APOSTOLO 22
22
1Mandumbu ni atata, ivwenu haliapwila kulisambisa chami kuli yenu.
2Muze evwile te wahanjikile kuli ayo mu limi lia Hepreu, aholele kuhiana:
3iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino. 4Nahungumionene Jila yino ndo ku kufwa, nikwakasa, nikukunjika ku mazuwo ja ususu, ni malunga ni mapwo. 5Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.
6Shimbu nendele mu wenyi nikukundama ku Ndamaseku, ngwe tangwa ha muchima, susumuku mwahenyene mwilu pangu linene ha kungujingilika. 7Nalimbukile hashi, yingwivwa liji lia kwamba kuli yami ngwo, Saulu, Saulu, kuchi te unanguhungumiona? 8Nakumbulwile ngwami, Mwene, yena iya?
Iye wambile kuli yami ngwenyi, Yami Yesu, Ka-Nazare, yoze yena unamuhungumiona. 9Alioze waze apwile hamwe ni yami, amwene lie pangu, azalile tò ni woma, alioze kevwile liji lia yoze wahanjikile ni yami. 10Mba nambile ngwami, Kuchi mungulinga, Mwene? Mwene wambile kuli yami ngwenyi, Katuka, uye ku Ndamaseku; kuze kumakakwambuwila ha kutwala ku yuma yize yeswe hanakuselayo kulinga. 11Muze Chahashile kumona mumu ha uhenya wa pangu lize, yangutwala ku kwoko lia waze apwile hamwe ni yami, chocho nahetele ku Ndamaseku.
12Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko, 13wejile kuli yami, nikumana hakamwihi, wambile kuli yami ngwenyi, Ndumbu Saulu, laula meso. Ha ola yize yene nalawile meso, namumwene. 14Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi. 15Mumu kumukapwa chela hali iye kuli atu eswe, ha chize hiwamona, ni chize hiwevwa. 16Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.
17Chapwile muze te hinahiluka ku Yerusaleme, shimbu munguchilemba mu tembele, napwile ngwe mu tulo, 18namumwene, kanambe kuli yami ngwenyi, Lipupwise, ukatuke nikawashi ku Yerusaleme, mumu kechi katambula Shindakenyo ye hali yami. 19Nambile ngwami, Mwene, o kananyingika ngwe yami napwile nikuyika mu mazuwo ja ususu, nikulamba mu masunangonga waze eswe akufuliela yena. 20Muze amwangine manyinga ja chela che Eshetevau, yami nawa te ngunamanako, nikuchitayiza, nikufunga mazalo ja waze amushihile. 21Iye wambile kuli yami ngwenyi, Yako: mumu mungukutuma kusuku kuli akwa mavungu.
22O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono. 23Shimbu machikololoka, nikumbila mazalo jo, nikwasa fufuta mu tetela, 24manjolo wambile amunjise mu mbonge, akamweseke ha kulamba ni shikote, hanga ase chinyingi ha chikuma chize akalumiokene chocho hali iye. 25Alioze shimbu machimukesa ni yikapa, Paulu wambile kuli kapitau, yoze wamanyineko ngwenyi, Kuchinate ni shimbi kulamba ni shikote mutu Ka-Roma shimbu kanda amusopesa, nyi? 26Muze kapitau achivwile, wayile akachambulule kuli manjolo ngwenyi, Kuchi unambe kulinga? Mumu yono mutu Ka-Roma. 27Manjolo wayile, wambile kuli iye ngwenyi, Ngwambulwile, yena uli Ka-Roma, nyi? Iye wambile ngwenyi, Ewa, nguli Ka-Roma. 28Manjolo wakumbulwile ngwenyi, Ha ndando yinene nazukile ulemu uno. Paulu wambile ngwenyi, Alioze yami nasemukine Ka-Roma. 29Haze hene waze ambile kumweseka, amuhichikile, manjolo wevwile woma nawa, muze asele chinyingi ngwo, Iye Ka-Roma, mumu ha kumukasa.
30Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.
