Ôsea 5
5
1Yogoṉi nyiṉo, aṉwè imiṉisè! Vôganyôṉi, aṉwè nagô y’Israèl! Yogoṉi, aṉwè nagô y’ôga! Konde ijèkèlya s’abyeṉi gôre ṉwè, konde aṉw’alwaṉi môndô gô Mizpa, n’isinga diryô pa gô Tabor. 2Vo intyagô saô arègo wi dom̃iṉa gw’ibe ipôlô, ndô mi be sônya waôdu ôgôm̃a. 3My’avôrô Efrayim, n’Israèl e pa jumbuṉô myè; konde vèṉo, Efrayim ô r’ebelaṉi, n’Israèl afwevi. 4Ijanji saô si pa tiga waô gô fwinya gôr Anyambyè yaô, konde iṉiṉa ny’ôṽelaṉô nyi re gô garegare yaô, na konde wi pa mye Yeôva. 5Ekale z’Israèl zi takilya gôre yè; Israèl n’Efrayim wi be pôswa vo ibe saô; Yuda kè e be pôswa na waô. 6Wi be kènda n’adombè maô n’inyare saô gô bute Yeôva, ndô wi ze dènge yè: are dubwa pa avila gôre waô. 7Wi re pava pa gôre Yeôva, konde wi re jaṉa p’awaṉa wi vôvevôve; na vèṉo, ôgwèli wi be keke ko waô jilizô waô n’igumbi nyaô ta.
8Rôngaṉ’ôrombo gô Gibea! Rôngaṉ’ôrombo gô Rama! Wôgiṉaṉi gô Bèt‐Avèn! Gô nyum̃i yo Benyamin! 9Efrayim e be jilizyô gô ntyugu y’ôgôm̃a; mi myez’ôsam̃u wa rèti gôr’imbuṽe s’Israèl. 10Ivangiṉi yi Yuda yi re ga waô wi tômb’ikawô; mi be jir’eguṉu zam̃ gôre waô ga mw’ôloṽi.
11Efrayim abangatyô, anyigyanyigyô ne ijèkèlya, konde are sônga p’ampanga m’arondyagi yè. 12Mi be dwaṉa gôr’Efrayim ga ntyèlèlè, ga iboṉa gô nagô yi Yuda. 13Efrayim e jeṉe nkazi yè, ni Yuda vôri yè; Efrayim e kènda gw’Asur, agamba gôr’ôga Yarèb; ndô ôga wiṉo e ze ni ngulu yi jinga ṉwè, ge yi twaṉe ñangô gô jinge vôri yaṉi. 14Mi be dwaṉa ga liyoni gôr’Efrayim, ga mwô’liyoni gô nagô yi Yuda: myè, myè, mi be jôkuṉa, avila vovo mi be kènda, mi be tômba, ndô e zel’ôma wi be tômb’im̃aṉô nyam̃. 15Mi be kènda, awinya gw’ilwaṉô nyam̃, kwanga wi be mèm’ôgari waô awut’ôzô wam̃. Gô be dwaṉa waô gô njuke, wi be dèng’inunguṉô gôre myè.
Currently Selected:
Ôsea 5: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ôsea 5
5
1Yogoṉi nyiṉo, aṉwè imiṉisè! Vôganyôṉi, aṉwè nagô y’Israèl! Yogoṉi, aṉwè nagô y’ôga! Konde ijèkèlya s’abyeṉi gôre ṉwè, konde aṉw’alwaṉi môndô gô Mizpa, n’isinga diryô pa gô Tabor. 2Vo intyagô saô arègo wi dom̃iṉa gw’ibe ipôlô, ndô mi be sônya waôdu ôgôm̃a. 3My’avôrô Efrayim, n’Israèl e pa jumbuṉô myè; konde vèṉo, Efrayim ô r’ebelaṉi, n’Israèl afwevi. 4Ijanji saô si pa tiga waô gô fwinya gôr Anyambyè yaô, konde iṉiṉa ny’ôṽelaṉô nyi re gô garegare yaô, na konde wi pa mye Yeôva. 5Ekale z’Israèl zi takilya gôre yè; Israèl n’Efrayim wi be pôswa vo ibe saô; Yuda kè e be pôswa na waô. 6Wi be kènda n’adombè maô n’inyare saô gô bute Yeôva, ndô wi ze dènge yè: are dubwa pa avila gôre waô. 7Wi re pava pa gôre Yeôva, konde wi re jaṉa p’awaṉa wi vôvevôve; na vèṉo, ôgwèli wi be keke ko waô jilizô waô n’igumbi nyaô ta.
8Rôngaṉ’ôrombo gô Gibea! Rôngaṉ’ôrombo gô Rama! Wôgiṉaṉi gô Bèt‐Avèn! Gô nyum̃i yo Benyamin! 9Efrayim e be jilizyô gô ntyugu y’ôgôm̃a; mi myez’ôsam̃u wa rèti gôr’imbuṽe s’Israèl. 10Ivangiṉi yi Yuda yi re ga waô wi tômb’ikawô; mi be jir’eguṉu zam̃ gôre waô ga mw’ôloṽi.
11Efrayim abangatyô, anyigyanyigyô ne ijèkèlya, konde are sônga p’ampanga m’arondyagi yè. 12Mi be dwaṉa gôr’Efrayim ga ntyèlèlè, ga iboṉa gô nagô yi Yuda. 13Efrayim e jeṉe nkazi yè, ni Yuda vôri yè; Efrayim e kènda gw’Asur, agamba gôr’ôga Yarèb; ndô ôga wiṉo e ze ni ngulu yi jinga ṉwè, ge yi twaṉe ñangô gô jinge vôri yaṉi. 14Mi be dwaṉa ga liyoni gôr’Efrayim, ga mwô’liyoni gô nagô yi Yuda: myè, myè, mi be jôkuṉa, avila vovo mi be kènda, mi be tômba, ndô e zel’ôma wi be tômb’im̃aṉô nyam̃. 15Mi be kènda, awinya gw’ilwaṉô nyam̃, kwanga wi be mèm’ôgari waô awut’ôzô wam̃. Gô be dwaṉa waô gô njuke, wi be dèng’inunguṉô gôre myè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.