Mat. 26
26
Isiat masimateiake Jesus
(Mrk. 14:1-2; Luk. 22:1-2; Joh. 11:45-53)
1Kele ailepa aitiboake sangamberi tiboiet nene Jesus, kuanangan ka matada sipasiuluinia, 2#2Mos. 12:1-27 “Anuagaian tebai kam, ai le rua ngagogoi iaili Punen Paska. Ka teteret nenda segeakerangan Togatsirimanua itusiliktengaake!”
3Lepa parururangan tai imam sabeu samba tai bajara tai Jahudi ka uman imam sabeu Kayafas, 4masipatiboji kipa ragagalai ioi ralaba Jesus ramateiake nia. 5Tapoi pele nganganda, “Bui ka matat punen, babara pulamagat sirimanua simigi.”
Pasitulajiat Jesus ka Betania
(Mrk. 14:3-9; Joh. 12:1-8)
6Ka teteret ai Jesus ka Betania ka lalep Simon simabogbong, 7#Luk. 7:37, 38 oi sara sinanalep siambit sangabulibuli tula simasingin simakeppu saki. Uruakenangan nia ka utet Jesus ai nia mukokom. 8Kele araitco nia sipasiului, mangoingoinangan bagada kuarangan, “Tupasisibbu kodda nene? 9Ke tusakiake makeppu sakinia, bulagatnia tukau ka simageba.”
10Iagai le poi Jesus pinaatuda kuanangan ka matada, “Nugegejaake kodda kam bagat sinanalep nene? Simaeru le poi aigalai ka tubuku. 11#5Mos. 15:11 Ai le turerere kababarat simageba ka talagamui, aku geti ta mariuriu ka bebemui. 12Aipoi uuruakena tula nene ka tubuku, ia te masitarekngake katurateiatku. 13Kukua nia ka matamui: Kaipa kaipa le tupaarep Katuareman Simaeru nene ka sangalio polak, sigalai sinanalep nene leu tununuake, masirepdep nia.”
Tarek Judas masisegeake Jesus
(Mrk. 14:10-11; Luk. 22:3-6)
14Lepa ei sara ka sipulurua sipasiului sipuoni si Judas Iskariot ka tai imam sabeu 15#Zakh. 11:12 kuanangan, “Apa nuaake kam kaku, ke kusegeake Jesus ka kam?” Adderangan telu pulu perak kaurangan nia ka tubunia. 16Ka teteret nenda gabanangan tetere sipasesese isegeake Jesus.
Jesus mukom komen Paska sambada sipasiuluinia
(Mrk. 14:12-21; Luk. 22:7-14, 21-23; Joh. 13:21-30)
17Ka gogoi siboiki pukoman Roti Sitasioman, oi sipasiului ka matat Jesus kuarangan, “Kaipa siobanu kupatarek kai kekeu pukoman Paska?”
18Kuanangan Jesus, “Kenan kam ka kota kai anu, kua kam ka matania, ‘Aikua si Guru, malegerengan tetereku, ka lalepnu te kupupapaska kai sipasiuluiku.’ ”
19Galairangan leu sipasiului kele sitoneakenen Jesus ka matada, tarekngakerangan komen Paska.
20Kele aimasoibo, puuddetnangan Jesus mukom sambada sipasiuluinia sipulurua. 21Ai sia mukokom panibonangan Jesus, “Kukua nia ka matamui: Ka talagamui ai sara sipasisesegeake aku.”
22Mareureunangan bagada simakope sipasiului; taddaakerangan senenda masikua ka matat Jesus, “Taleu aku, Tuhan?”
23 #
Psalm. 41:10
Aleginangan nia Jesus, “Sikere kai masisuusuuake roti ka mangko, ia te sipasisesegeake aku. 24Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”
25Kuanangan si Judas sipasisesegeake nia, “Taleu aku, Guru?”
Kuanangan ka matania Jesus, “Anukuangan tubum.”
Patonekat pukoman Sipunenan
(Mrk. 14:22-26; Luk. 22:15-20; 1Kor. 11:23-25)
26Ai sia mukokom, alanangan roti Jesus kuanangan sura, paabbonangan nia, kaunangan nia ka sipasiuluinia kuanangan, “Ala kam, kom kam tubuku te nene.”
