ULEVI 1
1
1Yehova yasanyika Mose, yamba kuli iye ku mbalaka ya chikungulwila ngwenyi, 2Amba kuli A-Izalele ngwe, Muze umwe mutu hakachi kenu matambula mulambu kuli Yehova, akatambule mulambu wenyi wa yimuna; hanji ngombe, hanji panga, hanji pembe.
3Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova. 4Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi. 5Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila. 6Akazuwe mulambu wa kulumba, akamutete mu yihanda yenyi. 7Mba ana ja sasendote Arone akase kahia ha chilumbilo, atengeke kunyi ha kahia. 8Asasendote, ana ja Arone, akase ye yihanda, ni mutwe, ni maji, yeswe ya kululika mu ngango ha kunyi jize jili ha kahia ha chilumbilo. 9Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.
10Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa. 11Akamushihe kumeso ja Yehova ku lumbu lia chilumbilo liatata ku Norte. Mba asasendote, ana ja Arone, akasapwile manyinga jenyi kwa kujingilika ha chilumbilo. 12Iye mamuteta mu yihanda hamuwika ni mutwe wenyi ni maji jenyi; mwe sasendote akayise ha kunyi jize jili ha kahia ha chilumbilo, ya kululika mu ngango. 13Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.
14Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe. 15Mwe sasendote akamutwale ku chilumbilo akahonde mutwe wenyi akaulumbe ha chilumbilo. Manyinga akaahichishile ku lumbu lia chilumbilo. 16Akatukile chisakwilia ni yize yilimo akachimbile ku lumbu lia chilumbilo liatata ku Chivumbuko, ku chichilila cha uto. 17Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.
Currently Selected:
ULEVI 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 1
1
1Yehova yasanyika Mose, yamba kuli iye ku mbalaka ya chikungulwila ngwenyi, 2Amba kuli A-Izalele ngwe, Muze umwe mutu hakachi kenu matambula mulambu kuli Yehova, akatambule mulambu wenyi wa yimuna; hanji ngombe, hanji panga, hanji pembe.
3Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova. 4Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi. 5Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila. 6Akazuwe mulambu wa kulumba, akamutete mu yihanda yenyi. 7Mba ana ja sasendote Arone akase kahia ha chilumbilo, atengeke kunyi ha kahia. 8Asasendote, ana ja Arone, akase ye yihanda, ni mutwe, ni maji, yeswe ya kululika mu ngango ha kunyi jize jili ha kahia ha chilumbilo. 9Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.
10Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa. 11Akamushihe kumeso ja Yehova ku lumbu lia chilumbilo liatata ku Norte. Mba asasendote, ana ja Arone, akasapwile manyinga jenyi kwa kujingilika ha chilumbilo. 12Iye mamuteta mu yihanda hamuwika ni mutwe wenyi ni maji jenyi; mwe sasendote akayise ha kunyi jize jili ha kahia ha chilumbilo, ya kululika mu ngango. 13Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.
14Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe. 15Mwe sasendote akamutwale ku chilumbilo akahonde mutwe wenyi akaulumbe ha chilumbilo. Manyinga akaahichishile ku lumbu lia chilumbilo. 16Akatukile chisakwilia ni yize yilimo akachimbile ku lumbu lia chilumbilo liatata ku Chivumbuko, ku chichilila cha uto. 17Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.