ROMA 16
16
Petabea
16:1-16
1Kupapaincanika komi kasangkompota weʼa i Pebe toʼonya. Siʼa mantulungi dompu ri Kengkeria. 2Kuperapi da naka ndisabe siʼa ewa sambaʼa tau i mPue. Lawi da ewanceʼe waʼa ntau anu meaya ri Pue Ala da mombesabe sambaʼa pai sambaʼa. Da nditulungi siʼa ane merapi tulungi ri komi, maka mariamo tau anu natulungi, – tesua woʼu yaku.
3 #
Pwn. 18:2
Ndiparata tabeaku ri Perisikila pai Akila, waʼa yunuku anu sangkani-ngkani mpotetala ri Kerisitu Yesu. 4Tau seʼe sakodi mate ua mampelae yaku, kuparata pontarima kase ri tau seʼe – pai banya podo ungka ri yaku paikanya ungka ri pura-pura dompu banca anu banya to Yahudi montarima kase woʼu ri tau seʼe. 5Ndiparata woʼu tabeaku ri dompu anu mompasambaka ri banua ntau seʼe.
Tabea rata ri Epenetu anu kupotowe. Siʼamo tau anu uyu-uyunya meaya ri Kerisitu ri tana Asia. 6Tabeaku woʼu rata ri Maria. Siʼa motetalamo ri gori-gori mpangkotonya ri oyomi. 7Ndiparata woʼu tabeaku ri Andoroniku pai Yunia. Tau seʼe sambaʼa lemba pai yaku pai roo woʼu ndapari ntarunggu sangkani-ngkani pai yaku. Ri kabareʼepanya yaku meaya ri Yesu, tau seʼe lawi meayamo. Tau seʼe mombeincani mpodago pai waʼa ncuro.
8Tabeaku rata ri Ampiliatu anu kupotowe, maka siʼa sangkani-ngkani pai yaku ri kasambaʼa-mbaʼa pai Pue. 9Petubunaka ndiparata ri Urubanu, kasangkompota anu motetala sangkani-ngkani pai kita tila i ngKerisitu. Ewanceʼe seʼe petubunaka ri Sitaki anu kupotowe. 10Tabea rata ri Apele, maka tongawamo pepoʼinayanya ri Kerisitu. Tabeaku woʼu ri sombori ri Aritobulu, 11pai rata ri Herodiani. Siʼa salemba-lemba pai yaku. Ewanceʼe seʼe tabea rata ri waʼa ngkasangkompo anu sambaʼa-mbaʼa mpeaya pai kita ri sombori i Narikisu.
12Tabeaku rata ri Taripena pai Tariposa anu motetala kojo mamporiokoi i Pue pai ri Perisi anu kupotowe. Siʼa woʼu anu motetala ri gori mpangkotonya tila i mPue. 13#Mrk. 15:21 Tabea rata ri Rupu pai inenya anu kureke ewa ineku. I Rupu inceʼemo tau anu ndapilisi i mPue pai meawa da ndaunde. 14Ndiparata tabeaku ri Asingkiritu, i Pelego, i Hereme, i Pakoroka, i Herimasi pai pura-pura waʼa ngkasangkompo anu sampepeaya sangkani-ngkani pai tau seʼe. 15Tabea rata ri Pilologu pai Yulia; ri Nereu pai kasangkomponya anu weʼa; ri Olimpa pai pura-pura waʼa ntau meaya anu sangkani-ngkani pai tau seʼe.
16Ndipombetabeamo sambaʼa pai sambaʼa mewali tanda mpombepotowe nto Kerisitu. Pura-pura dompu i ngKerisitu mamparata tabea ntau seʼe ri komi pura-pura.
Totoraka kapusanya
16:17-24
17Ee waʼa ngkasangkompo! Kuperapi kojo, da naka komi moncoro-ncoro ri waʼa ntau anu mampareʼe katebureka pai mampakalingu peaya ndaya ntau ri Pue. Inceʼe mombetalikusi pai anu roomo ndapaguruka komi. Tilawangimo waʼa ntau anu ewancetu. 18Maka waʼa ntau anu mowia ewanceʼe banya motetala tila mPueta i Yesu Kerisitu, paikanya podo malulu pepokono ndaya ntau seʼe ngkalionya. Mampoliu pekanarasi pai waʼa mpau anu momi tau seʼe mambambasi waʼa ntau anu bareʼe naincani bara nunjaa-njaa. 19Pura-pura tau mangaincanimo kakominya todo ri pompaguru kono Nuntu ngKatuwu anu ungka ri Pue Ala. Pai kupokawongko katedikanakami ewanceʼe. Da rayaku da naka komi da loʼe i ri pangaincani waʼa anu madago, pai da tengo ri pangaincani waʼa anu majaʼa. 20I Pue Ala anu mawai kalindo ndaya ri tolino, da ronga madika i majaʼa ri ara ngkuasami pai da mampakagero. Mbolimo komi bareʼe bali-bali ndapadonco mPueta i Yesu Kerisitu!
21 #
Pwn. 16:1
I Timotiu, yunu sampotetalaku, mamparata tabeanya ri komi. Ewanceʼe seʼe i Lukiu, i Yasoni pai i Sosipateri anu sambaʼa-mbaʼa lemba pai yaku.
22Anu maʼuki sura seʼi yaku, i Teritiu. Kupasowa tabea mpokasangkompo rata ri komi waʼa ngkasangkompo.
23 #
Pwn. 19:29, 1 Kor. 1:14, 2 Tim. 4:20 I Gayu mampakatu tabea rata ri komi. Yaku melinggona ri banuanya, pai kami mominggu-minggu ri banuanya. I Erasitu Bendahari ri kota, mampakatu tabeanya rata ri komi. Ewanceʼe seʼe kasangkompota i Kewatu.
[24Mbolimo Pueta i Yesu Kerisitu da mangadonco komi pura-pura. Ami.]
Kapusa ncura
16:25-27
25Teundemo i Pue Ala! Sira makuasa mampakaroso peaya ndayami silulu pai Nuntu ngKatuwu ungka ri Pue Ala anu kupobambarika kono i Yesu Kerisitu. Yaku mampetumbu bambari setu silulu pai anu ndapatongawa mPue Ala ri yaku; inceʼemo kono pepokono mPue Ala anu moatu ntaʼumo kasaenya bareʼe naincani ntau. 26Paikanya seʼi-seʼi, ua songka i mPue Ala anu bareʼe da reʼe kapusanya, pepokono-A setu ndapatongawamo pai ndapobambarikamo ri pura-pura banca mampoliu uki waʼa nabi, da naka pura-pura tau seʼe meaya pai mepoʼinaya ri Pue Ala. 27Maka waʼanyamo podo Sira Pue Ala, Sira ri wawo ngkaloʼe. Mbolimo Sira anu da ndabangkei rantani masae-sae mampoliu i Yesu Kerisitu! Ami.
Petubunaka ungka ri kami, Paulu, watua i ngKerisitu Yesu
Currently Selected:
ROMA 16: LAIPMF
Highlight
Copy
Compare
Share
Want to have your highlights saved across all your devices? Sign up or sign in