27Lepa alanangan pulokat kuanangan sura, kaunangan nia ka sipasiuluinia kuanangan, “Lo kam sangamberimui ka pulokat nene. 28#2Mos. 24:8; Jer. 31:31-34 Logauku te nene, pakerekat baga sibau, sipiliakenen lulut simigi pasiappet jo. 29Kukua nia ka matamui: Barania kineneiget taan kulolo minca anggur nene; ka purimataat Ukkuikungan le geti kulolo nia sambata anggur sibau.”
30Lepa arauraiake urai pasiumun, bela sia raei ka leleu Tula.
Ipoiliat Jesus pakekelena nia si Petrus
(Mrk. 14:27-31; Luk. 22:31-34; Joh. 13:36-38)
31 #
Zakh. 13:7
Ia geti kuanangan ka matat sipasiuluinia Jesus, “Sangamberimui te mabebele baga ka tubuku soibo nene; atusuratnan poi, ‘Kubobobo te sipasijajago, pusabunangan mungkuat biribiri.’ 32#Mat. 28:16 Atusurungan geti aku, puboikikungan ka kam ka Galilea.”
33Aleginangan nia si Petrus, kuanangan ka matat Jesus, “Kenanen bai sangamberida mabele baga ka tubum aku geti ta mabebele bagaku.”
34Kuanangan ka matania Jesus, “Kukua nia ka matam: Soibo nene, tapei mutotokki gougou anupakelengan aku telu ngaminca.”
35Kuanangan si Petrus, “Kenanen bai sambata matei, ta kupakekele ekeu.”
Sangamberida sipasiului kisedda leu arakua.
Jesus manindou ka mone Getsemane
(Mrk. 14:32-42; Luk. 22:39-46)
36Lepa ei Jesus sambada sipasiuluinia ka sara mone sipuoni Getsemane. Kuanangan ka matada sipasiuluinia, “Kuddungan kam se, mei aku sedda manindou.” 37Ambitnangan si Petrus samba sirua togat Sebedeus aleinia. Reureu imareureu bagania, pugeretnangan tubunia. 38Lepa kuanangan ka matada, “Makope reureu bagaku, mamateian le; sean te kam tapumata sambata.”
39Ei nia goiso ka mata, purapponangan manindou kuanangan, “Ukkui, ke momoi bai, sabauake le pulokat pangoringan nene ka tubuku, tapoi bui ka teu bagaku, ka teu bagam le.”
40Soksoknangan minca ka sipasiuluinia ailinangan sia ai sia memerep. Kuanangan kai Petrus, “Kipa, ta momoi nuomake kam mumata sambata beri sangajam? 41Pumata kam, samba manindou, bui nubele kam ka pasisiboat. Maadja le poi ka sia ketsat, akkula geti masaggo.”
42Lepa ei nia minca sikaruania manindou kuanangan, “Ukkui, ta geti momoi isabau aku pulokat pangoringan nene buita kulo le, teu bagam le.” 43Ia geti oi nia minca ailinangan sia ai sia memerep kopet laulaura.
44Kaddiuakenangan sia minca iei manindou sikatelunia, kele sikuania leu et aikua. 45Lepa oi nia ka sipasiuluinia kuanangan ka matada, “Ai pei le kam memerep samba muari? Aiailingan te jamnia itusegeake Togatsirimanua ka kabeira sijo. 46Suru kam, sita kam. Amalegerengan nia sipasisesegeake aku.”
Katulabakat Jesus
(Mrk. 14:43-50; Luk. 22:47-53; Joh. 18:3-12)
47Ai pei le maninibo Jesus, oi aioi si Judas sara ka sipulurua sambada sirimanua simigi sibara lanjau samba bobobo, siguguluakenenda tai imam sabeu samba tai bajara tai Jahudi. 48Sipasisesegeake nia aikauan patuaggaiat kise aikua, “Kasei geti kusigguk, ia te nulalaba kam.”
49Einangan leu et si Judas ka tubut Jesus, kuanangan, “Salam Guru,” sigguknangan nia.
50Kuanangan Jesus, “Ale suruak, apa nuaala se?”
Oi sia sirimanua simigi labarangan Jesus. 51Tapoi sara ka talagat sipasiului sipaaleiake Jesus, oppatnangan lanjaunia, teteakenangan nia ka pagugulet imam sabeu, seppirinangan talingania. 52Lepa kuanangan ka matania Jesus, “Sakbukngake minca lanjaunu; aipoi kasei sioppat lanjau, ka lanjau leu te imamatei. 53Ka bagam pa ta momoi kutiddou ka Ukkuiku ikoiniake kaku kineneiget pulu rua legion legei malaika? 54Kisedda bai, kipangan le ipuaili siniboi Surat Sipunenan sipasikukua buita ipuaili nene?”
