Rôm̃i 25
25
1Gw’aṽyeṉi Festus gw’ipangiṉi sè, ntyugu ntyarô vya, avandi yè gô Yerusalèm avila gô Sezare. 2Imiṉisè impôlô n’ayôgô w’Iju w’azozizi Pol gôre yè. N’agweni waô yè inkolo, 3aṽambyè inè, e ga rôm̃e Pol gô Yerusalèm; nkenjaga waômè gô kondè gô mpoṉo, ayôṉè. 4Ndô Festus awiṉizi nè, Pol e penjavenjô gô Sezare, na inè, ayèmè avegagi gô sunge kènda gôgô. 5N’awulyi yè inè, sambô waô wi re n’inyanga gôre ṉwè wi ga zum̃iṉe na myè, na j’adwaṉe ndaga y’ôgara gôr’ôṉôm̃e mèwoṉo, wi ga zozize yè.
6Festus alwaṉi gôre waô kaô ntyugu eṉanay ntyo igôm̃i, avila vovo azum̃iṉi yè gô Sezare.
Bunya, alwaṉi yè baru gw’eka z’ijèkèlya, n’azômbyi yè inè, Pol e ga ṽagô. 7Gw’aṽyeṉi yè, Iju s’avili gô Yerusalèm s’agômbiṉi yè vingô, azozizè n’isam̃u imyenge iyoli yi re waô wi pa jolye dwaṉize yô. 8Ndô Pol agaṉi ôkuṽi wè, awulya inè: Mi pa denda du mbe gw’ivanga ny’Iju, ge gô nagô y’Anyambyè, ge gôre Sezar. 9Ndô gw’aṽeli Festus gô tondy’Iju, awiṉizi Pol inè: Ô bela gô panda gô Yerusalèm, ayèkèlyô gôgô g’ôzô wam̃ g’ômwanja w’isam̃u yiṉo? 10Pol awulyi nè: My’are kum̃aṉa pa gw’eka z’ijèkèlya zi Sezar, vovo re myè n’inyanga nyi jèkèlyô. Mi pa dende ndaga mbe gôr’Iju, ga nt’are wè mya pa mbyambye. 11Sambô ja my’ôyanjisi w’ibe, ge denda pe ndaga yi re myè n’inyanga ny’ijuwa, mi pa bika gô juwa, ndô j’isam̃u yiṉo yi soziza waô myè yi zele rèti, gambèṉè e zel’ôma re n’inyanga nyi piṉa myè gôre waô. Mi ga ge jèkèlyô gôre Sezar. 12Vovo Festus, ayè kamba pa n’aṉèro, awiṉizi nè: Ô re bambya pa gô kènda gôre Sezar; ô be kènda gôre Sezar.
13Intyugu sinyèwo vya, aṽyeṉi Agripa y’ôga ni Bèrnike gô Sezare, gô bale Festus. 14Gw’alwaṉi waô vovo intyugu inyenge, Festus amyezi ndaga yi Pol gôr’ôga, awulya inè: Vèṉo ar’ôṉôm̃e w’alèkizyô ne Felikisi gô ntyôgô; 15gw’avegagi myè gô Yerusalèm, imiṉisè impôlô n’aṉèro w’Iju w’amyezi myè g’ômwanji wè, mbambyaga inè, mi ga ve yè ôgara. 16Ndô my’awiṉizi waô inè, e zele ntyale ya Rôma gô piṉ’ôma, kaô mongi sozizè w’abya g’ôzô wè, ko yè dènge mbôra yi kaṉ’ôkuṽi wè g’ômwanja w’isam̃u yi sozizô yè. 17Yeṉo gw’alataṉi waô vèṉo, mi pa panga waô gô pengiṉa, ndô bunya my’alwaṉi baru gw’eka z’ijèkèlya, azômbya nè, ôṉôm̃e mèwoṉo e ga ṽagô. 18Gw’agum̃aṉi mongi wi sozizè, wi pa sozize yè n’isam̃u imbe, ga nt’avikilyi myè, 19ndô w’azozizi yè n’agamba g’ômwanja wi mpoṉo yaô yi saviṉ’Anyambyè, na g’ômwanja w’ôma ini nyè ne Yesu, are juwa pa, ndô Pol e bulya inè, are bo. 20Gw’avegagi myè ni mpaga nt’are myè ko bambya g’ômwanja w’isam̃u yiṉo, my’aṽambyi yè twa pa e bela gô kènda gô Yerusalèm, ayèkèlyô gôgô g’ômwanja w’isam̃u yiṉo. 21Ndô gw’aṽambyi Pol gô penjavenjô gô jèkèlyô gôre Sezar, my’azômbyi nè, e ga venjavenjô kaô my’atôm̃è gôre Sezar.
