ULEVI 15
15
1Yehova yamba kuli Mose ni Arone ngwenyi, 2Ambenu kuli A-Izalele ngwenu, Muze umwe lunga mapwa ni musongo wa kuhita ku mujimba wenyi, musongo uze wa kuhita muukapwa wa luchisa. 3Shimbi ya luchisa wenyi wa kuhita yino; chipwe mujimba wenyi unachihichi, chipwe hiwalitwamina kuhita, hindu wapwa luchisa muli iye. 4Muhela weswe mapomba mukwa kuhita muukapwa wa luchisa. Homa heswaho matwamaho muhakapwa ha luchisa. 5Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi. 6Mweswawo matwama ha chuma cheswacho kuze mwe mukwa musongo wa kuhita hatwama akakose mazalo jenyi, akasane meya, mba mapwa wa luchisa ndo chingoloshi. 7Mweswawo makwata ku mujimba wa mukwa kuhita akakose mazalo jenyi, akasane meya, mba mapwa wa luchisa ndo chingoloshi. 8Nyi mukwa musongo wa kuhita mafwila mate hali umwe mupema iye makakosa mazalo jenyi, akasane meya, mba mapwa wa luchisa ndo chingoloshi. 9Selina yeswe haze mukwa kuhita makatwama muyikapwa ya luchisa. 10Mweswawo makwata chuma cheswacho hichapwa kushi lienyi, kumapwa wa luchisa ndo chingoloshi, ni mweswawo makambata chuma chize, akakose mazalo jenyi, akasane meya, mba mapwa wa luchisa ndo chingoloshi. 11Mweswawo mwe mukwa kuhita makwata kanda achikosongona moko jenyi ni meya, akakose mazalo jenyi, akasane meya, mba mapwa wa luchisa ndo chingoloshi. 12Nyi mukwa kuhita makwata ku chikwachilo cha uma machishiha. Chikwachilo cha mutondo machikosongona mu meya.
13Muze hawuka mukwa kuhita ku kuhita chenyi, malialwila matangwa shimbiali ha kulipemesa. Makosa mazalo jenyi, masana mu meya aze anende, mba mapema. 14Ha tangwa liamuchinake akande tutele aali hanji ana-a-membe aali akanjile kumeso ja Yehova ku chikolo cha mbalaka ya chikungulwila akaahane kuli sasendote. 15Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.
16Nyi kachi umwe lunga mamwanga mbuto yenyi ya ana, akasanyise mujimba wenyi weswe ni meya. Mba mapwa wa luchisa ndo chingoloshi. 17Mazalo eswe, hanji lambu lieswe kuze amwanganyine ye mbuto akayikose, mba yikapwe ya luchisa ndo chingoloshi. 18Nyi lunga kanapombo ni pwo mba mamwanga mbuto yenyi, eswe ni aali akasane meya akapwe a luchisa ndo chingoloshi.
19Muze pwo majila kumakapwa mu kuhandunuka chenyi matangwa shimbiali. Mweswawo mamukwata mapwa wa luchisa ndo chingoloshi. 20Heswaho makapomba ha kuhandunuka chenyi muhakapwa ha luchisa. Heswaho makatwama muhakapwa ha luchisa. 21Mweswawo makwata ku muhela wenyi, akakose mazalo jenyi, akasane meya, akapwe wa luchisa ndo chingoloshi. 22Mweswawo makwata chimwe chuma haze pwo hatwama, akakose mazalo jenyi, akasane meya, akapwe wa luchisa ndo chingoloshi. 23Chipwe muhela, hanji chuma cheswacho haze hatwama, muze machikwata mapwa wa luchisa ndo chingoloshi. 24Nyi lunga mapomba nenyi mba luchisa wa kuhandunuka chenyi meza hali lunga, akapwe wa luchisa matangwa shimbiali. Chikwo nawa muhela weswawo haze lunga makapomba muukapwa wa luchisa.
