UPUTUKILO 41
41
1Muze miaka yiali hiyahwa Falau yalota. Mu chilota chenyi kanamana ku lwiji. 2Kumanyi mwatutukile mu lwiji ngombe shimbiali apema, atoha. Yalia mwambu wa mu chikulo. 3Kumanyi mwatutukile mu lwiji nawa ngombe akwo shimbiali nikwakaula, o api, awangama, yamana hamuwika ni ngombe akwo ku mungilingili wa lwiji. 4E ngombe api, awangama yalia ngombe akwo apema, atoha. Mba Falau yalaula. 5Yapomba, yalota nawa chisuho chamuchiali. Yamona nona shimbiali jasoka ha chihupu chimuwika, jatoha, jipema. 6Kumanyi yijikaula nona jikwo shimbiali jahuhuka, jakonyata ni fuji ya ku Chivumbuko. 7Nona jize jahuhuka yijilia nona jikwo jize jatoha, jipema. Falau yalaula, kumanyi chapwile chilota. 8Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.
9Henaho mwe kapatashi ka akwa misenge yamba ngwenyi, Mba musono ngunewuluka milonga yami. 10Enu Falau watenukine ni yetu ngamba jenu. Wanguyikile mu zuwo lia kapitau ka tulayi, ni yami ni kapatashi ka akwa kulinga mbolo. 11Yitulota chilota ufuku umuwika ni iye ni yami, mutu mweswe nikulita ni ulumbunwiso wa chilota chenyi. 12Alioze umwe Ka-Hepreu twapwile nenyi, ngamba ya kapitau ka tulayi. Yitumwambulwilayo mba iye yatulumbunwina mutu mweswe chilota chenyi nikulita. 13Mba chocho yatulumbunwina chochene chapwile. Ami anguhele milimo yami nawa, iye amusukikile.
14Falau yatuma kusaka José. Yamuchiza fuji ku zuwo lia ususu, yalitewula, yazala mazalo eka, yaheta kuli Falau. 15Falau yamba kuli José ngwenyi, Hinalota chilota alioze niumwe kahashile kungulumbunwinacho. Mba hinevwa ha kutwala kuli yena ngwo, Muze muwivwa chilota muhasa kuchilumbununa. 16José yakumbulula kuli Falau ngwenyi, Muli yami kuchishimo, alioze Zambi kumahana kuli Falau kumbululo lia sambukila. 17Mba Falau yamba kuli José ngwenyi, Mu chilota chami ngunamana ku mungilingili wa lwiji. 18Mwatutukile mu lwiji ngombe shimbiali apema, atoha. Yalia ku mwambu wa mu chikulo. 19Kumanyi ngombe akwo shimbiali yatutuka nikwakaula, akalwoka, api, awangama. Te kanda nguchimona ngombe api Chichize ku miaka yeswe mu chifuchi cha Engitu. 20Mba ngombe awangama, api, alile ngombe atangu shimbiali atoha. 21Hindu muze haalia kuchi kunyingika ngwe haalia, achili api ngwe ha kuputuka. Yingulaula. 22Mba yingumona mu chilota chami nona shimbiali ha chihupu chimuwika jinene, jipema. 23Mba kulutwe kwasokele nona jikwo shimbiali jalela, jahuhuka, jakonyata ni fuji ya ku Chivumbuko. 24Nona jahuhuka yijilia nona jipema. Nachambulula kuli yimbanda alioze kukushi niumwe unahase kungulumbunwinacho.
