AMOSE 6
6
1Lamba kuli waze anatwama nikwoloka mu Zaione,
ni waze anatwama kawape ha mulundu wa Samaria,
malunga alemu a mavungu akwa lutwe,
kuli ayo akwa munyachi wa Izalele kakuya.
2Yénu ku Kalenehe numone;
mba chize ku kuze yénu ku Hamate yinene,
mba nupalumuke ku Ngata ya A-Filistea.
O te ahiana mavungu wano?
Hanji chifuchi cho chinene, cha yenu chikehe?
3Yenu ngunahula, nwakumona kusuku lie tangwa lipi
nwakukoka hakamwihi chitwamo cha upupilo.
4Lamba kuli waze akupomba ha mihela ya mazo a njamba
nikuholola ha miu yo.
Waze akulia ana-mapanga a ku mbunga
ni yimbembe ya ngombe a hakachi ka tanga.
Waze akwimba miaso ya uleya ku liji ha
5kalialia ngwe David kakulinyongena yisaji ya miaso.
6Kakunwa vinyu mu misenge yinene;
kakulikwita maji apema alioze kevwile kupiha ha kuji-ni-tomo lia José.
7Haliapwila kashika mapwa e atangu hakachi ka waze maya ku unjize,
ni chimbangwinya cha akwa kuliolola muchikahwa.
8Yehova mwe Zambi-ya-Tujita ngwenyi,
Mwene Yehova halishinga ni jina lienyi mwene ngwenyi,
Kulengumuka cha Yakomba changuvwisa lwaji;
mbonge jenyi jangupihila,
kashika mungukunjika chihunda ni yize yeswe yilimo.
9Nyi kumi lia malunga masala mu zuwo limuwika kumakafwa. 10Mba muze usoko wa mutu, yoze te mamwocha, mamuzundula kuchiza yifwaha mu zuwo, mamba kuli mukwo uli mwe muchima lia zuwo ngwenyi, Kwasala umwe mukwo nawa hamwe ni yena? Aye makumbulula ngwenyi, Ka. Mba mukwo mamba ngwenyi, Kala! Mumu kuchatutambile kuvuluka jina lia Yehova.
11Mumu Yehova kanatumu,
mba lie zuwo linene malifwenyona,
ni zuwo likepe malipalwola yipalupalu.
12Tuvwalu kakuzomboka ha yimawe?
Kakuchipa kalunga-lwiji ni ngombe?
Alioze enu hinwalumuna upatwilo wa kulita mu utende;
ni mihuko ya ululi hinwayalumuna musase.
13Enu nwakuwahilila ni Lo-Devale nikwamba ngwenu,
Te ni tachi ja yetwene kutwatambwile Karnaime?
14Yehova Zambi-ya-Tujita kanambe ngwenyi,
Mungusolola limwe vungu kulimika ni yenu
munyachi wa Izalele.
O kumakanupinjisa chize ku unjililo wa Hamate
ndo ku chitwetwe cha ku Arapa.
Currently Selected:
AMOSE 6: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
AMOSE 6
6
1Lamba kuli waze anatwama nikwoloka mu Zaione,
ni waze anatwama kawape ha mulundu wa Samaria,
malunga alemu a mavungu akwa lutwe,
kuli ayo akwa munyachi wa Izalele kakuya.
2Yénu ku Kalenehe numone;
mba chize ku kuze yénu ku Hamate yinene,
mba nupalumuke ku Ngata ya A-Filistea.
O te ahiana mavungu wano?
Hanji chifuchi cho chinene, cha yenu chikehe?
3Yenu ngunahula, nwakumona kusuku lie tangwa lipi
nwakukoka hakamwihi chitwamo cha upupilo.
4Lamba kuli waze akupomba ha mihela ya mazo a njamba
nikuholola ha miu yo.
Waze akulia ana-mapanga a ku mbunga
ni yimbembe ya ngombe a hakachi ka tanga.
Waze akwimba miaso ya uleya ku liji ha
5kalialia ngwe David kakulinyongena yisaji ya miaso.
6Kakunwa vinyu mu misenge yinene;
kakulikwita maji apema alioze kevwile kupiha ha kuji-ni-tomo lia José.
7Haliapwila kashika mapwa e atangu hakachi ka waze maya ku unjize,
ni chimbangwinya cha akwa kuliolola muchikahwa.
8Yehova mwe Zambi-ya-Tujita ngwenyi,
Mwene Yehova halishinga ni jina lienyi mwene ngwenyi,
Kulengumuka cha Yakomba changuvwisa lwaji;
mbonge jenyi jangupihila,
kashika mungukunjika chihunda ni yize yeswe yilimo.
9Nyi kumi lia malunga masala mu zuwo limuwika kumakafwa. 10Mba muze usoko wa mutu, yoze te mamwocha, mamuzundula kuchiza yifwaha mu zuwo, mamba kuli mukwo uli mwe muchima lia zuwo ngwenyi, Kwasala umwe mukwo nawa hamwe ni yena? Aye makumbulula ngwenyi, Ka. Mba mukwo mamba ngwenyi, Kala! Mumu kuchatutambile kuvuluka jina lia Yehova.
11Mumu Yehova kanatumu,
mba lie zuwo linene malifwenyona,
ni zuwo likepe malipalwola yipalupalu.
12Tuvwalu kakuzomboka ha yimawe?
Kakuchipa kalunga-lwiji ni ngombe?
Alioze enu hinwalumuna upatwilo wa kulita mu utende;
ni mihuko ya ululi hinwayalumuna musase.
13Enu nwakuwahilila ni Lo-Devale nikwamba ngwenu,
Te ni tachi ja yetwene kutwatambwile Karnaime?
14Yehova Zambi-ya-Tujita kanambe ngwenyi,
Mungusolola limwe vungu kulimika ni yenu
munyachi wa Izalele.
O kumakanupinjisa chize ku unjililo wa Hamate
ndo ku chitwetwe cha ku Arapa.
Chokwe Bible © Bible Society in Angola, 1975.