MIKA 7
7
1Lamba liami mumu hinapwa ngwe muze mihuko ya lwiza hayihela;
muze uva hayihela,
kukushi chichakata cha kulia,
chipwe kuyu litangu kuhia, lize mbunge yami yakuzanga.
2Mukwa uwayilo hakuwa hashi,
niumwe mukwa ululi wakuhi hakachi ka atu.
Eswe kakujikinyina manyinga;
mutu mweswe kakuzomba mukwo ni wanda.
3Moko jo kakukwata ku chuma chipi achilinge ni mbunge yeswe.
Ni mulemu ni ngaji eswe kakwita chindo;
ni mutu munene kakwamba usolo upi wa muchima wenyi.
Chocho kakuyiseleka yeswe hamuwika.
4Mwe mupema hakachi ko kapwa-ngwe mukalale,
yoze Wahiana ululi hakachi ko kapwa ngwe chipanga cha mbimbo.
Tangwa lia tulayi twe, lia kastigu ye hilieza;
kutatajala cho hichaheta.
5Kanda ufuliela mwenyembo;
kanda ujikijila sepa.
Funga kanwa lie
chipwe kuli pwo yoze wapomba mu kondo ye.
6Mumu mwana wa lunga kakulelesa tato,
ni mwana wa pwo kakukatukila naye;
tembwa-mwanenyi malimika ni tato-pwo.
Akwa kole ja mutu e akwa usoko wenyi.
7Alioze ha kutwala kuli yami,
mungutala kuli Yehova;
mungutwaminyina Zambi ya ulamwino wami;
Zambi yami mangwivwa.
8Ena mukwa kole yami, kanda unguyunga.
Chipwe mungulimbuka hindu munguhinduka nawa.
Chipwe mungutwama mu milima
Yehova mapwa pangu kuli yami.
9Mungutambula utenu wa Yehova
mumu hinamuvulumuna;
ndo manguhakwila ni chikuma chami,
ndo mangupatwila.
Kumangutuhwishila mu pangu;
kumungumona ululi wenyi.
10Mba mukwa kole yami makamona,
ni sonyi mujikafuka yoze wangwambile ngwenyi,
Yehova Zambi ye kuli ali?
Meso jami kumakamutala ni kulikwiza;
mba makamuliata ngwe malowa a mu tapalo.
11Lie tangwa lia kutungayipanga ye ya mawe!
Ha tangwa lize njiza ye muyikapalika kusuku.
12Ha tangwa lize makeza kuli yena
chize ku Asuria ndo ku Engitu;
chize ku Engitu ndo ku mwe Lwiji;
chize ku kalunga-lwiji ndo ku kalunga-lwiji,
chize ku mulundu ndo ku mulundu.
13Alioze hashi muhapwa
ha kwenyeka ha mukunda wa enyaho
mumu ha mihuko ya yitanga yo.
14Funga atu je ni mbwechi ye;
ye mbunga ya mapanga je a chihinga,
waze atwama ukawo mu musenge,
he hakachi ka chifuchi cha manaka.
Akalie mu Mbashane ni Ngiliate ngwe ku matangwa a shakulu.
15Mungukaalweza yuma ya kukomwesa,
ngwe ha matangwa aze atuhukile mu Engitu.
16Akwa mavungu mamona mba mavwila sonyi ndundo jo.
Masa moko jo ku makanwa jo
ni matwi jo makafwa.
17Kumakalesa fufuta ngwe tupela
ngwe tushitu a kukalala hashi.
Kumakatuhuka ku yihunda yo ya kukolesa nikuchikima;
kumakatewulukila ni mwongo kuli Yehova Zambi yetu;
kumakevwa woma ha mukunda wa yena.
18Iya mapwa Zambi ngwe yena,
mukwa kukonekena uhenge,
ni kuzomboka milonga ya masalia ja chihinga chenyi?
Kechi kufunga utenu wenyi wa mutolo
mumu kakuwahilila ni utu wa zango.
19Kumakatuvwila keke cheka nawa;
kumakaliata uhenge wetu ni molu jenyi.
Kumukambila milonga yetu
mu mashima ja kalunga-lwiji.
20Kumukapwa mukwa jika kuli Yakomba;
kumukasolola utu wa zango kuli Apalahama
ngwe walakenyene kuli tulamba twetu
chize ku matangwa a shakulu.