25José yamba kuli Falau ngwenyi, Kulota cha Falau chapwa chimuwika. Zambi hanasolola kuli Falau chize anambe kulinga. 26Ngombe shimbiali apema, miaka shimbiali; nona shimbiali jipema, miaka shimbiali. Chilota chimuwika. 27Ngombe shimbiali api, awangama, ni nona shimbiali jamokomoko, jakonyata ni fuji ya ku Chivumbuko, ayo yinalumbunuka miaka shimbiali ya kapunga. 28Ngwe hinamba kuli Falau, Zambi hanasolola kuli vena Falau chize anambe kulinga. 29Miaka shimbiali yineza ya kulia cha kulumbama mu chifuchi cheswe cha Engitu. 30Mba kulutwe kumuyikeza miaka shimbiali ya kapunga, mba kumakavulama miaka yize ya kulia cha kulumbama mu chifuchi cha Engitu. Kapunga kumakakuwisa chifuchi. 31Kulumbama chize kechi kachinyingika mu chifuchi mumu ha kapunga yoze unachikaula, mumu kumakapwa mukalu chikolo. 32Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi. 33Kashika Falau akafupe umwe lunga chikanyame, mukwa mana, akamuse helu lia chifuchi cha Engitu. 34Falau akalinge chino akase nawa tupatashi helu lia chifuchi akatambule chihanda chimuwika cha yihanda yitano ndusu chifuchi cha Engitu mu miaka shimbiali ya kulia cha kulumbama. 35Akakunge kulia cheswe cha miaka yipema yize muyizaho, akasweke mbuto ku kwoko lia Falau mu yihunda yikapwe kulia, akachifunge. 36Kulia chize muchipwa cha kutulikila miaka yize shimbiali ya kapunga muyiza mu chifuchi cha Engitu. Kuchina akwa chifuchi eswe makuwa ni kapunga.
37Chuma chino chapemenene ku meso ja Falau ni ku meso ja atu jenyi eswe nawa. 38Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye. 39Falau yamba kuli José ngwenyi, Se Zambi hakulweza yino yuma yeswe niumwe mukwo wakuhi mapwa ni ukanyame ni mana ngwe yena. 40Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana. 41Yamba kuli José nawa ngwenyi, Hinakusa helu lia chifuchi cheswe cha Engitu. 42Falau yachiza kazeya kenyi ka chijikilo ku kwoko lienyi, yamusa ha kwoko lia José. Yamujika ni uzalo wa hina lipema litoma. Yasa lenge lia oru ha kota yenyi. 43Yamwendesa mu temba lienyi liamuchiali. Atu atambikile kulutwe lienyi ngwo, Fulamanenu! Yamusa kuyula chifuchi cheswe cha Engitu. 44Falau yamba kuli José ngwenyi, Yami Falau, alioze niumwe mazundula kwoko lienyi hanji kulu lienyi mu chifuchi cheswe cha Engitu ndo yena muchitayiza. 45Falau yaluka José jina ngwenyi, Yena Zafwena-penenya. Yamwaha pwo Asena, mwana wa pwo wa Potifera sasendote ya One. Mba José wapalikile chifuchi cheswe cha Engitu.
46José wapwile ni makumi atatu a miaka muze amanyine kumeso ja Falau mwanangana wa Engitu. Mba yakatuka kumeso ja Falau nikupalika chifuchi cheswe cha Engitu. 47Ha miaka shimbiali ya kulia cha kulumbama e mavu emine mbuto ya moko a tò. 48Mba iye wakungile kulia cheswe cha miaka shimbiali chapwile mu chifuchi cha Engitu. Yasweka kulia mu membo. Kulia cha mu minda yakujingilika chihunda chimwe yachiswekelamo. 49José waswekele mbuto yakulumbama ngwe masekeseke a mu kalunga-lwiji, yinji chikolo ndo halitwamina kuyalula mumu kachihashile.
50Kuli José kwasemukine ana aali a malunga shimbu te miaka ya kapunga kanda yiheta. Asena mwana wa pwo wa Potifera sasendote ya One wamusemeneno. 51Yaluka jina mukulwana ngwenyi, Manase, mumu Zambi hananguvulamisa kuhondangana chami cheswe, ni akwa zuwo lia tata. 52Jina lia mukwo wamuchiali ngwenyi, Eframe, mumu Zambi hangwaha ana mu chifuchi cha lamba liami.
53Mba miaka shimbiali ya kulia cha kulumbama mu chifuchi cha Engitu yahwile. 54Miaka shimbiali ya kapunga yaputuka, nikulita ni liji lia José. Kwapwile kapunga mu yifuchi yeswe alioze mu chifuchi cheswe cha Engitu mwapwile kulia. 55Muze atu eswe mu chifuchi cha Engitu evwile zala atambikile kuli Falau akaahe kulia. Mba Falau yamba kuli A-Engitu eswe ngwenyi, Yénu kuli José. Cheswacho manwamba, lingenu. 56Kapunga wapwile hashi heswe, mba José wazulwile machila eswe nikulanjisa kuli A-Engitu. Kapunga te mukalu mu chifuchi cha Engitu. 57Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.