22N’awulinyi Agripa Festus inè: Mi ko tonda kè gô jogo gôr’ôṉôm̃e wiṉo myèmè. Awiṉizi Festus inè, mèṉè, ô be jogo gôre yè.
23Yeṉo bunya, Agripa ni Bèrnike w’aṽyeṉi sôngô pa n’aṉag’awenge, ayingiṉa gô mbôra y’ôzozo waô ni kapitèn n’ayôgô wi nkala. Na gw’azômbyi Festus Pol ayinginyô.
24N’awulyi Festus inè: Ôga Agripa, n’aṉwèdu yi re vèṉo na zwè, aṉwè jeṉ’ôṉôm̃e wiṉo e sozizô gôre myè n’Iju sôdu gô Yerusalèm na vèṉo ta, mbôgiṉaga inè, e zele n’inyanga nyi dwaṉa nyèṉè bo. 25Ndô my’alèngi nè, e zele denda pe ndaga yi re yè n’inyanga nyi juwa; na gw’aṽambyi yè gô tôm̃ô gôre Sezar, my’agenji gô tôm̃è. 26Ndô my’azele ni ndaga ya rèti yi tèndiṉe reri yam̃ g’ômwanji wè; yeṉo apanga myè yè gô bôm̃wa gw’azô maṉi, na pôsô g’ôzô wo, ôga Agripa, inè, ayè kotizô pa, myè ko dèng’igamba nyi tènda. 27Konde mi jeṉa inè, e zele kwèkwè gô piṉ’ôkôte, ko w’arev’isam̃u yi sozizô yè.
Currently Selected:
Rôm̃i 25: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
Rôm̃i 25
25
1Gw’aṽyeṉi Festus gw’ipangiṉi sè, ntyugu ntyarô vya, avandi yè gô Yerusalèm avila gô Sezare. 2Imiṉisè impôlô n’ayôgô w’Iju w’azozizi Pol gôre yè. N’agweni waô yè inkolo, 3aṽambyè inè, e ga rôm̃e Pol gô Yerusalèm; nkenjaga waômè gô kondè gô mpoṉo, ayôṉè. 4Ndô Festus awiṉizi nè, Pol e penjavenjô gô Sezare, na inè, ayèmè avegagi gô sunge kènda gôgô. 5N’awulyi yè inè, sambô waô wi re n’inyanga gôre ṉwè wi ga zum̃iṉe na myè, na j’adwaṉe ndaga y’ôgara gôr’ôṉôm̃e mèwoṉo, wi ga zozize yè.
6Festus alwaṉi gôre waô kaô ntyugu eṉanay ntyo igôm̃i, avila vovo azum̃iṉi yè gô Sezare.
Bunya, alwaṉi yè baru gw’eka z’ijèkèlya, n’azômbyi yè inè, Pol e ga ṽagô. 7Gw’aṽyeṉi yè, Iju s’avili gô Yerusalèm s’agômbiṉi yè vingô, azozizè n’isam̃u imyenge iyoli yi re waô wi pa jolye dwaṉize yô. 8Ndô Pol agaṉi ôkuṽi wè, awulya inè: Mi pa denda du mbe gw’ivanga ny’Iju, ge gô nagô y’Anyambyè, ge gôre Sezar. 9Ndô gw’aṽeli Festus gô tondy’Iju, awiṉizi Pol inè: Ô bela gô panda gô Yerusalèm, ayèkèlyô gôgô g’ôzô wam̃ g’ômwanja w’isam̃u yiṉo? 10Pol awulyi nè: My’are kum̃aṉa pa gw’eka z’ijèkèlya zi Sezar, vovo re myè n’inyanga nyi jèkèlyô. Mi pa dende ndaga mbe gôr’Iju, ga nt’are wè mya pa mbyambye. 11Sambô ja my’ôyanjisi w’ibe, ge denda pe ndaga yi re myè n’inyanga ny’ijuwa, mi pa bika gô juwa, ndô j’isam̃u yiṉo yi soziza waô myè yi zele rèti, gambèṉè e zel’ôma re n’inyanga nyi piṉa myè gôre waô. Mi ga ge jèkèlyô gôre Sezar. 12Vovo Festus, ayè kamba pa n’aṉèro, awiṉizi nè: Ô re bambya pa gô kènda gôre Sezar; ô be kènda gôre Sezar.
