Jol. 2
2
Pasirepdeman Gogoi Kaoijanan Tuhan
1Nauake kam pipiau, toggaiat ai sibabara ka leleu Sion Sipunenan kudduat Taikamanua,
Kau imageret tubumui, ale kam tai Jehuda,
gogoi kaoijanan Tuhan malegrengan,
samba momoian le.
2Gogoi nenda magepgep samba mainep,
sut kujuk simauket.
Saladdut sit siooi kele tanai rusa,
sipuririkdingan ka uddut leleu.
Sipuaaili kele nenda ta'pei tuagai aibara,
saamba taan babara geti teret buruburu.
3Kele obengan sipasilalabo samba sipasikakasak
pakatairangan leu sangamberi siureman.
Beringan sara sipulelegei,
taanai berisara sipuririmanua arasagganginia.
4 #
Pamoil. 9:7-9
Putubuatda kele kuro'
ipabalau kele' kuro ka kudduat patakaiat.
5Muantat sia ka uddut leleu,
ipunau kele' ipujuluk ipuenung kereta ka pasaggangan,
samba kele itubetti obengan ilabo merang.
Mungkuatda kele saladdu simagege,
simatarek masiailiake kudduat patakaiat.
6Kateteret arapurut sia,
sangamberidda mugeret tubu,
sangamberitda ibailiu mamusi mata samba muloto. 7Kele' pahlawan rapasisaggangi,
samba rapasitatra irip kele' pejuang;
muenung sia simaroipo ka isit kamata,
tak rapakokoilut ele masisili ipoketda.
8Tak paokkip sia, sienungi enungannia.
Sangamberi le masitului sangamberi kudduat simaron,
tamomoi raariake puenungananda.
9Purutdrangan bagat laggai,
samba pabalau ka uddut gelit laggai,
Pangarairangan kabagat lalep;
kele sipananangkou,
ratuguru ka jandela.
10 #
Pamoil. 8:12
Ai sia mueenung,
pugeretnangan polak samba manua;
iageti magepgepnangan matat sulu'
samba laggo samba torot panyanyat mapepenangan.
11 #
Pamoil. 6:17
Mugong le ngangan Tuhan,
masiake katuaragat, katubudra saladduNia.
Saladdunia maigi sia,
samba maron sia masigalaiake sikoiniakenenNia!
Bulat makope le lotota gogoi Tuhan,
berisara sirimanua siooi masiomake.
Pasogaiat Masipakolou Puririmanua
12Kuanangan si Tuhan, “Kineneiget toiliake kam katubuku,
kabagat muinet patuat,
kabagat pupuaso,
mugeri samba musou.
13Birit ake patuatnu samba bui bibiletnu,
Mattai kai Tuhan Taikamanua,
simaom baga samba simanuntu baga,
simakate baga samba simasut nuntut baga le Nia.
Mangka bagaNia masiappeake,
tak ioba masienungake pasiukuman.
14Bule Tuhan Taikamanua ipaolei bagaNia,
samba katubum iake panukanan simariuriu.
Bule ioi nupanguruat ake' buluakenen anggur,
samba gandum kai Tuhan Taikamanuam.
15Nauke terompet ka Sion,
leleu Taiamanua,
Segeake' gogoi pupuasoat,
baraake' paailiat siberikabaga.
16Ruruake sangamberi siberikabaga,
paipo' parurukat paamian.
Koiniake' raoi sikebbukat,
tatoga samba taigoiso'.
Samba leu sipulalalep sibau bui tamoi sia.
Koiniake' sia rakadiuake bili'ra.
17Koiniake tai Imam sapagugulet Tuhan,
rapusou kaoggak kudduat pasibuluat,
samba kalaibokat kamata,
samba masikua, “Pununtuki baga bangsam, oi Tuhan;
bui nuobaake bakkatNu ibailiu asaket,
bailiu bangsa-bangsa bagei masisailu,
samba masikua, “KaipanganNia Taikamanuanda?”
Taikamanua masibaraake' minca' polak Simagabru
18Lepa' puletceinangan polakNia si Tuhan, samba ipununtuki baga paamianNia.
19Aleginangan sia kise', “Kineiget sangamberimui, kuake':
gandum, anggur samba tulat zaitun komenmui,
bule numaengtek kam sangamberimui.
Tak kuobaake' rapaloloi ele raga'gati kam tai bangsa-bangsa.
20Kutuituiake le saladdut sit sibara ka bare',
bagei leu kualou ka su'su simangai.
Ka koat simamatei kukoiniake' raipoake' enungandra isit kamata,
ka laut Tengah Kutukluake sipueenung isit kateitei.
Mabutenangan leu tolatda.
Kusubuake le sia kalulut arapaoreiji kam.
21Bui numaloto, ale mone,
kau imangka bagam
repdep sabeu sigalauakenen Tuahan katubum.
