HOZEA 7
7
1Muze munguhilwisa kuwaha cha atu jami,
muze munguwuka Izalele,
uhenge wa Eframe unasoloka
ni yitanga ya ungulungulu ya Samaria;
mumu kakulinga ni mahuza;
eji kakulokola mazuwo,
ni yingumba kakupupa mu majila.
2Hindu kazewile ngwe
yami mungwiwuluka yitanga yo yeswe yipi.
Haliapwila yilinga yo hiyaalimba;
kuyili kumeso jami.
3Kakuwahisa mwanangana ni ungulungulu wo,
kakuwahisa alemu ni mafwefwe jo.
4O kapwa eswe akwa utanji.
Kapwa ngwe jiko lia kahia,
mukwa kulinga mbolo kechi kulisosela nawa
ndo maweza futunwiso ku mbolo yize hachika kulu.
5Ha tangwa lia mwanangana wetu
alemu ayijile ni chivukuminya cha vinyu.
Wazozele kwoko lienyi hamwe ni akwa kulenya.
6Mumu mbunge jo kujakuyila ngwe jiko ni yuma ya kutaka.
Ufuku weswe utenu wo kuwakulengenya
mba ha chimene wakulekwoka ngwe milengi ya kahia.
7Eswe kali ni chivukuminya ngwe jiko;
kakulalisa akwa kuyula jo.
Mianangana jo eswe hanalimbuka
alioze kangusanyikine niumwe.
8Eframe hanalifutula ni mavungu;
Eframe kapwa ngwe mbolo yize kayalumwine ha jiko.
9Yilambala kanali tachi jenyi;
kachinyingikine.
Kambu jitoma haputuka kupwa najo;
kachinyingikine.
10Kulengumuka cha Izalele chakumushindakenya hindu kahilukile kuli Yehova Zambi yo,
chipwe kumufupa ha yino yuma yeswe.
11Eframe kapwa ngwe katele keshi mana, keshi yinyingi.
Kakutambika A-Engitu; kakuya ku Asuria.
12Shimbu machiyako mungwatela wanda wami;
mungwalimbula hashi ngwe tujila a mu tetela;
mungwaaha kastigu ya yitanga yo ya ungulungulu.
13Lamba lio mumu hanahambuluka kuli yami!
Akaonwone, mumu hanangukatukila!
Ami ngunafupu kwakula,
alioze kakuhanjika mahuza a kulimika ni yami.
14Katambikile kuli yami ni mbunge,
alioze ha mihela yo kakulila mbimbi.
Kakukungulukila mbuto ni vinyu;
kakungukatukila.
15Chipwe naalongesele ni kutakamisa moko jo
hindu kakutaka yipi ya kulimika ni yami.
16Kakutala kuli Mbale;
o kapwa ngwe uta wa mafwefwe.
Alemu jo makafwa ni katana
mumu ha shino lia malimi jo.
Chocho maakekuna mu chifuchi cha Engitu.
Currently Selected:
HOZEA 7: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
HOZEA 7
7
1Muze munguhilwisa kuwaha cha atu jami,
muze munguwuka Izalele,
uhenge wa Eframe unasoloka
ni yitanga ya ungulungulu ya Samaria;
mumu kakulinga ni mahuza;
eji kakulokola mazuwo,
ni yingumba kakupupa mu majila.
2Hindu kazewile ngwe
yami mungwiwuluka yitanga yo yeswe yipi.
Haliapwila yilinga yo hiyaalimba;
kuyili kumeso jami.
3Kakuwahisa mwanangana ni ungulungulu wo,
kakuwahisa alemu ni mafwefwe jo.
4O kapwa eswe akwa utanji.
Kapwa ngwe jiko lia kahia,
mukwa kulinga mbolo kechi kulisosela nawa
ndo maweza futunwiso ku mbolo yize hachika kulu.
5Ha tangwa lia mwanangana wetu
alemu ayijile ni chivukuminya cha vinyu.
Wazozele kwoko lienyi hamwe ni akwa kulenya.
6Mumu mbunge jo kujakuyila ngwe jiko ni yuma ya kutaka.
Ufuku weswe utenu wo kuwakulengenya
mba ha chimene wakulekwoka ngwe milengi ya kahia.
7Eswe kali ni chivukuminya ngwe jiko;
kakulalisa akwa kuyula jo.
Mianangana jo eswe hanalimbuka
alioze kangusanyikine niumwe.
8Eframe hanalifutula ni mavungu;
Eframe kapwa ngwe mbolo yize kayalumwine ha jiko.
9Yilambala kanali tachi jenyi;
kachinyingikine.
Kambu jitoma haputuka kupwa najo;
kachinyingikine.
10Kulengumuka cha Izalele chakumushindakenya hindu kahilukile kuli Yehova Zambi yo,
chipwe kumufupa ha yino yuma yeswe.
11Eframe kapwa ngwe katele keshi mana, keshi yinyingi.
Kakutambika A-Engitu; kakuya ku Asuria.
12Shimbu machiyako mungwatela wanda wami;
mungwalimbula hashi ngwe tujila a mu tetela;
mungwaaha kastigu ya yitanga yo ya ungulungulu.
13Lamba lio mumu hanahambuluka kuli yami!
Akaonwone, mumu hanangukatukila!
Ami ngunafupu kwakula,
alioze kakuhanjika mahuza a kulimika ni yami.
14Katambikile kuli yami ni mbunge,
alioze ha mihela yo kakulila mbimbi.
Kakukungulukila mbuto ni vinyu;
kakungukatukila.
15Chipwe naalongesele ni kutakamisa moko jo
hindu kakutaka yipi ya kulimika ni yami.
16Kakutala kuli Mbale;
o kapwa ngwe uta wa mafwefwe.
Alemu jo makafwa ni katana
mumu ha shino lia malimi jo.
Chocho maakekuna mu chifuchi cha Engitu.
Chokwe Bible © Bible Society in Angola, 1975.