MARKU 14
14
1Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe. 2Mumu ambile ngwo, Hi ha tangwa lia chiwanyino ko, kuchina hanji mukukapwa zungo hakachi ka atu.
3Shimbu apwile mu Mbetaniya, mu zuwo lia Semone mukwa mbumba, shimbu atwamine ku mesa, pwo wejile ni kasaji ka yitumbo ya vumba lipema ya ndando yikalu chikolo; iye washihile kasaji, wayitehwine ha mutwe wenyi. 4Kwapwile amwe waze evwile kupiha mu mbunge jo, ngwo, Umbulungunya uno wa yitumbo waka? 5Mumu mahasa kulanjisa yitumbo yino ha ndando yahiana kulakaji atatu a mbongo, akajihane kuli yiswale, chocho alinyenyetene hali iye. 6Alioze Yesu wambile ngwenyi, Mwechenu, kuchi te nunamupikalisa? Halinga chitanga chipema hali yami. 7Mumu yiswale nuli no hamwe ni yenu matangwa eswe, heswaho munuzanga kwalinga yipema munuhasa: alioze yami, kunushi ni yami matangwa eswe. 8Halinga chize wahasa; hawayisa mujimba wami ni yitumbo shimbu kanda, ha kufunda. 9Pundu ngunambe kuli yenu ngwami, Kweswako mambujola sango lino lipema hashi heswe, chize nawa yono pwo halinga kumakachihanjika hanga akamwiwuluke.
10Yundase, Ka-Keriote, umwe wa kuli kumi ni aali, wayile kuli asasendote akwa lutwe, hanga akamukunjike kuli ayo. 11O muze achivwile, awahililile, alilakenyene kumwaha mbongo. Iye wafupile ngwe chize mahasa kumukunjika ha mwaka upema.
12Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka? 13Iye yatuma aali a kuli tumbaji twenyi, yamba kuli ayo ngwenyi, Yénu ku limbo, mba lunga makatakana ni yenu kanambata sapa ya meya: nukamukaule; 14mweswamo manjila, nukambe kuli mwenya zuwo ngwenu, Longeshi kanambe ngwenyi, Chilihi chipatulo chami cha ngeji, hanga ngukalilemo Chizomboka hamwe ni tumbaji twami? 15Iye kumakanulweza chipatulo cha kwilu, yuma yeswe ya kwala ni ya kululika, muze mwene nukatululikile. 16Mba tumbaji twenyi ayile, anjilile mu limbo, awanyine chizechene ngwe ambile kuli ayo: mba alulikile Chizomboka.
17Muze hapwile chingoloshi, yeza hamwe ni kumi ni aali. 18Shimbu atwamine ku mesa nikulia, Yesu wambile ngwenyi, Pundu ngunambe kuli yenu ngwami, Umwe wa kuli yenu kumakangukunjika, yoze unali hamwe ni yami. 19O aputukile kwivwa chinyengo, nikwamba kuli iye, umwe ni umwe ngwo, Yami nyi? Ni mukwo ngwenyi, Yami nyi? 20Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga. 21Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.
22Shimbu machilia, Yesu wanjile mbolo, ni muze te hawahisa, wayipalwile, waaheleyo, nikwamba ngwenyi, Wenu, nulie: yino mujimba wami. 23Iye wanjile musenge, ni muze te hasakwila, waahelewo: no eswe anwine. 24Iye wambile kuli ayo ngwenyi, Uno manyinga jami a usendo waha, waze anatehuka mumu hali anji. 25Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.
26Muze te hemba mwaso, atuhukile mukuya ku mulundu wa Olevwe.
27Yesu yamba kuli ayo ngwenyi, Yenu eswe kumunukatalinga mumu hali yami: mumu chinasonewa ngwo, Mungukalamba kafunga, mapanga kumakamwangana. 28Alioze muze te hanguhindwisa, mungukanutetekela ku Ngalileya. 29Alioze Petulu wambile kuli iye ngwenyi, Chipwe kachi eswe matalinga, hindu yami ka. 30Yesu yamba kuli iye ngwenyi, Pundu ngunambe kuli yena ngwami, Yena, musono, te ufuku uno, shimbu ndemba kanda achitambika kaali, kumukalikala yami katatu. 31Alioze wahanjikile nikulihalula kuhiana chikolo ngwenyi, Kachi changutamba kufwa hamwe ni yena, hindu chichi kalikala yena nichimwe. Chizechene ambile o eswe nawa.
