambyè wi re wi pa pila gw’ivanga w’atum̃inyô, mbukuṉôgô n’ivanga n’ivogisi, 22ôgôre w’Anyambyè wi pila gw’ibekelye Yesu‐Krist gôre waôdu wi bekelya, konde e zel’ibangwaṉa. 23Konde waôdu wi re fwem̃a pa, avèṉ’isum̃inya s’Anyambyè; 24wi dwaṉizô agôre mpagaga v’imèpiṉô sè na v’ôlanduṉô wi re gôre Yesu‐Krist. 25Ayè alôṽyô n’Anyambyè gô dwaṉ’ôraṽô v’ibekelye ntyiṉi yè, gô tum̃iny’ôgôre wè, konde avôzi gô tevuṉ’ibe s’alônge dendyô, 26g’ômwanja w’isindiṉi sè, gô tum̃iny’ôgôre wè egômbe ziṉo, ko yè dwaṉ’ôgôre, alwaṉiza kè ôma wi bekelye Yesu ôgôre.
27Sambô ntiṉa yi sôgwa yi re gweṉi? Y’aṉunjô. N’ivanga nyeṉi? N’ivanga ny’ijanja? Nyawè, ndô n’ivanga ny’ibekelya. 28Sambô azwè teṉiza nè, ôma e dwaṉizô ôgôre n’ibekelya, aranga n’ijanja s’ivanga. 29Ge Anyambyè are dadyè Anyambyè y’Iju? Ayè aranga kè Anyambyè y’aṉongo? 30Eñ, ayè kè Anyambyè y’aṉongo, konde ar’Anyambyè mori dadyè, e be dwaṉiza mongi wi re kèrô pa agôre v’ibekelya, na mongi wi re kè izombè agôre v’ibekelya.
31Sambô azwè be jiliz’ivanga vo ibekelya? Alwaṉe yeṉo! Ndô azwè joliza nyô njolizaga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.