UPUTUKILO 45
45
1Henaho José kahashile kusúla kumeso ja waze eswe amanyineko; yateta ngwenyi, Katwisenu atu eswe kumeso jami. Kukwapwile mutu niumwe hamwe nenyi shimbu José yalisolola kuli ayayo. 2Yalila ni liji linene, ni A-Engitu evwile, ni akwa zuwo lia Falau evwile. 3José yamba kuli ayayo ngwenyi, Yami José. Tata achili ni mwono? Alioze ayayo kahashile kumukumbulula mumu alipikalile chikolo kumeso jenyi.
4José yamba kuli ayayo ngwenyi, Kundamenu kama kuli yami. O yakundama. Iye yamba ngwenyi, Yami mwanakwenu José, nwangulanjishile ku Engitu. 5Alioze haliapwila kanda nwivwa kupiha hanji utenu ha kungulanjisa mumu Zambi wangutetekesele kulutwe lia yenu ngukalamwine mwono. 6Mumu miaka yino yiali hikwapwa kapunga ku chifuchi ahoze kwasala miaka yitano kukuchi kupwa chipwe kuchipa chipwe kucha. 7Kashika Zambi wangutetekesele kunufungila kamwe ka munyachi hano hashi, kunulamwina amwono nukapwe mbunga yinene. 8Kashika hi yenu ko nwangutumine kuno, Zambi. Mba iye hangupwisa ngwe chisemi kuli Falau, mwenya zuwo lienyi heswe kanda mukwa kuyula chifuchi cheswe cha Engitu. 9Tambukenu, yénu kuli tata nukambe kuli iye ngwenu, Mwané José kanambe ngwenyi, Zambi hangupwisa mwenya Engitu. Tweya kuli yami, kanda ulaluka. 10Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe. 11Kwenako mungukanuhoka, mumu kwasala miaka yitano ya kapunga, kuchina munwiza kuswalajala, ni yena, ni akwa zuwo lie ni yikwata ye yeswe. 12Ni yenu, meso jenu anamono, ni meso ja mwanakwetu Mbenjamine, ngwami, Kanwa lia yami mwene linahanjika ni yenu. 13Munwambulwila tata uhenya wami weswe mu Engitu, ni yeswe nwamona. Munutambuka nukanehe tata kuno. 14Mbenjamine yalizewilaye, yalila ha kota yenyi, ni Mbenjamine neye yalila ha kota ya José. 15Yahanahana mbeju kuli ayayo eswe, yalila hali ayo, mba kulutwe ayayo ahanjikile nenyi.
16Lufuma wacho yaheta mu zuwo ha Falau ngwo, Ayayo a José heza. Chapemenene kuli Falau ni atu jenyi eswe. 17Falau yamba kuli José ngwenyi, Amba kuli ayayenu ngwe, Lingenu chino. Twikenu yimbulu jenu, nuye ku chifuchi cha Kanana. 18Nukasake tatenu ni akwa mazuwo jenu, nukeze kuli yami, mba mungukanwaha ye yipema ya chifuchi cha Engitu. Munukalia ya maji a mu chifuchi. 19Hinanwaha shimbi, lingenu chino. Munuya ni matemba a mu chifuchi cha Engitu nukambachilemo anenu, ni mapwo jenu, nukanehe tatenu nukeze. 20Kanda nusa mbunge ha upite wenu se yipema yeswe ya chifuchi cha Engitu hiyapwa niyenu.
21Ana ja Izalele yalinga chocho. José yaaha matemba nikulita ni shimbi ya Falau, ni ngaso ya kulia mu jila. 22Yahana kuli eswe mazalo, alioze kuli Mbenjamine yahana makulakaji atatu a mbongo ja prata, ni mazalo atano. 23Kuli tato yatuma yuma yino; kumi lia yimbulu ni yiteli yo ya yuma yipema ya Engitu, ni kumi lia yimbulu a yihwo ni yiteli yo ya mbuto, ni mbolo, ni kulia hali tato mu jila. 24Chocho yashika ayayo, o yakatuka. Yamba kuli ayo ngwenyi, Kanda nuzwela mu jila. 25Chocho yakatuka ku Engitu yeza ku chifuchi cha Kanana kuli tato Yakomba. 26Yamwambulwila ngwo, José hindu ni mwono ali. Hapwa mukwa kuyula chifuchi cheswe cha Engitu. Mbunge yenyi yiyilezumuka mumu kaafulielele. 27Yamwambulwila maliji eswe a José aze aahele, mba muze amwene matemba atumine José kumumbata, mbunge ya tato Yakomba yahuzulukile. 28Izalele yamba ngwenyi, Kunahu, mwanami José hindu kali ni mwono. Munguya ngukamutale shimbu kanda ngufwa.