32O yeza kuma kuze jina liako, Ngetesemane: iye yamba kuli tumbaji twenyi ngwenyi, Twamenu hano, shimbu yami mungulemba. 33Iye yatwala hamwe nenyi, Petulu, ni Tiangu, ni Yoano. Waputukile kulishimwoka, ni kwivwa chikolo kulema mu mbunge. 34Iye yamba kuli ayo ngwenyi, Mbunge yami yinevu chikolo chinyengo ndo ku kufwa: salenu kuno, nulé. 35Iye wasosolokele kulutwe hakepe, wafulamanyine hashi, walembele hanga ola yize yikatuke kuli iye kachi muchihasa kupwa. 36Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale. 37Iye yeza, yaawana mu tulo, yamba kuli Petulu ngwenyi, Semone, uli mu tulo, nyi? Kwahashile kulá ola yimuwika, nyi? 38Lenu, lembenu, hanga kunuchi kanjila mu cheseko. Spiritu chamwenemwene yinalulika, alioze musunya ulelu. 39Cheka nawa wayile, walembele nikwamba maliji amuwika. 40Cheka nawa wahilukile, waawanyine mu tulo, mumu meso jo alemene; o kanyingikine chize mamukumbulula. 41Iye yeza chisuho chamuchitatu, yamba kuli ayo ngwenyi, Fungunukenu haliapwila, nuhwime: kunahu; ola hiyeza; talenu, makunjika mwe Mwana Mutu ku moko ja yivulumunyi. 42Tukatukenu, tuyenu; talenu, yoze mangukunjika hakundama.
43Haze hene, shimbu machihanjika, Yundase yeza, umwe wa kuli kumi ni aali, ni hamwe nenyi mbunga yinene ni tutana ni mitondo, a kuli asasendote akwa lutwe, ni a kuli akwa kusonyeka ni makulwana. 44Achi, yoze wamukunjikile, waahele kulu chilayi, ngwenyi, Yoze mungumumbeja mwenawo; mukwatenu, numutwale kanawa. 45Muze te heza, haze hene wakundamine kuli iye, yamba ngwenyi, Longeshi; wamumbejele chikolo. 46O amukwachile. 47Alioze umwe wa kuli waze amanyineko, watomwene katana kenyi, walambile ndungo ya sasendote mukwa lutwe, wamutetele twitwi lienyi. 48Yesu waakumbulwile ngwenyi, Nunejila ngwe hali muhuza ni tutana ni mitondo mukungukwata, nyi? 49Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke. 50Eswe amuhichikile, akachine.
51Mba umwe mukweze wamukawile kanazala hina lia linyu wika ku mujimba wenyi: no yamukwata; 52alioze wahichikile hina lia linyu, wachinyine uselesele.
53O atwalile Yesu kuli sasendote mukwa lutwe. Yakungama kuli iye asasendote eswe akwa lutwe ni makulwana ni akwa kusonyeka. 54Petulu wamukawile kanonajila ndo muchima lia yize ya sasendote mukwa lutwe; iye Watwamine hamwe ni tupita, akote kahia. 55Asasendote akwa lutwe ni akwa kuyula eswe afupile Shindakenyo hali Yesu akamushihe; alioze kayiwanyineko. 56Mumu anji amushindakenyene mahuza, alioze Shindakenyo yo kuyalitele. 57Mba kwakatukile amwe atu, aze amushindakenyene mahuza ngwo, 58Twamuvwile ngwenyi, Mungukonwona tembele yino ya kutunga ni moko, ni kulutwe lia matangwa atatu, mungukufunga yikwo yize kuyishi kulungiwa ni moko. 59Chipwe chocho Shindakenyo yo kuyalitele. 60Sasendote mukwa lutwe wakatukile mukachi ka eswe, wahulile Yesu ngwenyi, Kuchi kukumbulula nichimwe, nyi? Kuchi wano anakushindakenya? 61Alioze wakolele kulungunga kwenyi, kakumbulwile nichimwe. Cheka nawa sasendote mukwa lutwe wamuhulile, ngwenyi, Mwe Kristu yena, mwe Mwana wa Mukwa kufumana nyi? 62Yesu wambile ngwenyi, Yami nguli: kumunukamona mwe Mwana Mutu kanatwama ku chindume cha tachi, kaneza ni malelwa a mwilu. 63Sasendote mukwa lutwe wasonyene chikuto chenyi. Yamba ngwenyi, Kuchi tunafupu nawa yela? 64Hinwevwa kushililika Zambi, chika nunanyongo? O eswe amuhishile ngwo, Kanatela kufwa. 65Mba amwe aputukile kumufwila mate, nikutuka meso jenyi, nikumumbufula, nikwamba kuli iye ngwo, Profeteza: ni tupita amulambile mbangala.
