APOSTOLO 15
15
1Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose. 2Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino. 3Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene. 4Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no. 5Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.
6Mba apostolo ni makulwana akungulukile mukusopa chuma chino. 7Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele. 8Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa; 9kapwishile kulipalikila hakachi ketu ni ayo, alioze wapemesene mbunge jo ku Ufulielo. 10Haliapwila kashika, kuchi te nuneseka Zambi, mukusa kanga ha kota ya tumbaji, yize chipwe tulamba twetu, chipwe yetu, kutwahashile kumbata. 11Alioze tunafuliela makatulamwina ku vumbi lia Mwene Yesu, chizechene ngwe ayo nawa.
12Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo. 13Muze te hahola, Tiangu wakumbulwile ngwenyi, Mandumbu, ngwivwenu: 14Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi. 15Mba chino nawa chinalite ni maliji ja aprofeta; ngwe chinasonewa ngwo,
16Kulutwe lia yino yuma mungukahiluka,
mungukatungulula mbalaka ya David yize hiyinapuzuka;
mungukatungulula yikulu yayo, mungukayimika:
17hanga masalila ja atu akafupe Mwene,
ni akwa mavungu eswe, waze hali ayo jina liami analivuluka,
chocho anambe Mwene, yoze wakulinga yino yuma yeswe.
18Zambi kananyingika yitanga yenyi yeswe chize ku miakulwila.
19Kashika ngunapatula ngwami, Kanda tukapinjisa waze a kuli akwa mavungu matewulukila kuli Zambi; 20alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga. 21Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.
22Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu; 23o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu. 24Mumu te hitunevu ngwo, Amwe a kukatuka kuli yetu, hananupikala ni maliji, nikulumbula mbunge jenu, ngwo, Chanutamba kupwa ngalami, nukatunge shimbi, alioze yetu kutwaahele poko niyimwe. 25Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo. 26Atu aze hanasela mwono wo ku Utoji ha jina lia Mwene wetu Yesu Kristu. 27Yetu kashika, hitwatuma Yunda ni Saila, waze nawa kumakanwambulwila ni makanwa jo yuma yimuwika. 28Mumu hichapemena Spiritu Musandu, ni yetu, ngwetu, Kanda tunutwika chilemu kuhiana yino yuma Chanutamba kulinga: 29ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.
30Kashika, muze aashikile, apalumukine ku Andiakia; ni muze te hakungulula chizavu, aakunjikile mukanda. 31Mba muze te hautanga, awahililile ha kwivwa kulembejeka chize. 32Ni Yunda ni Saila, se o nawa aprofeta, ashinjilile atu ni maliji anji, nikwatakamisa. 33Muze hatwama shimbu, mandumbu aashikile ni sambukila, ahilukile kuli waze aatumine. 34Alioze chapemenene Saila kutwamako. 35Ni Paulu ni Mbarnavwe anyongonwene mu Andiakia, nikulongesa nikwambujola sango lipema lia liji lia Mwene hamwe ni akwo anji nawa.
36Kulutwe lia matangwa amwe, Paulu wambile kuli Mbarnavwe ngwenyi, Tuhiluke, tukameneke mandumbu jetu mu membo eswe kuze twambujolele liji lia Mwene, tukatale chize anapu. 37Mbamavwe wazangile Yoano, jina lienyi likwo Marku, akaye hamwe no. 38Alioze Paulu kachinyongene chipema akaye hamwe no, yoze waehukile, nikuhiluka ku Pamafwila, kayile no ku milimo. 39Kwakatukile kashika kulihamika chinene, chocho alihandunwine umwe kuli mukwo, ni Mbarnavwe wayile ni Marku, akende mu ulungu ku Saipuru: 40alioze Paulu watongwele Saila, wakatukile, se mandumbu hamukunjika ku vumbi lia Mwene. 41Iye wapalikile ndusu mu Seria ni Selishia, nikutakamisa yikungulwila.
