Rôm̃i 21
21
1Azwè tiga pa waô, aluli zwè n’ôwatanga, agènda gôre gô Kos; bunya aṽyeṉi zwè gô Rôdos, n’avila vovo gô Patara. 2Na gw’alèngi zwè ôwatanga wi dalya agènda gô Foynike, azw’agweṉi gô wô alula. 3Gw’ayeṉi zwè nenge yi Kiprus, azw’alèkizi yô ni nkôṽa yi nyantwè, agènda gô nkôṽa yi Sirya, n’avungi zwè gô Tir, konde ôwatanga w’avegagi gô sôny’igumba vovo. 4Azwè dènga p’iṉèngi, azw’alwaṉi vovo ntyugu ôrwageṉô. N’Iṉiṉa ny’avang’iṉèngi gô bulinye Pol inè: Agènda du gô Yerusalèm. 5Ndô azwè dèwa p’intyugu mèsoṉo ôrwageṉô, azw’alubwi agombiz’ôgèndo, na waôdu, n’antô waô n’awaṉi waô w’ayiri zwè avila gô nkala. N’alôṽi zwè akotolog’ôzègè agambiṉa. 6Avila vovo, alèkizi zwè waô ôjaṉi, agweṉa g’ôwatanga, n’awinyi waô gô nkala.
7Gw’azukizi zwè ôgèndo avila gô Tir, aṽyeṉi zwè gô Pitôlemayda, n’azanguṉi zwè awarerè vovo, alwaṉa na waô ntyugu mori.
8Bunya alubwi zwè vovo, aṽya gô Sezare. N’ayingiṉi zwè gô nagô yi Filipi, y’evanjeliste, ôm̃ori gôr’ ôrwageṉô, alwaṉi zwè gôre yè. 9Ôṉôm̃e mèwoṉo avegagi n’azali antô anay mi re mi pa dèwa n’ôṉôm̃e ni mori, azali miṉo m’avogagi. 10Gw’alwaṉi zwè vovo intyugu inyenge, ôvogisi ôm̃ori, ini nyè ne Agabus, azum̃iṉi avila gô Yuda, 11aṽya gôre zwè. N’awongi yè ôtumba wi Pol, arag’agôlô mèmè n’ago mèmè, awulya inè: Iṉiṉ’Iṽya nyi bulya inè: Yeṉo be tagô Iju si re gô Yerusalèm agôr’ôma w’aṉivi ôtumba wiṉo, aṉozè gw’ago m’aṉongo. 12Gw’ayogyô zwè isam̃u yiṉo, azwè na waô w’alwaṉi gô mbôra mèyoṉo, azw’agweni Pol nkolo inè, e ga rig’avanda gô Yerusalèm. 13Vovo awiṉizi waô inè: Aṉwè dend’ande, gô deṉa na gô jeṉiz’ôrèm̃i wam̃ nkaza? Konde my’are keka pa, aranga dadyè gô tagô, ndô gô juwa kè gô Yerusalèm g’ômwanja w’ina nya Rerè Yesu. 14Na gw’arweṉi yè e pa jivir’inkolo sazô, azw’arigi awulya inè: Ntondiṉi ya Rerè yi ga lendô!
15Intyugu mèsoṉo vyagaṉô, azw’agenji yom̃i yazô, avanda gô Yerusalèm. 16Iṉèng’imyèwo yi Sezare y’aṽyeṉi kè gôre zwè, agèndya zwè gôr’ôma ini nyè ne Manason, avili gô nenge yi Kiprus, ôm̃ori w’iṉèng’ilônga, azw’arweṉi kè gô dèwa gôre yè.