55 #
Luk. 19:47, 21:37 Lepa kuanangan Jesus ka matada sirimanua simigi, “Sipananae pa aku ka babagamui nuooi kam sibara lanjau samba bobobo masilaba aku? Senen gogoian le aku ka Uman Taikamanua mungantoman, ta anulaba kam aku. 56Tapoi aibara sangamberinia nene bule ipuaili sinuratnakenenda tai nabi.”
Lepa tui ratuitui sangamberi sipasiului kaddiuakerangan Jesus.
Jesus ka matat Rapat Sabeu
(Mrk. 14:53-65; Luk. 22:54-55, 63-71; Joh. 18:13-14, 19-24)
57Laba aralaba Jesus, taroakerangan nia ka matat Kayafas imam sabeu. Sedda amaruruan siagaisurat samba tai bajara tai Jahudi. 58Tapoi ai leu itutut nia si Petrus simareunan teret ka gerat lalep imam sabeu. Guru nia, kuddu nia sambada sipasijajago Uman Taikamanua masiitcoake kipa kalepakatnia. 59Ia geti gabarangan pasimunengan boko tai imam sabeu sambada sarapat sabeu, bule ioi ramateiake Jesus, 60tapoi ta arasese, kenanen maigi sia sipasimuneng boko. Kalepakatnangan le oi sia rua, 61#Joh. 2:19 kuarangan, “Aikua sinene, ‘Momoi kuragatnake Uman Taikamanua samba kurioake nia minca ka bagat telu ngagogoi.’ ”
62Ia geti rio imam sabeu kuanangan ka matat Jesus, “Ta nuaalegi beri sara nganganda ranganduake ekeu?” 63Tenan le meng Jesus. Kuanangan minca imam sabeu ka matania, “Ka onin Taikamanua sipuririmanua kutiddou kineneiget ka bagat suppa: kua le kamatamai, ele Kristus ekeu, Togat Taikamanua ele taa?”
64 #
Dan. 7:13
Kuanangan Jesus, “Anukuangan. Tapoi kukua nia ka matamui, barania kise itcomuian Togatsirimanua muuddet isit kai kattoet Sipulugege moi ka tanairusa ka manua.”
65 #
3Mos. 24:16
Ia geti biritnakenangan leppeinia imam sabeu kuanangan, “Aipaloloian Taikamanua. Apanantangan le sipasimumuneng? Itco pei, anuarepman kam paloloiatnia. 66Kipa paatuatmui?”
Alegirangan nia, “Mateuan tumateiake nia.”
67 #
Jes. 50:6
Lepa lujirangan matat Jesus, bukurangan nia, sabagei masilippat nia. 68Samba rakua, “Poiliat pei ka kai Kristus, kasei sibobo ekeu?”
Ipakele Jesus si Petrus
(Mrk. 14:66-72; Luk. 22:56-62; Joh. 18:15-18, 25-27)
69Si Petrus geti ai nia mukukuddu ka gerat. Ia geti oi sara pagugulet sinanalep itagetnake nia kuanangan, “Ekeu leu et alei Jesus tai Galilea.”
70Tapoi aipakele le si Petrus ka matada sangamberida kuanangan, “Ta kuagai sikuam.” 71Ai nia memei ka matatbaliu gerat, itconangan nia minca pagugulet bagei, kuanangan ka matada sikuddu sedda, “Sinene leu et alei Jesus tai Natsaret.”
72Paolenangan minca si Petrus masipakele, pusuppanangan, “Ta kuagai sirimanua nenda.”
73Ta amauju, oi sia sipuririo sedda kuarangan kai Petrus, “Bulatnia ekeu leu et sara ka talagada, makoinong ka paninibom.”
74Ia geti taddaakenangan masitelei tubunia samba musuppa, “Ta kuagai sirimanua nenda.” Putokkinangan leu gougou. 75Repdepnangan si Petrus sikuat Jesus ka matania, “Tapei mutotokki gougou anupakelengan aku telu ngaminca.”
Belanangan leu ka gerat si Petrus, pusounangan simakope.
