MATIU 11
11
Pomokau i Yohane Topopariu
11:1-19
(Luk. 7:18-35)
1Ri karoonya ndatotoraka waʼa anaguru-A anu sampuyu pai radua, malaimo Sira njoʼu motuntu pai mompaguru ri waʼa ngkota anu mosu.
2Sindara i Yohane Topopariu ri raya ntarunggu, nadongemo bambari kono waʼa anu ndapowia i ngKerisitu. Inceʼe painaka napokau bara tesangkuja anagurunya njoʼu ri Yesu da mampeoasi, 3“Bara Komimo anu da rata setu malulu janji i mPue Ala, bara ntongo da kapopeapa tau ntaninya?”
4Mesono i Yesu, “Ndipewalilimo ri Yohane pai ndipetumbukamo pura-pura anu ndidonge pai ndikita. 5#Yes. 35:5-6, 61:1 Tau buta yosamo matanya, tau pungku melinja, tau ketangga osa, tau bongo nadonge raoa, tau mate tuwu muni pai tau kaasi-asi ndapetumbuka Nuntu ngKatuwu ungka ri Pue Ala. 6Morasimo tau anu bereʼe tangkunya mantarima yaku!”
7Butu tepalaimo waʼa mpomokau i Yohane setu, ndatepuʼumo i Yesu mantotoraka tau sondo kaʼisemanya i Yohane, ndatoʼo, “Nunjaa anu njoʼu ndipeole ri pada bone? Bara podo morompa anu nawui-wui ngoyu? 8Nunjaa anu njoʼu da ndipeole? Sambaʼa tau anu morengko madolidi? Waʼa ntau anu morengko ewanceʼe maroo-roo ri langkanae! 9Mewali ara wenu komi njoʼu ri pada bone? Bara da mampeole sambaʼa nabi? Monco, siʼa meruu ungka ri sambaʼa nabi. 10#Mal. 3:1 Maka i Yohane seʼimo anu ndatangara ndaya ri raya Ncura Magali seʼi,
‘Inceʼimo pomokau-Ku, ndatoʼo i mPue Ala,
Yaku mampokau siʼa mamporiuka Siko, da naka Sia mampatoka jaya-Mu.’
11Da ndipaincani! Ri lino seʼi bareʼepa reʼe tau anu meruu kabangkenya ungka ri Yohane Topopariu. Paikanya mau ewanceʼe tau anu maʼai ngkakodinya ri oyo ntau i mPue Ala meruu kabangkenya ungka ri Yohane. 12#Luk. 16:16 Montepuʼumo ungka ri tempo potuntu i Yohane, nakarataka ri tempo wawaseʼi waʼa ntau i mPue Ala naewa waʼa ntau anu mampetujuka kuasa pai karosonya. 13Rata ri tempo ngkarata i Yohane, pura-pura padika i Musa pai pompaguru waʼa nabi, mampowatika kono waʼa anu sangaya-ngaya da mewali. 14#Mal. 4:5, Mat. 17:10-13, Mrk. 9:11-13 Pai ane ndiaya pau-Ku seʼi, i Yohane inceʼemo i Elia anu da karatanya roomo ndapowatika. 15Isema anu motalinga, da napedongeka!
16Paikanya da ewa nunjaa da kupaporapaka waʼa ntau anu tuwu salapi seʼi? Tau seʼe ewa waʼa ananggodi anu motunda-tunda ri pasari. Satobu meboo ri anu satobunya, 17‘Kami mangayuka komi ngayu ngkawongko ndaya, paikanya bareʼe ndipokono motaro! Kapongayuka ngayu mpotau mate pai bareʼe ndipokono motumangi!’ 18I Yohane rata – siʼa mopuasa pai bareʼe nainu anggoro; natoʼo waʼa ntau, ‘Siʼa napesuaki i majaʼa!’ 19Seʼi rata i Ana Manusia, siʼa mangkoni pai manginu; natoʼo waʼa ntau, ‘Peole tau setu! Manyanya, topoyangu-yangu, yunu ntoponduru asele pai yunu ntau masalaa.’ Paikanya mau ewanceʼe, kaloʼe i mPue Ala tongawa ri wua ntetalanya.”
