Ezekyèl 40
40
1N’arweṉi gw’agôm̃i m’impum̃’imbaṉi n’impum̃’itaṉè y’ikôtô sazô gô dwaṉ’imbwedi, gw’ipakilya s’ômpum̃a, gô ntyugu y’igôm̃i y’ôgwèli, gw’igôm̃i ny’impum̃a n’impum̃’inay nkala jilizô pa, gô ntyugu mèmô, ôgo wi Yeôva w’alwaṉi gôre myè, n’aṽagyè myè gô ntye y’Israèl. 2Gw’ijeṉa s’Anyambyè aṽagyè myè gô ntye y’Israèl, n’alôṽyè myè gô nômba mpôlô ndôndwi; gô yô y’avegagi gô Sud ga nkala nôgô pa. 3Aṽagyè myè vovo, na vôna, vovo avegag’ôma, edidi zè z’avegagi ga nyènyè; ôgoli w’avegagi g’ôgo wè ni ntôngô yi kèṉiza, n’agum̃aṉi yè gw’iguge. 4N’awulinyô myè n’ôma mè inè: Ômwa w’ôma, vôna n’antyo mo, ko jogo n’arôyi mo! Ko dôṽy’ôrèm̃i wo gw’isam̃u yôdu yi be tum̃inya myè wè, konde w’aṽagyô guṉu ko myè tum̃inya yô gôre wè. Myeze nagô y’Israèl isam̃u yôdu yi be jeṉô wè.
5Na vôna, ôgômba wi nkôṽa y’igala w’avingwavingwi nagô yôdu. Ntôngô yi kude ôrôṽa gô kèṉiza y’avegagi g’ôgo w’ôma; kude edu y’avegag’ileṽe vyagaṉô n’ikude im̃ori. Yeṉo agèṉizi yè ôgaṽa w’ôgômba, ntôngô mori; elôndwi, ntôngô mori. 6Vovo aṽyeṉi yè gw’iguge nyi re swaswo gô nkôṽa yi tongwa ni nkômbe, n’avandi yè mpandiṉô ya nyô. N’agèṉizi yè ômpômbala w’iguge, ômpuzu ntôngô mori; n’ômpômbala ôm̃ori, ômpuzu ntôngô mori kè. 7Nonty’edu y’avegagi ntôngô mori gw’idava, n’ômpuzu ntôngô mori. Anyanganyanga mi nontye m’avegagi kude ôtaṉè. Ômpômbala w’iguge, vo evungu z’iguge gô gare yi nagô, avegagi ntôngô mori. 8Agèṉizi yè evungu z’iguge, gô gare yi nagô, ntôngô mori. 9Agèṉizi yè evungu z’iguge, kude eṉanay; n’am̃èngo ma nyô, kude mbaṉi; n’evungu z’iguge ny’avegagi gô gare ntye yi nagô. 10N’inontye s’iguge gô nkôṽa yi tongwa ni nkômbe s’avegagi ntyarô g’ôzamba wiṉo, ni ntyarô g’ôzamb’ôm̃ori; sôdu ntyarô s’avegag’egèṉizô em̃ô, n’am̃èngo m’ôzamba wiṉo na m’ôzamb’ôm̃ori m’avegag’egèṉizô em̃ô. 11N’agèṉizi yè ômpuzu w’inyanganyanga ny’ômpômbala, igôm̃i ny’ikude; n’elaviṉi z’ômpômbala, igôm̃i ny’ikude ntyarô. 12Na g’ôzamba swaswo n’inontye kude mori g’ôzamba mè, na g’ôzamba kude mori kè g’ôzamba mè; n’inontye kude ôrôṽa g’ôzamba wiṉo, ni kude ôrôṽa g’ôzamb’ôm̃ori. 13N’agèṉizi yè ômpômbala avila g’ômwanjamwanja wi nontye mori, agènda g’ômwanjamwanja wi nontye mori, ômpuzu agôm̃i m’ikude ambaṉi ni kude ôtaṉè; aguge m’ayèzaṉi. 14Arangi kè am̃èngo, agôm̃i m’ikude ôrôṽa, n’evungu z’aziṽi kwanga gw’am̃èngo, vingôvingô ômpômbala. 15N’avila gô njingiṉô y’iguge ny’igala kwanga gô njingiṉô y’igala y’evungu z’iguge nya gare avegagi agôm̃i m’ikude ataṉè. 16N’avegagi vovo iwundè batyô pa gw’inontye na gw’am̃èngo ma sô gô gare y’iguge vingôvingô; egolaṉi mèmô kè avegag’iwundè gô vungu vingôvingô gô gare ntye; n’ambila m’avegagi gw’im̃èngw’edu.