17Gw’aṽyeṉi zwè gô Yerusalèm, awarerè w’awongi zwè n’igeṽa. 18Bunya, agèndi Pol na zwè gôre Yakobu, n’alataṉi aṉèro waôdu vovo. 19Ayè sanguṉa pa waô, arakilyi yè waô isam̃u yôdu, ôm̃ori ôm̃ori y’alendyô n’Anyambyè gôr’aṉongo vo ijanji sè. 20Gw’ayogyô waô yô, w’azum̃iny’Anyambyè. Avila vovo w’awulinyi yè inè: Mwarera, ô jeṉ’intozèny inyenge s’Iju si re bekelya pa, na waôdu wi re ni mpyô gô penjavenj’ivanga. 21Ndô wi re myezô pa g’ômwanji wo inè, ô nènj’Iju sôdu si re gôr’aṉongo inè, si ga rige Môsès, mbulinyaga waô inè, w’agèr’awaṉi waô ge penjavenj’intyale s’Iju. 22Sambô ga lendô sèṉi? Rèti aṉaga wi be dataṉa, konde wi be mya inè, w’abyeṉi. 23Sambô lend’igamba nyiṉo nyi be bulinya zwè wè. Azw’are vèṉo n’aṉag’anay wi re pangaṉa p’ômpangaṉô; 24wonga waô na wè, ko jombuny’ôkuṽi wo na waô, arôliza waô ni siki yo, ko waô sèngiṉe wônjô yaô. Yeṉo aṉaga waôdu wi be mya inè, isam̃u yi re waô myezô pa g’ômwanji wo yi zele rèti, ndô inè, awèmè kè ô dwaṉa gôre, mpenjavenjag’ivanga. 25G’ômwanja w’aṉongo mi re bekelya pa, azw’areṉizi, arèndiṉa waô inè, wi ga venjavenj’ikuṽi yaô avila gô ṽèrè yi jirô gw’ikaṉa, n’avila gô ntyiṉa y’inyam̃a si jôṉô mpyarôgô, n’avila g’ôṽelaṉô. 26Vovo awongi Pol aṉaga mèwoṉo, ayombuny’ôkuṽi wè na waô; bunya ayingiṉi yè na waô gô nagô y’Anyambyè, arakily’ikekiza si ntyugu y’ijombunya ni ntyagô yi jirô g’ômwanja w’ôm’edu gôre waô.
27Gw’arweṉ’intyugu ôrwageṉô gô suka, Iju s’avili gw’Azya, gw’ayeṉi waô Pol gô nagô y’Anyambyè, w’avendy’aṉaga waôdu, agôtè, awôgiṉa inè: 28Aṉôm̃e w’Israèl, ṉunguṉaṉi! Wiṉo n’ôma wi kambiṉ’aṉaga waôdu na gô mbôry’edu nsirag’Iju, n’ivanga, ni mbôra yiṉo; are jinginya pa kè Grèk gô nagô y’Anyambyè, awevize mbôra y’ôrunda yiṉo. 29Konde w’aliwô w’ajeṉi Trôfimos y’avili gw’Efèsi na yè gô nkala, n’avikilyi waô inè, Pol aliwô ajinginyi yè gô nagô y’Anyambyè.
30N’azugyô nkala yôdu, n’ayiraṉ’aṉaga nkôṽy’edu. N’agôti waô Pol avila gô nagô y’Anyambyè, n’azunge nunjyô aguge. 31Gw’awutagi waô gô jôṉè, ntyangô y’aṽyeṉi gôre kapitèn yi nkondo y’isozè inè, Yerusalèm yôdu y’asokolyô. 32N’azunge bongi yè isozè n’iyôfisyè, avale mangô gôre waô. Gw’ayeṉi waô kapitèn n’isozè, w’arigi gô bôle Pol. 33Vovo aṽyeṉi kapitèn, agôtè, azômbya inè, e ga ragô n’azungakaṉô ambaṉi. Avila vovo aṽambyè yè ini nyè, n’ôsam̃u wi re yè denda pa. 34Ndô awèwo gôr’aṉaga w’arông’igamb’inyèṉè, n’am̃ori kè igamb’inyèṉè; n’arweṉi nè e pa jolye mye ndaga mbyambye g’ômwanja w’ôtogo, azômbyi yè inè, e ga ṽagô gô nagô y’adô y’isozè. 35Gw’aṽyeṉi Pol gô mpandiṉô, arweṉi nè, arwanyô n’isozè, g’ômwanja wi ngulu y’agombig’aṉaga; 36konde nkumba y’aṉaga yôdu y’azôngagi, y’arôngi nè: Yôṉè!
