A-FWILIPU 2
2
1Kashika kachi kuchili kulembejeka chimwe muli Kristu, kachi kusangulwisa chimwe cha zango, kachi kuliendela chimwe cha Spiritu, kachi mbunge yimwe ya keke, 2zalisenu uwahililo wami, hanga nukapwe ni manyonga amuwika, ni zango limuwika, ni kulikunda chimuwika, ni kunyonga chimuwika. 3Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana. 4Kanda nutala mweswe wa kuli yenu ku yuma yenyi mwene, alioze mweswe wa kuli yenu akatale ku yuma ya akwo nawa.
5Kunyonga chino chikapwe muli yenu, chize chapwile nawa muli Kristu Yesu. 6Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda. 7Alioze walipwishile wamokomoko, watambwile undungo, walipwishile mu kulifwa cha atu. 8Mba se amuwanyine mu mujimba wa mutu, walikehesele, wononokene ndo ku kufwa, ewa, chipwe kufwa cha ha kulusu. 9Kashika Zambi hanamunangamisa chikolo, hanamwehe jina lize lili helu lia majina eswe; 10hanga mu jina lia Yesu, makungunwa eswe akaliumbe, ni a mwilu, ni a hashi, ni a kushi lia hashi, 11hanga malimi eswe akatayize ngwo, Yesu Kristu iye mwe Mwene, akachichimieke Zambi Tata.
12Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima; 13mumu yoze wakulinga muli kuyenu iye Zambi, kupala ni kulinga ha kuwaha chenyi.
14Lingenu yuma yeswe ni kulinyenyeta nichimwe, ni kuhangulula nichimwe; 15hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo. 16Nukaminyike liji lia mwono; hanga ngukapwe ni chize cha kulisamba nacho ha tangwa lia Kristu, ngwe chazombokele chamokomoko, chipwe chakilikichile chamokomoko. 17Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe. 18Chizechene wahililenu, likwizenu hamwe ni yami.
19Ngunatalatala kuli Mwene Yesu ngutume Timoteu kuli yenu kulutwe lia shimbu likepe, hanga ni yami nawa ngukahuzuluke muze mungunyingika ha kutwala kuli yenu. 20Mumu chishi ni umwe manyonga ngwe iye, yoze makanyonga chamwenemwene ha kutwala kuli yenu. 21Mumu o eswe kakufupa yuma ya ayo ene, hi yuma ya Yesu Kristu ko. 22Alioze yenu nunanyingika chinyingi cha iye, ngwe mwana kuli tato, chocho iye walingile hamwe ni yami mukusenyesa kulutwe sango lipema. 23Iye kushika ngunazange kutuma nikawashi, muze mungumona ngwe muchipwa ni yami. 24Alioze ngunafuliela Mwene ngwami, Yami mwene nawa mungukeza kulutwe lia shimbu likepe.
25Alioze nanyongene ngwami, Chatamba kutuma kuli yenu Epafwonditu, ndumbwami kanda mukwa milimo-ni-mukwetu, kanda swalale-ni-mukwetu, kanda kanganda kenu kanda mukwa kunguvumbika mu kuhona chami; 26se wanuvwilile usona yenu eswe, wevwile chikolo kulema mu mbunge, mumu nwevwile ngwo, Kanayiji. 27Mumu chamwenemwene Wayijile, wambile kufwa: alioze Zambi wamuvwilile keke, hi iye ko wika, aiioze ni yami nawa, hanga chichi kapwa ni chinyengo ha chinyengo. 28Kashika ngunalipupwisa kuhiana kumutuma, hanga muze munurnumona cheka nawa, nukawahilile, hanga chinyengo chami nawa, chitepuluke. 29Mutambulenu kashika muli Mwene ni uwahililo weswe; lemesenu eswe ngwe wano; 30mumu ha milimo ya Kristu wakundamine ku kufwa, nikusela mwono wenyi ku Utoji, hanga akangumwese chize nwahonene ha kulingila chenu kuli yami.
Currently Selected:
A-FWILIPU 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
