AMOSE 4
4
1Ivwenu liji lino, enu ngombe a ku Mbashane,
enu nuli mu mulundu wa Samaria,
nwakupinjisa yiswale,
nwakufwenya akwa kuhona,
nwakwamba kuli akwenu-malunga ngwenu,
Nehenu tunwe.
2Mwene Yehova halishinga ni usandu wenyi ngwenyi,
Matangwa meza kwiza hali yenu
muze makanuchizako ni yikungo.
Waze makasulako makaachiza ni tuzambu.
3Munutuhukila ku yituwa ya yipanga-ya-mawe
mutu mweswe fwapu kumeso jenyi.
Makanumbila ku Kamone.
Chocho kanambe Yehova.
4Tweyenu ku Mbetele nukavulumune.
Tweyenu ku Ngilingali nukokese milonga.
Nehenu yitapo ha chimene tangwa ha tangwa
ni milambu yenu ya chihanda cha kumi ha matangwa atatu,
ha matangwa atatu.
5Lambulenu milambu ya kusakwila ya yuma ya futunwiso;
tambikenu milambu ya mbunge,
nukayambulule,
mumu chocho nwakuzanga kulinga, enu A-Izalele.
Chocho kanambe Mwene Yehova.
6Nanuhele makanwa ja zala mu yihunda yenu yeswe,
ni kuhona cha mbolo mweswe mu chifuchi chenu,
hindu kunwahilukile kuli yami.
Chocho kanambe Yehova.
7Nanuminyine vula muze kwasala hindu tukweji atatu ku matangwa a kucha.
Napwile nikutuma vula ha chihunda chimwe ni kukwika vula ha chihunda chikwo.
Munda umwe watambwile vula;
shimbu munda ukwo kuwatambwile mba womine.
8Akwa yihunda yiali yitatu endele ku chihunda chimuwika
akanwe meya hindu pwila kuyahwile.
Hindu kunwahilukile kuli yami.
Chocho kanambe Yehova.
9Nanulambile ni makonya ni mbundu;
napwishile manaka jenu ni minda yenu ya uva ya hululu;
mikuyu yenu ni miolevwe yenu yahwile kuli makumbi.
Hindu kunwahilukile kuli yami.
Chocho kanambe Yehova.
10Natumine hakachi kenu chilungo ngwe chize cha Engitu;
nashihile akweze jenu ni katana;
nambachile tuvwalu twenu;
napwishile yilombo yenu ya kukupuka vumba lipi mu mazulu jenu.
Hindu kunwahilukile kuli yami.
Chocho kanambe Yehova.
11Nanungwine amwe hakachi kenu
ngwe Zambi wanungwine Sondome ni Ngomora,
ni yenu nwapwile ngwe lukunyi wa
kuchanga mu mbwemena.
Hindu kunwahilukile kuli yami.
Chocho kanambe Yehova.
12Kashika mungulinga chino kuli yenu A-Izalele,
mba se mungulinga chino kuli yenu
hililulikenu kuliwana ni Zambi yenu enu A-Izalele.
13Mumu nyingikenu; yoze wakuwumba milundu, ni kutanga fuji;
yoze wakusolola manyonga jenyi kuli atu;
yoze wakwalumuna chimene chikapwe milima;
yoze wakuliata ha milundu ya hashi—
jina lienyi Yehova, Zambi-ya-Tujita.
Currently Selected:
AMOSE 4: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
AMOSE 4
4
1Ivwenu liji lino, enu ngombe a ku Mbashane,
enu nuli mu mulundu wa Samaria,
nwakupinjisa yiswale,
nwakufwenya akwa kuhona,
nwakwamba kuli akwenu-malunga ngwenu,
Nehenu tunwe.
2Mwene Yehova halishinga ni usandu wenyi ngwenyi,
Matangwa meza kwiza hali yenu
muze makanuchizako ni yikungo.
Waze makasulako makaachiza ni tuzambu.
3Munutuhukila ku yituwa ya yipanga-ya-mawe
mutu mweswe fwapu kumeso jenyi.
Makanumbila ku Kamone.
Chocho kanambe Yehova.
4Tweyenu ku Mbetele nukavulumune.
Tweyenu ku Ngilingali nukokese milonga.
Nehenu yitapo ha chimene tangwa ha tangwa
ni milambu yenu ya chihanda cha kumi ha matangwa atatu,
ha matangwa atatu.
5Lambulenu milambu ya kusakwila ya yuma ya futunwiso;
tambikenu milambu ya mbunge,
nukayambulule,
mumu chocho nwakuzanga kulinga, enu A-Izalele.
Chocho kanambe Mwene Yehova.
6Nanuhele makanwa ja zala mu yihunda yenu yeswe,
ni kuhona cha mbolo mweswe mu chifuchi chenu,
hindu kunwahilukile kuli yami.
Chocho kanambe Yehova.
7Nanuminyine vula muze kwasala hindu tukweji atatu ku matangwa a kucha.
Napwile nikutuma vula ha chihunda chimwe ni kukwika vula ha chihunda chikwo.
Munda umwe watambwile vula;
shimbu munda ukwo kuwatambwile mba womine.
8Akwa yihunda yiali yitatu endele ku chihunda chimuwika
akanwe meya hindu pwila kuyahwile.
Hindu kunwahilukile kuli yami.
Chocho kanambe Yehova.
9Nanulambile ni makonya ni mbundu;
napwishile manaka jenu ni minda yenu ya uva ya hululu;
mikuyu yenu ni miolevwe yenu yahwile kuli makumbi.
Hindu kunwahilukile kuli yami.
Chocho kanambe Yehova.
10Natumine hakachi kenu chilungo ngwe chize cha Engitu;
nashihile akweze jenu ni katana;
nambachile tuvwalu twenu;
napwishile yilombo yenu ya kukupuka vumba lipi mu mazulu jenu.
Hindu kunwahilukile kuli yami.
Chocho kanambe Yehova.
11Nanungwine amwe hakachi kenu
ngwe Zambi wanungwine Sondome ni Ngomora,
ni yenu nwapwile ngwe lukunyi wa
kuchanga mu mbwemena.
Hindu kunwahilukile kuli yami.
Chocho kanambe Yehova.
12Kashika mungulinga chino kuli yenu A-Izalele,
mba se mungulinga chino kuli yenu
hililulikenu kuliwana ni Zambi yenu enu A-Izalele.
13Mumu nyingikenu; yoze wakuwumba milundu, ni kutanga fuji;
yoze wakusolola manyonga jenyi kuli atu;
yoze wakwalumuna chimene chikapwe milima;
yoze wakuliata ha milundu ya hashi—
jina lienyi Yehova, Zambi-ya-Tujita.
Chokwe Bible © Bible Society in Angola, 1975.