17Vovo aṽagyè myè gô ñanja y’igala, na vôna, avegagi vovo inontye ni ndèkè y’adô y’avangyô gô ñanja vingôvingô; gô ndèkè y’adô avegag’agôm̃i m’inontye ararô. 18Ndèkè y’adô mè y’avegagi g’ôzamba w’iguge, keka pa gw’elaviṉi z’iguge, vangaṉe gô ndèkè yi ntye. 19Agèṉizi yè ômpuzu avila gw’iguge nyi ntye kwanga gô ñanja ya gare gw’igala, nkam̃a y’ikude gô nkôṽa yi tongwa ni nkômbe na gô Nor. 20Agèṉizi yè elaviṉi n’ômpuzu w’iguge nyi nkôṽa yi Nor nyi ñanja y’igala. 21N’inontye sa nyô s’avegag’ôzamba wiṉo ntyarô n’ôzamb’ôm̃ori ntyarô kè; am̃èngo ma nyô ni vungu ya nyô y’avegag’egèṉizô mèmô z’iguge ilônga; elaviṉi za nyô z’avegag’agôm̃i m’ikude ataṉè, n’ômpuzu agôm̃i m’ikude ambaṉi ni kude ôtaṉè. 22Iwundè sa nyô, ni vungu ya nyô, n’ambila ma nyô m’avegag’egèṉizô mèmô z’iguge ny’avegagi swaswo ni nkôṽa yi tongwa ni nkômbe; n’avandyô gô nyô n’impandiṉô ôrwageṉô; vungu ya nyô y’avegagi swaswo na sô. 23N’avegagi vovo iguge gô ñanja ya gare swaswo gw’igug’im̃ori, gw’iguge ny’avegagi gô Nor na ny’avegagi gô nkôṽa yi tongwa ni nkômbe; n’agèṉizi yè avila gw’iguge agènda gw’iguge nkam̃a y’ikude. 24N’agèndyè myè gô nkôṽa yi Sud; vovo apegag’iguge nyi nkôṽa yi Sud. N’agèṉizi yè am̃èngo ma nyô ni vungu ya nyô y’avegagi egèṉizô mèmô. 25Iguge mè ni vungu ya nyô y’avegag’asangala vingôvingô, egolaṉi g’asangala im̃ori, elaviṉi agôm̃i m’ikude ataṉè, n’ômpuzu agôm̃i m’ikude ambaṉi ni kude ôtaṉè. 26N’avegagi vovo mpandiṉô ôrwageṉô gô panda gô nyô, ni vungu ya nyô y’avegagi swaswo na sô; ambila m’avegagi g’ôzamby’edu gw’am̃èngo ma nyô. 27Ñanja ya gare y’avegagi n’iguge gô nkôṽa yi Sud; n’agèṉizi yè avila gw’iguge agènda gw’iguge gô nkôṽa yi Sud nkam̃a y’ikude.
