HOZEA 4
4
1Enu A-Izalele ivwenu liji lia Yehova
mumu Yehova kanasumu akwa chifuchi.
Mu chifuchi kushishika chakuhi, chipwe utu,
chipwe kunyingika Zambi.
2Alioze chize chiliko, kutukana, ni mahuza, ni ungalwe, ni wiji, ni utanji.
Kakuhiana shimbi jeswe; ungalwe unalitumbikila ha ungalwe.
3Kashika chifuchi chinalinyenge,
ni waze eswe atwamamo kanahongo,
ni tushitu a mu yambu nawa,
ni tujila a mu tetela,
ni chipwe yishi a mu kalunga-lwiji kanaachiza.
4Chipwe chocho niumwe kanda alitachika;
niumwe kanda asuma
mumu atu je kapwa ngwe waze analitachika ni sasendote.
5Munutalinga ha mwalwa,
ni profeta matalinga hamwe ni yenu ha ufuku.
Mungwonwona noko.
6Atu jami hanaonwona mumu ha kuhona yinyingi.
Se hinwambila yinyingi,
kashika ni yami ngunanumbila ku usasendote wami.
Se hinwavulama shimbi ya Zambi yenu,
ni yami nawa munguvulama ana jenu.
7Cheswe anayi nikwoka
chocho anaweze kunguvulumuna.
Mungwalumuna uhenya wo ukapwe sonyi.
8Kakulilisa ni shili ya atu jami,
kakwivwa kuzo ha uhenge wo.
9Mba muchikapwa cheswacho mapwa atu ni asasendote nawa chocho mapwa.
Alioze mungwaaha kastigu mumu ha ndako jo,
mungwafwetesa ha yitanga yo.
10Malia alioze kechi kukuta;
malinga ukoi, alioze kechi kuliokesa,
mumu hanehuka Yehova akalalaminye ku ukoi.
11Ukoi ni vinyu kuyakuchiza mana, ni vinyu yaha nawa.
12Atu jami kakuhula ku chuma cha mutondo;
umwe mulumbu wo kakwaaha maliji.
Mumu mbunge ya ukoi hiyaapiangula;
hanehuka Zambi yo akalinge ukoi.
13Kakushiha yitapo ha mbulwa milundu;
kakulambula ha mindundena
mushi lia mitondo ya carvalho, ni alamo, ni terebine,
mumu chihuhumuke chayo Chinapeme.
Kashika anenu a mapwo kakulinga ukoi,
ni ndungi jenu kakulinga utanji.
14Chichi kuhana kastigu kuli anenu a mapwo muze malinga ukoi,
chipwe ndungi jenu muze malinga utanji;
mumu malunga ene kakuhambuluka ni yikoi
nikushiha yitapo ni yikoi a ku matembele.
Atu keshi mana kumakaonwona.
15Chipwe yenu A-Izalele munulinga ukoi,
hindu A-Yunda kanda anjila mu uhie.
Kanda nunjila mu Ngilingali;
kanda nukanduka ku Mbete-Avene;
kanda nulishinga ngwenu, Ni mwono wa Yehova.
16Ngwe chimbembe cha ngombe mukwa pami
chocho japwa pami ja Izalele.
Yehova te mahasa kwalisa
ngwe mwana-panga mu ulilo unene?
17Eframe hanalinungu ni mahamba, inwechenu!
18Kunwa cho chipi; kakulikunjika ku ukoi;
kakuzanga sonyi hi uhenya ko.
19Fuji yimwe hiyaavunga mu mapulwa jayo,
kumakevwa sonyi mumu ha yitapo yo.
Currently Selected:
HOZEA 4: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
HOZEA 4
4
1Enu A-Izalele ivwenu liji lia Yehova
mumu Yehova kanasumu akwa chifuchi.
Mu chifuchi kushishika chakuhi, chipwe utu,
chipwe kunyingika Zambi.
2Alioze chize chiliko, kutukana, ni mahuza, ni ungalwe, ni wiji, ni utanji.
Kakuhiana shimbi jeswe; ungalwe unalitumbikila ha ungalwe.
3Kashika chifuchi chinalinyenge,
ni waze eswe atwamamo kanahongo,
ni tushitu a mu yambu nawa,
ni tujila a mu tetela,
ni chipwe yishi a mu kalunga-lwiji kanaachiza.
4Chipwe chocho niumwe kanda alitachika;
niumwe kanda asuma
mumu atu je kapwa ngwe waze analitachika ni sasendote.
5Munutalinga ha mwalwa,
ni profeta matalinga hamwe ni yenu ha ufuku.
Mungwonwona noko.
6Atu jami hanaonwona mumu ha kuhona yinyingi.
Se hinwambila yinyingi,
kashika ni yami ngunanumbila ku usasendote wami.
Se hinwavulama shimbi ya Zambi yenu,
ni yami nawa munguvulama ana jenu.
7Cheswe anayi nikwoka
chocho anaweze kunguvulumuna.
Mungwalumuna uhenya wo ukapwe sonyi.
8Kakulilisa ni shili ya atu jami,
kakwivwa kuzo ha uhenge wo.
9Mba muchikapwa cheswacho mapwa atu ni asasendote nawa chocho mapwa.
Alioze mungwaaha kastigu mumu ha ndako jo,
mungwafwetesa ha yitanga yo.
10Malia alioze kechi kukuta;
malinga ukoi, alioze kechi kuliokesa,
mumu hanehuka Yehova akalalaminye ku ukoi.
11Ukoi ni vinyu kuyakuchiza mana, ni vinyu yaha nawa.
12Atu jami kakuhula ku chuma cha mutondo;
umwe mulumbu wo kakwaaha maliji.
Mumu mbunge ya ukoi hiyaapiangula;
hanehuka Zambi yo akalinge ukoi.
13Kakushiha yitapo ha mbulwa milundu;
kakulambula ha mindundena
mushi lia mitondo ya carvalho, ni alamo, ni terebine,
mumu chihuhumuke chayo Chinapeme.
Kashika anenu a mapwo kakulinga ukoi,
ni ndungi jenu kakulinga utanji.
14Chichi kuhana kastigu kuli anenu a mapwo muze malinga ukoi,
chipwe ndungi jenu muze malinga utanji;
mumu malunga ene kakuhambuluka ni yikoi
nikushiha yitapo ni yikoi a ku matembele.
Atu keshi mana kumakaonwona.
15Chipwe yenu A-Izalele munulinga ukoi,
hindu A-Yunda kanda anjila mu uhie.
Kanda nunjila mu Ngilingali;
kanda nukanduka ku Mbete-Avene;
kanda nulishinga ngwenu, Ni mwono wa Yehova.
16Ngwe chimbembe cha ngombe mukwa pami
chocho japwa pami ja Izalele.
Yehova te mahasa kwalisa
ngwe mwana-panga mu ulilo unene?
17Eframe hanalinungu ni mahamba, inwechenu!
18Kunwa cho chipi; kakulikunjika ku ukoi;
kakuzanga sonyi hi uhenya ko.
19Fuji yimwe hiyaavunga mu mapulwa jayo,
kumakevwa sonyi mumu ha yitapo yo.
Chokwe Bible © Bible Society in Angola, 1975.