NAHUME 2
2
1Mukwa kupalwola heza kulimika ni yenu.
Fungenu yipanga;
layilenu ha tapalo;
lijichikenu mu mazalilo;
takamenu.
2(Mumu Yehova kanahilwisa nawa ulamba wa Yakomba ngwe ulamba wa Izalele.
Se yingumba hanaahulula ni kulumbula mitango yo.)
3Kepwe ja akwa ndundo jenyi jachila;
maswalale jenyi kanazala ngengu.
Matemba jo a jita kanalejima ngwe kahia
muze maakungulula mu mikana.
Tuvwalu kanasambe.
4Matemba-a-jita kanachungula mu matapalo,
kanalihiji ku malindalinda,
kanatemuka ngwe masoka a kahia,
kanazomboka ngwe mihenyo.
5Tupitau kanaasanyika;
kanayi nikutalinga;
nikutambuka ahete ku chipanga-cha-mawe;
kanalulika chitamba cha jita.
6Yikolo ya ku lwiji hanayazulula
ni akwa palasiu kanatatajala.
7Huzabe yayo kanamufukula nikumumbata.
Ndungo jenyi ja mapwo kanalili lungungu,
nikulishimwoka ngwe tutele
nikulilambalamba ha pambo ni chinyengo.
8Ninive hiyalumuka ngwe Chitende meya jacho hachina.
Kakuteta ngwo, Manenu! Manenu!
Alioze niumwe Natewulukile.
9Pundenu prata! pundenu oru!
Upite wa kulumbama uliko kuushi kuhwa
ni upite wa yuma yeswe yilemu.
10Cheswe cha hululu! Cha kwenyeka ni kulumbula!
Mbunge jinalezumuka ni makungunwa kanachikima.
Misongo yakwata ku miongo yeswe;
meso eswe analumuka a woma.
11Chivwenge cha ndumba Chilihicho?
Wendelo wa mievu ja ndumba ulihiwo?
Kuze te ndumba wapwile nikuneha yifwo yenyi,
kuze kwatwamine ana jenyi mba
niumwe mahasa kwasunga.
12Mwe ndumba wapapulwile ya kulumbama hali ana jenyi;
wawondele kulia hali yihwo jenyi;
wazalishile yivwenge yenyi ni yifwo ya kushiha;
wazalishile mena jenyi ni musunya wa kupapulula.
13Yehova-wa-Tujita kanambe ngwenyi, Kunalimika ni yenu. Kashika mungwocha matemba jenu a jita ni mwishi, ni katana malia mievu jenu a ndumba. Munguteta kulia chenu hashi, ni liji lia mikeji jenu kechi kalivwa nawa.
Currently Selected:
NAHUME 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
NAHUME 2
2
1Mukwa kupalwola heza kulimika ni yenu.
Fungenu yipanga;
layilenu ha tapalo;
lijichikenu mu mazalilo;
takamenu.
2(Mumu Yehova kanahilwisa nawa ulamba wa Yakomba ngwe ulamba wa Izalele.
Se yingumba hanaahulula ni kulumbula mitango yo.)
3Kepwe ja akwa ndundo jenyi jachila;
maswalale jenyi kanazala ngengu.
Matemba jo a jita kanalejima ngwe kahia
muze maakungulula mu mikana.
Tuvwalu kanasambe.
4Matemba-a-jita kanachungula mu matapalo,
kanalihiji ku malindalinda,
kanatemuka ngwe masoka a kahia,
kanazomboka ngwe mihenyo.
5Tupitau kanaasanyika;
kanayi nikutalinga;
nikutambuka ahete ku chipanga-cha-mawe;
kanalulika chitamba cha jita.
6Yikolo ya ku lwiji hanayazulula
ni akwa palasiu kanatatajala.
7Huzabe yayo kanamufukula nikumumbata.
Ndungo jenyi ja mapwo kanalili lungungu,
nikulishimwoka ngwe tutele
nikulilambalamba ha pambo ni chinyengo.
8Ninive hiyalumuka ngwe Chitende meya jacho hachina.
Kakuteta ngwo, Manenu! Manenu!
Alioze niumwe Natewulukile.
9Pundenu prata! pundenu oru!
Upite wa kulumbama uliko kuushi kuhwa
ni upite wa yuma yeswe yilemu.
10Cheswe cha hululu! Cha kwenyeka ni kulumbula!
Mbunge jinalezumuka ni makungunwa kanachikima.
Misongo yakwata ku miongo yeswe;
meso eswe analumuka a woma.
11Chivwenge cha ndumba Chilihicho?
Wendelo wa mievu ja ndumba ulihiwo?
Kuze te ndumba wapwile nikuneha yifwo yenyi,
kuze kwatwamine ana jenyi mba
niumwe mahasa kwasunga.
12Mwe ndumba wapapulwile ya kulumbama hali ana jenyi;
wawondele kulia hali yihwo jenyi;
wazalishile yivwenge yenyi ni yifwo ya kushiha;
wazalishile mena jenyi ni musunya wa kupapulula.
13Yehova-wa-Tujita kanambe ngwenyi, Kunalimika ni yenu. Kashika mungwocha matemba jenu a jita ni mwishi, ni katana malia mievu jenu a ndumba. Munguteta kulia chenu hashi, ni liji lia mikeji jenu kechi kalivwa nawa.
Chokwe Bible © Bible Society in Angola, 1975.