Currently Selected:
UPUTUKILO 45: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
UPUTUKILO 45
45
1Henaho José kahashile kusúla kumeso ja waze eswe amanyineko; yateta ngwenyi, Katwisenu atu eswe kumeso jami. Kukwapwile mutu niumwe hamwe nenyi shimbu José yalisolola kuli ayayo. 2Yalila ni liji linene, ni A-Engitu evwile, ni akwa zuwo lia Falau evwile. 3José yamba kuli ayayo ngwenyi, Yami José. Tata achili ni mwono? Alioze ayayo kahashile kumukumbulula mumu alipikalile chikolo kumeso jenyi.
4José yamba kuli ayayo ngwenyi, Kundamenu kama kuli yami. O yakundama. Iye yamba ngwenyi, Yami mwanakwenu José, nwangulanjishile ku Engitu. 5Alioze haliapwila kanda nwivwa kupiha hanji utenu ha kungulanjisa mumu Zambi wangutetekesele kulutwe lia yenu ngukalamwine mwono. 6Mumu miaka yino yiali hikwapwa kapunga ku chifuchi ahoze kwasala miaka yitano kukuchi kupwa chipwe kuchipa chipwe kucha. 7Kashika Zambi wangutetekesele kunufungila kamwe ka munyachi hano hashi, kunulamwina amwono nukapwe mbunga yinene. 8Kashika hi yenu ko nwangutumine kuno, Zambi. Mba iye hangupwisa ngwe chisemi kuli Falau, mwenya zuwo lienyi heswe kanda mukwa kuyula chifuchi cheswe cha Engitu. 9Tambukenu, yénu kuli tata nukambe kuli iye ngwenu, Mwané José kanambe ngwenyi, Zambi hangupwisa mwenya Engitu. Tweya kuli yami, kanda ulaluka. 10Munukatwama mu chifuchi cha Ngoshone. Munukapwa hakamwihi ni yami, ni yenu ni ana jenu, ni ajikulu jenu, ni yimuna jenu, ni ngombe jenu ni yikwata yenu yeswe. 11Kwenako mungukanuhoka, mumu kwasala miaka yitano ya kapunga, kuchina munwiza kuswalajala, ni yena, ni akwa zuwo lie ni yikwata ye yeswe. 12Ni yenu, meso jenu anamono, ni meso ja mwanakwetu Mbenjamine, ngwami, Kanwa lia yami mwene linahanjika ni yenu. 13Munwambulwila tata uhenya wami weswe mu Engitu, ni yeswe nwamona. Munutambuka nukanehe tata kuno. 14Mbenjamine yalizewilaye, yalila ha kota yenyi, ni Mbenjamine neye yalila ha kota ya José. 15Yahanahana mbeju kuli ayayo eswe, yalila hali ayo, mba kulutwe ayayo ahanjikile nenyi.
16Lufuma wacho yaheta mu zuwo ha Falau ngwo, Ayayo a José heza. Chapemenene kuli Falau ni atu jenyi eswe. 17Falau yamba kuli José ngwenyi, Amba kuli ayayenu ngwe, Lingenu chino. Twikenu yimbulu jenu, nuye ku chifuchi cha Kanana. 18Nukasake tatenu ni akwa mazuwo jenu, nukeze kuli yami, mba mungukanwaha ye yipema ya chifuchi cha Engitu. Munukalia ya maji a mu chifuchi. 19Hinanwaha shimbi, lingenu chino. Munuya ni matemba a mu chifuchi cha Engitu nukambachilemo anenu, ni mapwo jenu, nukanehe tatenu nukeze. 20Kanda nusa mbunge ha upite wenu se yipema yeswe ya chifuchi cha Engitu hiyapwa niyenu.
21Ana ja Izalele yalinga chocho. José yaaha matemba nikulita ni shimbi ya Falau, ni ngaso ya kulia mu jila. 22Yahana kuli eswe mazalo, alioze kuli Mbenjamine yahana makulakaji atatu a mbongo ja prata, ni mazalo atano. 23Kuli tato yatuma yuma yino; kumi lia yimbulu ni yiteli yo ya yuma yipema ya Engitu, ni kumi lia yimbulu a yihwo ni yiteli yo ya mbuto, ni mbolo, ni kulia hali tato mu jila. 24Chocho yashika ayayo, o yakatuka. Yamba kuli ayo ngwenyi, Kanda nuzwela mu jila. 25Chocho yakatuka ku Engitu yeza ku chifuchi cha Kanana kuli tato Yakomba. 26Yamwambulwila ngwo, José hindu ni mwono ali. Hapwa mukwa kuyula chifuchi cheswe cha Engitu. Mbunge yenyi yiyilezumuka mumu kaafulielele. 27Yamwambulwila maliji eswe a José aze aahele, mba muze amwene matemba atumine José kumumbata, mbunge ya tato Yakomba yahuzulukile. 28Izalele yamba ngwenyi, Kunahu, mwanami José hindu kali ni mwono. Munguya ngukamutale shimbu kanda ngufwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.