Currently Selected:
Mat. 26: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
Mat. 26
26
Isiat masimateiake Jesus
(Mrk. 14:1-2; Luk. 22:1-2; Joh. 11:45-53)
1Kele ailepa aitiboake sangamberi tiboiet nene Jesus, kuanangan ka matada sipasiuluinia, 2#2Mos. 12:1-27 “Anuagaian tebai kam, ai le rua ngagogoi iaili Punen Paska. Ka teteret nenda segeakerangan Togatsirimanua itusiliktengaake!”
3Lepa parururangan tai imam sabeu samba tai bajara tai Jahudi ka uman imam sabeu Kayafas, 4masipatiboji kipa ragagalai ioi ralaba Jesus ramateiake nia. 5Tapoi pele nganganda, “Bui ka matat punen, babara pulamagat sirimanua simigi.”
Pasitulajiat Jesus ka Betania
(Mrk. 14:3-9; Joh. 12:1-8)
6Ka teteret ai Jesus ka Betania ka lalep Simon simabogbong, 7#Luk. 7:37, 38 oi sara sinanalep siambit sangabulibuli tula simasingin simakeppu saki. Uruakenangan nia ka utet Jesus ai nia mukokom. 8Kele araitco nia sipasiului, mangoingoinangan bagada kuarangan, “Tupasisibbu kodda nene? 9Ke tusakiake makeppu sakinia, bulagatnia tukau ka simageba.”
10Iagai le poi Jesus pinaatuda kuanangan ka matada, “Nugegejaake kodda kam bagat sinanalep nene? Simaeru le poi aigalai ka tubuku. 11#5Mos. 15:11 Ai le turerere kababarat simageba ka talagamui, aku geti ta mariuriu ka bebemui. 12Aipoi uuruakena tula nene ka tubuku, ia te masitarekngake katurateiatku. 13Kukua nia ka matamui: Kaipa kaipa le tupaarep Katuareman Simaeru nene ka sangalio polak, sigalai sinanalep nene leu tununuake, masirepdep nia.”
Tarek Judas masisegeake Jesus
(Mrk. 14:10-11; Luk. 22:3-6)
14Lepa ei sara ka sipulurua sipasiului sipuoni si Judas Iskariot ka tai imam sabeu 15#Zakh. 11:12 kuanangan, “Apa nuaake kam kaku, ke kusegeake Jesus ka kam?” Adderangan telu pulu perak kaurangan nia ka tubunia. 16Ka teteret nenda gabanangan tetere sipasesese isegeake Jesus.
Jesus mukom komen Paska sambada sipasiuluinia
(Mrk. 14:12-21; Luk. 22:7-14, 21-23; Joh. 13:21-30)
17Ka gogoi siboiki pukoman Roti Sitasioman, oi sipasiului ka matat Jesus kuarangan, “Kaipa siobanu kupatarek kai kekeu pukoman Paska?”
18Kuanangan Jesus, “Kenan kam ka kota kai anu, kua kam ka matania, ‘Aikua si Guru, malegerengan tetereku, ka lalepnu te kupupapaska kai sipasiuluiku.’ ”
19Galairangan leu sipasiului kele sitoneakenen Jesus ka matada, tarekngakerangan komen Paska.
20Kele aimasoibo, puuddetnangan Jesus mukom sambada sipasiuluinia sipulurua. 21Ai sia mukokom panibonangan Jesus, “Kukua nia ka matamui: Ka talagamui ai sara sipasisesegeake aku.”
22Mareureunangan bagada simakope sipasiului; taddaakerangan senenda masikua ka matat Jesus, “Taleu aku, Tuhan?”
23 #
Psalm. 41:10
Aleginangan nia Jesus, “Sikere kai masisuusuuake roti ka mangko, ia te sipasisesegeake aku. 24Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”
25Kuanangan si Judas sipasisesegeake nia, “Taleu aku, Guru?”
Kuanangan ka matania Jesus, “Anukuangan tubum.”
Patonekat pukoman Sipunenan
(Mrk. 14:22-26; Luk. 22:15-20; 1Kor. 11:23-25)
26Ai sia mukokom, alanangan roti Jesus kuanangan sura, paabbonangan nia, kaunangan nia ka sipasiuluinia kuanangan, “Ala kam, kom kam tubuku te nene.”
