ULEVI 7
7
1Shimbi ya mulambu wa uhie, yino.
Wapwa usandu Wahiana. 2Kuze akushihila mulambu wa kulumba, kwenako akashihile mulambu wa uhie. Manyinga jawo akaasapwile kwa kujingilika ha chilumbilo. 3Akatambule maji eswe, muchila wa maji, ni maji a ha yingambiangambia, 4je njiso jeswe jiali ni maji jaho a ku mialangwe, ni maji a ha liayi akaachize hamwe ni njiso. 5Mwe sasendote makayilumba ha chilumbilo, mulambu wa kahia kuli Yehova, mulambu wa uhie. 6Malunga eswe hakachi ka asasendote mahasa kuulia. Makaulia homa hasandu, wapwa usandu Wahiana. 7Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili. 8Sasendote mweswe matambula mulambu wa kulumba hali umwe, akazuke lie kupu lia mulambu wa kulumba uze hatambula. 9Mba mulambu weswe wa wunga wa kwocha mu forno, hanji wa kulinga mu chikango, hanji mu forma muukapwa wa mbala wa sasendote yoze makaulambula. 10Mulambu weswe wa wunga chipwe wa kuchinga ni maji chipwe umu, ukapwe wa ana eswe a Arone, mweswawo mutu ni mutu.
11Yino ye shimbi ya chitapo cha mulambu wa sambukila mutu matambula kuli Yehova. 12Nyi makaulambula ha kusakwila, akatambule hamwe ni chitapo cha kusakwila yandanda kuyishi futunwiso, ya kuchinga ni maji, ni malikemba keshi futunwiso a kulembula ni maji, ni yandanda ya wunga wafufunuka, ya pwocha ni maji. 13Helu lia yandanda akalambule mbolo ja futunwiso hamwe ni chitapo cha mulambu wenyi wa sambukila ha kusakwila. 14Mba akalambule umuwika ukapwe mulambu wa kuzundula kuli Yehova. Muukapwa wa mbala wa sasendote mukwa kusapwila manyinga a mulambu wa sambukila. 15Yifwo ya chitapo cha mulambu wa sambukila ha kusakwila, akayilie tangwa lize liene haulambula. Kanda ahichika nichimwe chihanda chayo chikasale ndo chimene. 16Nyi chitapo cha mulambu wenyi muchikapwa cha chilakenyo, hanji cha vumbi, akachilie tangwa lize liene hachilambula, mu kucha nawa makalia chize chasala. 17Alioze chize cha yifwo ya chitapo chasala ndo tangwa liamuchitatu makachocha ni kahia. 18Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.
19Yifwo yize muyikakwata ha chuma cha luchisa kanda ayilia, akayoche ni kahia, alioze mweswe kanapeme mahasa kulia ye yifwo. 20Alioze mweswawo makalia yifwo ya chitapo cha mulambu wa sambukila wa Yehova shimbu kali ni luchisa, makamuteta kuli atu jenyi. 21Nyi umwe makakwata chimwe cha luchisa, chipwe luchisa wa mutu, hanji kashitu wa luchisa, hanji luchisa wa lwaji, mba chocho makalia yifwo ya chitapo cha mulambu wa sambukila wa Yehova, makamuteta kuli atu jenyi.
22Yehova yamba kuli Mose ngwenyi, 23Amba kuli A-Izalele ngwe, Kanda nulia maji, apwe a ngombe, apwe a panga, apwe a pembe. 24Maji a kashitu yoze malifwila, hanji maji a kashitu hamushiha kuli ngongo munulinga no cheswacho nunazange, alioze kanda nwalia, ka. 25Mumu mweswawo makalia maji a kuli kashitu wa kulambula ni kahia kuli Yehova kumakamuteta kuli atu jenyi. 26Chikwo nawa mu mazuwo jenu eswe kanda nulia manyinga niamwe, apwe a kajila hanji a kashitu. 27Yoze makalia manyinga eswo, makamuteta kuli atu jenyi.
