APOSTOLO 24
24
1Kulutwe lia matangwa atano, sasendote mukwa lutwe Ananiya wapalumukine ni amwe makulwana, hamwe ni umwe mukwa kwahanjikila, jina lienyi iye, Tertulu; asolwele kuli nguvulu yuma yize asumine Paulu. 2Muze amutumbikile, Tertulu waputukile kumusuma ngwenyi,
Twakuwaha ni sambukila yinji kuli yena, se ku mana je kakululika yuma yinji ha vungu lino, 3yetu twakuchisambilila matangwa eswe kweswe, Fwelishia mulemu Wahiana, ni kusakwila cheswe. 4Alioze hanga chichi kakulinda nawa, ngunaliumbu kuli yena, utwivwe kama hakepe ni umbovu we. 5Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno: 6iye nawa wesekele kujilula tembele, alioze twamukwachile, twazangile kumusopesa nikulita ni shimbi yetu. 7Alioze manjolo Leshia nikutulumuka hali yetu, wamuchijile ni kupupula chinene ku moko jetu. 8Nikwamba waze mamusuma, akaye kumeso je; ha kumusopesa yena mwene muhasa kusa chinyingi ha yino yuma yeswe tunamusumu.
9Ni A-Yunda nawa alifutwile ni kusuma chino, nikutayiza ngwo, Chochene.
10Muze nguvulu amulahwile ahanjike, Paulu wakumbulwile ngwenyi,
Se ngunanyingika ngwe ha miaka yinji yena wapwa sopi ku vungu lino, ngunalisambisa ni kuwaha chahiana. 11Kumumona ngwe kuchahianyine kumi lia matangwa ni matangwa aali, hanga nakandukile mukuwayila ku Yerusaleme: 12chipwe mu tembele kanguwanyineko nikuhangulula ni mutu niumwe, chipwe nikuzungulwisa mbunga, chipwe mu masunangonga, chipwe mu limbo, ka. 13Chipwe yinyingi ya yuma yize anangusumu nayo haliapwila, kahashile kuyisolola. 14Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta; 15nguli ni kutalatala kuli Zambi, chize ayo ene nawa kanachilawoka, ngwe kumukukapwa Uhindukilo wa eswe aali, ni akwa ululi ni yihenge. 16Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu. 17Achi, kulutwe lia miaka yinji nahetele mukuhana yawana ni milambu ku vungu liami: 18hohene anguwanyine mukwa kulipemesa mu tembele, hi ni mbunga ko, chipwe ni vunda, ka: alioze amwe A-Yunda a ku Eshia, 19waze chaatamba kusoloka kuno kumeso je, nikungusuma, kachi chuma chimwe anguli nacho. 20Shina wano ambe chitela chize awanyine muli yami, muze namanyine kumeso ja akwa kuyula, 21shina ha liji lino limuwika nakololokele nikumana hakachi ko ngwami, Kanangusopesa kuli yenu tangwa lino ha kutwala ku Uhindukilo wa afu.
22Fwelishia, nikunyingika pundu ha kutwala ku Jila yino, waashimbwishile, ngwenyi, Muze manjolo Leshia mapalumuka, mungukasopa chikuma chenu. 23Iye wambile kapitau akafunge Paulu, alioze amulweze vumbi, kanda akakwika niumwe wa kuli tusendo twenyi kumuvumbika.
24Kulutwe lia matangwa amwe, Fwelishia wahetele hamwe ni mukwo-pwo Ndrusela, iye Ka-Yunda, yasaka Paulu, yamwivwa ha kutwala ku Ufulielo muli Kristu Yesu. 25Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika. 26Alioze wanyongene nawa hanji Paulu mamwaha mbongo: kashika nawa watumine kanji kanji, akalishimwinyine nenyi. 27Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.
Currently Selected:
APOSTOLO 24: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 24
24
1Kulutwe lia matangwa atano, sasendote mukwa lutwe Ananiya wapalumukine ni amwe makulwana, hamwe ni umwe mukwa kwahanjikila, jina lienyi iye, Tertulu; asolwele kuli nguvulu yuma yize asumine Paulu. 2Muze amutumbikile, Tertulu waputukile kumusuma ngwenyi,
Twakuwaha ni sambukila yinji kuli yena, se ku mana je kakululika yuma yinji ha vungu lino, 3yetu twakuchisambilila matangwa eswe kweswe, Fwelishia mulemu Wahiana, ni kusakwila cheswe. 4Alioze hanga chichi kakulinda nawa, ngunaliumbu kuli yena, utwivwe kama hakepe ni umbovu we. 5Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno: 6iye nawa wesekele kujilula tembele, alioze twamukwachile, twazangile kumusopesa nikulita ni shimbi yetu. 7Alioze manjolo Leshia nikutulumuka hali yetu, wamuchijile ni kupupula chinene ku moko jetu. 8Nikwamba waze mamusuma, akaye kumeso je; ha kumusopesa yena mwene muhasa kusa chinyingi ha yino yuma yeswe tunamusumu.
9Ni A-Yunda nawa alifutwile ni kusuma chino, nikutayiza ngwo, Chochene.
10Muze nguvulu amulahwile ahanjike, Paulu wakumbulwile ngwenyi,
Se ngunanyingika ngwe ha miaka yinji yena wapwa sopi ku vungu lino, ngunalisambisa ni kuwaha chahiana. 11Kumumona ngwe kuchahianyine kumi lia matangwa ni matangwa aali, hanga nakandukile mukuwayila ku Yerusaleme: 12chipwe mu tembele kanguwanyineko nikuhangulula ni mutu niumwe, chipwe nikuzungulwisa mbunga, chipwe mu masunangonga, chipwe mu limbo, ka. 13Chipwe yinyingi ya yuma yize anangusumu nayo haliapwila, kahashile kuyisolola. 14Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta; 15nguli ni kutalatala kuli Zambi, chize ayo ene nawa kanachilawoka, ngwe kumukukapwa Uhindukilo wa eswe aali, ni akwa ululi ni yihenge. 16Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu. 17Achi, kulutwe lia miaka yinji nahetele mukuhana yawana ni milambu ku vungu liami: 18hohene anguwanyine mukwa kulipemesa mu tembele, hi ni mbunga ko, chipwe ni vunda, ka: alioze amwe A-Yunda a ku Eshia, 19waze chaatamba kusoloka kuno kumeso je, nikungusuma, kachi chuma chimwe anguli nacho. 20Shina wano ambe chitela chize awanyine muli yami, muze namanyine kumeso ja akwa kuyula, 21shina ha liji lino limuwika nakololokele nikumana hakachi ko ngwami, Kanangusopesa kuli yenu tangwa lino ha kutwala ku Uhindukilo wa afu.
22Fwelishia, nikunyingika pundu ha kutwala ku Jila yino, waashimbwishile, ngwenyi, Muze manjolo Leshia mapalumuka, mungukasopa chikuma chenu. 23Iye wambile kapitau akafunge Paulu, alioze amulweze vumbi, kanda akakwika niumwe wa kuli tusendo twenyi kumuvumbika.
24Kulutwe lia matangwa amwe, Fwelishia wahetele hamwe ni mukwo-pwo Ndrusela, iye Ka-Yunda, yasaka Paulu, yamwivwa ha kutwala ku Ufulielo muli Kristu Yesu. 25Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika. 26Alioze wanyongene nawa hanji Paulu mamwaha mbongo: kashika nawa watumine kanji kanji, akalishimwinyine nenyi. 27Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.