27Lepa alanangan pulokat kuanangan sura, kaunangan nia ka sipasiuluinia kuanangan, “Lo kam sangamberimui ka pulokat nene. 28#2Mos. 24:8; Jer. 31:31-34 Logauku te nene, pakerekat baga sibau, sipiliakenen lulut simigi pasiappet jo. 29Kukua nia ka matamui: Barania kineneiget taan kulolo minca anggur nene; ka purimataat Ukkuikungan le geti kulolo nia sambata anggur sibau.”
30Lepa arauraiake urai pasiumun, bela sia raei ka leleu Tula.
Ipoiliat Jesus pakekelena nia si Petrus
(Mrk. 14:27-31; Luk. 22:31-34; Joh. 13:36-38)
31 #
Zakh. 13:7
Ia geti kuanangan ka matat sipasiuluinia Jesus, “Sangamberimui te mabebele baga ka tubuku soibo nene; atusuratnan poi, ‘Kubobobo te sipasijajago, pusabunangan mungkuat biribiri.’ 32#Mat. 28:16 Atusurungan geti aku, puboikikungan ka kam ka Galilea.”
33Aleginangan nia si Petrus, kuanangan ka matat Jesus, “Kenanen bai sangamberida mabele baga ka tubum aku geti ta mabebele bagaku.”
34Kuanangan ka matania Jesus, “Kukua nia ka matam: Soibo nene, tapei mutotokki gougou anupakelengan aku telu ngaminca.”
35Kuanangan si Petrus, “Kenanen bai sambata matei, ta kupakekele ekeu.”
Sangamberida sipasiului kisedda leu arakua.
Jesus manindou ka mone Getsemane
(Mrk. 14:32-42; Luk. 22:39-46)
36Lepa ei Jesus sambada sipasiuluinia ka sara mone sipuoni Getsemane. Kuanangan ka matada sipasiuluinia, “Kuddungan kam se, mei aku sedda manindou.” 37Ambitnangan si Petrus samba sirua togat Sebedeus aleinia. Reureu imareureu bagania, pugeretnangan tubunia. 38Lepa kuanangan ka matada, “Makope reureu bagaku, mamateian le; sean te kam tapumata sambata.”
39Ei nia goiso ka mata, purapponangan manindou kuanangan, “Ukkui, ke momoi bai, sabauake le pulokat pangoringan nene ka tubuku, tapoi bui ka teu bagaku, ka teu bagam le.”
40Soksoknangan minca ka sipasiuluinia ailinangan sia ai sia memerep. Kuanangan kai Petrus, “Kipa, ta momoi nuomake kam mumata sambata beri sangajam? 41Pumata kam, samba manindou, bui nubele kam ka pasisiboat. Maadja le poi ka sia ketsat, akkula geti masaggo.”
42Lepa ei nia minca sikaruania manindou kuanangan, “Ukkui, ta geti momoi isabau aku pulokat pangoringan nene buita kulo le, teu bagam le.” 43Ia geti oi nia minca ailinangan sia ai sia memerep kopet laulaura.
44Kaddiuakenangan sia minca iei manindou sikatelunia, kele sikuania leu et aikua. 45Lepa oi nia ka sipasiuluinia kuanangan ka matada, “Ai pei le kam memerep samba muari? Aiailingan te jamnia itusegeake Togatsirimanua ka kabeira sijo. 46Suru kam, sita kam. Amalegerengan nia sipasisesegeake aku.”
Katulabakat Jesus
(Mrk. 14:43-50; Luk. 22:47-53; Joh. 18:3-12)
47Ai pei le maninibo Jesus, oi aioi si Judas sara ka sipulurua sambada sirimanua simigi sibara lanjau samba bobobo, siguguluakenenda tai imam sabeu samba tai bajara tai Jahudi. 48Sipasisesegeake nia aikauan patuaggaiat kise aikua, “Kasei geti kusigguk, ia te nulalaba kam.”
49Einangan leu et si Judas ka tubut Jesus, kuanangan, “Salam Guru,” sigguknangan nia.
50Kuanangan Jesus, “Ale suruak, apa nuaala se?”
Oi sia sirimanua simigi labarangan Jesus. 51Tapoi sara ka talagat sipasiului sipaaleiake Jesus, oppatnangan lanjaunia, teteakenangan nia ka pagugulet imam sabeu, seppirinangan talingania. 52Lepa kuanangan ka matania Jesus, “Sakbukngake minca lanjaunu; aipoi kasei sioppat lanjau, ka lanjau leu te imamatei. 53Ka bagam pa ta momoi kutiddou ka Ukkuiku ikoiniake kaku kineneiget pulu rua legion legei malaika? 54Kisedda bai, kipangan le ipuaili siniboi Surat Sipunenan sipasikukua buita ipuaili nene?”
