Mat. 28
28
Katusuruat Jesus
(Mrk. 16:1-8; Luk. 24:1-12; Joh. 20:1-10)
1Kappulu gogoi Sabat, ka patokat gogoi siboiki menggui nenda, ei si Maria Magdalena samba si Maria sara masibalou ratei. 2Sinulut bara ngeungeu polak sabeu, atugorosotnan poi sara malaikat Tuhan barania ka sorga, guilunangan bukku matatbaliu ratei, tukku nia ka uddutnia. 3Kean le bila matania, leppeinia mabulau ke kapu. 4Lotora ka tubunia sipasijajago pugeretnangan tubuda, kean le simamatei sia.
5Kuanangan malaika ka matada tainanalep, “Ba maloloto kam! Kuagai ainugagaba kam Jesus siniliktengaakenen. 6Taan anai nia sene, atusurungan nia kele sikuania. Konan nuitco kam kudduat katugalangannia. 7Olaake kam mei ka sipasiuluinia nusegeake kam katususurunia ka simamatei. Nia le muboboiki ka kam ka Galilea; sedda geti itcomuian nia. Repdep kam, akukuangan te ka matamui.”
8Ia geti olaakerangan mutuitui ka ratei ka loto pagalu angkat baga sabeu, apabalau le sia rasegeake nia ka sipasiului Jesus.
9Tulut paseseakenangan sia Jesus kuanangan, “Salam ka kam.” Rengei sia lakkaiakerangan rerenia, purapporangan ka matania. 10Lepa kuanangan ka matada Jesus, “Ba maloloto kam, kenan le kam nusegeake kam nia ka sasarainangku raei ka Galilea; sedda geti itcorangan aku.”
Pangasegekatda sipasijajago
11Ai sia memei tainanalep, ei leu et piga pa tai saladdu sipasijajago ratei ka kota masisegeake ka tai imam sabeu sangamberi sibabara. 12Parururangan tai imam sabeu sambada tai bajara tai Jahudi. Ka keret bagada kaurangan bulagat simigi ka tai saladdu, 13kuarangan, “Kua le kam: Ai kai memerep sinoibo, oi sipasiuluinia masitakkou nia. 14Ke iarep geti si gubernur, ai leu kupusumi kai nia, bui imageja bagamui.”
15Silorangan bulagat tai saladdu galairangan leu kele singanturuakenen ka matada. Mararatnangan tiboiet nene ka tai Jahudi teret kineneiget.
Ipatoila tubunia Jesus ka sipasiuluinia samba ipatone sia masipaarep Katuareman Simaeru
(Mrk. 16:14-18; Luk. 24:36-49; Joh. 20:19-23; Pugap. 1:6-8)
16 #
Mat. 26:32; Mrk. 14:28 Oto sia sipasiului sipulusara ei sia ka Galilea, ka leleu kele sikuat Jesus ka matada. 17Kele araitco Jesus purapporangan ka matania, tapoi ai sabagei simakarat baga. 18Ia geti rengei Jesus kuanangan ka matada, “Atuakean kaku sangamberi gege ka sorga samba ka polak. 19#Pugap. 1:8 Oto kenan kam ka sangamberi bangsa nubailiuake kam sia sipasiului aku. Rau kam sia ka onin Ukkui, Toga samba Ketsat Sipunenan. 20Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”
Currently Selected:
Mat. 28: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
Mat. 28
28
Katusuruat Jesus
(Mrk. 16:1-8; Luk. 24:1-12; Joh. 20:1-10)
1Kappulu gogoi Sabat, ka patokat gogoi siboiki menggui nenda, ei si Maria Magdalena samba si Maria sara masibalou ratei. 2Sinulut bara ngeungeu polak sabeu, atugorosotnan poi sara malaikat Tuhan barania ka sorga, guilunangan bukku matatbaliu ratei, tukku nia ka uddutnia. 3Kean le bila matania, leppeinia mabulau ke kapu. 4Lotora ka tubunia sipasijajago pugeretnangan tubuda, kean le simamatei sia.
5Kuanangan malaika ka matada tainanalep, “Ba maloloto kam! Kuagai ainugagaba kam Jesus siniliktengaakenen. 6Taan anai nia sene, atusurungan nia kele sikuania. Konan nuitco kam kudduat katugalangannia. 7Olaake kam mei ka sipasiuluinia nusegeake kam katususurunia ka simamatei. Nia le muboboiki ka kam ka Galilea; sedda geti itcomuian nia. Repdep kam, akukuangan te ka matamui.”
8Ia geti olaakerangan mutuitui ka ratei ka loto pagalu angkat baga sabeu, apabalau le sia rasegeake nia ka sipasiului Jesus.
9Tulut paseseakenangan sia Jesus kuanangan, “Salam ka kam.” Rengei sia lakkaiakerangan rerenia, purapporangan ka matania. 10Lepa kuanangan ka matada Jesus, “Ba maloloto kam, kenan le kam nusegeake kam nia ka sasarainangku raei ka Galilea; sedda geti itcorangan aku.”
Pangasegekatda sipasijajago
11Ai sia memei tainanalep, ei leu et piga pa tai saladdu sipasijajago ratei ka kota masisegeake ka tai imam sabeu sangamberi sibabara. 12Parururangan tai imam sabeu sambada tai bajara tai Jahudi. Ka keret bagada kaurangan bulagat simigi ka tai saladdu, 13kuarangan, “Kua le kam: Ai kai memerep sinoibo, oi sipasiuluinia masitakkou nia. 14Ke iarep geti si gubernur, ai leu kupusumi kai nia, bui imageja bagamui.”
15Silorangan bulagat tai saladdu galairangan leu kele singanturuakenen ka matada. Mararatnangan tiboiet nene ka tai Jahudi teret kineneiget.
Ipatoila tubunia Jesus ka sipasiuluinia samba ipatone sia masipaarep Katuareman Simaeru
(Mrk. 16:14-18; Luk. 24:36-49; Joh. 20:19-23; Pugap. 1:6-8)
16 #
Mat. 26:32; Mrk. 14:28 Oto sia sipasiului sipulusara ei sia ka Galilea, ka leleu kele sikuat Jesus ka matada. 17Kele araitco Jesus purapporangan ka matania, tapoi ai sabagei simakarat baga. 18Ia geti rengei Jesus kuanangan ka matada, “Atuakean kaku sangamberi gege ka sorga samba ka polak. 19#Pugap. 1:8 Oto kenan kam ka sangamberi bangsa nubailiuake kam sia sipasiului aku. Rau kam sia ka onin Ukkui, Toga samba Ketsat Sipunenan. 20Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2015