A-NGALASHIA 1
1
1Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu); 2ni mandumbu waze eswe ali hamwe ni yami,
Ku yikungulwila ya mu Ngalashia:
3Vumbi kuli yenu ni sambukila ya kuli Zambi mwe Tata, ni Mwene wetu Yesu Kristu, 4yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu. 5Uhenya ukapwe kuli iye ndo ku miaka yeswe ya mutolo. Amene.
6Ngunakomoka kumona nikawashi Chichize nunatutuluka kuli yoze wanutambikile mu vumbi lia Kristu, nikuya ku sango lipema lieka; 7lize hi sango lipema likwo ko; alioze kwali amwe, waze akunupikala nikuzanga kuhengesa sango lipema lia Kristu. 8Alioze kachi yetu, chipwe mungelo wa mwilu, manwambulwila sango lipema likwo, lialipwila ni lize twanwambulwilile, ngwetu, Akashingiwe. 9Chizechene ngwe hitwamba kulu, chocho ngunambe haliapwila cheka nawa ngwami, Kachi umwe manwambulwila sango lipema likwo lialipwila ni lize twanwambulwilile, ngwetu, Akashingiwe.
10Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.
11Mumu ngunanunyingikisa, mandumbu, ha kutwala ku sango lipema lize nambujolele ngwami, Hi lia kulita ni atu ko. 12Mumu chipwe kuli atu chalitambwile, chipwe kangulongeselelio, alioze nalitambwile mu usolwelo kuli Yesu Kristu. 13Mumu hinunevu ha kwenda chami cha kunyima mu Uyunda, ngwe chize kuhiana chikolo nahungumionene chikungulwila cha Zambi, nikuchenyeka. 14Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka. 15Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi, 16mukusolola Mwanenyi muli yami, hanga ngukamwambujole hakachi ka akwa mavungu; haze hene chahanjikile ni atu a musunya ni manyinga, 17chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.
18Kulutwe lia miaka yitatu nakandukile ku Yerusaleme mukunyingika Petulu, natwamine hamwe nenyi kumi lia matangwa ni matangwa atano. 19Alioze akwo a kuli apostolo chamwene niamwe shina Tiangu mwanakwo wa Mwene. 20Achi, ha kutwala ku yuma yize ngunasoneka kuli yenu, kumeso ja Zambi, chahanjikile mahuza. 21Kulutwe lia chino, nayile ku yifuchi ya kujingilika Seria ni Selishia. 22Alioze yikungulwila ya mu Yundeya muli Kristu kangunyingikine ku meso; 23chino wika evwile ngwo, Yoze watuhungumionene kunyima, haliapwila kakwambujola sango lipema lia Ufulielo uze wawenyekene kunyima. 24O achichimiekene Zambi muli yami.
Currently Selected:
A-NGALASHIA 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
A-NGALASHIA 1
1
1Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu); 2ni mandumbu waze eswe ali hamwe ni yami,
Ku yikungulwila ya mu Ngalashia:
3Vumbi kuli yenu ni sambukila ya kuli Zambi mwe Tata, ni Mwene wetu Yesu Kristu, 4yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu. 5Uhenya ukapwe kuli iye ndo ku miaka yeswe ya mutolo. Amene.
6Ngunakomoka kumona nikawashi Chichize nunatutuluka kuli yoze wanutambikile mu vumbi lia Kristu, nikuya ku sango lipema lieka; 7lize hi sango lipema likwo ko; alioze kwali amwe, waze akunupikala nikuzanga kuhengesa sango lipema lia Kristu. 8Alioze kachi yetu, chipwe mungelo wa mwilu, manwambulwila sango lipema likwo, lialipwila ni lize twanwambulwilile, ngwetu, Akashingiwe. 9Chizechene ngwe hitwamba kulu, chocho ngunambe haliapwila cheka nawa ngwami, Kachi umwe manwambulwila sango lipema likwo lialipwila ni lize twanwambulwilile, ngwetu, Akashingiwe.
10Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.
11Mumu ngunanunyingikisa, mandumbu, ha kutwala ku sango lipema lize nambujolele ngwami, Hi lia kulita ni atu ko. 12Mumu chipwe kuli atu chalitambwile, chipwe kangulongeselelio, alioze nalitambwile mu usolwelo kuli Yesu Kristu. 13Mumu hinunevu ha kwenda chami cha kunyima mu Uyunda, ngwe chize kuhiana chikolo nahungumionene chikungulwila cha Zambi, nikuchenyeka. 14Nasenyene kulutwe mu Uyunda kuhiana anji a kuli mulietu hakachi ka akwa vungu liami, ni kulinga ni mbunge yeswe kuhiana ha ndongo ja akaka. 15Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi, 16mukusolola Mwanenyi muli yami, hanga ngukamwambujole hakachi ka akwa mavungu; haze hene chahanjikile ni atu a musunya ni manyinga, 17chipwe chakandukile ku Yerusaleme kuli waze aliangile kupwa apostolo alioze nayile ku Arabia; ni cheka nawa nahilukile ku Ndamaseku.
18Kulutwe lia miaka yitatu nakandukile ku Yerusaleme mukunyingika Petulu, natwamine hamwe nenyi kumi lia matangwa ni matangwa atano. 19Alioze akwo a kuli apostolo chamwene niamwe shina Tiangu mwanakwo wa Mwene. 20Achi, ha kutwala ku yuma yize ngunasoneka kuli yenu, kumeso ja Zambi, chahanjikile mahuza. 21Kulutwe lia chino, nayile ku yifuchi ya kujingilika Seria ni Selishia. 22Alioze yikungulwila ya mu Yundeya muli Kristu kangunyingikine ku meso; 23chino wika evwile ngwo, Yoze watuhungumionene kunyima, haliapwila kakwambujola sango lipema lia Ufulielo uze wawenyekene kunyima. 24O achichimiekene Zambi muli yami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.