Yôna 4
4
1Ndô igamba ny’aṽendizi Yôna pôlômè, n’aṽendi yè eguṉu evôlô. 2N’agweni yè Yeôva inkolo, awulya inè: A! Yeôva, nyiṉo arang’igamba ny’awulyôgô myè gw’avegagi myè gô ntye yam̃? Yeṉo my’aliwô kenji gô fanga gô Tarsis. Konde my’amyeṉi nè, awè ne Anyambyè yi pôgiṉa ni nkèngo, isile benda ni nkèngo mpôlô, na yi kaluṉo avila gô mbe. 3Ndô vèṉo, Yeôva, wong’em̃èṉo zam̃, konde re mbya gôre myè gô juwa vyagaṉôna gô dwaṉa bo.
4N’awiṉizi Yeôva inè: Rigare, ô denda mbyambye gô benda?
5N’agogwi Yôna avila gô nkala, alwaṉa tu gô nkôṽa yi tongwa ni nkômbe gô nkala. N’aṉôgi yè vovo esaka, alwaṉi yè gw’iviri nya zô, kwanga gw’ayeṉi yè nt’arweṉi gô nkala. 6Yeôva Anyambyè avôm̃iz’ôgoli wi mbôm̃i, avandi wô gôre Yôna gô pang’iviri gw’ewônjô zè, na gôre yè gô tômb’eguṉu zè. Yeṉo ayeṉi Yôna igeṽ’ivôlô g’ômwanja wi mbôm̃i yiṉo.
7Ndô bunya, ntavanga, Anyambyè aṽagiz’ôgu w’anyeṉi mbôm̃i, n’ayôm̃i ôgoli wi mbôm̃i. 8N’arweṉi gw’arongwi nkômbe, Anyambyè avèviṉ’ômpung’ôyoli wi nkôṽa yi tongwa ni nkômbe, n’awôli nkômbe gw’ewônjô zi Yôna, agèndi yè ntyèla. Aṽambyi yè inè, e ga yuwe, awulya inè: Are mbya gôre myè gô juwa vyagaṉô na gô dwaṉa bo.
9N’awuliny’Anyambyè Yôna inè: Ô denda mbyambye gô benda g’ômwanja wi mbôm̃i? Awiṉizi yè inè: Mi denda mbyambye gô benda kwanga gô juwa. 10N’awulyi Yeôva inè: Ô re pôgiṉa pe mbôm̃i yi re wè e pa jeṉe njuke gô janja na yi re wè e pa pôm̃iza, y’avôm̃i ôgwèra, avera ôgwèra. 11Na myè, my’aze ni ngulu yi pôgiṉe Ninive, nkala mpôlô mèyoṉo, yi re vyagaṉô ni nkam̃a yi ntozèny y’aṉaga n’agôm̃i mi ntozèny m’aṉaga ambaṉi wi re w’amye ôgo waô ônôm̃yè ge ôgo waô ônyantwè, n’inyam̃a kè inyenge!
Currently Selected:
Yôna 4: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Yôna 4
4
1Ndô igamba ny’aṽendizi Yôna pôlômè, n’aṽendi yè eguṉu evôlô. 2N’agweni yè Yeôva inkolo, awulya inè: A! Yeôva, nyiṉo arang’igamba ny’awulyôgô myè gw’avegagi myè gô ntye yam̃? Yeṉo my’aliwô kenji gô fanga gô Tarsis. Konde my’amyeṉi nè, awè ne Anyambyè yi pôgiṉa ni nkèngo, isile benda ni nkèngo mpôlô, na yi kaluṉo avila gô mbe. 3Ndô vèṉo, Yeôva, wong’em̃èṉo zam̃, konde re mbya gôre myè gô juwa vyagaṉôna gô dwaṉa bo.
4N’awiṉizi Yeôva inè: Rigare, ô denda mbyambye gô benda?
5N’agogwi Yôna avila gô nkala, alwaṉa tu gô nkôṽa yi tongwa ni nkômbe gô nkala. N’aṉôgi yè vovo esaka, alwaṉi yè gw’iviri nya zô, kwanga gw’ayeṉi yè nt’arweṉi gô nkala. 6Yeôva Anyambyè avôm̃iz’ôgoli wi mbôm̃i, avandi wô gôre Yôna gô pang’iviri gw’ewônjô zè, na gôre yè gô tômb’eguṉu zè. Yeṉo ayeṉi Yôna igeṽ’ivôlô g’ômwanja wi mbôm̃i yiṉo.
7Ndô bunya, ntavanga, Anyambyè aṽagiz’ôgu w’anyeṉi mbôm̃i, n’ayôm̃i ôgoli wi mbôm̃i. 8N’arweṉi gw’arongwi nkômbe, Anyambyè avèviṉ’ômpung’ôyoli wi nkôṽa yi tongwa ni nkômbe, n’awôli nkômbe gw’ewônjô zi Yôna, agèndi yè ntyèla. Aṽambyi yè inè, e ga yuwe, awulya inè: Are mbya gôre myè gô juwa vyagaṉô na gô dwaṉa bo.
9N’awuliny’Anyambyè Yôna inè: Ô denda mbyambye gô benda g’ômwanja wi mbôm̃i? Awiṉizi yè inè: Mi denda mbyambye gô benda kwanga gô juwa. 10N’awulyi Yeôva inè: Ô re pôgiṉa pe mbôm̃i yi re wè e pa jeṉe njuke gô janja na yi re wè e pa pôm̃iza, y’avôm̃i ôgwèra, avera ôgwèra. 11Na myè, my’aze ni ngulu yi pôgiṉe Ninive, nkala mpôlô mèyoṉo, yi re vyagaṉô ni nkam̃a yi ntozèny y’aṉaga n’agôm̃i mi ntozèny m’aṉaga ambaṉi wi re w’amye ôgo waô ônôm̃yè ge ôgo waô ônyantwè, n’inyam̃a kè inyenge!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.