Waʼa ngkota anu bareʼe meaya
11:20-24
(Luk. 10:13-15)
20Ndatepuʼumo i Yesu mamposari waʼa ngkota anu mariamo tanda ngkuasa ndatujuka. Maka waʼa ntau bangani ngkota setu bareʼe majea pai bareʼe naponcosoi waʼa ncalaanya. 21#Yes. 23:1-18, Yeh. 26:1–28:26, Yo. 3:4-8, Am. 1:9-10, Sak. 9:2-4 “Marugimo siko ee Korasi! Pai marugimo siko ee Besaida! Ane rapanya waʼa ntanda ngkuasa anu roomo kupowia ri oyomi, da mewalimo owi ri Tiru pai Sidoni, manoto to Tiru pai to Sidoni masaemo da kajeanya ungka ri waʼa ncalaanya pai mamporengko rengko ngkapari ndaya pai madika awu ri tanoananya. 22Ndipaincani, ri Eo Kiama, sarupa kabareʼenya ndakitanaka i mPue Ala waʼa nto Tiru pai Sidoni painaka komi! 23#Yes. 14:13-15, Pal. 19:24-28 Pai siko, Kapenau! Nusarumaka siko bara da ndatanderaka sawi ri yangi? Bareʼe! Siko da ndatajika ri naraka! Maka ane rapanya waʼa ntanda ngkuasa anu roo ndapowiaka siko setu ndapo wiamo ri Sodomo, manoto ntongo da reʼepa Sodomo setu rantani wawaseʼi! 24#Mat. 10:15, Luk. 10:12 Paikanya Kutoʼoka siko, ri Eo Kiama, moruanapa kabareʼenya ndakitanaka i mPue Ala to Sodomo painaka komi!”
Ndikamaʼimo ri yaku
11:25-30
(Luk. 10:21-22)
25Sindara setu i Yesu mekakai ndatoʼo, “Papa, Pue yangi pai lino! Tarima kase kupasowa ri suarami, maka pura-puranya seʼi ndisambunika ri waʼa ntau loʼe pai moua rayanya, paikanya ndipatongawa ri waʼa ntau anu begana paincaninya. 26Inceʼemo anu mampakawongko raya-Mi.”
27 #
Yoh. 3:35, 1:18, 10:15 Nepa ndatoʼo i Yesu, “Pura-pura ndapepombaikamo i mPapa ri Yaku. Bereʼe mau sambaʼa tau maincani i Ana waʼanya i Papa. Bereʼe woʼu anu maincani i Papa waʼanya podo i Ana pai waʼa ntau anu napapaincanika i Ana kakononya i Papa.
28Ndikamaʼimo ri yaku ee komi pura-pura anu malenge pai manee kinoyomi; maka Yaku da mawaika komi kangaʼa ndayami. 29#Yer. 6:16 Ndilulumo songka-Ku pai ndipegurumo ri Yaku, maka Yaku malulu raya, pai lauka raya, pai komi da marata karodo ndaya. 30Maka waʼa ncongka-Ku da ndipokawongko pai kinoyomi anu da Kupapakoyoka komi mangaʼa.”
Currently Selected:
MATIU 11: LAIPMF
Highlight
Share
Compare
Copy
Want to have your highlights saved across all your devices? Sign up or sign in
MATIU 11
11
Pomokau i Yohane Topopariu
11:1-19
(Luk. 7:18-35)
1Ri karoonya ndatotoraka waʼa anaguru-A anu sampuyu pai radua, malaimo Sira njoʼu motuntu pai mompaguru ri waʼa ngkota anu mosu.
2Sindara i Yohane Topopariu ri raya ntarunggu, nadongemo bambari kono waʼa anu ndapowia i ngKerisitu. Inceʼe painaka napokau bara tesangkuja anagurunya njoʼu ri Yesu da mampeoasi, 3“Bara Komimo anu da rata setu malulu janji i mPue Ala, bara ntongo da kapopeapa tau ntaninya?”
4Mesono i Yesu, “Ndipewalilimo ri Yohane pai ndipetumbukamo pura-pura anu ndidonge pai ndikita. 5#Yes. 35:5-6, 61:1 Tau buta yosamo matanya, tau pungku melinja, tau ketangga osa, tau bongo nadonge raoa, tau mate tuwu muni pai tau kaasi-asi ndapetumbuka Nuntu ngKatuwu ungka ri Pue Ala. 6Morasimo tau anu bereʼe tangkunya mantarima yaku!”
7Butu tepalaimo waʼa mpomokau i Yohane setu, ndatepuʼumo i Yesu mantotoraka tau sondo kaʼisemanya i Yohane, ndatoʼo, “Nunjaa anu njoʼu ndipeole ri pada bone? Bara podo morompa anu nawui-wui ngoyu? 8Nunjaa anu njoʼu da ndipeole? Sambaʼa tau anu morengko madolidi? Waʼa ntau anu morengko ewanceʼe maroo-roo ri langkanae! 9Mewali ara wenu komi njoʼu ri pada bone? Bara da mampeole sambaʼa nabi? Monco, siʼa meruu ungka ri sambaʼa nabi. 10#Mal. 3:1 Maka i Yohane seʼimo anu ndatangara ndaya ri raya Ncura Magali seʼi,
‘Inceʼimo pomokau-Ku, ndatoʼo i mPue Ala,
Yaku mampokau siʼa mamporiuka Siko, da naka Sia mampatoka jaya-Mu.’