Currently Selected:
MIKA 7: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MIKA 7
7
1Lamba liami mumu hinapwa ngwe muze mihuko ya lwiza hayihela;
muze uva hayihela,
kukushi chichakata cha kulia,
chipwe kuyu litangu kuhia, lize mbunge yami yakuzanga.
2Mukwa uwayilo hakuwa hashi,
niumwe mukwa ululi wakuhi hakachi ka atu.
Eswe kakujikinyina manyinga;
mutu mweswe kakuzomba mukwo ni wanda.
3Moko jo kakukwata ku chuma chipi achilinge ni mbunge yeswe.
Ni mulemu ni ngaji eswe kakwita chindo;
ni mutu munene kakwamba usolo upi wa muchima wenyi.
Chocho kakuyiseleka yeswe hamuwika.
4Mwe mupema hakachi ko kapwa-ngwe mukalale,
yoze Wahiana ululi hakachi ko kapwa ngwe chipanga cha mbimbo.
Tangwa lia tulayi twe, lia kastigu ye hilieza;
kutatajala cho hichaheta.
5Kanda ufuliela mwenyembo;
kanda ujikijila sepa.
Funga kanwa lie
chipwe kuli pwo yoze wapomba mu kondo ye.
6Mumu mwana wa lunga kakulelesa tato,
ni mwana wa pwo kakukatukila naye;
tembwa-mwanenyi malimika ni tato-pwo.
Akwa kole ja mutu e akwa usoko wenyi.
7Alioze ha kutwala kuli yami,
mungutala kuli Yehova;
mungutwaminyina Zambi ya ulamwino wami;
Zambi yami mangwivwa.
8Ena mukwa kole yami, kanda unguyunga.
Chipwe mungulimbuka hindu munguhinduka nawa.
Chipwe mungutwama mu milima
Yehova mapwa pangu kuli yami.
9Mungutambula utenu wa Yehova
mumu hinamuvulumuna;
ndo manguhakwila ni chikuma chami,
ndo mangupatwila.
Kumangutuhwishila mu pangu;
kumungumona ululi wenyi.
10Mba mukwa kole yami makamona,
ni sonyi mujikafuka yoze wangwambile ngwenyi,
Yehova Zambi ye kuli ali?
Meso jami kumakamutala ni kulikwiza;
mba makamuliata ngwe malowa a mu tapalo.
11Lie tangwa lia kutungayipanga ye ya mawe!
Ha tangwa lize njiza ye muyikapalika kusuku.
12Ha tangwa lize makeza kuli yena
chize ku Asuria ndo ku Engitu;
chize ku Engitu ndo ku mwe Lwiji;
chize ku kalunga-lwiji ndo ku kalunga-lwiji,
chize ku mulundu ndo ku mulundu.
13Alioze hashi muhapwa
ha kwenyeka ha mukunda wa enyaho
mumu ha mihuko ya yitanga yo.
14Funga atu je ni mbwechi ye;
ye mbunga ya mapanga je a chihinga,
waze atwama ukawo mu musenge,
he hakachi ka chifuchi cha manaka.
Akalie mu Mbashane ni Ngiliate ngwe ku matangwa a shakulu.
15Mungukaalweza yuma ya kukomwesa,
ngwe ha matangwa aze atuhukile mu Engitu.
16Akwa mavungu mamona mba mavwila sonyi ndundo jo.
Masa moko jo ku makanwa jo
ni matwi jo makafwa.
17Kumakalesa fufuta ngwe tupela
ngwe tushitu a kukalala hashi.
Kumakatuhuka ku yihunda yo ya kukolesa nikuchikima;
kumakatewulukila ni mwongo kuli Yehova Zambi yetu;
kumakevwa woma ha mukunda wa yena.
18Iya mapwa Zambi ngwe yena,
mukwa kukonekena uhenge,
ni kuzomboka milonga ya masalia ja chihinga chenyi?
Kechi kufunga utenu wenyi wa mutolo
mumu kakuwahilila ni utu wa zango.
19Kumakatuvwila keke cheka nawa;
kumakaliata uhenge wetu ni molu jenyi.
Kumukambila milonga yetu
mu mashima ja kalunga-lwiji.
20Kumukapwa mukwa jika kuli Yakomba;
kumukasolola utu wa zango kuli Apalahama
ngwe walakenyene kuli tulamba twetu
chize ku matangwa a shakulu.
Chokwe Bible © Bible Society in Angola, 1975.