28Vovo aṽagyè myè gô ñanja ya gare gw’iguge nyi Sud. Agèṉizi yè iguge nyi Sud ny’avegagi kè egèṉizô mèmô. 29Inontye sa nyô, n’am̃èngo ma nyô, ni vungu ya nyô y’avegag’egèṉizô mèmô. Iguge mè ni vungu ya nyô y’avegagi n’asangala vingôvingô, gw’idava agôm̃i m’ikude ataṉè, na gw’ipenda agôm̃i m’ikude ambaṉi ni kude ôtaṉè. 30N’avegagi vovo vungu vingôvingô agôm̃i m’ikude ambaṉi ni kude ôtaṉè gw’idava, n’ômpuzu kude ôtaṉè. 31Vungu y’iguge y’agèndagi gô nkôṽa yi ñanja y’igala; n’ambila m’avegagi gw’am̃èngo ma nyô; ny’avegagi kè ni mpandiṉô eṉanay gô panda gô nyô. 32N’aṽagyè myè gô ñanja ya gare, gô njingiṉô yi nkôṽa yi tongwa ni nkômbe. N’agèṉizi yè iguge ny’avegagi egèṉizô emô. 33Inontye sa nyô, n’am̃èngo ma nyô, ni vungu ya nyô y’avegag’egèṉizô emô. Iguge mè ni vungu ya nyô y’avegag’asangala vingôvingô; ny’avegag’agôm̃i m’ikude ataṉè gw’idava, n’ômpuzu agôm̃i m’ikude ambaṉi ni kude ôtanè. 34Vungu ya nyô y’agèndagi kwanga gô ñanja y’igala; n’ambila m’avegagi gw’am̃èngo ma nyô m’avegagi g’ôzamba wiṉo na g’ôzamb’ôm̃ori; ny’avegagi kè ni mpandiṉô eṉanay gô panda gô nyô. 35N’aṽagyè myè gw’iguge nyi Nor. Agèṉizi yè nyô, n’alèngi yè nyô egèṉizô mèmô, 36inontye sa nyô, am̃èngo ma nyô, ni vungu ya nyô; ny’avegagi n’asangala vingôvingô; elaviṉi z’avegag’agôm̃i m’ikude ataṉè, n’evendiṉi agôm̃i m’ikude ambaṉi ni kude ôtaṉè. 37Vungu ya nyô y’agèndagi kwanga gô ñanja y’igala; n’ambila m’avegagi gw’am̃èngo ma nyô m’avegagi g’ôzamba wiṉo na g’ôzamb’ôm̃ori; ny’avegagi kè ni mpandiṉô eṉanay gô panda gô nyô.
38Nontye y’aṉungunyô gw’am̃èngo m’aguge; vovo yom̃a yi ntyagô yi pezô y’avegagi gô jôvuṉô. 39Gw’evungu z’iguge avegagi g’ôzamba wiṉo tavulu mbaṉi, na g’ôzamb’ôm̃ori tavulu kè mbaṉi; gô sô yom̃a yi ntyagô yi pezô, ni yom̃a yi ntyagô yi taṽ’ibe, na yi ntyagô y’ôgara y’avegagi gô jôṉô. 40G’ôzamb’ôm̃ori w’igala, gô mpandiṉô yi njingiṉô y’iguge nyi nkôṽa yi Nor, avegagi tavulu mbaṉi; na g’ôzamb’ôm̃ori, gw’evungu z’iguge, avegagi tavulu kè mbaṉi. 41Yeṉo, gw’izamba y’iguge, g’ôzamba wiṉo avegagi tavulu nay, ni tavulu nay g’ôzamb’ôm̃ori; sôdu datizô pa, tavulu eṉanay; gô sô yom̃a yi jirô intyagô y’avegagi gô jôṉô. 42Tavulu nay s’adô mi re paṉô pa s’avegagi gô ntyagô yi pezô; s’avegagi kude mori n’ereṉe gw’idava, ni kude mori n’ereṉe gw’ipenda, ni kude mori gw’idôndwa: w’alimbiṉagi gô sô irôngô y’ayôṉagi na waô yom̃a y’intyagô si pezô n’intyagw’im̃ori. 43Igômbiṉô, imeṉô inay gw’ipenda, y’aṽa tyô gô nagô vingôvingô; na gw’itavulu avegag’izôṉe y’intyagô dimbiṉô pa. 44Gw’igala ny’iguge nya gare avegag’inontye gôr’inyembi, gô ñanja ya gare: mori avegagi gô nkôṽa y’iguge nyi Nor, y’avônagi gô nkôṽa yi Sud; mori avegagi gô nkôṽa y’iguge nyi nkôṽa yi tongwa ni nkômbe, y’avônagi gô nkôṽa yi Nor. 45N’awulinyè myè inè: Nontye yiṉo yi pôna gô nkôṽa yi Sud yi re gôr’imiṉisè si penjavenje nagô; 46ni nontye yi pôna gô nkôṽa yi Nor yi re gôr’imiṉisè si penjavenje mbôra yi jirô intyagô. Awaṉa wi Sadok, gô ntangô y’awaṉa wi Levi, waô wi susa pyèrè gôre Yeoṽa gô janjiṉè. 47N’agèṉizi yè ñanja, n’avegagi yô nkam̃a y’ikude gw’idava, ni nkam̃a y’ikude gw’ipenda, izira ni teṉô evangiṉi em̃ô. Mbôra yi jirô intyagô y’avegagi swaswo ni nagô.
