Ezekyèl 42
42
1Vovo agogunyè myè gô ñanja y’igala, gô nkôṽa yi Nor; n’aṽagyè myè gw’inontye s’avegagi swaswo ni mbôra y’arigyô ni swaswo ni nagô, gô nkôṽa yi Nor.
2Gô nkôṽa y’ôzô, gô nkôṽa y’avegag’iguge nyi Nor, elaviṉi z’avegagi nkam̃a y’ikude; n’ômpuzu w’avegag’agôm̃i m’ikude ataṉè. 3Gô mbôra y’avegag’agôm̃i m’ikude ambaṉi yi ñanja ya gare, na gô mbôra y’avegagi ñanja y’igala, vovo avegagi vungu yi ndèkè ntyarô. 4Swaswo n’inontye avegag’ôgondo w’igôm̃i ny’ikude, ni mpoṉo kè yi kude mori; aguge ma sô m’avegagi gô nkôṽa yi Nor. 5Inontye s’igôṉô s’avegagi zwa vyagaṉô na siṉo si ntye na sa gare gô nagô, konde vungu y’awongi mbôra. 6Indèkè s’avegagi ntyarô, ndô e re pegeg’am̃èngo, egolaṉi g’am̃èngo m’iñanja; gô ntiṉa mèyoṉo, inontye s’igôṉô s’avegagi zwa vyagaṉô na siṉo si ntye na sa gare, avila gô ntye. 7Ôgômba wa gw’igala wi re g’ôzamba n’inontye, gô nkôṽa yi ñanja ya gw’igala, swaswo n’inontye, elaviṉi za wô z’avegag’agôm̃i m’ikude ataṉè; 8konde elaviṉi z’inontye s’avegagi gô ñanja ya gw’igala, z’avegag’agôm̃i m’ikude ataṉè. Ndô swaswo ni nagô y’Anyambyè avegagi nkam̃a y’ikude. 9N’avila g’ôdôlôngô w’inontye siṉo avegagi njingiṉô gô nkôṽa yi tongwa ni nkômbe, jog’ôma ajingiṉa gô sô avila gô ñanja ya gw’igala. 10G’ôgaṽa w’ôgômba wi ñanja yi nkôṽa yi tongwa ni nkômbe, swaswo ni mbôra y’arigyô, ni swaswo ni nagô, avegagi vovo inontye, 11Ôgondo w’avegagi swaswo na sô. mpangiṉi ga swaswo n’inontye s’avegagi gô nkôṽa yi Nor. Elaviṉi n’evendiṉi y’avegag’egolaṉi emô; inkogunyô, ni nkenjiṉi, n’aguge ma sô m’avegag’egolaṉi emô. 12Avegagi kè egolaṉi emô gw’aguge m’inontye si nkôṽa yi Sud. Iguge ny’avegagi gw’ewônjô z’ôgondo, vangaṉ’ôgondo w’agèndagi swaswo g’ôgômba wi nkôṽa yi tongwa ni nkômbe, jog’ôma ajingiṉa gô nyô. 13Vovo awulinyè myè inè: Inontye si Nor n’inontye si Sud si re swaswo ni mbôra y’arigyô, sô ne inontye s’ôrunda si r’imiṉisè si susa pyèrè gôre Yeôva si be nye yom̃a y’ôrunda mè; wi be dimbiṉa yom̃a y’ôrunda mè vovo, n’inya s’intyagô, n’inyam̃a si jirô intyagô s’ibe na s’ôgara; konde mbôra mè yi r’ôrunda. 14Gô be jingiṉ’imiṉisè gôgô, gambèṉè s’agogwe avila gô mbôra y’ôrunda gô kènda gô ñanja ya gw’igala, ndô si be dimbiṉa vovo ingoy saô si janja na waô, konde ingoy mè si r’ôrunda; wi be bor’ingoy inyèṉè gôre waô gô susa gôr’aṉaga.
15Gw’azulizi yè ikèṉiza si nagô ya gare, agogunyi yè myè n’ômpômbala w’iguge ny’avegagi gô nkôṽa yi tongwa ni nkômbe, n’agèṉizi yè ôgômba vingôvingô. 16Agèṉizi yè nkôṽa yi tongwa ni nkômbe ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 17Agèṉizi yè kè nkôṽa yi Nor ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 18Agèṉizi yè kè nkôṽa yi Sud ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 19Agegwè lyè gô nkôṽa yi kènda ni nkômbe, n’agèṉizi yè ni ntôngô yi kèṉiza inkam̃a s’intôngô ôtaṉè. 20Agèṉizi yè ôgômba w’avegagi gô nagô vingôvingô, inkôṽa sô nay; elaviṉi z’avegag’inkam̃a s’intôngô ôtaṉè, n’evendiṉi inkam̃a s’intôngô ôtaṉè; ôgômba mè w’avang’ibangwaṉa ntyo eza zi nkèrè n’eza zi re nkèrè fo.
