MARKU 4
4
1Cheka nawa waputukile kulongesa ku sesa lia Chitende. Ni mbunga yinene akungulukile kuli iye, chocho wanjilile mu ulungu, watwaminemo ha Chitende: ni mbunga yeswe apwile hehi ni Chitende hashi. 2Iye waalongesele yuma yinji ni yishima. Wambile kuli ayo mu longeso lienyi ngwenyi, 3Ivwenu; chikuwa watuhukile mukukuwa: 4ni shimbu akuwile, yimwe yaholokelele ku sesa lia jila, ni tujila a mwilu ejile, ayitakishile. 5Yikwo yaholokelele homa ha mawe, haze kuyapwile ni mavu anji; ni haze hene yasokele, mumu kuyapwile ni ndama ya mavu: 6muze tangwa liavumbukile, yapapiwile; se kuyapwile ni miji, yomine. 7Yikwo yaholokelele hakachi ka mingonga, ni mingonga yatatukile, yayikeketeseto, kuyemine mbuto. 8Yikwo yaholokelele ha mavu apema, yemine mbuto, nikusoka, nikutatuka; yemine, yimwe makumi atatu, ni yikwo makumi asambano, ni yikwo kulakaji. 9Iye wambile ngwenyi, Yoze uli ni matwi a kwivwa, evwe.
10Muze apwile ukawenyi, waze amujingilikile hamwe ni kumi ni aali, amuhulile ha kutwala ku yishima. 11Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima: 12hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho. 13Iye yamba kuli ayo ngwenyi, Kunwanyingikine chishima chino, nyi? Mba ngwe kuchi mununyingika yishima yeswe? 14Chikuwa makuwa lie liji. 15Waze ku sesa lia jila, haze makuwa liji; muze te hevwa, haze hene Satana meza, machiza lie liji lize halikuwa mu mbunge jo. 16Waze chizechene maakuwa homa ha mawe, waze, muze te hevwa lie liji, haze hene malitambula ni uwahililo. 17O keshi miji muli ayo ene, alioze manyongonona ha kashimbu; kulutwe lia chize, muze luyinda hanji yihungumiona muyiza mumu ha lie liji, haze hene matalinga. 18Akwo waze maakuwa hakachi ka mingonga; wano waze te hanevu lie liji, 19alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda. 20Waze maakuwa ha mavu apema; waze mevwa lie liji, malitambula, mema mbuto, umwe makumi atatu, ni mukwo makumi asambano, ni mukwo kulakaji.
21Iye wambile kuli ayo ngwenyi, Maneha ndeya hanga ayise mushi lia chisoka, hanji kushi lia muhela, nyi? Keshi kuyisa ha chikwachilo cha ndeya, nyi? 22Mumu chuma cha kuswama chize kechi kachisolola chakuhi nichimwe; chipwe kahengekele chuma shina hanga chikasoloke, nichimwe. 23Kachi umwe uli ni matwi a kwivwa, evwe. 24Iye wambile kuli ayo ngwenyi, Kanyamenu ha chize munwivwa: ni cheseko chize munweseka nacho kumakanwesekela; ni kuli yenu nwakwivwa, kumakanuwezela yikwo. 25Mumu mweswe ukwete, kumakamwaha: ni yoze keshi nacho, chipwe chize ali nacho kumakamuchizacho.
26Iye wambile ngwenyi, Chocho unapu wanangana wa Zambi, ngwe kachi mutu makuwa mbuto hashi; 27mba maya tulo, mahinduka ufuku ni mwalwa, ni mbuto muyisoka, nikusuha, kanyingikine ngwe chize yakutatuka. 28Mumu hashi kuhakwima mbuto yaho hene, hatangu mafwo, kulutwe lia chize mutwe, kulutwe lia chize lunona mwa tò ha mutwe. 29Alioze muze mbuto muyilila, hohene matumisa kwengo, mumu kucha hicheza.
30Iye wambile ngwenyi, Ngwe chika mutupwisa wanangana wa Zambi? Hanji ni chishima chika mutuutesa? 31Ngwe lunona wa mosetate, yoze, muze mamukuwa hashi, makeha kuhiana mbuto jeswe jili hashi. 32Alioze muze hamukuwa, matatuka, mapwa munene Wahiana yiputa yeswe, matangala mitango yinene; chocho tujila a mwilu mahasa kutwama mu Chizulie chawo.
33Mba ni yishima yinji ngwe yino wahanjikile lie liji kuli ayo, nikulita ni kuhasa cho; 34kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.
35Ha tangwa lize liene, muze hapwile chingoloshi, yamba kuli ayo ngwenyi, Tuzaukenu, tuye mu sali. 36Mba yahichika mbunga, yamutwala hamwe no mu ulungu, chizechene ngwe apwile, ni mato akwo nawa apwile hamwe nenyi. 37Kwejile kakundukundu munene wa fuji, ni mikanya yasupwokelele mu ulungu, chocho waputukile kuzala ni meya. 38Iye wapwile kunyima mu tulo ha musau. O yamulawisa, yamba kuli iye ngwo, Longeshi, kwatunyongene yetu ngwe tunatoko, nyi? 39Iye walawile, wambilile fuji, mba wambile ku Chitende ngwenyi, Hwima, hola. Ni fuji yahwimine, kwapwile kuhola chinene. 40Iye wambile kuli ayo ngwenyi, Kuchi te nunasusumiana? Kuchi te kunushi Ufulielo? 41O evwile woma wunji, aliambile umwe kuli mukwo ni mukwo ngwo, Iya kevwe yono, chipwe fuji ni meya mamwononokena?
