Ezekyèl 29
29
1G’ômpum̃a w’igôm̃i, g’ôgwèli w’igôm̃i, gô ntyugu y’igôm̃i ni mbaṉi y’ôgwèli, igamba nyi Yeôva ny’aṽyeṉi gôre myè, awulya inè: 2Ômwa w’ôma, lôṽy’ôzô wo gôre Faraô, y’ôga w’Egipt, n’avoga g’ômwanji wè gô sirè, na g’ômwanja w’Egipt yôdu! 3Gamba ko bulya nè: Yeṉo kambe Rerè, Yeôva, inè: Vôna, my’are gô siro, Faraô, y’ôga w’Egipt, ñandô mpôlô, yi dèwa gô garegare y’iloṽi yo, na yi bulya nè, ôloṽi wam̃ wi r’iwam̃imè; my’are wô panga pa! 4Mi be fwel’ilowo gw’igèngo yo, na mi be pang’intyuwè s’iloṽi yo gô siga gw’inkazô so. 5Mi be falo gw’itôve, awè n’intyuwè sôdu s’iloṽi yo. Awè ô be pôswa gw’intyaga, w’ayolye tô datizô ge kum̃inyô. Mi be pa wè gô dwaṉ’inya gôr’inyam̃a si ntye na gôr’inyoṉi s’ôrôṽa. 6N’alwaṉi w’Egipt waôdu wi be mya nè, myè ne Yeôva, konde wi re dwaṉa p’ôtôngô wi nkuṉe gô nagô y’Israèl. 7Gw’agôti waô wè g’ôgo wo, awè w’amogwi, n’azasuṉi wè waô gw’ôṽega; na gw’ayèzi waô gôre wè, w’amogwi avang’ini yaô gô sugyazugya. 8Sambô, yeṉo kambe Rerè, Yeôva, inè: Vôna, mi be bag’ôkwara w’iwora gôre wè, na mi be teṉa avila gôre wè aṉaga n’inyam̃a ta. 9Ni ntye y’Egipt yi be jilizô avangô ewôga. Na wi be mya nè, myè ne Yeôva, konde are bulya pa inè: Ôloṽi iwam̃, my’avangi wô. 10Sambô, vôna, my’are gô siro, awè n’iloṽi yo, na mi be pange ntye y’Egipt ewôga, ayiliza yô vya, avila gô Migdol kwanga gô Syène, na vangaṉe kwanga gw’izamba y’Etyôp. 11E zele ntyôzô y’ôma yi be pyagaṉa gô yô, ge ntyôzô yi nyam̃a pyagaṉa gô yô; na yi be dwaṉ’agôm̃i m’impum̃’anay aṉaga fo gô dwaṉa gô yô. 12Mi be pange ntye y’Egipt ewôga gô garegare y’intye si re jilizô pa, n’inkala sa yô si be dwaṉ’ewôga, gô garegare y’inkala si r’aṉaga fo, agôm̃i m’impum̃’anay. Mi be pazangaṉa mongi Egipt gôr’aṉongo, na mi be pazangaṉa waô gw’intye. 13Yeṉo kambe Rerè, Yeôva, inè: Gô ntyay y’agôm̃i m’impum̃’anay, gambèṉè mi be datize mongi Egipt avila gôr’aṉaga wi re waô pazangaṉô pa. 14Mi be tô bag’imbwedi s’Egipt, na mi be panga waô gô fwinya gô ntye yi Patros, gô ntye y’ipakilyi saô, na wi be dwaṉa vovo iṉongo nyi re jamiṉa pa. 15Nyi be dwaṉ’iṉongo nyi re jamiṉa pa pôlô, ny’ayolye tô dwaṉe nyômè nyèṉè gw’ewônjô z’aṉongo, na mi be kongiza waô, ko w’arô pangiṉa nyèṉè gôr’aṉongo. 16Nagô y’Israèl y’ayolye tô bekelya nyèṉè waô; yi be jônginy’ibe saô gw’agegwagi waô gôr’Israèl. Na wi be mya nè, myè ne Rerè, Yeôva.
17N’arweṉi nè, g’ômpum̃a w’agôm̃i ambaṉi n’ôrwageṉô, g’ôgwèli ôlônga, gô ntyugu nônga y’ôgwèli, igamba nyi Yeôva ny’aṽyeṉi gôre myè, awulya inè: 18Ômwa w’ôma, Nebukadnezar y’ôga wi Babèl, avangi mbèli yè gô janj’ijanj’ipôlô gôre Tir. Ewônjô edu z’alwaṉi sèngiṉô p’ikanga, n’ôṽegy’edu w’ayôkuṉô; ndô e pa bong’ipa avila gôre Tir, ge yè ge mbèli yè, g’ômwanja w’ijanja s’ayanjô yè gô yô. 19Sambô, yeṉo kambe Rerè, Yeôva, inè: Vôna, mi pe ntye y’Egipt gôre Nebukadnezar, y’ôga wi Babèl; n’ayè e be twaṉ’igumba nya yô, agwèra, awonga kè im̃aṉô nyè; yiṉo yi be dwaṉ’ipa gôre mbèli yè. 20G’ômwanja w’ijanja si re yè janja pa gôre Tir, vôna, mi pa yè ntye y’Egipt; konde w’ayanji gôre myè, bulye Rerè, Yeôva.
21Gô ntyugu mè mi be pange mengô gô punjiṉa gô nagô y’Israèl, na mi be nunguṉo ôgwaṉa gô garegare yaô; na wi be mya nè, myè ne Yeôva.