48Vovo aṽagyè myè gw’evungu zi nagô. N’agèṉizi yè im̃èngw’edu ny’evungu, kude ôtaṉè g’ôzamba wiṉo, ni kude ôtaṉè g’ôzamb’ôm̃ori. N’ômpuzu w’iguge w’avegagi kude ntyarô g’ôzamba wiṉo, ni kude ntyarô g’ôzamb’ôm̃ori. 49Elaviṉi z’evungu z’avegag’agôm̃i m’ikude ambaṉi, n’evendiṉi igôm̃i ny’ikude ni kude mori; w’avandi gô zô n’impandiṉô. Am̃èngo m’avegagi vovo pyèrè n’am̃engo am̃ori, im̃ori g’ôzamba wiṉo, n’im̃ori g’ôzamb’ôm̃ori.
Currently Selected:
Ezekyèl 40: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 40
40
1N’arweṉi gw’agôm̃i m’impum̃’imbaṉi n’impum̃’itaṉè y’ikôtô sazô gô dwaṉ’imbwedi, gw’ipakilya s’ômpum̃a, gô ntyugu y’igôm̃i y’ôgwèli, gw’igôm̃i ny’impum̃a n’impum̃’inay nkala jilizô pa, gô ntyugu mèmô, ôgo wi Yeôva w’alwaṉi gôre myè, n’aṽagyè myè gô ntye y’Israèl. 2Gw’ijeṉa s’Anyambyè aṽagyè myè gô ntye y’Israèl, n’alôṽyè myè gô nômba mpôlô ndôndwi; gô yô y’avegagi gô Sud ga nkala nôgô pa. 3Aṽagyè myè vovo, na vôna, vovo avegag’ôma, edidi zè z’avegagi ga nyènyè; ôgoli w’avegagi g’ôgo wè ni ntôngô yi kèṉiza, n’agum̃aṉi yè gw’iguge. 4N’awulinyô myè n’ôma mè inè: Ômwa w’ôma, vôna n’antyo mo, ko jogo n’arôyi mo! Ko dôṽy’ôrèm̃i wo gw’isam̃u yôdu yi be tum̃inya myè wè, konde w’aṽagyô guṉu ko myè tum̃inya yô gôre wè. Myeze nagô y’Israèl isam̃u yôdu yi be jeṉô wè.