25Nyi pwo mahita manyinga matangwa anji, alioze hi ha matangwa jenyi a kuhandunuka ko, hanji muchihiana matangwa jenyi a kuhandunuka, matangwa eswe a kuhita chenyi makapwa wa luchisa ngwe ku matangwa jenyi a kuhandunuka. Akapwe wa luchisa. 26Muhela weswe mapomba ha matangwa eswe a kuhita chenyi ukapwe kuli iye ngwe muhela wa kuhandunuka chenyi. Chitwamo cheswacho matwama muchipwa cha luchisa, chizechene ngwe luchisa wa kuhandunuka chenyi.
27Mweswe makwata ku yino yuma mapwa wa luchisa. Akakose mazalo jenyi, akasane meya, akapwe wa luchisa ndo chingoloshi.
28Alioze nyi hapema ku kuhita chenyi akalialwile matangwa shimbiali mba kulutwe makapwa mupema. 29Ha tangwa liamuchinake akande tutele aali hanji ana-a-membe aali, akaatwale kuli sasendote ku chikolo cha mbalaka ya chikungulwila. 30Sasendote akalambule umuwika mulambu ha shili. Mukwo akapwe mulambu wa kulumba. Chocho sasendote mamufukila ha kuhita chenyi cha luchisa kumeso ja Yehova.
31Chocho mukafunga A-Izalele a kuhandununa ku luchisa wo, kuchina makafwa mu luchisa wo ha kuchisa tabernakulu yami yatwama hakachi ko.
32Yino ye shimbi kuli lunga uli ni musongo wa kuhita ni lunga yoze matuhwisa mbuto yenyi nikulipihisa nayo, 33ni kuli pwo uli ni luchisa wa kuhandunuka chenyi, ni kuli eswe, chipwe lunga, chipwe pwo, ali ni musongo wa kuhita, ni kuli lunga mapomba ni pwo yoze uli mu luchisa.
Currently Selected:
ULEVI 15: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 15
15
1Yehova yamba kuli Mose ni Arone ngwenyi, 2Ambenu kuli A-Izalele ngwenu, Muze umwe lunga mapwa ni musongo wa kuhita ku mujimba wenyi, musongo uze wa kuhita muukapwa wa luchisa. 3Shimbi ya luchisa wenyi wa kuhita yino; chipwe mujimba wenyi unachihichi, chipwe hiwalitwamina kuhita, hindu wapwa luchisa muli iye. 4Muhela weswe mapomba mukwa kuhita muukapwa wa luchisa. Homa heswaho matwamaho muhakapwa ha luchisa. 5Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi. 6Mweswawo matwama ha chuma cheswacho kuze mwe mukwa musongo wa kuhita hatwama akakose mazalo jenyi, akasane meya, mba mapwa wa luchisa ndo chingoloshi. 7Mweswawo makwata ku mujimba wa mukwa kuhita akakose mazalo jenyi, akasane meya, mba mapwa wa luchisa ndo chingoloshi. 8Nyi mukwa musongo wa kuhita mafwila mate hali umwe mupema iye makakosa mazalo jenyi, akasane meya, mba mapwa wa luchisa ndo chingoloshi. 9Selina yeswe haze mukwa kuhita makatwama muyikapwa ya luchisa. 10Mweswawo makwata chuma cheswacho hichapwa kushi lienyi, kumapwa wa luchisa ndo chingoloshi, ni mweswawo makambata chuma chize, akakose mazalo jenyi, akasane meya, mba mapwa wa luchisa ndo chingoloshi. 11Mweswawo mwe mukwa kuhita makwata kanda achikosongona moko jenyi ni meya, akakose mazalo jenyi, akasane meya, mba mapwa wa luchisa ndo chingoloshi. 12Nyi mukwa kuhita makwata ku chikwachilo cha uma machishiha. Chikwachilo cha mutondo machikosongona mu meya.