37Gw’arweṉi Pol pyèrè gô jingiṉa gô nagô y’adô, awulinyi yè kapitèn inè: Mi ko kamba na wè ndaga? N’awiṉizi kapitèn inè: W’avôrô kambe grèk? 38Sambô awè aranga mw’Egipt mèwoṉo azory’aṉaga, agèndya ntozèny si kuya nay gw’itôve? 39Pol awulyi nè: Myè mw’Iju, nkali yam̃ ne Tarsis gô ntye yi Kilikya, myè ôlwaṉi wi nkala aranga y’isolo fo. Kokolo, yivira myè gô kamba gôr’aṉaga. 40Gw’ayiviryô yè ne kapitèn, Pol agum̃aṉi gôre gô mpandiṉô, avèp’aṉaga n’ôgo. N’avoni waô vo pôlômè, n’agambi Pol na waô ni nkambiṉi y’Ebèr, awulya inè:
Currently Selected:
Rôm̃i 21: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
Rôm̃i 21
21
1Azwè tiga pa waô, aluli zwè n’ôwatanga, agènda gôre gô Kos; bunya aṽyeṉi zwè gô Rôdos, n’avila vovo gô Patara. 2Na gw’alèngi zwè ôwatanga wi dalya agènda gô Foynike, azw’agweṉi gô wô alula. 3Gw’ayeṉi zwè nenge yi Kiprus, azw’alèkizi yô ni nkôṽa yi nyantwè, agènda gô nkôṽa yi Sirya, n’avungi zwè gô Tir, konde ôwatanga w’avegagi gô sôny’igumba vovo. 4Azwè dènga p’iṉèngi, azw’alwaṉi vovo ntyugu ôrwageṉô. N’Iṉiṉa ny’avang’iṉèngi gô bulinye Pol inè: Agènda du gô Yerusalèm. 5Ndô azwè dèwa p’intyugu mèsoṉo ôrwageṉô, azw’alubwi agombiz’ôgèndo, na waôdu, n’antô waô n’awaṉi waô w’ayiri zwè avila gô nkala. N’alôṽi zwè akotolog’ôzègè agambiṉa. 6Avila vovo, alèkizi zwè waô ôjaṉi, agweṉa g’ôwatanga, n’awinyi waô gô nkala.
7Gw’azukizi zwè ôgèndo avila gô Tir, aṽyeṉi zwè gô Pitôlemayda, n’azanguṉi zwè awarerè vovo, alwaṉa na waô ntyugu mori.
8Bunya alubwi zwè vovo, aṽya gô Sezare. N’ayingiṉi zwè gô nagô yi Filipi, y’evanjeliste, ôm̃ori gôr’ ôrwageṉô, alwaṉi zwè gôre yè. 9Ôṉôm̃e mèwoṉo avegagi n’azali antô anay mi re mi pa dèwa n’ôṉôm̃e ni mori, azali miṉo m’avogagi. 10Gw’alwaṉi zwè vovo intyugu inyenge, ôvogisi ôm̃ori, ini nyè ne Agabus, azum̃iṉi avila gô Yuda, 11aṽya gôre zwè. N’awongi yè ôtumba wi Pol, arag’agôlô mèmè n’ago mèmè, awulya inè: Iṉiṉ’Iṽya nyi bulya inè: Yeṉo be tagô Iju si re gô Yerusalèm agôr’ôma w’aṉivi ôtumba wiṉo, aṉozè gw’ago m’aṉongo. 12Gw’ayogyô zwè isam̃u yiṉo, azwè na waô w’alwaṉi gô mbôra mèyoṉo, azw’agweni Pol nkolo inè, e ga rig’avanda gô Yerusalèm. 13Vovo awiṉizi waô inè: Aṉwè dend’ande, gô deṉa na gô jeṉiz’ôrèm̃i wam̃ nkaza? Konde my’are keka pa, aranga dadyè gô tagô, ndô gô juwa kè gô Yerusalèm g’ômwanja w’ina nya Rerè Yesu. 14Na gw’arweṉi yè e pa jivir’inkolo sazô, azw’arigi awulya inè: Ntondiṉi ya Rerè yi ga lendô!
15Intyugu mèsoṉo vyagaṉô, azw’agenji yom̃i yazô, avanda gô Yerusalèm. 16Iṉèng’imyèwo yi Sezare y’aṽyeṉi kè gôre zwè, agèndya zwè gôr’ôma ini nyè ne Manason, avili gô nenge yi Kiprus, ôm̃ori w’iṉèng’ilônga, azw’arweṉi kè gô dèwa gôre yè.