5Na vôna, ôgômba wi nkôṽa y’igala w’avingwavingwi nagô yôdu. Ntôngô yi kude ôrôṽa gô kèṉiza y’avegagi g’ôgo w’ôma; kude edu y’avegag’ileṽe vyagaṉô n’ikude im̃ori. Yeṉo agèṉizi yè ôgaṽa w’ôgômba, ntôngô mori; elôndwi, ntôngô mori. 6Vovo aṽyeṉi yè gw’iguge nyi re swaswo gô nkôṽa yi tongwa ni nkômbe, n’avandi yè mpandiṉô ya nyô. N’agèṉizi yè ômpômbala w’iguge, ômpuzu ntôngô mori; n’ômpômbala ôm̃ori, ômpuzu ntôngô mori kè. 7Nonty’edu y’avegagi ntôngô mori gw’idava, n’ômpuzu ntôngô mori. Anyanganyanga mi nontye m’avegagi kude ôtaṉè. Ômpômbala w’iguge, vo evungu z’iguge gô gare yi nagô, avegagi ntôngô mori. 8Agèṉizi yè evungu z’iguge, gô gare yi nagô, ntôngô mori. 9Agèṉizi yè evungu z’iguge, kude eṉanay; n’am̃èngo ma nyô, kude mbaṉi; n’evungu z’iguge ny’avegagi gô gare ntye yi nagô. 10N’inontye s’iguge gô nkôṽa yi tongwa ni nkômbe s’avegagi ntyarô g’ôzamba wiṉo, ni ntyarô g’ôzamb’ôm̃ori; sôdu ntyarô s’avegag’egèṉizô em̃ô, n’am̃èngo m’ôzamba wiṉo na m’ôzamb’ôm̃ori m’avegag’egèṉizô em̃ô. 11N’agèṉizi yè ômpuzu w’inyanganyanga ny’ômpômbala, igôm̃i ny’ikude; n’elaviṉi z’ômpômbala, igôm̃i ny’ikude ntyarô. 12Na g’ôzamba swaswo n’inontye kude mori g’ôzamba mè, na g’ôzamba kude mori kè g’ôzamba mè; n’inontye kude ôrôṽa g’ôzamba wiṉo, ni kude ôrôṽa g’ôzamb’ôm̃ori. 13N’agèṉizi yè ômpômbala avila g’ômwanjamwanja wi nontye mori, agènda g’ômwanjamwanja wi nontye mori, ômpuzu agôm̃i m’ikude ambaṉi ni kude ôtaṉè; aguge m’ayèzaṉi. 14Arangi kè am̃èngo, agôm̃i m’ikude ôrôṽa, n’evungu z’aziṽi kwanga gw’am̃èngo, vingôvingô ômpômbala. 15N’avila gô njingiṉô y’iguge ny’igala kwanga gô njingiṉô y’igala y’evungu z’iguge nya gare avegagi agôm̃i m’ikude ataṉè. 16N’avegagi vovo iwundè batyô pa gw’inontye na gw’am̃èngo ma sô gô gare y’iguge vingôvingô; egolaṉi mèmô kè avegag’iwundè gô vungu vingôvingô gô gare ntye; n’ambila m’avegagi gw’im̃èngw’edu.
17Vovo aṽagyè myè gô ñanja y’igala, na vôna, avegagi vovo inontye ni ndèkè y’adô y’avangyô gô ñanja vingôvingô; gô ndèkè y’adô avegag’agôm̃i m’inontye ararô. 18Ndèkè y’adô mè y’avegagi g’ôzamba w’iguge, keka pa gw’elaviṉi z’iguge, vangaṉe gô ndèkè yi ntye. 19Agèṉizi yè ômpuzu avila gw’iguge nyi ntye kwanga gô ñanja ya gare gw’igala, nkam̃a y’ikude gô nkôṽa yi tongwa ni nkômbe na gô Nor. 20Agèṉizi yè elaviṉi n’ômpuzu w’iguge nyi nkôṽa yi Nor nyi ñanja y’igala. 21N’inontye sa nyô s’avegag’ôzamba wiṉo ntyarô n’ôzamb’ôm̃ori ntyarô kè; am̃èngo ma nyô ni vungu ya nyô y’avegag’egèṉizô mèmô z’iguge ilônga; elaviṉi za nyô z’avegag’agôm̃i m’ikude ataṉè, n’ômpuzu agôm̃i m’ikude ambaṉi ni kude ôtaṉè. 