1 YOANO 3
3
1Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye. 2Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa. 3Ni mweswe uli ni kutalatala chino muli iye, kakulitomesa chizechene ngwe iye mutoma.
4Mweswawo mavulumiona, iye chihulia nawa; ni shili we uhulia. 5Ni yenu nunanyingika hanamusolola hanga akachize milonga, ni muli iye shili yakuhi niyimwe. 6Mweswawo matwama muli iye, keshi kuvulumiona: mweswawo mavulumiona kamumwene, chipwe kamunyingikineko. 7Yenu ana akepe, niumwe kanda akanwonga: yoze wakulingalinga ululi iye mukwa ululi, chizechene ngwe iye mukwa ululi. 8Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu. 9Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi. 10Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.
11Mumu lino lie liji lize nwevwile chize ku uputukilo, ngwetu, Chatutamba kulizanga umwe ni mukwo ni mukwo. 12Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi. 13Kanda nukomoka, mandumbu, kachi akwa hashi manuvwila kole. 14Tunanyingika hitunakatuka ku kufwa ndo ku mwono, mumu twakuzanga mandumbu. Yoze keshi kuzanga, kanatwama mu kufwa. 15Mweswawo mapwa ni kole kuli Ndumbwenyi iye chingalwe, mba nunanyingika chingalwe niumwe uli ni mwono wa mutolo muli iye. 16Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu. 17Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye? 18Anami akepe, kanda tuzanga ni liji, chipwe ni limi; aiioze ni yitanga ni umwenemwene.
19Ku chino mutukanyingika tuli a ku umwenemwene, mutukakununa mbunge jetu kumeso jenyi. 20Mumu kachi mbunge jetu mujituhisa, kachi Zambi iye munene wahiana mbunge jetu, kananyingika yuma yeswe. 21Akwetu a zango, kachi mbunge jetu kujishi kutuhisa, kachi hamu tuli nalio kuli Zambi; 22ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi. 23Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi. 24Ni waze mafunga shimbi jenyi, matwama muli iye, iye matwama muli ayo; ni ku chino tunanyingika katwama muli yetu, te kuli Spiritu yoze hanatwehe.
Currently Selected:
1 YOANO 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
1 YOANO 3
3
1Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye. 2Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa. 3Ni mweswe uli ni kutalatala chino muli iye, kakulitomesa chizechene ngwe iye mutoma.
4Mweswawo mavulumiona, iye chihulia nawa; ni shili we uhulia. 5Ni yenu nunanyingika hanamusolola hanga akachize milonga, ni muli iye shili yakuhi niyimwe. 6Mweswawo matwama muli iye, keshi kuvulumiona: mweswawo mavulumiona kamumwene, chipwe kamunyingikineko. 7Yenu ana akepe, niumwe kanda akanwonga: yoze wakulingalinga ululi iye mukwa ululi, chizechene ngwe iye mukwa ululi. 8Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu. 9Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi. 10Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.
11Mumu lino lie liji lize nwevwile chize ku uputukilo, ngwetu, Chatutamba kulizanga umwe ni mukwo ni mukwo. 12Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi. 13Kanda nukomoka, mandumbu, kachi akwa hashi manuvwila kole. 14Tunanyingika hitunakatuka ku kufwa ndo ku mwono, mumu twakuzanga mandumbu. Yoze keshi kuzanga, kanatwama mu kufwa. 15Mweswawo mapwa ni kole kuli Ndumbwenyi iye chingalwe, mba nunanyingika chingalwe niumwe uli ni mwono wa mutolo muli iye. 16Ku chino tunanyingika zango, mumu iye watumbikile mwono wenyi hali yetu: chatutamba yetu kutumbika mwono wetu hali mandumbu. 17Alioze yoze mapwa ni yikumba ya hano hashi, mamona ndumbwenyi kanahono, makalisa mbunge yenyi kuli iye, ngwe kuchi zango lia Zambi mulitwama muli iye? 18Anami akepe, kanda tuzanga ni liji, chipwe ni limi; aiioze ni yitanga ni umwenemwene.
19Ku chino mutukanyingika tuli a ku umwenemwene, mutukakununa mbunge jetu kumeso jenyi. 20Mumu kachi mbunge jetu mujituhisa, kachi Zambi iye munene wahiana mbunge jetu, kananyingika yuma yeswe. 21Akwetu a zango, kachi mbunge jetu kujishi kutuhisa, kachi hamu tuli nalio kuli Zambi; 22ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi. 23Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi. 24Ni waze mafunga shimbi jenyi, matwama muli iye, iye matwama muli ayo; ni ku chino tunanyingika katwama muli yetu, te kuli Spiritu yoze hanatwehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.