13Muze hawuka mukwa kuhita ku kuhita chenyi, malialwila matangwa shimbiali ha kulipemesa. Makosa mazalo jenyi, masana mu meya aze anende, mba mapema. 14Ha tangwa liamuchinake akande tutele aali hanji ana-a-membe aali akanjile kumeso ja Yehova ku chikolo cha mbalaka ya chikungulwila akaahane kuli sasendote. 15Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.
16Nyi kachi umwe lunga mamwanga mbuto yenyi ya ana, akasanyise mujimba wenyi weswe ni meya. Mba mapwa wa luchisa ndo chingoloshi. 17Mazalo eswe, hanji lambu lieswe kuze amwanganyine ye mbuto akayikose, mba yikapwe ya luchisa ndo chingoloshi. 18Nyi lunga kanapombo ni pwo mba mamwanga mbuto yenyi, eswe ni aali akasane meya akapwe a luchisa ndo chingoloshi.
19Muze pwo majila kumakapwa mu kuhandunuka chenyi matangwa shimbiali. Mweswawo mamukwata mapwa wa luchisa ndo chingoloshi. 20Heswaho makapomba ha kuhandunuka chenyi muhakapwa ha luchisa. Heswaho makatwama muhakapwa ha luchisa. 21Mweswawo makwata ku muhela wenyi, akakose mazalo jenyi, akasane meya, akapwe wa luchisa ndo chingoloshi. 22Mweswawo makwata chimwe chuma haze pwo hatwama, akakose mazalo jenyi, akasane meya, akapwe wa luchisa ndo chingoloshi. 23Chipwe muhela, hanji chuma cheswacho haze hatwama, muze machikwata mapwa wa luchisa ndo chingoloshi. 24Nyi lunga mapomba nenyi mba luchisa wa kuhandunuka chenyi meza hali lunga, akapwe wa luchisa matangwa shimbiali. Chikwo nawa muhela weswawo haze lunga makapomba muukapwa wa luchisa.
25Nyi pwo mahita manyinga matangwa anji, alioze hi ha matangwa jenyi a kuhandunuka ko, hanji muchihiana matangwa jenyi a kuhandunuka, matangwa eswe a kuhita chenyi makapwa wa luchisa ngwe ku matangwa jenyi a kuhandunuka. Akapwe wa luchisa. 26Muhela weswe mapomba ha matangwa eswe a kuhita chenyi ukapwe kuli iye ngwe muhela wa kuhandunuka chenyi. Chitwamo cheswacho matwama muchipwa cha luchisa, chizechene ngwe luchisa wa kuhandunuka chenyi.
27Mweswe makwata ku yino yuma mapwa wa luchisa. Akakose mazalo jenyi, akasane meya, akapwe wa luchisa ndo chingoloshi.
28Alioze nyi hapema ku kuhita chenyi akalialwile matangwa shimbiali mba kulutwe makapwa mupema. 29Ha tangwa liamuchinake akande tutele aali hanji ana-a-membe aali, akaatwale kuli sasendote ku chikolo cha mbalaka ya chikungulwila. 30Sasendote akalambule umuwika mulambu ha shili. Mukwo akapwe mulambu wa kulumba. Chocho sasendote mamufukila ha kuhita chenyi cha luchisa kumeso ja Yehova.
31Chocho mukafunga A-Izalele a kuhandununa ku luchisa wo, kuchina makafwa mu luchisa wo ha kuchisa tabernakulu yami yatwama hakachi ko.
32Yino ye shimbi kuli lunga uli ni musongo wa kuhita ni lunga yoze matuhwisa mbuto yenyi nikulipihisa nayo, 33ni kuli pwo uli ni luchisa wa kuhandunuka chenyi, ni kuli eswe, chipwe lunga, chipwe pwo, ali ni musongo wa kuhita, ni kuli lunga mapomba ni pwo yoze uli mu luchisa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.