Currently Selected:
UPUTUKILO 41: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
UPUTUKILO 41
41
1Muze miaka yiali hiyahwa Falau yalota. Mu chilota chenyi kanamana ku lwiji. 2Kumanyi mwatutukile mu lwiji ngombe shimbiali apema, atoha. Yalia mwambu wa mu chikulo. 3Kumanyi mwatutukile mu lwiji nawa ngombe akwo shimbiali nikwakaula, o api, awangama, yamana hamuwika ni ngombe akwo ku mungilingili wa lwiji. 4E ngombe api, awangama yalia ngombe akwo apema, atoha. Mba Falau yalaula. 5Yapomba, yalota nawa chisuho chamuchiali. Yamona nona shimbiali jasoka ha chihupu chimuwika, jatoha, jipema. 6Kumanyi yijikaula nona jikwo shimbiali jahuhuka, jakonyata ni fuji ya ku Chivumbuko. 7Nona jize jahuhuka yijilia nona jikwo jize jatoha, jipema. Falau yalaula, kumanyi chapwile chilota. 8Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.
9Henaho mwe kapatashi ka akwa misenge yamba ngwenyi, Mba musono ngunewuluka milonga yami. 10Enu Falau watenukine ni yetu ngamba jenu. Wanguyikile mu zuwo lia kapitau ka tulayi, ni yami ni kapatashi ka akwa kulinga mbolo. 11Yitulota chilota ufuku umuwika ni iye ni yami, mutu mweswe nikulita ni ulumbunwiso wa chilota chenyi. 12Alioze umwe Ka-Hepreu twapwile nenyi, ngamba ya kapitau ka tulayi. Yitumwambulwilayo mba iye yatulumbunwina mutu mweswe chilota chenyi nikulita. 13Mba chocho yatulumbunwina chochene chapwile. Ami anguhele milimo yami nawa, iye amusukikile.
14Falau yatuma kusaka José. Yamuchiza fuji ku zuwo lia ususu, yalitewula, yazala mazalo eka, yaheta kuli Falau. 15Falau yamba kuli José ngwenyi, Hinalota chilota alioze niumwe kahashile kungulumbunwinacho. Mba hinevwa ha kutwala kuli yena ngwo, Muze muwivwa chilota muhasa kuchilumbununa. 16José yakumbulula kuli Falau ngwenyi, Muli yami kuchishimo, alioze Zambi kumahana kuli Falau kumbululo lia sambukila. 17Mba Falau yamba kuli José ngwenyi, Mu chilota chami ngunamana ku mungilingili wa lwiji. 18Mwatutukile mu lwiji ngombe shimbiali apema, atoha. Yalia ku mwambu wa mu chikulo. 19Kumanyi ngombe akwo shimbiali yatutuka nikwakaula, akalwoka, api, awangama. Te kanda nguchimona ngombe api Chichize ku miaka yeswe mu chifuchi cha Engitu. 20Mba ngombe awangama, api, alile ngombe atangu shimbiali atoha. 21Hindu muze haalia kuchi kunyingika ngwe haalia, achili api ngwe ha kuputuka. Yingulaula. 22Mba yingumona mu chilota chami nona shimbiali ha chihupu chimuwika jinene, jipema. 23Mba kulutwe kwasokele nona jikwo shimbiali jalela, jahuhuka, jakonyata ni fuji ya ku Chivumbuko. 24Nona jahuhuka yijilia nona jipema. Nachambulula kuli yimbanda alioze kukushi niumwe unahase kungulumbunwinacho.