Currently Selected:
APOSTOLO 15: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
APOSTOLO 15
15
1Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose. 2Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino. 3Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene. 4Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no. 5Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.
6Mba apostolo ni makulwana akungulukile mukusopa chuma chino. 7Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele. 8Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa; 9kapwishile kulipalikila hakachi ketu ni ayo, alioze wapemesene mbunge jo ku Ufulielo. 10Haliapwila kashika, kuchi te nuneseka Zambi, mukusa kanga ha kota ya tumbaji, yize chipwe tulamba twetu, chipwe yetu, kutwahashile kumbata. 11Alioze tunafuliela makatulamwina ku vumbi lia Mwene Yesu, chizechene ngwe ayo nawa.
12Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo. 13Muze te hahola, Tiangu wakumbulwile ngwenyi, Mandumbu, ngwivwenu: 14Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi. 15Mba chino nawa chinalite ni maliji ja aprofeta; ngwe chinasonewa ngwo,
16Kulutwe lia yino yuma mungukahiluka,
mungukatungulula mbalaka ya David yize hiyinapuzuka;
mungukatungulula yikulu yayo, mungukayimika:
17hanga masalila ja atu akafupe Mwene,
ni akwa mavungu eswe, waze hali ayo jina liami analivuluka,
chocho anambe Mwene, yoze wakulinga yino yuma yeswe.
18Zambi kananyingika yitanga yenyi yeswe chize ku miakulwila.
19Kashika ngunapatula ngwami, Kanda tukapinjisa waze a kuli akwa mavungu matewulukila kuli Zambi; 20alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga. 21Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.
22Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu; 23o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu. 24Mumu te hitunevu ngwo, Amwe a kukatuka kuli yetu, hananupikala ni maliji, nikulumbula mbunge jenu, ngwo, Chanutamba kupwa ngalami, nukatunge shimbi, alioze yetu kutwaahele poko niyimwe. 25Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo. 26Atu aze hanasela mwono wo ku Utoji ha jina lia Mwene wetu Yesu Kristu. 27Yetu kashika, hitwatuma Yunda ni Saila, waze nawa kumakanwambulwila ni makanwa jo yuma yimuwika. 28Mumu hichapemena Spiritu Musandu, ni yetu, ngwetu, Kanda tunutwika chilemu kuhiana yino yuma Chanutamba kulinga: 29ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.
30Kashika, muze aashikile, apalumukine ku Andiakia; ni muze te hakungulula chizavu, aakunjikile mukanda. 31Mba muze te hautanga, awahililile ha kwivwa kulembejeka chize. 32Ni Yunda ni Saila, se o nawa aprofeta, ashinjilile atu ni maliji anji, nikwatakamisa. 33Muze hatwama shimbu, mandumbu aashikile ni sambukila, ahilukile kuli waze aatumine. 34Alioze chapemenene Saila kutwamako. 35Ni Paulu ni Mbarnavwe anyongonwene mu Andiakia, nikulongesa nikwambujola sango lipema lia liji lia Mwene hamwe ni akwo anji nawa.
36Kulutwe lia matangwa amwe, Paulu wambile kuli Mbarnavwe ngwenyi, Tuhiluke, tukameneke mandumbu jetu mu membo eswe kuze twambujolele liji lia Mwene, tukatale chize anapu. 37Mbamavwe wazangile Yoano, jina lienyi likwo Marku, akaye hamwe no. 38Alioze Paulu kachinyongene chipema akaye hamwe no, yoze waehukile, nikuhiluka ku Pamafwila, kayile no ku milimo. 39Kwakatukile kashika kulihamika chinene, chocho alihandunwine umwe kuli mukwo, ni Mbarnavwe wayile ni Marku, akende mu ulungu ku Saipuru: 40alioze Paulu watongwele Saila, wakatukile, se mandumbu hamukunjika ku vumbi lia Mwene. 41Iye wapalikile ndusu mu Seria ni Selishia, nikutakamisa yikungulwila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.