A-HEPREU 13
13
1Kufwila cha mandumbu chikalinduluke. 2Kanda nuvulama kuzumbula ngeji: mumu ha kulinga chocho amwe hanazumbula angelo, kumanyi kachinyingikine. 3Iwulukenu funge ngwe nunakashiwa hamwe no; waze kanaalingi chipi, ngwe nuli yenwene nawa mu mujimba. 4Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila. 5Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe. 6Chocho ni kuhamuka tunambe ngwetu,
Mwene iye chikwashi chami;
chichi kevwa woma.
Atu yika mangulinga?
7Iwulukenu waze apwile tusongo twenu, waze ahanjikile kuli yenu liji lia Zambi; zewulenu songo lia kwenda cho, imbululenu Ufulielo wo. 8Yesu Kristu chimuwika apwa, ni zau, ni musono, ni ndo ku miaka ya mutolo. 9Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo. 10Chilumbilo tuli nacho, chize waze akuvumbika mbalaka keshi chiyulo cha kulilaho nichimwe. 11Mumu mijimba ya tushitu waze, manyinga jo maaneha muma musandu ku moko ja sasendote mukwa lutwe, ngwe mulambu ha shili, mayocha haze lia chihunda. 12Kashika Yesu nawa, hanga akasele ku usandu atu jenyi ku manyinga jenyi mwene, wevwile lamba haze lia chajilo. 13Kashika tutuhukenu tuye kuli iye haze, ni kumbata luchoko yoze amuchokele nenyi Kristu. 14Mumu limbo lia kulinduluka kutushi nalio hano, aiioze twakufupa lize mulizaho. 15Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi. 16Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.
17Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.
18Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe. 19Alioze ngunaliumbu kuli yenu kuhiana chikolo kulinga chino, hanga akanguhilwise kuli yenu nikawashi.
20Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo, 21akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.
22Alioze ngunaliumbu kuli yenu mandumbu, lihumikizenu ni liji lia kushinjila: mumu ngunasoneka kuli yenu ni maliji akehe. 23Nyingikenu hanatusula ndumbwetu Timoteu; nyi meza nikawashi mungukanumona hamwe nenyi, 24Menekenu tusongo twenu eswe, ni asandu eswe. Akwa Italia kananumeneka. 25Vumbi likapwe hamwe ni yenu eswe. Amene.
Currently Selected:
A-HEPREU 13: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
A-HEPREU 13
13
1Kufwila cha mandumbu chikalinduluke. 2Kanda nuvulama kuzumbula ngeji: mumu ha kulinga chocho amwe hanazumbula angelo, kumanyi kachinyingikine. 3Iwulukenu funge ngwe nunakashiwa hamwe no; waze kanaalingi chipi, ngwe nuli yenwene nawa mu mujimba. 4Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila. 5Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe. 6Chocho ni kuhamuka tunambe ngwetu,
Mwene iye chikwashi chami;
chichi kevwa woma.
Atu yika mangulinga?
7Iwulukenu waze apwile tusongo twenu, waze ahanjikile kuli yenu liji lia Zambi; zewulenu songo lia kwenda cho, imbululenu Ufulielo wo. 8Yesu Kristu chimuwika apwa, ni zau, ni musono, ni ndo ku miaka ya mutolo. 9Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo. 10Chilumbilo tuli nacho, chize waze akuvumbika mbalaka keshi chiyulo cha kulilaho nichimwe. 11Mumu mijimba ya tushitu waze, manyinga jo maaneha muma musandu ku moko ja sasendote mukwa lutwe, ngwe mulambu ha shili, mayocha haze lia chihunda. 12Kashika Yesu nawa, hanga akasele ku usandu atu jenyi ku manyinga jenyi mwene, wevwile lamba haze lia chajilo. 13Kashika tutuhukenu tuye kuli iye haze, ni kumbata luchoko yoze amuchokele nenyi Kristu. 14Mumu limbo lia kulinduluka kutushi nalio hano, aiioze twakufupa lize mulizaho. 15Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi. 16Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.
17Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.
18Tulembelenu; mumu tunakunuka mbunge yipema tuli nayo ha yuma yeswe, tunazange kwenda kanawa ha kutwala ku yuma yeswe. 19Alioze ngunaliumbu kuli yenu kuhiana chikolo kulinga chino, hanga akanguhilwise kuli yenu nikawashi.
20Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo, 21akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.
22Alioze ngunaliumbu kuli yenu mandumbu, lihumikizenu ni liji lia kushinjila: mumu ngunasoneka kuli yenu ni maliji akehe. 23Nyingikenu hanatusula ndumbwetu Timoteu; nyi meza nikawashi mungukanumona hamwe nenyi, 24Menekenu tusongo twenu eswe, ni asandu eswe. Akwa Italia kananumeneka. 25Vumbi likapwe hamwe ni yenu eswe. Amene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.