HABAKUKE 3
3
1Kulemba cha profeta Habakuke, nikulita ni laka lia Shigionote.
2Yehova, hinevwa lufuma we;
ngunavwila woma chitanga che!
Yehova, huzulula milimo ye hakachi ka miaka.
Hakachi ka miaka uyisolole.
Hakachi ka ufwatulo iwuluka keke.
3Zambi yakatuka ku Temane,
mwe Musandu yakatuka ku mulundu wa Parane.
Uhenya wenyi watakile malilu,
ni hashi liazalile ni uhaliso wenyi.(Litulike)
4Uhenya wenyi wapwile ngwe pangu;
misayo yahenyene ku kwoko lienyi;
kwenako watakile ndundo jenyi.
5Kulutwe lienyi kwayile chilungo;
misongo ya kulukumuka yamukawile kunyima.
6Yamana; yeseka hashi;
yatala; yasakumuna mavungu.
Mba milundu ya mutolo yiyimwangana;
mindundena ya miaka yahuwa.
Majila jenyi apwile ngwe ku shakulu.
7Namwene mbalaka ja Kushane ni kupinda chajo.
Mahina ja chifuchi cha Mindiane achikimine.
8Yehova, ufwatulo we wapwile wa kulimika ni njiji?
Utenu we walimikine ni njiji?
Hanji matoto je a kulimika ni kalunga-lwiji
muze wendele hali tuvwalu twe ni ha temba lie lia kukumba?
9Wafukwile uta we.
Chize walishingile ku minyachi chakolele. (Litulike)
Wapulile njiji hashi.
10Milundu yakumwene, yevwile woma.
Meya a tachi apukumukine;
kalunga-lwiji watetele
nikuzundula moko jenyi kwilu.
11Tangwa ni kakweji yamana lume muma mwo
ha kumona kuhenya cha mivu ye chize yiyenda;
ha kulejima cha kunga lie lia kupeyima.
12Yiutangunukina hashi ni ufwatulo,
nikuliata mavungu ni utenu.
13Yiutuhuka kulamwina atu je;
kulamwina yoze wamuzujilile maji.
Yiufwenya mutwe wa chingulungulu,
nikumufukula chize ku shina lia kulu ndo ku kota. (Litulike)
14Yiutuwa mitwe ya tujita twenyi ni mivu ye,
waze te ejile ngwe chijimbi akangumwange.
Te kanawahilila ngwe malia yiswale ku tenga.
15Yiuliata kalunga-lwiji ni tuvwalu twe,
che kupukumuka cha mikanya ya ndundo.
16Ngunevu, mba mujimba wami unachikima;
mivumbo yami yinachikima ha lundunjila wacho.
Yifwaha yami yinapolo;
molu jami anazeketa mushi liami.
Mungutwaminyina kúlú tangwa lia lamba muliza
hali akwa kunjila mu chifuchi chetu.
17Chipwe mukuyu kuuchi kutemuna;
chipwe miuva kuyishi mihuko;
chipwe mihuko ya mitondo ya olevwe muyihona;
chipwe minda kuyishi kupwa ni kulia;
chipwe pembe ni panga masutuka ku limba
ni ngombe akuhi mu matanga,
18hindu munguwahilila muli Yehova;
mungulikwiza muli Zambi ya ulamwino wami.
19Yehova Mwene iye tachi jami.
Kakupwisa molu jami ngwe molu a kai.
Kakungwendesa ha milundu yami.
Kuli njimba wa lutwe: ha yisaji yami ya kusa.
Currently Selected:
HABAKUKE 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
HABAKUKE 3
3
1Kulemba cha profeta Habakuke, nikulita ni laka lia Shigionote.
2Yehova, hinevwa lufuma we;
ngunavwila woma chitanga che!
Yehova, huzulula milimo ye hakachi ka miaka.
Hakachi ka miaka uyisolole.
Hakachi ka ufwatulo iwuluka keke.
3Zambi yakatuka ku Temane,
mwe Musandu yakatuka ku mulundu wa Parane.
Uhenya wenyi watakile malilu,
ni hashi liazalile ni uhaliso wenyi.(Litulike)
4Uhenya wenyi wapwile ngwe pangu;
misayo yahenyene ku kwoko lienyi;
kwenako watakile ndundo jenyi.
5Kulutwe lienyi kwayile chilungo;
misongo ya kulukumuka yamukawile kunyima.
6Yamana; yeseka hashi;
yatala; yasakumuna mavungu.
Mba milundu ya mutolo yiyimwangana;
mindundena ya miaka yahuwa.
Majila jenyi apwile ngwe ku shakulu.
7Namwene mbalaka ja Kushane ni kupinda chajo.
Mahina ja chifuchi cha Mindiane achikimine.
8Yehova, ufwatulo we wapwile wa kulimika ni njiji?
Utenu we walimikine ni njiji?
Hanji matoto je a kulimika ni kalunga-lwiji
muze wendele hali tuvwalu twe ni ha temba lie lia kukumba?
9Wafukwile uta we.
Chize walishingile ku minyachi chakolele. (Litulike)
Wapulile njiji hashi.
10Milundu yakumwene, yevwile woma.
Meya a tachi apukumukine;
kalunga-lwiji watetele
nikuzundula moko jenyi kwilu.
11Tangwa ni kakweji yamana lume muma mwo
ha kumona kuhenya cha mivu ye chize yiyenda;
ha kulejima cha kunga lie lia kupeyima.
12Yiutangunukina hashi ni ufwatulo,
nikuliata mavungu ni utenu.
13Yiutuhuka kulamwina atu je;
kulamwina yoze wamuzujilile maji.
Yiufwenya mutwe wa chingulungulu,
nikumufukula chize ku shina lia kulu ndo ku kota. (Litulike)
14Yiutuwa mitwe ya tujita twenyi ni mivu ye,
waze te ejile ngwe chijimbi akangumwange.
Te kanawahilila ngwe malia yiswale ku tenga.
15Yiuliata kalunga-lwiji ni tuvwalu twe,
che kupukumuka cha mikanya ya ndundo.
16Ngunevu, mba mujimba wami unachikima;
mivumbo yami yinachikima ha lundunjila wacho.
Yifwaha yami yinapolo;
molu jami anazeketa mushi liami.
Mungutwaminyina kúlú tangwa lia lamba muliza
hali akwa kunjila mu chifuchi chetu.
17Chipwe mukuyu kuuchi kutemuna;
chipwe miuva kuyishi mihuko;
chipwe mihuko ya mitondo ya olevwe muyihona;
chipwe minda kuyishi kupwa ni kulia;
chipwe pembe ni panga masutuka ku limba
ni ngombe akuhi mu matanga,
18hindu munguwahilila muli Yehova;
mungulikwiza muli Zambi ya ulamwino wami.
19Yehova Mwene iye tachi jami.
Kakupwisa molu jami ngwe molu a kai.
Kakungwendesa ha milundu yami.
Kuli njimba wa lutwe: ha yisaji yami ya kusa.
Chokwe Bible © Bible Society in Angola, 1975.