22Iwundè sa nyô, ni vungu ya nyô, n’ambila ma nyô m’avegag’egèṉizô mèmô z’iguge ny’avegagi swaswo ni nkôṽa yi tongwa ni nkômbe; n’avandyô gô nyô n’impandiṉô ôrwageṉô; vungu ya nyô y’avegagi swaswo na sô. 23N’avegagi vovo iguge gô ñanja ya gare swaswo gw’igug’im̃ori, gw’iguge ny’avegagi gô Nor na ny’avegagi gô nkôṽa yi tongwa ni nkômbe; n’agèṉizi yè avila gw’iguge agènda gw’iguge nkam̃a y’ikude. 24N’agèndyè myè gô nkôṽa yi Sud; vovo apegag’iguge nyi nkôṽa yi Sud. N’agèṉizi yè am̃èngo ma nyô ni vungu ya nyô y’avegagi egèṉizô mèmô. 25Iguge mè ni vungu ya nyô y’avegag’asangala vingôvingô, egolaṉi g’asangala im̃ori, elaviṉi agôm̃i m’ikude ataṉè, n’ômpuzu agôm̃i m’ikude ambaṉi ni kude ôtaṉè. 26N’avegagi vovo mpandiṉô ôrwageṉô gô panda gô nyô, ni vungu ya nyô y’avegagi swaswo na sô; ambila m’avegagi g’ôzamby’edu gw’am̃èngo ma nyô. 27Ñanja ya gare y’avegagi n’iguge gô nkôṽa yi Sud; n’agèṉizi yè avila gw’iguge agènda gw’iguge gô nkôṽa yi Sud nkam̃a y’ikude.
28Vovo aṽagyè myè gô ñanja ya gare gw’iguge nyi Sud. Agèṉizi yè iguge nyi Sud ny’avegagi kè egèṉizô mèmô. 29Inontye sa nyô, n’am̃èngo ma nyô, ni vungu ya nyô y’avegag’egèṉizô mèmô. Iguge mè ni vungu ya nyô y’avegagi n’asangala vingôvingô, gw’idava agôm̃i m’ikude ataṉè, na gw’ipenda agôm̃i m’ikude ambaṉi ni kude ôtaṉè. 30N’avegagi vovo vungu vingôvingô agôm̃i m’ikude ambaṉi ni kude ôtaṉè gw’idava, n’ômpuzu kude ôtaṉè. 31Vungu y’iguge y’agèndagi gô nkôṽa yi ñanja y’igala; n’ambila m’avegagi gw’am̃èngo ma nyô; ny’avegagi kè ni mpandiṉô eṉanay gô panda gô nyô. 32N’aṽagyè myè gô ñanja ya gare, gô njingiṉô yi nkôṽa yi tongwa ni nkômbe. N’agèṉizi yè iguge ny’avegagi egèṉizô emô. 33Inontye sa nyô, n’am̃èngo ma nyô, ni vungu ya nyô y’avegag’egèṉizô emô. Iguge mè ni vungu ya nyô y’avegag’asangala vingôvingô; ny’avegag’agôm̃i m’ikude ataṉè gw’idava, n’ômpuzu agôm̃i m’ikude ambaṉi ni kude ôtanè. 34Vungu ya nyô y’agèndagi kwanga gô ñanja y’igala; n’ambila m’avegagi gw’am̃èngo ma nyô m’avegagi g’ôzamba wiṉo na g’ôzamb’ôm̃ori; ny’avegagi kè ni mpandiṉô eṉanay gô panda gô nyô. 35N’aṽagyè myè gw’iguge nyi Nor. Agèṉizi yè nyô, n’alèngi yè nyô egèṉizô mèmô, 36inontye sa nyô, am̃èngo ma nyô, ni vungu ya nyô; ny’avegagi n’asangala vingôvingô; elaviṉi z’avegag’agôm̃i m’ikude ataṉè, n’evendiṉi agôm̃i m’ikude ambaṉi ni kude ôtaṉè. 37Vungu ya nyô y’agèndagi kwanga gô ñanja y’igala; n’ambila m’avegagi gw’am̃èngo ma nyô m’avegagi g’ôzamba wiṉo na g’ôzamb’ôm̃ori; ny’avegagi kè ni mpandiṉô eṉanay gô panda gô nyô.