66Shimbu Petulu apwile mushi mu yize, umwe wa kuli ana-mapwo akwa milimo ya sasendote mukwa lutwe yeza; 67iye ha kumona Petulu kanoto kahia, wamutalile ngwenyi, Yena nawa wapwanga hamwe ni Yesu, Ka-Nazare. 68Alioze walikalile ngwenyi, Chanyingikine, chipwe kuchangulumbunukine chize unambe. Iye watuhukile mushi lia senge; ni ndemba watambikile. 69Mwana-pwo wamumwene, waputukile kwamba Kuli waze amanyineko ngwenyi, Yono umwe wa kuli ayo. 70Iye cheka nawa walikalilecho. Kulutwe lia shimbu likepe cheka nawa waze amanyineko ambile kuli Petulu ngwo, Chamwenemwene yena uli umwe wa kuli ayo; mumu uli Ka-Ngalileya. 71Iye waputukile kulishinga ni kushindangana ngwenyi, Chanyingikine yono mutu nunambe. 72Chisuho chamuchiali ndemba watambikile. Petulu wewulukile liji, ngwe amwambile Yesu ngwenyi, Shimbu ndemba kanda achitambika kaali, kumukalikala yami katatu. Muze achinyongene, Walilile.
Currently Selected:
MARKU 14: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MARKU 14
14
1Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe. 2Mumu ambile ngwo, Hi ha tangwa lia chiwanyino ko, kuchina hanji mukukapwa zungo hakachi ka atu.
3Shimbu apwile mu Mbetaniya, mu zuwo lia Semone mukwa mbumba, shimbu atwamine ku mesa, pwo wejile ni kasaji ka yitumbo ya vumba lipema ya ndando yikalu chikolo; iye washihile kasaji, wayitehwine ha mutwe wenyi. 4Kwapwile amwe waze evwile kupiha mu mbunge jo, ngwo, Umbulungunya uno wa yitumbo waka? 5Mumu mahasa kulanjisa yitumbo yino ha ndando yahiana kulakaji atatu a mbongo, akajihane kuli yiswale, chocho alinyenyetene hali iye. 6Alioze Yesu wambile ngwenyi, Mwechenu, kuchi te nunamupikalisa? Halinga chitanga chipema hali yami. 7Mumu yiswale nuli no hamwe ni yenu matangwa eswe, heswaho munuzanga kwalinga yipema munuhasa: alioze yami, kunushi ni yami matangwa eswe. 8Halinga chize wahasa; hawayisa mujimba wami ni yitumbo shimbu kanda, ha kufunda. 9Pundu ngunambe kuli yenu ngwami, Kweswako mambujola sango lino lipema hashi heswe, chize nawa yono pwo halinga kumakachihanjika hanga akamwiwuluke.
10Yundase, Ka-Keriote, umwe wa kuli kumi ni aali, wayile kuli asasendote akwa lutwe, hanga akamukunjike kuli ayo. 11O muze achivwile, awahililile, alilakenyene kumwaha mbongo. Iye wafupile ngwe chize mahasa kumukunjika ha mwaka upema.
12Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka? 13Iye yatuma aali a kuli tumbaji twenyi, yamba kuli ayo ngwenyi, Yénu ku limbo, mba lunga makatakana ni yenu kanambata sapa ya meya: nukamukaule; 14mweswamo manjila, nukambe kuli mwenya zuwo ngwenu, Longeshi kanambe ngwenyi, Chilihi chipatulo chami cha ngeji, hanga ngukalilemo Chizomboka hamwe ni tumbaji twami? 15Iye kumakanulweza chipatulo cha kwilu, yuma yeswe ya kwala ni ya kululika, muze mwene nukatululikile. 16Mba tumbaji twenyi ayile, anjilile mu limbo, awanyine chizechene ngwe ambile kuli ayo: mba alulikile Chizomboka.
17Muze hapwile chingoloshi, yeza hamwe ni kumi ni aali. 18Shimbu atwamine ku mesa nikulia, Yesu wambile ngwenyi, Pundu ngunambe kuli yenu ngwami, Umwe wa kuli yenu kumakangukunjika, yoze unali hamwe ni yami. 19O aputukile kwivwa chinyengo, nikwamba kuli iye, umwe ni umwe ngwo, Yami nyi? Ni mukwo ngwenyi, Yami nyi? 20Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga. 21Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.
22Shimbu machilia, Yesu wanjile mbolo, ni muze te hawahisa, wayipalwile, waaheleyo, nikwamba ngwenyi, Wenu, nulie: yino mujimba wami. 23Iye wanjile musenge, ni muze te hasakwila, waahelewo: no eswe anwine. 24Iye wambile kuli ayo ngwenyi, Uno manyinga jami a usendo waha, waze anatehuka mumu hali anji. 25Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.
26Muze te hemba mwaso, atuhukile mukuya ku mulundu wa Olevwe.
27Yesu yamba kuli ayo ngwenyi, Yenu eswe kumunukatalinga mumu hali yami: mumu chinasonewa ngwo, Mungukalamba kafunga, mapanga kumakamwangana. 28Alioze muze te hanguhindwisa, mungukanutetekela ku Ngalileya. 29Alioze Petulu wambile kuli iye ngwenyi, Chipwe kachi eswe matalinga, hindu yami ka. 30Yesu yamba kuli iye ngwenyi, Pundu ngunambe kuli yena ngwami, Yena, musono, te ufuku uno, shimbu ndemba kanda achitambika kaali, kumukalikala yami katatu. 31Alioze wahanjikile nikulihalula kuhiana chikolo ngwenyi, Kachi changutamba kufwa hamwe ni yena, hindu chichi kalikala yena nichimwe. Chizechene ambile o eswe nawa.
32O yeza kuma kuze jina liako, Ngetesemane: iye yamba kuli tumbaji twenyi ngwenyi, Twamenu hano, shimbu yami mungulemba. 33Iye yatwala hamwe nenyi, Petulu, ni Tiangu, ni Yoano. Waputukile kulishimwoka, ni kwivwa chikolo kulema mu mbunge. 34Iye yamba kuli ayo ngwenyi, Mbunge yami yinevu chikolo chinyengo ndo ku kufwa: salenu kuno, nulé. 35Iye wasosolokele kulutwe hakepe, wafulamanyine hashi, walembele hanga ola yize yikatuke kuli iye kachi muchihasa kupwa. 36Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale. 37Iye yeza, yaawana mu tulo, yamba kuli Petulu ngwenyi, Semone, uli mu tulo, nyi? Kwahashile kulá ola yimuwika, nyi? 38Lenu, lembenu, hanga kunuchi kanjila mu cheseko. Spiritu chamwenemwene yinalulika, alioze musunya ulelu. 39Cheka nawa wayile, walembele nikwamba maliji amuwika. 40Cheka nawa wahilukile, waawanyine mu tulo, mumu meso jo alemene; o kanyingikine chize mamukumbulula. 41Iye yeza chisuho chamuchitatu, yamba kuli ayo ngwenyi, Fungunukenu haliapwila, nuhwime: kunahu; ola hiyeza; talenu, makunjika mwe Mwana Mutu ku moko ja yivulumunyi. 42Tukatukenu, tuyenu; talenu, yoze mangukunjika hakundama.
