KUTUHUKA 1
1
1A-Izalele ayile ku Engitu hamwe ni Yakomba, lunga ni lunga ni akwa jiko lienyi, majina jo wano; 2ni Rupene, ni Simeone, ni Levi, ni Yunda, 3ni Isaka, ni Zapulone, ni Mbenjamine, 4ni Ndane, ni Napatali, ni Ngate, ni Ashe. 5Atu eswe aze asemukine kuli Yakomba apwile makumi shimbiali a atu; José te hapwa kulu mu Engitu. 6Yafwa José; yafwa nawa ayayo eswe ni akwa chisemuko chize eswe. 7A-Izalele asemene, okele chikolo, alumbamine, akanganyine; chifuchi yichitakana no.
8Aswanyishine mwanangana weka wa Engitu, umwe kanyingikine José. 9Iye yamba kuli atu jenyi ngwenyi, Talenu, atu A-Izalele kanoko, kanatuhiana, kanakangana ni tachi. 10Tuyenu, tulinge kuli ayo ni mana kuchina moka, mumu kachi mukupwa jita, o makalifutula ni akwa kole jetu, akaliase ni yetu mba kumakakatuka ku chifuchi. 11Kashika asele tupatashi mukwapinjisa ni yiteli. O yatungila Falau membo, Pitome ni Ramese, mukutulikilamo upite. 12Alioze chize cheswe alikolezele kwapinjisa, ahianyine kwoka. Yalitanda ku chifuchi cheswe. A-Engitu evwilile kupiha chinji A-Izalele. 13A-Engitu alingishile A-Izalele ni uswi. 14Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.
15Mwanangana wa Engitu yahanjika ni yifunguji a kuli A-Hepreu, mukwo jina lienyi Shipara, ni mukwo jina lienyi Puvwa, 16ngwenyi, Muze munufungula mwana kuli mapwo A-Hepreu, ha kwamona maya ku punga ya kusemena, nyi mwana wa lunga, numushihe lume, alioze nyi wa pwo, atwame ni mwono. 17Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga. 18Mwanangana wa Engitu watambikile yifunguji, yamba ngwenyi, Kuchi te nwalinga chino, nikufunga ni mwono ana a malunga? 19Yifunguji ambile kuli Falau ngwo, Mapwo A-Hepreu kapwile ngwe mapwo ja A-Engitu, ka, mumu kapindu akwete. Shimbu yifunguji kanda ahetako, o te hasema kulu. 20Zambi walingile ni vumbi kuli yifunguji. E atu okele, akanganyine. 21Mba kutala se e yifunguji kanavwila woma Zambi iye yaapwisa semi ja ana. 22Falau yahana shimbi kuli atu jenyi eswe, ngwenyi, Ana a malunga eswe masemuka nwambile mu lwiji, ana a mapwo eswe atwame ni mwono.
Currently Selected:
KUTUHUKA 1: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
KUTUHUKA 1
1
1A-Izalele ayile ku Engitu hamwe ni Yakomba, lunga ni lunga ni akwa jiko lienyi, majina jo wano; 2ni Rupene, ni Simeone, ni Levi, ni Yunda, 3ni Isaka, ni Zapulone, ni Mbenjamine, 4ni Ndane, ni Napatali, ni Ngate, ni Ashe. 5Atu eswe aze asemukine kuli Yakomba apwile makumi shimbiali a atu; José te hapwa kulu mu Engitu. 6Yafwa José; yafwa nawa ayayo eswe ni akwa chisemuko chize eswe. 7A-Izalele asemene, okele chikolo, alumbamine, akanganyine; chifuchi yichitakana no.
8Aswanyishine mwanangana weka wa Engitu, umwe kanyingikine José. 9Iye yamba kuli atu jenyi ngwenyi, Talenu, atu A-Izalele kanoko, kanatuhiana, kanakangana ni tachi. 10Tuyenu, tulinge kuli ayo ni mana kuchina moka, mumu kachi mukupwa jita, o makalifutula ni akwa kole jetu, akaliase ni yetu mba kumakakatuka ku chifuchi. 11Kashika asele tupatashi mukwapinjisa ni yiteli. O yatungila Falau membo, Pitome ni Ramese, mukutulikilamo upite. 12Alioze chize cheswe alikolezele kwapinjisa, ahianyine kwoka. Yalitanda ku chifuchi cheswe. A-Engitu evwilile kupiha chinji A-Izalele. 13A-Engitu alingishile A-Izalele ni uswi. 14Yaashata milimo yikalu ya ndambo, ni ya tijolo, ni ya milimo yeka ni yeka ya mu minda. Yaalingisayo yeswe ni uswi.
15Mwanangana wa Engitu yahanjika ni yifunguji a kuli A-Hepreu, mukwo jina lienyi Shipara, ni mukwo jina lienyi Puvwa, 16ngwenyi, Muze munufungula mwana kuli mapwo A-Hepreu, ha kwamona maya ku punga ya kusemena, nyi mwana wa lunga, numushihe lume, alioze nyi wa pwo, atwame ni mwono. 17Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga. 18Mwanangana wa Engitu watambikile yifunguji, yamba ngwenyi, Kuchi te nwalinga chino, nikufunga ni mwono ana a malunga? 19Yifunguji ambile kuli Falau ngwo, Mapwo A-Hepreu kapwile ngwe mapwo ja A-Engitu, ka, mumu kapindu akwete. Shimbu yifunguji kanda ahetako, o te hasema kulu. 20Zambi walingile ni vumbi kuli yifunguji. E atu okele, akanganyine. 21Mba kutala se e yifunguji kanavwila woma Zambi iye yaapwisa semi ja ana. 22Falau yahana shimbi kuli atu jenyi eswe, ngwenyi, Ana a malunga eswe masemuka nwambile mu lwiji, ana a mapwo eswe atwame ni mwono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.