Currently Selected:
Ezekyèl 42: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 42
42
1Vovo agogunyè myè gô ñanja y’igala, gô nkôṽa yi Nor; n’aṽagyè myè gw’inontye s’avegagi swaswo ni mbôra y’arigyô ni swaswo ni nagô, gô nkôṽa yi Nor.
2Gô nkôṽa y’ôzô, gô nkôṽa y’avegag’iguge nyi Nor, elaviṉi z’avegagi nkam̃a y’ikude; n’ômpuzu w’avegag’agôm̃i m’ikude ataṉè. 3Gô mbôra y’avegag’agôm̃i m’ikude ambaṉi yi ñanja ya gare, na gô mbôra y’avegagi ñanja y’igala, vovo avegagi vungu yi ndèkè ntyarô. 4Swaswo n’inontye avegag’ôgondo w’igôm̃i ny’ikude, ni mpoṉo kè yi kude mori; aguge ma sô m’avegagi gô nkôṽa yi Nor. 5Inontye s’igôṉô s’avegagi zwa vyagaṉô na siṉo si ntye na sa gare gô nagô, konde vungu y’awongi mbôra. 6Indèkè s’avegagi ntyarô, ndô e re pegeg’am̃èngo, egolaṉi g’am̃èngo m’iñanja; gô ntiṉa mèyoṉo, inontye s’igôṉô s’avegagi zwa vyagaṉô na siṉo si ntye na sa gare, avila gô ntye. 7Ôgômba wa gw’igala wi re g’ôzamba n’inontye, gô nkôṽa yi ñanja ya gw’igala, swaswo n’inontye, elaviṉi za wô z’avegag’agôm̃i m’ikude ataṉè; 8konde elaviṉi z’inontye s’avegagi gô ñanja ya gw’igala, z’avegag’agôm̃i m’ikude ataṉè. Ndô swaswo ni nagô y’Anyambyè avegagi nkam̃a y’ikude. 9N’avila g’ôdôlôngô w’inontye siṉo avegagi njingiṉô gô nkôṽa yi tongwa ni nkômbe, jog’ôma ajingiṉa gô sô avila gô ñanja ya gw’igala. 10G’ôgaṽa w’ôgômba wi ñanja yi nkôṽa yi tongwa ni nkômbe, swaswo ni mbôra y’arigyô, ni swaswo ni nagô, avegagi vovo inontye, 11Ôgondo w’avegagi swaswo na sô. mpangiṉi ga swaswo n’inontye s’avegagi gô nkôṽa yi Nor. Elaviṉi n’evendiṉi y’avegag’egolaṉi emô; inkogunyô, ni nkenjiṉi, n’aguge ma sô m’avegag’egolaṉi emô. 12Avegagi kè egolaṉi emô gw’aguge m’inontye si nkôṽa yi Sud. Iguge ny’avegagi gw’ewônjô z’ôgondo, vangaṉ’ôgondo w’agèndagi swaswo g’ôgômba wi nkôṽa yi tongwa ni nkômbe, jog’ôma ajingiṉa gô nyô. 13Vovo awulinyè myè inè: Inontye si Nor n’inontye si Sud si re swaswo ni mbôra y’arigyô, sô ne inontye s’ôrunda si r’imiṉisè si susa pyèrè gôre Yeôva si be nye yom̃a y’ôrunda mè; wi be dimbiṉa yom̃a y’ôrunda mè vovo, n’inya s’intyagô, n’inyam̃a si jirô intyagô s’ibe na s’ôgara; konde mbôra mè yi r’ôrunda. 14Gô be jingiṉ’imiṉisè gôgô, gambèṉè s’agogwe avila gô mbôra y’ôrunda gô kènda gô ñanja ya gw’igala, ndô si be dimbiṉa vovo ingoy saô si janja na waô, konde ingoy mè si r’ôrunda; wi be bor’ingoy inyèṉè gôre waô gô susa gôr’aṉaga.
15Gw’azulizi yè ikèṉiza si nagô ya gare, agogunyi yè myè n’ômpômbala w’iguge ny’avegagi gô nkôṽa yi tongwa ni nkômbe, n’agèṉizi yè ôgômba vingôvingô. 16Agèṉizi yè nkôṽa yi tongwa ni nkômbe ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 17Agèṉizi yè kè nkôṽa yi Nor ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 18Agèṉizi yè kè nkôṽa yi Sud ni ntôngô yi kèṉiza, n’alèngyè yôdu vingôvingô inkam̃a s’intôngô ôtaṉè. 19Agegwè lyè gô nkôṽa yi kènda ni nkômbe, n’agèṉizi yè ni ntôngô yi kèṉiza inkam̃a s’intôngô ôtaṉè. 20Agèṉizi yè ôgômba w’avegagi gô nagô vingôvingô, inkôṽa sô nay; elaviṉi z’avegag’inkam̃a s’intôngô ôtaṉè, n’evendiṉi inkam̃a s’intôngô ôtaṉè; ôgômba mè w’avang’ibangwaṉa ntyo eza zi nkèrè n’eza zi re nkèrè fo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.