17Gw’aṽyeṉi zwè gô Yerusalèm, awarerè w’awongi zwè n’igeṽa. 18Bunya, agèndi Pol na zwè gôre Yakobu, n’alataṉi aṉèro waôdu vovo. 19Ayè sanguṉa pa waô, arakilyi yè waô isam̃u yôdu, ôm̃ori ôm̃ori y’alendyô n’Anyambyè gôr’aṉongo vo ijanji sè. 20Gw’ayogyô waô yô, w’azum̃iny’Anyambyè. Avila vovo w’awulinyi yè inè: Mwarera, ô jeṉ’intozèny inyenge s’Iju si re bekelya pa, na waôdu wi re ni mpyô gô penjavenj’ivanga. 21Ndô wi re myezô pa g’ômwanji wo inè, ô nènj’Iju sôdu si re gôr’aṉongo inè, si ga rige Môsès, mbulinyaga waô inè, w’agèr’awaṉi waô ge penjavenj’intyale s’Iju. 22Sambô ga lendô sèṉi? Rèti aṉaga wi be dataṉa, konde wi be mya inè, w’abyeṉi. 23Sambô lend’igamba nyiṉo nyi be bulinya zwè wè. Azw’are vèṉo n’aṉag’anay wi re pangaṉa p’ômpangaṉô; 24wonga waô na wè, ko jombuny’ôkuṽi wo na waô, arôliza waô ni siki yo, ko waô sèngiṉe wônjô yaô. Yeṉo aṉaga waôdu wi be mya inè, isam̃u yi re waô myezô pa g’ômwanji wo yi zele rèti, ndô inè, awèmè kè ô dwaṉa gôre, mpenjavenjag’ivanga. 25G’ômwanja w’aṉongo mi re bekelya pa, azw’areṉizi, arèndiṉa waô inè, wi ga venjavenj’ikuṽi yaô avila gô ṽèrè yi jirô gw’ikaṉa, n’avila gô ntyiṉa y’inyam̃a si jôṉô mpyarôgô, n’avila g’ôṽelaṉô. 26Vovo awongi Pol aṉaga mèwoṉo, ayombuny’ôkuṽi wè na waô; bunya ayingiṉi yè na waô gô nagô y’Anyambyè, arakily’ikekiza si ntyugu y’ijombunya ni ntyagô yi jirô g’ômwanja w’ôm’edu gôre waô.
27Gw’arweṉ’intyugu ôrwageṉô gô suka, Iju s’avili gw’Azya, gw’ayeṉi waô Pol gô nagô y’Anyambyè, w’avendy’aṉaga waôdu, agôtè, awôgiṉa inè: 28Aṉôm̃e w’Israèl, ṉunguṉaṉi! Wiṉo n’ôma wi kambiṉ’aṉaga waôdu na gô mbôry’edu nsirag’Iju, n’ivanga, ni mbôra yiṉo; are jinginya pa kè Grèk gô nagô y’Anyambyè, awevize mbôra y’ôrunda yiṉo. 29Konde w’aliwô w’ajeṉi Trôfimos y’avili gw’Efèsi na yè gô nkala, n’avikilyi waô inè, Pol aliwô ajinginyi yè gô nagô y’Anyambyè.
30N’azugyô nkala yôdu, n’ayiraṉ’aṉaga nkôṽy’edu. N’agôti waô Pol avila gô nagô y’Anyambyè, n’azunge nunjyô aguge. 31Gw’awutagi waô gô jôṉè, ntyangô y’aṽyeṉi gôre kapitèn yi nkondo y’isozè inè, Yerusalèm yôdu y’asokolyô. 32N’azunge bongi yè isozè n’iyôfisyè, avale mangô gôre waô. Gw’ayeṉi waô kapitèn n’isozè, w’arigi gô bôle Pol. 33Vovo aṽyeṉi kapitèn, agôtè, azômbya inè, e ga ragô n’azungakaṉô ambaṉi. Avila vovo aṽambyè yè ini nyè, n’ôsam̃u wi re yè denda pa. 34Ndô awèwo gôr’aṉaga w’arông’igamb’inyèṉè, n’am̃ori kè igamb’inyèṉè; n’arweṉi nè e pa jolye mye ndaga mbyambye g’ômwanja w’ôtogo, azômbyi yè inè, e ga ṽagô gô nagô y’adô y’isozè. 35Gw’aṽyeṉi Pol gô mpandiṉô, arweṉi nè, arwanyô n’isozè, g’ômwanja wi ngulu y’agombig’aṉaga; 36konde nkumba y’aṉaga yôdu y’azôngagi, y’arôngi nè: Yôṉè!
37Gw’arweṉi Pol pyèrè gô jingiṉa gô nagô y’adô, awulinyi yè kapitèn inè: Mi ko kamba na wè ndaga? N’awiṉizi kapitèn inè: W’avôrô kambe grèk? 38Sambô awè aranga mw’Egipt mèwoṉo azory’aṉaga, agèndya ntozèny si kuya nay gw’itôve? 39Pol awulyi nè: Myè mw’Iju, nkali yam̃ ne Tarsis gô ntye yi Kilikya, myè ôlwaṉi wi nkala aranga y’isolo fo. Kokolo, yivira myè gô kamba gôr’aṉaga. 40Gw’ayiviryô yè ne kapitèn, Pol agum̃aṉi gôre gô mpandiṉô, avèp’aṉaga n’ôgo. N’avoni waô vo pôlômè, n’agambi Pol na waô ni nkambiṉi y’Ebèr, awulya inè:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.