Currently Selected:
MARKU 4: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MARKU 4
4
1Cheka nawa waputukile kulongesa ku sesa lia Chitende. Ni mbunga yinene akungulukile kuli iye, chocho wanjilile mu ulungu, watwaminemo ha Chitende: ni mbunga yeswe apwile hehi ni Chitende hashi. 2Iye waalongesele yuma yinji ni yishima. Wambile kuli ayo mu longeso lienyi ngwenyi, 3Ivwenu; chikuwa watuhukile mukukuwa: 4ni shimbu akuwile, yimwe yaholokelele ku sesa lia jila, ni tujila a mwilu ejile, ayitakishile. 5Yikwo yaholokelele homa ha mawe, haze kuyapwile ni mavu anji; ni haze hene yasokele, mumu kuyapwile ni ndama ya mavu: 6muze tangwa liavumbukile, yapapiwile; se kuyapwile ni miji, yomine. 7Yikwo yaholokelele hakachi ka mingonga, ni mingonga yatatukile, yayikeketeseto, kuyemine mbuto. 8Yikwo yaholokelele ha mavu apema, yemine mbuto, nikusoka, nikutatuka; yemine, yimwe makumi atatu, ni yikwo makumi asambano, ni yikwo kulakaji. 9Iye wambile ngwenyi, Yoze uli ni matwi a kwivwa, evwe.
10Muze apwile ukawenyi, waze amujingilikile hamwe ni kumi ni aali, amuhulile ha kutwala ku yishima. 11Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima: 12hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho. 13Iye yamba kuli ayo ngwenyi, Kunwanyingikine chishima chino, nyi? Mba ngwe kuchi mununyingika yishima yeswe? 14Chikuwa makuwa lie liji. 15Waze ku sesa lia jila, haze makuwa liji; muze te hevwa, haze hene Satana meza, machiza lie liji lize halikuwa mu mbunge jo. 16Waze chizechene maakuwa homa ha mawe, waze, muze te hevwa lie liji, haze hene malitambula ni uwahililo. 17O keshi miji muli ayo ene, alioze manyongonona ha kashimbu; kulutwe lia chize, muze luyinda hanji yihungumiona muyiza mumu ha lie liji, haze hene matalinga. 18Akwo waze maakuwa hakachi ka mingonga; wano waze te hanevu lie liji, 19alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda. 20Waze maakuwa ha mavu apema; waze mevwa lie liji, malitambula, mema mbuto, umwe makumi atatu, ni mukwo makumi asambano, ni mukwo kulakaji.
21Iye wambile kuli ayo ngwenyi, Maneha ndeya hanga ayise mushi lia chisoka, hanji kushi lia muhela, nyi? Keshi kuyisa ha chikwachilo cha ndeya, nyi? 22Mumu chuma cha kuswama chize kechi kachisolola chakuhi nichimwe; chipwe kahengekele chuma shina hanga chikasoloke, nichimwe. 23Kachi umwe uli ni matwi a kwivwa, evwe. 24Iye wambile kuli ayo ngwenyi, Kanyamenu ha chize munwivwa: ni cheseko chize munweseka nacho kumakanwesekela; ni kuli yenu nwakwivwa, kumakanuwezela yikwo. 25Mumu mweswe ukwete, kumakamwaha: ni yoze keshi nacho, chipwe chize ali nacho kumakamuchizacho.
26Iye wambile ngwenyi, Chocho unapu wanangana wa Zambi, ngwe kachi mutu makuwa mbuto hashi; 27mba maya tulo, mahinduka ufuku ni mwalwa, ni mbuto muyisoka, nikusuha, kanyingikine ngwe chize yakutatuka. 28Mumu hashi kuhakwima mbuto yaho hene, hatangu mafwo, kulutwe lia chize mutwe, kulutwe lia chize lunona mwa tò ha mutwe. 29Alioze muze mbuto muyilila, hohene matumisa kwengo, mumu kucha hicheza.
30Iye wambile ngwenyi, Ngwe chika mutupwisa wanangana wa Zambi? Hanji ni chishima chika mutuutesa? 31Ngwe lunona wa mosetate, yoze, muze mamukuwa hashi, makeha kuhiana mbuto jeswe jili hashi. 32Alioze muze hamukuwa, matatuka, mapwa munene Wahiana yiputa yeswe, matangala mitango yinene; chocho tujila a mwilu mahasa kutwama mu Chizulie chawo.
33Mba ni yishima yinji ngwe yino wahanjikile lie liji kuli ayo, nikulita ni kuhasa cho; 34kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.
35Ha tangwa lize liene, muze hapwile chingoloshi, yamba kuli ayo ngwenyi, Tuzaukenu, tuye mu sali. 36Mba yahichika mbunga, yamutwala hamwe no mu ulungu, chizechene ngwe apwile, ni mato akwo nawa apwile hamwe nenyi. 37Kwejile kakundukundu munene wa fuji, ni mikanya yasupwokelele mu ulungu, chocho waputukile kuzala ni meya. 38Iye wapwile kunyima mu tulo ha musau. O yamulawisa, yamba kuli iye ngwo, Longeshi, kwatunyongene yetu ngwe tunatoko, nyi? 39Iye walawile, wambilile fuji, mba wambile ku Chitende ngwenyi, Hwima, hola. Ni fuji yahwimine, kwapwile kuhola chinene. 40Iye wambile kuli ayo ngwenyi, Kuchi te nunasusumiana? Kuchi te kunushi Ufulielo? 41O evwile woma wunji, aliambile umwe kuli mukwo ni mukwo ngwo, Iya kevwe yono, chipwe fuji ni meya mamwononokena?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.