Currently Selected:
Ezekyèl 29: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ezekyèl 29
29
1G’ômpum̃a w’igôm̃i, g’ôgwèli w’igôm̃i, gô ntyugu y’igôm̃i ni mbaṉi y’ôgwèli, igamba nyi Yeôva ny’aṽyeṉi gôre myè, awulya inè: 2Ômwa w’ôma, lôṽy’ôzô wo gôre Faraô, y’ôga w’Egipt, n’avoga g’ômwanji wè gô sirè, na g’ômwanja w’Egipt yôdu! 3Gamba ko bulya nè: Yeṉo kambe Rerè, Yeôva, inè: Vôna, my’are gô siro, Faraô, y’ôga w’Egipt, ñandô mpôlô, yi dèwa gô garegare y’iloṽi yo, na yi bulya nè, ôloṽi wam̃ wi r’iwam̃imè; my’are wô panga pa! 4Mi be fwel’ilowo gw’igèngo yo, na mi be pang’intyuwè s’iloṽi yo gô siga gw’inkazô so. 5Mi be falo gw’itôve, awè n’intyuwè sôdu s’iloṽi yo. Awè ô be pôswa gw’intyaga, w’ayolye tô datizô ge kum̃inyô. Mi be pa wè gô dwaṉ’inya gôr’inyam̃a si ntye na gôr’inyoṉi s’ôrôṽa. 6N’alwaṉi w’Egipt waôdu wi be mya nè, myè ne Yeôva, konde wi re dwaṉa p’ôtôngô wi nkuṉe gô nagô y’Israèl. 7Gw’agôti waô wè g’ôgo wo, awè w’amogwi, n’azasuṉi wè waô gw’ôṽega; na gw’ayèzi waô gôre wè, w’amogwi avang’ini yaô gô sugyazugya. 8Sambô, yeṉo kambe Rerè, Yeôva, inè: Vôna, mi be bag’ôkwara w’iwora gôre wè, na mi be teṉa avila gôre wè aṉaga n’inyam̃a ta. 9Ni ntye y’Egipt yi be jilizô avangô ewôga. Na wi be mya nè, myè ne Yeôva, konde are bulya pa inè: Ôloṽi iwam̃, my’avangi wô. 10Sambô, vôna, my’are gô siro, awè n’iloṽi yo, na mi be pange ntye y’Egipt ewôga, ayiliza yô vya, avila gô Migdol kwanga gô Syène, na vangaṉe kwanga gw’izamba y’Etyôp. 11E zele ntyôzô y’ôma yi be pyagaṉa gô yô, ge ntyôzô yi nyam̃a pyagaṉa gô yô; na yi be dwaṉ’agôm̃i m’impum̃’anay aṉaga fo gô dwaṉa gô yô. 12Mi be pange ntye y’Egipt ewôga gô garegare y’intye si re jilizô pa, n’inkala sa yô si be dwaṉ’ewôga, gô garegare y’inkala si r’aṉaga fo, agôm̃i m’impum̃’anay. Mi be pazangaṉa mongi Egipt gôr’aṉongo, na mi be pazangaṉa waô gw’intye. 13Yeṉo kambe Rerè, Yeôva, inè: Gô ntyay y’agôm̃i m’impum̃’anay, gambèṉè mi be datize mongi Egipt avila gôr’aṉaga wi re waô pazangaṉô pa. 14Mi be tô bag’imbwedi s’Egipt, na mi be panga waô gô fwinya gô ntye yi Patros, gô ntye y’ipakilyi saô, na wi be dwaṉa vovo iṉongo nyi re jamiṉa pa. 15Nyi be dwaṉ’iṉongo nyi re jamiṉa pa pôlô, ny’ayolye tô dwaṉe nyômè nyèṉè gw’ewônjô z’aṉongo, na mi be kongiza waô, ko w’arô pangiṉa nyèṉè gôr’aṉongo. 16Nagô y’Israèl y’ayolye tô bekelya nyèṉè waô; yi be jônginy’ibe saô gw’agegwagi waô gôr’Israèl. Na wi be mya nè, myè ne Rerè, Yeôva.
17N’arweṉi nè, g’ômpum̃a w’agôm̃i ambaṉi n’ôrwageṉô, g’ôgwèli ôlônga, gô ntyugu nônga y’ôgwèli, igamba nyi Yeôva ny’aṽyeṉi gôre myè, awulya inè: 18Ômwa w’ôma, Nebukadnezar y’ôga wi Babèl, avangi mbèli yè gô janj’ijanj’ipôlô gôre Tir. Ewônjô edu z’alwaṉi sèngiṉô p’ikanga, n’ôṽegy’edu w’ayôkuṉô; ndô e pa bong’ipa avila gôre Tir, ge yè ge mbèli yè, g’ômwanja w’ijanja s’ayanjô yè gô yô. 19Sambô, yeṉo kambe Rerè, Yeôva, inè: Vôna, mi pe ntye y’Egipt gôre Nebukadnezar, y’ôga wi Babèl; n’ayè e be twaṉ’igumba nya yô, agwèra, awonga kè im̃aṉô nyè; yiṉo yi be dwaṉ’ipa gôre mbèli yè. 20G’ômwanja w’ijanja si re yè janja pa gôre Tir, vôna, mi pa yè ntye y’Egipt; konde w’ayanji gôre myè, bulye Rerè, Yeôva.
21Gô ntyugu mè mi be pange mengô gô punjiṉa gô nagô y’Israèl, na mi be nunguṉo ôgwaṉa gô garegare yaô; na wi be mya nè, myè ne Yeôva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.