13Intyugu sinyèwo vya, aṽyeṉi Agripa y’ôga ni Bèrnike gô Sezare, gô bale Festus. 14Gw’alwaṉi waô vovo intyugu inyenge, Festus amyezi ndaga yi Pol gôr’ôga, awulya inè: Vèṉo ar’ôṉôm̃e w’alèkizyô ne Felikisi gô ntyôgô; 15gw’avegagi myè gô Yerusalèm, imiṉisè impôlô n’aṉèro w’Iju w’amyezi myè g’ômwanji wè, mbambyaga inè, mi ga ve yè ôgara. 16Ndô my’awiṉizi waô inè, e zele ntyale ya Rôma gô piṉ’ôma, kaô mongi sozizè w’abya g’ôzô wè, ko yè dènge mbôra yi kaṉ’ôkuṽi wè g’ômwanja w’isam̃u yi sozizô yè. 17Yeṉo gw’alataṉi waô vèṉo, mi pa panga waô gô pengiṉa, ndô bunya my’alwaṉi baru gw’eka z’ijèkèlya, azômbya nè, ôṉôm̃e mèwoṉo e ga ṽagô. 18Gw’agum̃aṉi mongi wi sozizè, wi pa sozize yè n’isam̃u imbe, ga nt’avikilyi myè, 19ndô w’azozizi yè n’agamba g’ômwanja wi mpoṉo yaô yi saviṉ’Anyambyè, na g’ômwanja w’ôma ini nyè ne Yesu, are juwa pa, ndô Pol e bulya inè, are bo. 20Gw’avegagi myè ni mpaga nt’are myè ko bambya g’ômwanja w’isam̃u yiṉo, my’aṽambyi yè twa pa e bela gô kènda gô Yerusalèm, ayèkèlyô gôgô g’ômwanja w’isam̃u yiṉo. 21Ndô gw’aṽambyi Pol gô penjavenjô gô jèkèlyô gôre Sezar, my’azômbyi nè, e ga venjavenjô kaô my’atôm̃è gôre Sezar.
22N’awulinyi Agripa Festus inè: Mi ko tonda kè gô jogo gôr’ôṉôm̃e wiṉo myèmè. Awiṉizi Festus inè, mèṉè, ô be jogo gôre yè.
23Yeṉo bunya, Agripa ni Bèrnike w’aṽyeṉi sôngô pa n’aṉag’awenge, ayingiṉa gô mbôra y’ôzozo waô ni kapitèn n’ayôgô wi nkala. Na gw’azômbyi Festus Pol ayinginyô.
24N’awulyi Festus inè: Ôga Agripa, n’aṉwèdu yi re vèṉo na zwè, aṉwè jeṉ’ôṉôm̃e wiṉo e sozizô gôre myè n’Iju sôdu gô Yerusalèm na vèṉo ta, mbôgiṉaga inè, e zele n’inyanga nyi dwaṉa nyèṉè bo. 25Ndô my’alèngi nè, e zele denda pe ndaga yi re yè n’inyanga nyi juwa; na gw’aṽambyi yè gô tôm̃ô gôre Sezar, my’agenji gô tôm̃è. 26Ndô my’azele ni ndaga ya rèti yi tèndiṉe reri yam̃ g’ômwanji wè; yeṉo apanga myè yè gô bôm̃wa gw’azô maṉi, na pôsô g’ôzô wo, ôga Agripa, inè, ayè kotizô pa, myè ko dèng’igamba nyi tènda. 27Konde mi jeṉa inè, e zele kwèkwè gô piṉ’ôkôte, ko w’arev’isam̃u yi sozizô yè.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.