ULEVI 17
17
1Yehova yamba kuli Mose ngwenyi, 2Amba kuli Arone ni anenyi a malunga ni kuli A-Izalele eswe ngwe, Chuma Yehova hatumina chino, ngwenyi, 3Nyi mutu umwe wa ku vungu lia Izalele mashiha ngombe, hanji panga, hanji pembe, mu chilombo, hanji haze lia chilombo, 4alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi, 5hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova. 6Mwe sasendote akasapwile manyinga ha chilumbilo cha Yehova ku chikolo cha mbalaka ya chikungulwila. E maji akaalumbe akapwe lupembo mupema kuli Yehova. 7Chocho akalitwamine kushihila mahamba waze akulichisa no. Yino muyipwa chiyulo cha mutolo kuli ayo ndusu yisemuko yo yeswe.
8Amba kuli ayo nawa ngwe, Mutu mweswawo wa ku vungu lia Izalele, hanji wa njize waze atwama hakachi ko, matambula mulambu wa kulumba, hanji chitapo, 9nyi kaunehene ku chikolo cha mbalaka ya chikungulwila akaulambule kuli Yehova, akamutete kuli atu jenyi.
10Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi. 11Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono. 12Kashika namba kuli A-Izalele ngwami, Niumwe hakachi kenu malia manyinga, chipwe njize hakachi kenu neye kechi kalia manyinga. 13Chikwo nawa, mutu mweswawo hakachi ka A-Izalele, hanji njize yoze watwama hakachi ko, nyi mu yambu mashiha kashitu, hanji kajila yoze walita ni kulia, akwete kuhichisa manyinga jenyi nikwaluka ni mavu.
14Mumu mwono wa mukwa mwono mweswe watwama mu manyinga. Kashika hingunambe kuli A-Izalele ngwami, Kanda nulia manyinga a mukwa mwono niumwe. Mumu mwono wa mukwa mwono mweswe e manyinga jenyi, kashika mweswe maalia akamuteteko. 15Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema. 16Alioze nyi kaakosele hanji kasanyine, akambate uhenge wenyi.
Currently Selected:
ULEVI 17: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 17
17
1Yehova yamba kuli Mose ngwenyi, 2Amba kuli Arone ni anenyi a malunga ni kuli A-Izalele eswe ngwe, Chuma Yehova hatumina chino, ngwenyi, 3Nyi mutu umwe wa ku vungu lia Izalele mashiha ngombe, hanji panga, hanji pembe, mu chilombo, hanji haze lia chilombo, 4alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi, 5hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova. 6Mwe sasendote akasapwile manyinga ha chilumbilo cha Yehova ku chikolo cha mbalaka ya chikungulwila. E maji akaalumbe akapwe lupembo mupema kuli Yehova. 7Chocho akalitwamine kushihila mahamba waze akulichisa no. Yino muyipwa chiyulo cha mutolo kuli ayo ndusu yisemuko yo yeswe.
8Amba kuli ayo nawa ngwe, Mutu mweswawo wa ku vungu lia Izalele, hanji wa njize waze atwama hakachi ko, matambula mulambu wa kulumba, hanji chitapo, 9nyi kaunehene ku chikolo cha mbalaka ya chikungulwila akaulambule kuli Yehova, akamutete kuli atu jenyi.
10Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi. 11Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono. 12Kashika namba kuli A-Izalele ngwami, Niumwe hakachi kenu malia manyinga, chipwe njize hakachi kenu neye kechi kalia manyinga. 13Chikwo nawa, mutu mweswawo hakachi ka A-Izalele, hanji njize yoze watwama hakachi ko, nyi mu yambu mashiha kashitu, hanji kajila yoze walita ni kulia, akwete kuhichisa manyinga jenyi nikwaluka ni mavu.
14Mumu mwono wa mukwa mwono mweswe watwama mu manyinga. Kashika hingunambe kuli A-Izalele ngwami, Kanda nulia manyinga a mukwa mwono niumwe. Mumu mwono wa mukwa mwono mweswe e manyinga jenyi, kashika mweswe maalia akamuteteko. 15Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema. 16Alioze nyi kaakosele hanji kasanyine, akambate uhenge wenyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.