43Haze hene, shimbu machihanjika, Yundase yeza, umwe wa kuli kumi ni aali, ni hamwe nenyi mbunga yinene ni tutana ni mitondo, a kuli asasendote akwa lutwe, ni a kuli akwa kusonyeka ni makulwana. 44Achi, yoze wamukunjikile, waahele kulu chilayi, ngwenyi, Yoze mungumumbeja mwenawo; mukwatenu, numutwale kanawa. 45Muze te heza, haze hene wakundamine kuli iye, yamba ngwenyi, Longeshi; wamumbejele chikolo. 46O amukwachile. 47Alioze umwe wa kuli waze amanyineko, watomwene katana kenyi, walambile ndungo ya sasendote mukwa lutwe, wamutetele twitwi lienyi. 48Yesu waakumbulwile ngwenyi, Nunejila ngwe hali muhuza ni tutana ni mitondo mukungukwata, nyi? 49Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke. 50Eswe amuhichikile, akachine.
51Mba umwe mukweze wamukawile kanazala hina lia linyu wika ku mujimba wenyi: no yamukwata; 52alioze wahichikile hina lia linyu, wachinyine uselesele.
53O atwalile Yesu kuli sasendote mukwa lutwe. Yakungama kuli iye asasendote eswe akwa lutwe ni makulwana ni akwa kusonyeka. 54Petulu wamukawile kanonajila ndo muchima lia yize ya sasendote mukwa lutwe; iye Watwamine hamwe ni tupita, akote kahia. 55Asasendote akwa lutwe ni akwa kuyula eswe afupile Shindakenyo hali Yesu akamushihe; alioze kayiwanyineko. 56Mumu anji amushindakenyene mahuza, alioze Shindakenyo yo kuyalitele. 57Mba kwakatukile amwe atu, aze amushindakenyene mahuza ngwo, 58Twamuvwile ngwenyi, Mungukonwona tembele yino ya kutunga ni moko, ni kulutwe lia matangwa atatu, mungukufunga yikwo yize kuyishi kulungiwa ni moko. 59Chipwe chocho Shindakenyo yo kuyalitele. 60Sasendote mukwa lutwe wakatukile mukachi ka eswe, wahulile Yesu ngwenyi, Kuchi kukumbulula nichimwe, nyi? Kuchi wano anakushindakenya? 61Alioze wakolele kulungunga kwenyi, kakumbulwile nichimwe. Cheka nawa sasendote mukwa lutwe wamuhulile, ngwenyi, Mwe Kristu yena, mwe Mwana wa Mukwa kufumana nyi? 62Yesu wambile ngwenyi, Yami nguli: kumunukamona mwe Mwana Mutu kanatwama ku chindume cha tachi, kaneza ni malelwa a mwilu. 63Sasendote mukwa lutwe wasonyene chikuto chenyi. Yamba ngwenyi, Kuchi tunafupu nawa yela? 64Hinwevwa kushililika Zambi, chika nunanyongo? O eswe amuhishile ngwo, Kanatela kufwa. 65Mba amwe aputukile kumufwila mate, nikutuka meso jenyi, nikumumbufula, nikwamba kuli iye ngwo, Profeteza: ni tupita amulambile mbangala.
66Shimbu Petulu apwile mushi mu yize, umwe wa kuli ana-mapwo akwa milimo ya sasendote mukwa lutwe yeza; 67iye ha kumona Petulu kanoto kahia, wamutalile ngwenyi, Yena nawa wapwanga hamwe ni Yesu, Ka-Nazare. 68Alioze walikalile ngwenyi, Chanyingikine, chipwe kuchangulumbunukine chize unambe. Iye watuhukile mushi lia senge; ni ndemba watambikile. 69Mwana-pwo wamumwene, waputukile kwamba Kuli waze amanyineko ngwenyi, Yono umwe wa kuli ayo. 70Iye cheka nawa walikalilecho. Kulutwe lia shimbu likepe cheka nawa waze amanyineko ambile kuli Petulu ngwo, Chamwenemwene yena uli umwe wa kuli ayo; mumu uli Ka-Ngalileya. 71Iye waputukile kulishinga ni kushindangana ngwenyi, Chanyingikine yono mutu nunambe. 72Chisuho chamuchiali ndemba watambikile. Petulu wewulukile liji, ngwe amwambile Yesu ngwenyi, Shimbu ndemba kanda achitambika kaali, kumukalikala yami katatu. Muze achinyongene, Walilile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.