25José yamba kuli Falau ngwenyi, Kulota cha Falau chapwa chimuwika. Zambi hanasolola kuli Falau chize anambe kulinga. 26Ngombe shimbiali apema, miaka shimbiali; nona shimbiali jipema, miaka shimbiali. Chilota chimuwika. 27Ngombe shimbiali api, awangama, ni nona shimbiali jamokomoko, jakonyata ni fuji ya ku Chivumbuko, ayo yinalumbunuka miaka shimbiali ya kapunga. 28Ngwe hinamba kuli Falau, Zambi hanasolola kuli vena Falau chize anambe kulinga. 29Miaka shimbiali yineza ya kulia cha kulumbama mu chifuchi cheswe cha Engitu. 30Mba kulutwe kumuyikeza miaka shimbiali ya kapunga, mba kumakavulama miaka yize ya kulia cha kulumbama mu chifuchi cha Engitu. Kapunga kumakakuwisa chifuchi. 31Kulumbama chize kechi kachinyingika mu chifuchi mumu ha kapunga yoze unachikaula, mumu kumakapwa mukalu chikolo. 32Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi. 33Kashika Falau akafupe umwe lunga chikanyame, mukwa mana, akamuse helu lia chifuchi cha Engitu. 34Falau akalinge chino akase nawa tupatashi helu lia chifuchi akatambule chihanda chimuwika cha yihanda yitano ndusu chifuchi cha Engitu mu miaka shimbiali ya kulia cha kulumbama. 35Akakunge kulia cheswe cha miaka yipema yize muyizaho, akasweke mbuto ku kwoko lia Falau mu yihunda yikapwe kulia, akachifunge. 36Kulia chize muchipwa cha kutulikila miaka yize shimbiali ya kapunga muyiza mu chifuchi cha Engitu. Kuchina akwa chifuchi eswe makuwa ni kapunga.
37Chuma chino chapemenene ku meso ja Falau ni ku meso ja atu jenyi eswe nawa. 38Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye. 39Falau yamba kuli José ngwenyi, Se Zambi hakulweza yino yuma yeswe niumwe mukwo wakuhi mapwa ni ukanyame ni mana ngwe yena. 40Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana. 41Yamba kuli José nawa ngwenyi, Hinakusa helu lia chifuchi cheswe cha Engitu. 42Falau yachiza kazeya kenyi ka chijikilo ku kwoko lienyi, yamusa ha kwoko lia José. Yamujika ni uzalo wa hina lipema litoma. Yasa lenge lia oru ha kota yenyi. 43Yamwendesa mu temba lienyi liamuchiali. Atu atambikile kulutwe lienyi ngwo, Fulamanenu! Yamusa kuyula chifuchi cheswe cha Engitu. 44Falau yamba kuli José ngwenyi, Yami Falau, alioze niumwe mazundula kwoko lienyi hanji kulu lienyi mu chifuchi cheswe cha Engitu ndo yena muchitayiza. 45Falau yaluka José jina ngwenyi, Yena Zafwena-penenya. Yamwaha pwo Asena, mwana wa pwo wa Potifera sasendote ya One. Mba José wapalikile chifuchi cheswe cha Engitu.
46José wapwile ni makumi atatu a miaka muze amanyine kumeso ja Falau mwanangana wa Engitu. Mba yakatuka kumeso ja Falau nikupalika chifuchi cheswe cha Engitu. 47Ha miaka shimbiali ya kulia cha kulumbama e mavu emine mbuto ya moko a tò. 48Mba iye wakungile kulia cheswe cha miaka shimbiali chapwile mu chifuchi cha Engitu. Yasweka kulia mu membo. Kulia cha mu minda yakujingilika chihunda chimwe yachiswekelamo. 49José waswekele mbuto yakulumbama ngwe masekeseke a mu kalunga-lwiji, yinji chikolo ndo halitwamina kuyalula mumu kachihashile.
50Kuli José kwasemukine ana aali a malunga shimbu te miaka ya kapunga kanda yiheta. Asena mwana wa pwo wa Potifera sasendote ya One wamusemeneno. 51Yaluka jina mukulwana ngwenyi, Manase, mumu Zambi hananguvulamisa kuhondangana chami cheswe, ni akwa zuwo lia tata. 52Jina lia mukwo wamuchiali ngwenyi, Eframe, mumu Zambi hangwaha ana mu chifuchi cha lamba liami.
53Mba miaka shimbiali ya kulia cha kulumbama mu chifuchi cha Engitu yahwile. 54Miaka shimbiali ya kapunga yaputuka, nikulita ni liji lia José. Kwapwile kapunga mu yifuchi yeswe alioze mu chifuchi cheswe cha Engitu mwapwile kulia. 55Muze atu eswe mu chifuchi cha Engitu evwile zala atambikile kuli Falau akaahe kulia. Mba Falau yamba kuli A-Engitu eswe ngwenyi, Yénu kuli José. Cheswacho manwamba, lingenu. 56Kapunga wapwile hashi heswe, mba José wazulwile machila eswe nikulanjisa kuli A-Engitu. Kapunga te mukalu mu chifuchi cha Engitu. 57Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.