11Da ndipaincani! Ri lino seʼi bareʼepa reʼe tau anu meruu kabangkenya ungka ri Yohane Topopariu. Paikanya mau ewanceʼe tau anu maʼai ngkakodinya ri oyo ntau i mPue Ala meruu kabangkenya ungka ri Yohane. 12#Luk. 16:16 Montepuʼumo ungka ri tempo potuntu i Yohane, nakarataka ri tempo wawaseʼi waʼa ntau i mPue Ala naewa waʼa ntau anu mampetujuka kuasa pai karosonya. 13Rata ri tempo ngkarata i Yohane, pura-pura padika i Musa pai pompaguru waʼa nabi, mampowatika kono waʼa anu sangaya-ngaya da mewali. 14#Mal. 4:5, Mat. 17:10-13, Mrk. 9:11-13 Pai ane ndiaya pau-Ku seʼi, i Yohane inceʼemo i Elia anu da karatanya roomo ndapowatika. 15Isema anu motalinga, da napedongeka!
16Paikanya da ewa nunjaa da kupaporapaka waʼa ntau anu tuwu salapi seʼi? Tau seʼe ewa waʼa ananggodi anu motunda-tunda ri pasari. Satobu meboo ri anu satobunya, 17‘Kami mangayuka komi ngayu ngkawongko ndaya, paikanya bareʼe ndipokono motaro! Kapongayuka ngayu mpotau mate pai bareʼe ndipokono motumangi!’ 18I Yohane rata – siʼa mopuasa pai bareʼe nainu anggoro; natoʼo waʼa ntau, ‘Siʼa napesuaki i majaʼa!’ 19Seʼi rata i Ana Manusia, siʼa mangkoni pai manginu; natoʼo waʼa ntau, ‘Peole tau setu! Manyanya, topoyangu-yangu, yunu ntoponduru asele pai yunu ntau masalaa.’ Paikanya mau ewanceʼe, kaloʼe i mPue Ala tongawa ri wua ntetalanya.”
Waʼa ngkota anu bareʼe meaya
11:20-24
(Luk. 10:13-15)
20Ndatepuʼumo i Yesu mamposari waʼa ngkota anu mariamo tanda ngkuasa ndatujuka. Maka waʼa ntau bangani ngkota setu bareʼe majea pai bareʼe naponcosoi waʼa ncalaanya. 21#Yes. 23:1-18, Yeh. 26:1–28:26, Yo. 3:4-8, Am. 1:9-10, Sak. 9:2-4 “Marugimo siko ee Korasi! Pai marugimo siko ee Besaida! Ane rapanya waʼa ntanda ngkuasa anu roomo kupowia ri oyomi, da mewalimo owi ri Tiru pai Sidoni, manoto to Tiru pai to Sidoni masaemo da kajeanya ungka ri waʼa ncalaanya pai mamporengko rengko ngkapari ndaya pai madika awu ri tanoananya. 22Ndipaincani, ri Eo Kiama, sarupa kabareʼenya ndakitanaka i mPue Ala waʼa nto Tiru pai Sidoni painaka komi! 23#Yes. 14:13-15, Pal. 19:24-28 Pai siko, Kapenau! Nusarumaka siko bara da ndatanderaka sawi ri yangi? Bareʼe! Siko da ndatajika ri naraka! Maka ane rapanya waʼa ntanda ngkuasa anu roo ndapowiaka siko setu ndapo wiamo ri Sodomo, manoto ntongo da reʼepa Sodomo setu rantani wawaseʼi! 24#Mat. 10:15, Luk. 10:12 Paikanya Kutoʼoka siko, ri Eo Kiama, moruanapa kabareʼenya ndakitanaka i mPue Ala to Sodomo painaka komi!”
Ndikamaʼimo ri yaku
11:25-30
(Luk. 10:21-22)
25Sindara setu i Yesu mekakai ndatoʼo, “Papa, Pue yangi pai lino! Tarima kase kupasowa ri suarami, maka pura-puranya seʼi ndisambunika ri waʼa ntau loʼe pai moua rayanya, paikanya ndipatongawa ri waʼa ntau anu begana paincaninya. 26Inceʼemo anu mampakawongko raya-Mi.”
27 #
Yoh. 3:35, 1:18, 10:15 Nepa ndatoʼo i Yesu, “Pura-pura ndapepombaikamo i mPapa ri Yaku. Bereʼe mau sambaʼa tau maincani i Ana waʼanya i Papa. Bereʼe woʼu anu maincani i Papa waʼanya podo i Ana pai waʼa ntau anu napapaincanika i Ana kakononya i Papa.
28Ndikamaʼimo ri yaku ee komi pura-pura anu malenge pai manee kinoyomi; maka Yaku da mawaika komi kangaʼa ndayami. 29#Yer. 6:16 Ndilulumo songka-Ku pai ndipegurumo ri Yaku, maka Yaku malulu raya, pai lauka raya, pai komi da marata karodo ndaya. 30Maka waʼa ncongka-Ku da ndipokawongko pai kinoyomi anu da Kupapakoyoka komi mangaʼa.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in