KUTUHUKA 11
11
1Yehova yamba kuli Mose ngwenyi, Kwasala hindu chilungo chimuwika mungukatuma hali Falau ni hali A-Engitu, mba kulutwe iye kumakanwecha nukatuke ku chifuchi. Muze makanwecha kuya pundu, kumakanuhumamo liakulu. 2Uhanjike haliapwila ku matwi ja atu, lunga mweswe akete upite wa prata ni wa oru kuli yoze walihata nenyi, ni pwo mweswe nawa akete kuli yoze walihata nenyi. 3E atu apemenene A-Engitu ni vumbi kuli Yehova. Chikwo nawa, mwe lunga Mose yapwa mutu munene chikolo mu chifuchi cha Engitu ni kumeso ja ngamba ja Falau ni kumeso ja e atu.
4Mose yamba ngwenyi, Chocho anambe Yehova ngwenyi, Ha muchima ufuku mungukapalika mukachi ka chifuchi cha Engitu, 5mba tupula-majimo a mu chifuchi cha Engitu kumafwa chize kuli kapula-jimo wa Falau watwama ha ngunja yenyi ndo kuli kapula-jimo wa ngamba wa pwo wakutwatwa wunga; tupula-majimo twa tushitu nawa. 6Kumukukapwa muteto unene ndusu mu chifuchi cha Engitu. Kanda kupwa unene ngwe uno, chipwe kulutwe kukuchi kapwa nawa. 7Alioze chipwe kawa kechi kakenanyina niumwe wa kuli A-Izalele, chipwe kukenanyina mutu, chipwe kashitu, ka, hanga nukanyingike ngwenu, Yehova hanahandununa hakachi ka A-Engitu ni A-Izalele. 8Wano eswe ngamba je kumakapalumuka kuli yami, kumakafukama kuli yami, nikwamba ngwo, Katukenu, yénu ni atu eswe akukukaula. Mba kulutwe lia yino yami mungukakatuka. Chocho yakatuka kuli Falau ni utenu wunji. 9Yehova yamba kuli Mose ngwenyi, Falau kechi kahalakana kuli yena, hanga yikomokeso yami yoke mu chifuchi cha Engitu.
10Mose ni Arone alingile yikomokeso yino yeswe kumeso ja Falau. Yehova yakalisa mbunge ya Falau. Kechele A-Izalele akatuke ku chifuchi chenyi.
Currently Selected:
KUTUHUKA 11: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 11
11
1Yehova yamba kuli Mose ngwenyi, Kwasala hindu chilungo chimuwika mungukatuma hali Falau ni hali A-Engitu, mba kulutwe iye kumakanwecha nukatuke ku chifuchi. Muze makanwecha kuya pundu, kumakanuhumamo liakulu. 2Uhanjike haliapwila ku matwi ja atu, lunga mweswe akete upite wa prata ni wa oru kuli yoze walihata nenyi, ni pwo mweswe nawa akete kuli yoze walihata nenyi. 3E atu apemenene A-Engitu ni vumbi kuli Yehova. Chikwo nawa, mwe lunga Mose yapwa mutu munene chikolo mu chifuchi cha Engitu ni kumeso ja ngamba ja Falau ni kumeso ja e atu.
4Mose yamba ngwenyi, Chocho anambe Yehova ngwenyi, Ha muchima ufuku mungukapalika mukachi ka chifuchi cha Engitu, 5mba tupula-majimo a mu chifuchi cha Engitu kumafwa chize kuli kapula-jimo wa Falau watwama ha ngunja yenyi ndo kuli kapula-jimo wa ngamba wa pwo wakutwatwa wunga; tupula-majimo twa tushitu nawa. 6Kumukukapwa muteto unene ndusu mu chifuchi cha Engitu. Kanda kupwa unene ngwe uno, chipwe kulutwe kukuchi kapwa nawa. 7Alioze chipwe kawa kechi kakenanyina niumwe wa kuli A-Izalele, chipwe kukenanyina mutu, chipwe kashitu, ka, hanga nukanyingike ngwenu, Yehova hanahandununa hakachi ka A-Engitu ni A-Izalele. 8Wano eswe ngamba je kumakapalumuka kuli yami, kumakafukama kuli yami, nikwamba ngwo, Katukenu, yénu ni atu eswe akukukaula. Mba kulutwe lia yino yami mungukakatuka. Chocho yakatuka kuli Falau ni utenu wunji. 9Yehova yamba kuli Mose ngwenyi, Falau kechi kahalakana kuli yena, hanga yikomokeso yami yoke mu chifuchi cha Engitu.
10Mose ni Arone alingile yikomokeso yino yeswe kumeso ja Falau. Yehova yakalisa mbunge ya Falau. Kechele A-Izalele akatuke ku chifuchi chenyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.