38Nontye y’aṉungunyô gw’am̃èngo m’aguge; vovo yom̃a yi ntyagô yi pezô y’avegagi gô jôvuṉô. 39Gw’evungu z’iguge avegagi g’ôzamba wiṉo tavulu mbaṉi, na g’ôzamb’ôm̃ori tavulu kè mbaṉi; gô sô yom̃a yi ntyagô yi pezô, ni yom̃a yi ntyagô yi taṽ’ibe, na yi ntyagô y’ôgara y’avegagi gô jôṉô. 40G’ôzamb’ôm̃ori w’igala, gô mpandiṉô yi njingiṉô y’iguge nyi nkôṽa yi Nor, avegagi tavulu mbaṉi; na g’ôzamb’ôm̃ori, gw’evungu z’iguge, avegagi tavulu kè mbaṉi. 41Yeṉo, gw’izamba y’iguge, g’ôzamba wiṉo avegagi tavulu nay, ni tavulu nay g’ôzamb’ôm̃ori; sôdu datizô pa, tavulu eṉanay; gô sô yom̃a yi jirô intyagô y’avegagi gô jôṉô. 42Tavulu nay s’adô mi re paṉô pa s’avegagi gô ntyagô yi pezô; s’avegagi kude mori n’ereṉe gw’idava, ni kude mori n’ereṉe gw’ipenda, ni kude mori gw’idôndwa: w’alimbiṉagi gô sô irôngô y’ayôṉagi na waô yom̃a y’intyagô si pezô n’intyagw’im̃ori. 43Igômbiṉô, imeṉô inay gw’ipenda, y’aṽa tyô gô nagô vingôvingô; na gw’itavulu avegag’izôṉe y’intyagô dimbiṉô pa. 44Gw’igala ny’iguge nya gare avegag’inontye gôr’inyembi, gô ñanja ya gare: mori avegagi gô nkôṽa y’iguge nyi Nor, y’avônagi gô nkôṽa yi Sud; mori avegagi gô nkôṽa y’iguge nyi nkôṽa yi tongwa ni nkômbe, y’avônagi gô nkôṽa yi Nor. 45N’awulinyè myè inè: Nontye yiṉo yi pôna gô nkôṽa yi Sud yi re gôr’imiṉisè si penjavenje nagô; 46ni nontye yi pôna gô nkôṽa yi Nor yi re gôr’imiṉisè si penjavenje mbôra yi jirô intyagô. Awaṉa wi Sadok, gô ntangô y’awaṉa wi Levi, waô wi susa pyèrè gôre Yeoṽa gô janjiṉè. 47N’agèṉizi yè ñanja, n’avegagi yô nkam̃a y’ikude gw’idava, ni nkam̃a y’ikude gw’ipenda, izira ni teṉô evangiṉi em̃ô. Mbôra yi jirô intyagô y’avegagi swaswo ni nagô.
48Vovo aṽagyè myè gw’evungu zi nagô. N’agèṉizi yè im̃èngw’edu ny’evungu, kude ôtaṉè g’ôzamba wiṉo, ni kude ôtaṉè g’ôzamb’ôm̃ori. N’ômpuzu w’iguge w’avegagi kude ntyarô g’ôzamba wiṉo, ni kude ntyarô g’ôzamb’ôm̃ori. 49Elaviṉi z’evungu z’avegag’agôm̃i m’ikude ambaṉi, n’evendiṉi igôm̃i ny’ikude ni kude mori; w’avandi gô zô n’impandiṉô. Am̃èngo m’avegagi vovo pyèrè n’am̃engo am̃ori, im̃ori g’ôzamba wiṉo, n’im̃ori g’ôzamb’ôm̃ori.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.