ULEVI 20
20
1Yehova yamba kuli Mose ngwenyi, 2Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe. 3Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu. 4Nyi kachi akwa chifuchi mafuka meso jo kuli mwe lunga muze mahana umwe mwanenyi kuli Moleke, kamushihile, 5mba mungusa meso jami a kulimika ni mwe lunga ni atu jenyi. Mungwateta hakachi ka atu jo, ni mwene, ni waze eswe anamukaula nikulipwisa yikoi kuli Moleke.
6Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi. 7Liselenu kuli yami kashika. Pwenu asandu mumu yami Yehova Zambi yenu. 8Fungenu yiyulo yami nukayilinge. Yami Yehova mukwa kunusela ku usandu. 9Mweswawo matuka tato hanji naye akamushihe. Hatuka tato hanji naye, kashika manyinga jenyi akapwe hali iye mwene.
10Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe. 11Lunga yoze hanapombo ni pwo lia tato hanafukula uselesele wa tato.
Kashika akaashihe eswe ni aali. Manyinga jo akapwe hali ene. 12Nyi lunga mapomba ni tembwa-mwanenyi, akashihe eswe ni aali mumu halinga utanji wa undumbu. Manyinga jo akapwe hali ene. 13Nyi lunga mapomba ni lunga nikumutenga pwo, eswe aali halinga chuma cha kuvwisa lwaji. Kashika akaashihe. Manyinga jo akapwe hali ene. 14Nyi lunga mambata pwo hamuwika ni naye, acho ungulungulu. Kashika akaoche ni kahia ni mwe lunga ni mapwo eswe aali, nukachize ungulungulu hakachi kenu. 15Nyi lunga mapomba ni kashitu akashihe ni mwe lunga ni mwe kashitu. 16Nyi pwo makundama kuli kashitu akapombe nenyi, akafwe ni mwe pwo ni mwe kashitu. Akaashihe; manyinga jo akapwe hali ene.
17Nyi lunga manda ndumbwenyi, mwana wa tato, hanji mwana wa naye, akamone uselesele wenyi ni ndumbwenyi mamona uselesele wa lunga, acho chuma cha sonyi. Akaateteho kwe kumeso ja atu jo mumu hafukula uselesele wa ndumbwenyi. Kashika akambate uhenge wenyi. 18Nyi lunga mapomba ni pwo shimbu achili ku mazuwo, akamufukule, acho hafukula fuji lienyi. Ni pwo neye hanalifukula fuji lia manyinga jenyi. Eswe aali akaatete hakachi ka atu jo. 19Kanda ufukula mwanakwo wa noko hanji yayo, chipwe ndumbwa-tatenu. Acho kufukula usoko wa ha muchima. Akambate uhenge wo. 20Nyi lunga mapomba ni pwo lia natu, acho hafukula uselesele wa natu. Kashika akambate mulonga wo. Kumakafwa keshi ana. 21Nyi lunga matambula pwo lia yayo hanji mwanakwo, acho luchisa. Hafukula uselesele wa yayo hanji mwanakwo. Kechi kasema ana.
22Kashika munufunga yiyulo yami yeswe ni shimbi jami jeswe nikuyilinga, kuchina chifuchi kuze ngunanutwala kutwama muchinusaza. 23Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji. 24Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu. 25Kashika munupatula hakachi ka kashitu mupema ni kashitu wa luchisa; hakachi ka kajila wa luchisa ni kajila mupema. Kanda nulichisa ni kashitu, hanji kajila, hanji akwa kukalala ha mavu aze hinajilika kuli yenu. 26Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.
27Lunga hanji pwo mukwa mahamba, hanji mukwa tufutafuta, munushiha. Munumwasa mawe. Manyinga jo akapwe hali ene.
Currently Selected:
ULEVI 20: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 20
20
1Yehova yamba kuli Mose ngwenyi, 2Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe. 3Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu. 4Nyi kachi akwa chifuchi mafuka meso jo kuli mwe lunga muze mahana umwe mwanenyi kuli Moleke, kamushihile, 5mba mungusa meso jami a kulimika ni mwe lunga ni atu jenyi. Mungwateta hakachi ka atu jo, ni mwene, ni waze eswe anamukaula nikulipwisa yikoi kuli Moleke.
6Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi. 7Liselenu kuli yami kashika. Pwenu asandu mumu yami Yehova Zambi yenu. 8Fungenu yiyulo yami nukayilinge. Yami Yehova mukwa kunusela ku usandu. 9Mweswawo matuka tato hanji naye akamushihe. Hatuka tato hanji naye, kashika manyinga jenyi akapwe hali iye mwene.
10Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe. 11Lunga yoze hanapombo ni pwo lia tato hanafukula uselesele wa tato.
Kashika akaashihe eswe ni aali. Manyinga jo akapwe hali ene. 12Nyi lunga mapomba ni tembwa-mwanenyi, akashihe eswe ni aali mumu halinga utanji wa undumbu. Manyinga jo akapwe hali ene. 13Nyi lunga mapomba ni lunga nikumutenga pwo, eswe aali halinga chuma cha kuvwisa lwaji. Kashika akaashihe. Manyinga jo akapwe hali ene. 14Nyi lunga mambata pwo hamuwika ni naye, acho ungulungulu. Kashika akaoche ni kahia ni mwe lunga ni mapwo eswe aali, nukachize ungulungulu hakachi kenu. 15Nyi lunga mapomba ni kashitu akashihe ni mwe lunga ni mwe kashitu. 16Nyi pwo makundama kuli kashitu akapombe nenyi, akafwe ni mwe pwo ni mwe kashitu. Akaashihe; manyinga jo akapwe hali ene.
17Nyi lunga manda ndumbwenyi, mwana wa tato, hanji mwana wa naye, akamone uselesele wenyi ni ndumbwenyi mamona uselesele wa lunga, acho chuma cha sonyi. Akaateteho kwe kumeso ja atu jo mumu hafukula uselesele wa ndumbwenyi. Kashika akambate uhenge wenyi. 18Nyi lunga mapomba ni pwo shimbu achili ku mazuwo, akamufukule, acho hafukula fuji lienyi. Ni pwo neye hanalifukula fuji lia manyinga jenyi. Eswe aali akaatete hakachi ka atu jo. 19Kanda ufukula mwanakwo wa noko hanji yayo, chipwe ndumbwa-tatenu. Acho kufukula usoko wa ha muchima. Akambate uhenge wo. 20Nyi lunga mapomba ni pwo lia natu, acho hafukula uselesele wa natu. Kashika akambate mulonga wo. Kumakafwa keshi ana. 21Nyi lunga matambula pwo lia yayo hanji mwanakwo, acho luchisa. Hafukula uselesele wa yayo hanji mwanakwo. Kechi kasema ana.
22Kashika munufunga yiyulo yami yeswe ni shimbi jami jeswe nikuyilinga, kuchina chifuchi kuze ngunanutwala kutwama muchinusaza. 23Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji. 24Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu. 25Kashika munupatula hakachi ka kashitu mupema ni kashitu wa luchisa; hakachi ka kajila wa luchisa ni kajila mupema. Kanda nulichisa ni kashitu, hanji kajila, hanji akwa kukalala ha mavu aze hinajilika kuli yenu. 26Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.
27Lunga hanji pwo mukwa mahamba, hanji mukwa tufutafuta, munushiha. Munumwasa mawe. Manyinga jo akapwe hali ene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.