28Yehova yamba kuli Mose ngwenyi, 29Amba kuli A-Izalele ngwe, Mweswe matambula chitapo cha mulambu wa sambukila kuli Yehova akanehe mulambu wenyi kuli Yehova wa ku chitapo cha mulambu wa sambukila. 30Akanehe ni moko jenyi mwene milambu ya kahia kuli Yehova. Akanehe maji hamwe ni pambo hanga akahiingise ye pambo mulambu wa kuhungisa kumeso ja Yehova. 31Sasendote akalumbe e maji ha chilumbilo, alioze pambo mulikapwa lia mbala lia Arone ni anenyi a malunga. 32Mba chilama cha chindume munukahana kuli sasendote chikapwe mulambu wa kuzundula wa ku yitapo ya milambu yenu ya sambukila. 33Hakachi ka ana ja Arone yoze makalambula manyinga ni maji a milambu ya sambukila, chilama cha chindume muchikapwa nichenyi. 34Mumu pambo lia kuhungisa ni chilama cha kuzundula ngunatambula kuli A-Izalele ku yitapo ya milambu yo ya sambukila, hingunayihana kuli sasendote Arone ni anenyi a malunga, yikapwe yihanda yo ya mutolo ya kuli A-Izalele. 35Chino muchipwa chihanda cha Arone ni anenyi a malunga, cha ku milambu ya Yehova ya kulumba ni kahia, ha tangwa lize aakunjikile kuli Yehova akamulingile usasendote. 36Yehova watumine A-Izalele akaahecho ha tangwa lize waawayishile ni maji; chiyulo cha mutolo ndusu yisemuko yo yeswe.
37Yino ye shimbi ya mulambu wa kulumba, ni ya mulambu wa wunga, ni ya mulambu ha shili, ni ya mulambu wa uhie, ni ya kulitumbikila, ni ya chitapo cha mulambu wa sambukila, 38yize Yehova yatuma Mose ha mulundu wa Sinai tangwa lize atumine A-Izalele akalambule milambu yo kuli Yehova mu puya ya Sinai.
Currently Selected:
ULEVI 7: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 7
7
1Shimbi ya mulambu wa uhie, yino.
Wapwa usandu Wahiana. 2Kuze akushihila mulambu wa kulumba, kwenako akashihile mulambu wa uhie. Manyinga jawo akaasapwile kwa kujingilika ha chilumbilo. 3Akatambule maji eswe, muchila wa maji, ni maji a ha yingambiangambia, 4je njiso jeswe jiali ni maji jaho a ku mialangwe, ni maji a ha liayi akaachize hamwe ni njiso. 5Mwe sasendote makayilumba ha chilumbilo, mulambu wa kahia kuli Yehova, mulambu wa uhie. 6Malunga eswe hakachi ka asasendote mahasa kuulia. Makaulia homa hasandu, wapwa usandu Wahiana. 7Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili. 8Sasendote mweswe matambula mulambu wa kulumba hali umwe, akazuke lie kupu lia mulambu wa kulumba uze hatambula. 9Mba mulambu weswe wa wunga wa kwocha mu forno, hanji wa kulinga mu chikango, hanji mu forma muukapwa wa mbala wa sasendote yoze makaulambula. 10Mulambu weswe wa wunga chipwe wa kuchinga ni maji chipwe umu, ukapwe wa ana eswe a Arone, mweswawo mutu ni mutu.
11Yino ye shimbi ya chitapo cha mulambu wa sambukila mutu matambula kuli Yehova. 12Nyi makaulambula ha kusakwila, akatambule hamwe ni chitapo cha kusakwila yandanda kuyishi futunwiso, ya kuchinga ni maji, ni malikemba keshi futunwiso a kulembula ni maji, ni yandanda ya wunga wafufunuka, ya pwocha ni maji. 13Helu lia yandanda akalambule mbolo ja futunwiso hamwe ni chitapo cha mulambu wenyi wa sambukila ha kusakwila. 14Mba akalambule umuwika ukapwe mulambu wa kuzundula kuli Yehova. Muukapwa wa mbala wa sasendote mukwa kusapwila manyinga a mulambu wa sambukila. 15Yifwo ya chitapo cha mulambu wa sambukila ha kusakwila, akayilie tangwa lize liene haulambula. Kanda ahichika nichimwe chihanda chayo chikasale ndo chimene. 16Nyi chitapo cha mulambu wenyi muchikapwa cha chilakenyo, hanji cha vumbi, akachilie tangwa lize liene hachilambula, mu kucha nawa makalia chize chasala. 17Alioze chize cha yifwo ya chitapo chasala ndo tangwa liamuchitatu makachocha ni kahia. 18Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.