22Ale tarimeu bui makarat bagamui,
monen parou kineiget amalimuanan.
Paloina-loina maigi le ipubua buat anggur,
samba msileu sisaliu igi le
23Ale taikauman Sion,
kau magora bagam.
Puangka kam baga samba paasiumun kam,
kalulut igit simaeru sibara kai Tuhan Taikamanuam.
Ka rura simalegeu iake katubum urat.
Ka rura simaleppet iake leu urat,
iake leu gogoi pubuaiat kele simatukele.
24Ipauru gandum kakudduat pamerakat,
anggur samba suat zaitun,
sun kakudduat pamionan.
25Kusili sangamberi karugiatnu,
karura kateteret aipasikom sit siuremannu
lulut Aku le poi masigugluake saladdut sit katubum.
26Katubum komen simemetnia,
samba maektek le ekeu.
Suru kam Tuhan Taikamanuamui,
kalulut katubumui maiigi igalai kiseiet,
bangsaKu taan ibailiunia geigeiet!
27Agaiamuian, Israel ai Aku katalagamui,
Samba Aku Tuhan iate Taikamanuam.
Tak anai Taikamanua bagei,
Aku le, taan rapakakaila bangsaku.
Gogoi Kaoijanan Tuhan
28 #
Pugap. 2:17-21
Kalepakat sangamberinia,
sut akekungan ketsatKu katubut sangamberi sirimanua,
iageti tatoga taimanteu,
samba tainanalep masisegeake geti patonekatKu;
katalagamui sangamberi sikebbukat,
rapangamutake pangamutet,
pasiitco tukau katubutda,
sia tailainge samba taiokko.
29Kateteret nenda te,
Ketsatku kuuruake ka sapagugulet taimanteu samba tainanalep.
30Kamanua samba kapolak maigi Kugalai kiseiet. Babara pasaggangan, julut obengan kelean le kujuk sipububugra. 31#Mat. 24:29; Mrk. 13:24-25; Luk. 21:25; Pamoil. 6:12-13 Magepgepnangan matat sulu samba laggo ibailiu mabonan kele logau. Sangamberinia nenda geti ibara kepei iaili gogoi Tuhan, gogoi bulat kalotoakenen! 32#Rm. 10:13Tapoi kasei sitiddou paroman Tuhan arauakenangan leu geti sia. Kuanangan Tuhan, “Sirimanua ka Jerusalem sipiliKu geti, Kupaarau le sia.”
Currently Selected:
Jol. 2: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
Jol. 2
2
Pasirepdeman Gogoi Kaoijanan Tuhan
1Nauake kam pipiau, toggaiat ai sibabara ka leleu Sion Sipunenan kudduat Taikamanua,
Kau imageret tubumui, ale kam tai Jehuda,
gogoi kaoijanan Tuhan malegrengan,
samba momoian le.
2Gogoi nenda magepgep samba mainep,
sut kujuk simauket.
Saladdut sit siooi kele tanai rusa,
sipuririkdingan ka uddut leleu.
Sipuaaili kele nenda ta'pei tuagai aibara,
saamba taan babara geti teret buruburu.
3Kele obengan sipasilalabo samba sipasikakasak
pakatairangan leu sangamberi siureman.
Beringan sara sipulelegei,
taanai berisara sipuririmanua arasagganginia.
4 #
Pamoil. 9:7-9
Putubuatda kele kuro'
ipabalau kele' kuro ka kudduat patakaiat.
5Muantat sia ka uddut leleu,
ipunau kele' ipujuluk ipuenung kereta ka pasaggangan,
samba kele itubetti obengan ilabo merang.
Mungkuatda kele saladdu simagege,
simatarek masiailiake kudduat patakaiat.
6Kateteret arapurut sia,
sangamberidda mugeret tubu,
sangamberitda ibailiu mamusi mata samba muloto. 7Kele' pahlawan rapasisaggangi,
samba rapasitatra irip kele' pejuang;
muenung sia simaroipo ka isit kamata,
tak rapakokoilut ele masisili ipoketda.
8Tak paokkip sia, sienungi enungannia.
Sangamberi le masitului sangamberi kudduat simaron,
tamomoi raariake puenungananda.
9Purutdrangan bagat laggai,
samba pabalau ka uddut gelit laggai,
Pangarairangan kabagat lalep;
kele sipananangkou,
ratuguru ka jandela.
10 #
Pamoil. 8:12
Ai sia mueenung,
pugeretnangan polak samba manua;
iageti magepgepnangan matat sulu'
samba laggo samba torot panyanyat mapepenangan.
11 #
Pamoil. 6:17
Mugong le ngangan Tuhan,
masiake katuaragat, katubudra saladduNia.
Saladdunia maigi sia,
samba maron sia masigalaiake sikoiniakenenNia!
Bulat makope le lotota gogoi Tuhan,
berisara sirimanua siooi masiomake.