Currently Selected:
APOSTOLO 22: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 22
22
1Mandumbu ni atata, ivwenu haliapwila kulisambisa chami kuli yenu.
2Muze evwile te wahanjikile kuli ayo mu limi lia Hepreu, aholele kuhiana:
3iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino. 4Nahungumionene Jila yino ndo ku kufwa, nikwakasa, nikukunjika ku mazuwo ja ususu, ni malunga ni mapwo. 5Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.
6Shimbu nendele mu wenyi nikukundama ku Ndamaseku, ngwe tangwa ha muchima, susumuku mwahenyene mwilu pangu linene ha kungujingilika. 7Nalimbukile hashi, yingwivwa liji lia kwamba kuli yami ngwo, Saulu, Saulu, kuchi te unanguhungumiona? 8Nakumbulwile ngwami, Mwene, yena iya?
Iye wambile kuli yami ngwenyi, Yami Yesu, Ka-Nazare, yoze yena unamuhungumiona. 9Alioze waze apwile hamwe ni yami, amwene lie pangu, azalile tò ni woma, alioze kevwile liji lia yoze wahanjikile ni yami. 10Mba nambile ngwami, Kuchi mungulinga, Mwene? Mwene wambile kuli yami ngwenyi, Katuka, uye ku Ndamaseku; kuze kumakakwambuwila ha kutwala ku yuma yize yeswe hanakuselayo kulinga. 11Muze Chahashile kumona mumu ha uhenya wa pangu lize, yangutwala ku kwoko lia waze apwile hamwe ni yami, chocho nahetele ku Ndamaseku.
12Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko, 13wejile kuli yami, nikumana hakamwihi, wambile kuli yami ngwenyi, Ndumbu Saulu, laula meso. Ha ola yize yene nalawile meso, namumwene. 14Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi. 15Mumu kumukapwa chela hali iye kuli atu eswe, ha chize hiwamona, ni chize hiwevwa. 16Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.
17Chapwile muze te hinahiluka ku Yerusaleme, shimbu munguchilemba mu tembele, napwile ngwe mu tulo, 18namumwene, kanambe kuli yami ngwenyi, Lipupwise, ukatuke nikawashi ku Yerusaleme, mumu kechi katambula Shindakenyo ye hali yami. 19Nambile ngwami, Mwene, o kananyingika ngwe yami napwile nikuyika mu mazuwo ja ususu, nikulamba mu masunangonga waze eswe akufuliela yena. 20Muze amwangine manyinga ja chela che Eshetevau, yami nawa te ngunamanako, nikuchitayiza, nikufunga mazalo ja waze amushihile. 21Iye wambile kuli yami ngwenyi, Yako: mumu mungukutuma kusuku kuli akwa mavungu.
22O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono. 23Shimbu machikololoka, nikumbila mazalo jo, nikwasa fufuta mu tetela, 24manjolo wambile amunjise mu mbonge, akamweseke ha kulamba ni shikote, hanga ase chinyingi ha chikuma chize akalumiokene chocho hali iye. 25Alioze shimbu machimukesa ni yikapa, Paulu wambile kuli kapitau, yoze wamanyineko ngwenyi, Kuchinate ni shimbi kulamba ni shikote mutu Ka-Roma shimbu kanda amusopesa, nyi? 26Muze kapitau achivwile, wayile akachambulule kuli manjolo ngwenyi, Kuchi unambe kulinga? Mumu yono mutu Ka-Roma. 27Manjolo wayile, wambile kuli iye ngwenyi, Ngwambulwile, yena uli Ka-Roma, nyi? Iye wambile ngwenyi, Ewa, nguli Ka-Roma. 28Manjolo wakumbulwile ngwenyi, Ha ndando yinene nazukile ulemu uno. Paulu wambile ngwenyi, Alioze yami nasemukine Ka-Roma. 29Haze hene waze ambile kumweseka, amuhichikile, manjolo wevwile woma nawa, muze asele chinyingi ngwo, Iye Ka-Roma, mumu ha kumukasa.
30Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.