55 #
Luk. 19:47, 21:37 Lepa kuanangan Jesus ka matada sirimanua simigi, “Sipananae pa aku ka babagamui nuooi kam sibara lanjau samba bobobo masilaba aku? Senen gogoian le aku ka Uman Taikamanua mungantoman, ta anulaba kam aku. 56Tapoi aibara sangamberinia nene bule ipuaili sinuratnakenenda tai nabi.”
Lepa tui ratuitui sangamberi sipasiului kaddiuakerangan Jesus.
Jesus ka matat Rapat Sabeu
(Mrk. 14:53-65; Luk. 22:54-55, 63-71; Joh. 18:13-14, 19-24)
57Laba aralaba Jesus, taroakerangan nia ka matat Kayafas imam sabeu. Sedda amaruruan siagaisurat samba tai bajara tai Jahudi. 58Tapoi ai leu itutut nia si Petrus simareunan teret ka gerat lalep imam sabeu. Guru nia, kuddu nia sambada sipasijajago Uman Taikamanua masiitcoake kipa kalepakatnia. 59Ia geti gabarangan pasimunengan boko tai imam sabeu sambada sarapat sabeu, bule ioi ramateiake Jesus, 60tapoi ta arasese, kenanen maigi sia sipasimuneng boko. Kalepakatnangan le oi sia rua, 61#Joh. 2:19 kuarangan, “Aikua sinene, ‘Momoi kuragatnake Uman Taikamanua samba kurioake nia minca ka bagat telu ngagogoi.’ ”
62Ia geti rio imam sabeu kuanangan ka matat Jesus, “Ta nuaalegi beri sara nganganda ranganduake ekeu?” 63Tenan le meng Jesus. Kuanangan minca imam sabeu ka matania, “Ka onin Taikamanua sipuririmanua kutiddou kineneiget ka bagat suppa: kua le kamatamai, ele Kristus ekeu, Togat Taikamanua ele taa?”
64 #
Dan. 7:13
Kuanangan Jesus, “Anukuangan. Tapoi kukua nia ka matamui, barania kise itcomuian Togatsirimanua muuddet isit kai kattoet Sipulugege moi ka tanairusa ka manua.”
65 #
3Mos. 24:16
Ia geti biritnakenangan leppeinia imam sabeu kuanangan, “Aipaloloian Taikamanua. Apanantangan le sipasimumuneng? Itco pei, anuarepman kam paloloiatnia. 66Kipa paatuatmui?”
Alegirangan nia, “Mateuan tumateiake nia.”
67 #
Jes. 50:6
Lepa lujirangan matat Jesus, bukurangan nia, sabagei masilippat nia. 68Samba rakua, “Poiliat pei ka kai Kristus, kasei sibobo ekeu?”
Ipakele Jesus si Petrus
(Mrk. 14:66-72; Luk. 22:56-62; Joh. 18:15-18, 25-27)
69Si Petrus geti ai nia mukukuddu ka gerat. Ia geti oi sara pagugulet sinanalep itagetnake nia kuanangan, “Ekeu leu et alei Jesus tai Galilea.”
70Tapoi aipakele le si Petrus ka matada sangamberida kuanangan, “Ta kuagai sikuam.” 71Ai nia memei ka matatbaliu gerat, itconangan nia minca pagugulet bagei, kuanangan ka matada sikuddu sedda, “Sinene leu et alei Jesus tai Natsaret.”
72Paolenangan minca si Petrus masipakele, pusuppanangan, “Ta kuagai sirimanua nenda.”
73Ta amauju, oi sia sipuririo sedda kuarangan kai Petrus, “Bulatnia ekeu leu et sara ka talagada, makoinong ka paninibom.”
74Ia geti taddaakenangan masitelei tubunia samba musuppa, “Ta kuagai sirimanua nenda.” Putokkinangan leu gougou. 75Repdepnangan si Petrus sikuat Jesus ka matania, “Tapei mutotokki gougou anupakelengan aku telu ngaminca.”
Belanangan leu ka gerat si Petrus, pusounangan simakope.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2015