Pasogaiat Masipakolou Puririmanua
12Kuanangan si Tuhan, “Kineneiget toiliake kam katubuku,
kabagat muinet patuat,
kabagat pupuaso,
mugeri samba musou.
13Birit ake patuatnu samba bui bibiletnu,
Mattai kai Tuhan Taikamanua,
simaom baga samba simanuntu baga,
simakate baga samba simasut nuntut baga le Nia.
Mangka bagaNia masiappeake,
tak ioba masienungake pasiukuman.
14Bule Tuhan Taikamanua ipaolei bagaNia,
samba katubum iake panukanan simariuriu.
Bule ioi nupanguruat ake' buluakenen anggur,
samba gandum kai Tuhan Taikamanuam.
15Nauke terompet ka Sion,
leleu Taiamanua,
Segeake' gogoi pupuasoat,
baraake' paailiat siberikabaga.
16Ruruake sangamberi siberikabaga,
paipo' parurukat paamian.
Koiniake' raoi sikebbukat,
tatoga samba taigoiso'.
Samba leu sipulalalep sibau bui tamoi sia.
Koiniake' sia rakadiuake bili'ra.
17Koiniake tai Imam sapagugulet Tuhan,
rapusou kaoggak kudduat pasibuluat,
samba kalaibokat kamata,
samba masikua, “Pununtuki baga bangsam, oi Tuhan;
bui nuobaake bakkatNu ibailiu asaket,
bailiu bangsa-bangsa bagei masisailu,
samba masikua, “KaipanganNia Taikamanuanda?”
Taikamanua masibaraake' minca' polak Simagabru
18Lepa' puletceinangan polakNia si Tuhan, samba ipununtuki baga paamianNia.
19Aleginangan sia kise', “Kineiget sangamberimui, kuake':
gandum, anggur samba tulat zaitun komenmui,
bule numaengtek kam sangamberimui.
Tak kuobaake' rapaloloi ele raga'gati kam tai bangsa-bangsa.
20Kutuituiake le saladdut sit sibara ka bare',
bagei leu kualou ka su'su simangai.
Ka koat simamatei kukoiniake' raipoake' enungandra isit kamata,
ka laut Tengah Kutukluake sipueenung isit kateitei.
Mabutenangan leu tolatda.
Kusubuake le sia kalulut arapaoreiji kam.
21Bui numaloto, ale mone,
kau imangka bagam
repdep sabeu sigalauakenen Tuahan katubum.
22Ale tarimeu bui makarat bagamui,
monen parou kineiget amalimuanan.
Paloina-loina maigi le ipubua buat anggur,
samba msileu sisaliu igi le
23Ale taikauman Sion,
kau magora bagam.
Puangka kam baga samba paasiumun kam,
kalulut igit simaeru sibara kai Tuhan Taikamanuam.
Ka rura simalegeu iake katubum urat.
Ka rura simaleppet iake leu urat,
iake leu gogoi pubuaiat kele simatukele.
24Ipauru gandum kakudduat pamerakat,
anggur samba suat zaitun,
sun kakudduat pamionan.
25Kusili sangamberi karugiatnu,
karura kateteret aipasikom sit siuremannu
lulut Aku le poi masigugluake saladdut sit katubum.
26Katubum komen simemetnia,
samba maektek le ekeu.
Suru kam Tuhan Taikamanuamui,
kalulut katubumui maiigi igalai kiseiet,
bangsaKu taan ibailiunia geigeiet!
27Agaiamuian, Israel ai Aku katalagamui,
Samba Aku Tuhan iate Taikamanuam.
Tak anai Taikamanua bagei,
Aku le, taan rapakakaila bangsaku.
Gogoi Kaoijanan Tuhan
28 #
Pugap. 2:17-21
Kalepakat sangamberinia,
sut akekungan ketsatKu katubut sangamberi sirimanua,
iageti tatoga taimanteu,
samba tainanalep masisegeake geti patonekatKu;
katalagamui sangamberi sikebbukat,
rapangamutake pangamutet,
pasiitco tukau katubutda,
sia tailainge samba taiokko.
29Kateteret nenda te,
Ketsatku kuuruake ka sapagugulet taimanteu samba tainanalep.
30Kamanua samba kapolak maigi Kugalai kiseiet. Babara pasaggangan, julut obengan kelean le kujuk sipububugra. 31#Mat. 24:29; Mrk. 13:24-25; Luk. 21:25; Pamoil. 6:12-13 Magepgepnangan matat sulu samba laggo ibailiu mabonan kele logau. Sangamberinia nenda geti ibara kepei iaili gogoi Tuhan, gogoi bulat kalotoakenen! 32#Rm. 10:13Tapoi kasei sitiddou paroman Tuhan arauakenangan leu geti sia. Kuanangan Tuhan, “Sirimanua ka Jerusalem sipiliKu geti, Kupaarau le sia.”
@LAI 2015