19Yifwo yize muyikakwata ha chuma cha luchisa kanda ayilia, akayoche ni kahia, alioze mweswe kanapeme mahasa kulia ye yifwo. 20Alioze mweswawo makalia yifwo ya chitapo cha mulambu wa sambukila wa Yehova shimbu kali ni luchisa, makamuteta kuli atu jenyi. 21Nyi umwe makakwata chimwe cha luchisa, chipwe luchisa wa mutu, hanji kashitu wa luchisa, hanji luchisa wa lwaji, mba chocho makalia yifwo ya chitapo cha mulambu wa sambukila wa Yehova, makamuteta kuli atu jenyi.
22Yehova yamba kuli Mose ngwenyi, 23Amba kuli A-Izalele ngwe, Kanda nulia maji, apwe a ngombe, apwe a panga, apwe a pembe. 24Maji a kashitu yoze malifwila, hanji maji a kashitu hamushiha kuli ngongo munulinga no cheswacho nunazange, alioze kanda nwalia, ka. 25Mumu mweswawo makalia maji a kuli kashitu wa kulambula ni kahia kuli Yehova kumakamuteta kuli atu jenyi. 26Chikwo nawa mu mazuwo jenu eswe kanda nulia manyinga niamwe, apwe a kajila hanji a kashitu. 27Yoze makalia manyinga eswo, makamuteta kuli atu jenyi.
28Yehova yamba kuli Mose ngwenyi, 29Amba kuli A-Izalele ngwe, Mweswe matambula chitapo cha mulambu wa sambukila kuli Yehova akanehe mulambu wenyi kuli Yehova wa ku chitapo cha mulambu wa sambukila. 30Akanehe ni moko jenyi mwene milambu ya kahia kuli Yehova. Akanehe maji hamwe ni pambo hanga akahiingise ye pambo mulambu wa kuhungisa kumeso ja Yehova. 31Sasendote akalumbe e maji ha chilumbilo, alioze pambo mulikapwa lia mbala lia Arone ni anenyi a malunga. 32Mba chilama cha chindume munukahana kuli sasendote chikapwe mulambu wa kuzundula wa ku yitapo ya milambu yenu ya sambukila. 33Hakachi ka ana ja Arone yoze makalambula manyinga ni maji a milambu ya sambukila, chilama cha chindume muchikapwa nichenyi. 34Mumu pambo lia kuhungisa ni chilama cha kuzundula ngunatambula kuli A-Izalele ku yitapo ya milambu yo ya sambukila, hingunayihana kuli sasendote Arone ni anenyi a malunga, yikapwe yihanda yo ya mutolo ya kuli A-Izalele. 35Chino muchipwa chihanda cha Arone ni anenyi a malunga, cha ku milambu ya Yehova ya kulumba ni kahia, ha tangwa lize aakunjikile kuli Yehova akamulingile usasendote. 36Yehova watumine A-Izalele akaahecho ha tangwa lize waawayishile ni maji; chiyulo cha mutolo ndusu yisemuko yo yeswe.
37Yino ye shimbi ya mulambu wa kulumba, ni ya mulambu wa wunga, ni ya mulambu ha shili, ni ya mulambu wa uhie, ni ya kulitumbikila, ni ya chitapo cha mulambu wa sambukila, 38yize Yehova yatuma Mose ha mulundu wa Sinai tangwa lize atumine A-Izalele akalambule milambu yo kuli Yehova mu puya ya Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.