HOZEA 1
1
1Liji lia Yehova lize liejile kuli Hozea mwana Mberi ha matangwa ja Uzia ni Yotame, ni Ahaze, ni Hezekia, mianangana ja Yunda ni ha matangwa ja Jeroboame mwana Njoashe mwanangana wa Izalele.
2Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova. 3Chocho yaya, yambata Ngome mwana Dibelaime, mba aye yaka ufumba, yasema mwana wa lunga.
4Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele. 5Ha tangwa lize mungukamakuna uta wa Izalele mu chikulo cha Yezerele.
6Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama,#1.6 Keke yakuhi. mumu chichi kuvwila nawa keke munyachi wa Izalele ngukaakonekene. 7Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.
8Muze te hasumuna Lo-Ruhama,#1.8 Keke yakuhi. yaka ufumba nawa, yasema mwana wa lunga. 9Yehova yamba ngwenyi, Umuluke jina lienyi, Lo-Ami,#1.9 Hi atu jami ko. mumu yenu hi nuli atu jami ko, ni yami hi nguli Zambi yenu ko.
10Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono. 11Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.
Currently Selected:
HOZEA 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
HOZEA 1
1
1Liji lia Yehova lize liejile kuli Hozea mwana Mberi ha matangwa ja Uzia ni Yotame, ni Ahaze, ni Hezekia, mianangana ja Yunda ni ha matangwa ja Jeroboame mwana Njoashe mwanangana wa Izalele.
2Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova. 3Chocho yaya, yambata Ngome mwana Dibelaime, mba aye yaka ufumba, yasema mwana wa lunga.
4Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele. 5Ha tangwa lize mungukamakuna uta wa Izalele mu chikulo cha Yezerele.
6Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama,#1.6 Keke yakuhi. mumu chichi kuvwila nawa keke munyachi wa Izalele ngukaakonekene. 7Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.
8Muze te hasumuna Lo-Ruhama,#1.8 Keke yakuhi. yaka ufumba nawa, yasema mwana wa lunga. 9Yehova yamba ngwenyi, Umuluke jina lienyi, Lo-Ami,#1.9 Hi atu jami ko. mumu yenu hi nuli atu jami ko, ni yami hi nguli Zambi yenu ko.
10Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono. 11Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.
Chokwe Bible © Bible Society in Angola, 1975.