AMOSE 2
2
1Yehova kanambe ngwenyi,
Mumu ha milonga yitatu ya Moape
hanji yiwana, chichi kahilwisa kastigu,
mumu halumuna kale
yifwaha ya mwanangana wa Endome.
2Chocho mungutuma kahia ha Moape
mukalalisa mbonge ja Keriote,
mba Moape makafwa ni Chizungozungo,
ni kukalumioka ni liji lia chitavwi.
3Munguteta mukwa kuyula hakachi ko,
mungukashiha alemu eswe hamwe nenyi.
Chocho kanambe Yehova.
4Yehova kanambe ngwenyi,
Mumu ha milonga yitatu ya Yunda
hanji yiwana, chichi kahilwisa kastigu,
mumu halituna shimbi ya Yehova
kafungile yiyulo yenyi.
Yuma yo ya kwonga hiyinaapiangula, yize tulamba two endele nayo.
5Chocho mungutuma kahia hali Yunda
mukalalisa mbonge ja Yerusaleme.
6Yehova kanambe ngwenyi,
Mumu ha milonga yitatu ya Izalele
hanji yiwana, chichi kahilwisa kastigu,
mumu kakulanjisa akwa ululi ha mbongo ja prata;
kakulanjisa yiswale ha haku jiali.
7Wano kakuliachila mitwe ya yiswale mu fufuta ya hashi;
kakupiangula jila ya akwa lamba.
Lunga ni tato kakupomba ni mwana-pwo umuwika
chocho kanajilula jina liami lisandu.
8Kakupomba ku lumbu lia chilumbilo cheswe
mu mahina a chifungo;
mba mu zuwo lia Zambi yo kakunwa
vinyu ya waze hanaafwetesa milonga.
9Alioze nanongesene A-Amore aze aaliangile;
Chizundamo cho chapwile ngwe cha misedru,
ni tachi jo ngwe tachi ja mitondo ya carvalho.
Nanongesene mihuko yenyi kwilu ni miji yenyi kushi.
10Chikwo nawa nanuchijile mu chifuchi cha Engitu
nikungongwela mu puya makumi awana a miaka
hanga nukatunge chifuchi cha A-Amore.
11Nazundwile amwe hakachi ka ana jenu
akapwe aprofeta,
ni amwe hakachi ka akweze jenu akapwe Anazireu.
Yehova kanambe ngwenyi,
Hi chocho ko, enu A-Izalele?
12Alioze nwanwishine Anazireu vinyu;
nwambile aprofeta ngwenu,
Kanda nuprofeteza.
13Kumanyi mungunushindununa muma mwenu,
ngwe temba lia yichita yakushindunuka.
14Tambu mujihwa kuli akwa tambu
ni akwa tachi kechi kapwa nawa ni tachi jo.
Chipwe akwa ndundo kechi kulamwina mwono wo.
15Ngashi kechi kalikoleza;
mukwa tambu kechi kalilamwina;
chipwe mukwa kwenda hali kavwalu
kechi kalamwina mwono wenyi.
16Mukwa mbunge ya hamu hakachi ka yitakame,
ha tangwa lize makachina uselesele.
Chocho kanambe Yehova.
Currently Selected:
AMOSE 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
