MUKANDA WAMUCHIALI WA TIMOTEU 4
4
1Shimbi ngunakwehe kumeso ja Zambi ni Kristu Yesu, yoze makapatwila a mwono ni afu, ni ku usolokelo wenyi ni wanangana wenyi, 2ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe. 3Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene. 4Makatewulula matwi jo ku umwenemwene, makakondolokela ku yishima yamokomoko. 5Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.
6Mumu himungutehuka, mwaka wa kutusuka chami hiweza. 7Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo. 8Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.
9Lipupwise kwiza kuli yami nikawashi: 10mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia. 11Luka wika ali hamwe ni yami. Hitula Marku, ukamunehe hamwe ni yena, mumu kanangutela ha uvumbiko. 12Alioze Techiku hingunamutumu ku Efwesu. 13Chikuto chize nahichikile ku Troa mu zuwo lia Karpu, ukachinehe muze muwiza, ni mikanda, kuhiana chikolo yize ya malambu. 14Alezandre fuli-unengu, wangulingile yipi yinji: Mwene makamwaha nikulita ni yitanga yenyi 15Kanyama nenyi, yena nawa, mumu walimikine chikolo ni maliji jetu. 16Ha kukumbulula chami chitangu, niumwe kamanyine ni yami, alioze eswe angwehukile: kanda akaatwikacho. 17Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba. 18Mwene kumakangupulula ku yitanga yeswe yipi, makangulamwina ndo ku wanangana wenyi wa mwilu: uhenya ukapwe kuli iye ndo ku miaka yeswe ya mutolo. Amene.
19Meneka Priska ni Akwila, ni akwa zuwo lia Onesefworu. 20Erastu wasalile ku Korindu: aiioze nahichikile Trofwimu kunyima ku Miletu, kayiza. 21Lipupwise kwiza shimbu mwaka wa chishika kanda uheta. Upulu kanakumeneka, ni Pundene, ni Linu, ni Kelautia, ni mandumbu eswe.
22Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.
Currently Selected:
MUKANDA WAMUCHIALI WA TIMOTEU 4: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MUKANDA WAMUCHIALI WA TIMOTEU 4
4
1Shimbi ngunakwehe kumeso ja Zambi ni Kristu Yesu, yoze makapatwila a mwono ni afu, ni ku usolokelo wenyi ni wanangana wenyi, 2ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe. 3Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene. 4Makatewulula matwi jo ku umwenemwene, makakondolokela ku yishima yamokomoko. 5Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.
6Mumu himungutehuka, mwaka wa kutusuka chami hiweza. 7Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo. 8Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.
9Lipupwise kwiza kuli yami nikawashi: 10mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia. 11Luka wika ali hamwe ni yami. Hitula Marku, ukamunehe hamwe ni yena, mumu kanangutela ha uvumbiko. 12Alioze Techiku hingunamutumu ku Efwesu. 13Chikuto chize nahichikile ku Troa mu zuwo lia Karpu, ukachinehe muze muwiza, ni mikanda, kuhiana chikolo yize ya malambu. 14Alezandre fuli-unengu, wangulingile yipi yinji: Mwene makamwaha nikulita ni yitanga yenyi 15Kanyama nenyi, yena nawa, mumu walimikine chikolo ni maliji jetu. 16Ha kukumbulula chami chitangu, niumwe kamanyine ni yami, alioze eswe angwehukile: kanda akaatwikacho. 17Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba. 18Mwene kumakangupulula ku yitanga yeswe yipi, makangulamwina ndo ku wanangana wenyi wa mwilu: uhenya ukapwe kuli iye ndo ku miaka yeswe ya mutolo. Amene.
19Meneka Priska ni Akwila, ni akwa zuwo lia Onesefworu. 20Erastu wasalile ku Korindu: aiioze nahichikile Trofwimu kunyima ku Miletu, kayiza. 21Lipupwise kwiza shimbu mwaka wa chishika kanda uheta. Upulu kanakumeneka, ni Pundene, ni Linu, ni Kelautia, ni mandumbu eswe.
22Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.